神戶北之坂 (已結業)

經過荃西海之戀既Donki Food court, 佢有好多間餐廳，唯獨呢間係食和洋食(日本人「改良」左既西餐), 就諗住試下。之前都試過幾次意粉，但次次都伏！汁少，意粉唔索味，好多客人都食淨好多意粉。所以係唔推介既。唯獨佢既蛋包飯，真係好好味，一試再試。叫左60幾蚊連set A既蕃茄雞肉蛋包飯，加7蚊就包湯、凍／熱野飲(同價)、沙律，超抵！首先，佢個蕃茄汁好懷舊，有童年既味道～個人覺得好好食，味道唔complicated而好直接。汁識叫一定叫多汁，撈落d蛋包飯同雞度超正！蛋夠滑，飯都幾好，每粒分明每粒都香，唔會痴埋一舊。雞肉調味有點港式既味道，但勝在夠滑嫩，齋食未必好食，但配埋蕃茄汁真係好正。沙律普通，叫做健康d咁。凍檸茶都係一般貨色，但加7蚊包咁多野算抵。粟米湯就真係唔得，佢地用粉沖，整好左一大壺咁，又潔身又無乜味。整體而言，成間餐廳試勻晒，CP值最高、最可取一定係呢個蛋包飯（咖哩豬扒蛋包飯都唔錯，但個人較喜歡呢個）。意粉唔洗試，伏。