影片
更多
2020-11-17
616 浏览
Donki有唔少熟食🍱都唔錯，不過食黎食去都係固定某幾款食得多都會厭 (有人都同我一樣嗎? 🤣) 有時係入面行得夜又唔想食熟食，就會幫襯出面既food court🙉 今次介紹既呢間西日式快餐店以主食為主，意粉🍝、蛋包飯、焗飯🍛加埋有成19個選擇咁多，最平既50蚊就有交易，另外仲有5款套餐加7至24蚊就有粟米忌廉湯🥣 / 飲品☕️ & 沙律🥗 / 炸雞🍗 / 蛋糕🍰，選擇都幾多🤩係收銀處落單後拎住個取餐器🧿等10-15分鐘叫號就可以取餐，值得一提既係呢度全部主食都係即叫即焗/製，用餐時切記小心唔好辣親呀⚠️******************************✨芝士焗咖喱吉列豬扒飯🧀🐷🍛 ($54)呢間快餐店既彈性都幾大，基本上每款焗飯都有兩款唔同醬汁供客人選擇，而呢款吉列豬扒飯就有白汁/咖喱汁可以揀；既然食得西日菜，當然要試下呢度既咖喱汁啦🤗 不論係香氣定係味道，呢度既咖哩汁同係日本🇯🇵食過既有分別就一定架啦，不過個人認為還原度都幾高，起碼質感夠濃稠，味道亦夠濃郁，帶有日式咖喱獨有既辛辣香氣但食落唔會辣；另外好懷疑呢度既芝士🧀係咪唔洗錢，成個焗飯上面都鋪滿左邪惡既拉絲芝士非常吸引，白
Donki有唔少熟食🍱都唔錯，不過食黎食去都係固定某幾款食得多都會厭 (有人都同我一樣嗎? 🤣) 有時係入面行得夜又唔想食熟食，就會幫襯出面既food court🙉
今次介紹既呢間西日式快餐店以主食為主，意粉🍝、蛋包飯、焗飯🍛加埋有成19個選擇咁多，最平既50蚊就有交易，另外仲有5款套餐加7至24蚊就有粟米忌廉湯🥣 / 飲品☕️ & 沙律🥗 / 炸雞🍗 / 蛋糕🍰，選擇都幾多🤩
係收銀處落單後拎住個取餐器🧿等10-15分鐘叫號就可以取餐，值得一提既係呢度全部主食都係即叫即焗/製，用餐時切記小心唔好辣親呀⚠️
******************************
✨芝士焗咖喱吉列豬扒飯🧀🐷🍛 ($54)
呢間快餐店既彈性都幾大，基本上每款焗飯都有兩款唔同醬汁供客人選擇，而呢款吉列豬扒飯就有白汁/咖喱汁可以揀；既然食得西日菜，當然要試下呢度既咖喱汁啦🤗
不論係香氣定係味道，呢度既咖哩汁同係日本🇯🇵食過既有分別就一定架啦，不過個人認為還原度都幾高，起碼質感夠濃稠，味道亦夠濃郁，帶有日式咖喱獨有既辛辣香氣但食落唔會辣；另外好懷疑呢度既芝士🧀係咪唔洗錢，成個焗飯上面都鋪滿左邪惡既拉絲芝士非常吸引，白飯🍚拌芝士+咖喱汁一齊食，開胃又惹味🤤
吉列豬扒🐷既質素都唔錯，外層炸至金黃，食既時候仲冒緊煙♨️；至於口感就夠晒香脆，唔會一陣油溢味令人感覺油膩，肉質亦唔會又乾又鞋😋
個人認為呢個焗飯無論味道、份量還是價錢都不錯，值得推介大家一試👐🏻
-
✨芝士雞肉焗奄列飯 🧀🐔🥚($50)
呢個焗奄列飯同樣有大量芝士🧀係上面，唔知係咪因為焗過既緣故，奄列既蛋皮🥚偏乾同埋有d老😣
奄列入面既雞肉🐔比較少，同埋唔係完整既肉粒；至於米飯🍚望落有蕃茄醬🥫既色水，但食落就無乜味道，同埋因為醬汁唔多所以整體口感偏乾，比起咖喱吉列豬扒飯就明顯失色😣
-
🍴套餐A 🌽🥗☕️(+$7)
只需7蚊就有齊粟米忌廉湯🌽🥣、沙律🥗同飲品☕️都幾抵，平時係餐廳最少都10蚊起跳🤔粟米忌廉湯🌽好濃好creamy，內有不少粟米粒，味道同係日本街頭飲品販賣機買到既罐頭粟米濃湯係一樣😋
沙律係和風田園沙律🥗，有蕃茄仔🍅、粟米粒🌽、青瓜🥒同雜菜🥬，非常新鮮👍🏻
至於飲品就可以揀汽水🥤/ 凍熱檸檬茶or水🍋 / 奶茶 / 咖啡☕️
******************************
👧🏻人均消費：$60
😋味道指數：3.5/5
💰抵食指數：4/5
🪑環境指數：3.5/5
💁🏻♀️服務指數：3/5
👍🏻再訪指數：4/5
-
📍神戶北之坂
地址：荃灣大河道100號海之戀商場2樓激安之殿堂美食廣場內
⏰營業時間：10:00–22:00 (Mon–Sun)
(📍太古亦有分店，營業時間有所不同)
张贴
