神廚館 (已搬遷) 新店位置

大角咀一帶有很多美食，只是自己懶去搵食；上週因相識的會友辨白事，才走入這個地區探索。　神廚館是第一間發現的食店。店子小小，只得幾張餐檯，門面簡陋不起眼，若不是在openrice看過其食評介紹，一定會走過算。當日乃是禁食最後一天，與煎蛋海苔窩燒墨魚餅飯無緣了，便試招標另一美極香煎薄牛扒飯。美極汁相當咸，因此根本吃不出牛扒的牛味，只知梳打牛扒肉質很稔。我覺得牛扒水準不算壞，亦不特別叫好，其實真正要讚是蒜蓉與香蔥，令牛扒滋味豐富了好多。　再上一杯大大杯，但有點淡的凍奶茶，埋單$32，平倒是幾平，至於驚喜嘛，我會期待下一次與墨魚餅過招!

上次老闆娘(好似係)推介話咖喱牛腩好味~所以今次決定要試下~叫左個咖喱牛腩and 椒鹽排骨~老闆娘又送左個紫菜魚湯比我~^^咖喱牛腩($35) ★★★★★★★★★☆d咖喱雖然冇印度咖喱咁香~但係都好好味~食落口有少少辣and香味~牛腩好淋好入味~正丫~椒鹽排骨($26) ★★★★★★★☆☆☆幾香口~幾好味~紫菜魚湯($0) ★★★★★★★☆☆☆比上次咸左d, 不過冇咁腥~比上次好飲~服務依然係好好~個廚師仲走出黎同我地傾計~問我地意見~老闆娘又問我地+唔+飯~個湯夠唔夠丫~咁既服務真係好難得~

第一次黎都幾難搵到間野~叫左個美極香煎薄牛扒飯and 招牌煎蛋海苔窩燒墨魚餅飯美極香煎薄牛扒飯($28) ★★★★★★★★★☆美極汁加上蒜蓉同香蔥~用黎送飯真係一流~不過都幾咸下~牛扒都好淋, 好好味~招牌煎蛋海苔窩燒墨魚餅飯($30) ★★★★★★★★★☆墨魚餅係即整ge~送到枱時好香and夠晒熱, 但係又唔會油woo, 加上煎蛋海苔一齊食~正~紫菜魚湯($0) ★★★★★★☆☆☆☆老闆娘送ge~奶白色的魚湯, 有些海苔and香蔥, 入口有d胡椒味and少少腥, 味道都幾好~服務方面非常好~時不時會問我地d野食得唔得~夠唔夠飯,唔夠可以加~又推介話其他客人話咖喱牛腩都好味~下次可以試下~環境方面都好干淨~但店鋪比較細, 只有3-4張枱~

很久之前試過，但因這裡的開放時間未能配合，所以一直也沒有再來第二次；早前有事到大角咀，又剛好有點肚餓，就決定再來試試。叫了招牌煎蛋海苔窩燒墨魚餅飯和紫菜濃湯魚上骨湯。紫菜濃湯魚上骨湯- 紫菜味清甜又有益，湯底魚味雖然唔算太濃，但也幾好飲，最少飲完唔會太口喝，可以一試。招牌煎蛋海苔窩燒墨魚餅飯- 蛋是唔反面的煎蛋，半生熟，撈飯食就最好味了，墨魚餅墨魚味還是這樣香濃，煎得金黃色又好香，爽口又有質感；雖然之前的食友話怕怕，就間唔中食一次，還是可以接受的。

看見那麼多網友們的食評, 我想你們真的不知道所謂好味的墨魚餅是用甚麼來做的...約於3年半前, 我因工作的關係, 每天都在這店吃早餐的, 當然墨魚粒也是我的必然之選, 直到有一天, 我親眼看見它的製作過程後, 我已怕怕了....材料:雪藏墨魚桶(肉)(大量), 紅蘿蔔(小量), 白色的肥肥肥豬肉(大量)(份量與大約墨魚肉相約)相信要減肥及注意健康的朋友們, 要想清楚才點來吃!!!

2/8/07 老闆個仔做樓面,好熱情,好有禮貌,好細心墨魚餅飯:熱辣辣,有墨魚味及粒,都幾彈牙,及有杯野飲鴨腿湯飯:湯底一般,濃左d,鴨腿可以再煮淋d就仲好,及有杯野飲

提醒大家星期日朝早唔好諗住去神廚館食醒晨早餐(墨魚肉通粉O個set),糯米雞,粉仔呢d特色食品因為老闆話星期日少人d所以只有三文治同麵餐我地睇餐牌睇左好耐都唔知食乜好朋友仔提議轉場老闆不單無黑面仲好nice咁笑住送我地走下次一定會再黎過

今日剛去試久聞大名的【亞龍咖喱】，門口好鬼死多人，等咗一陣入到去，迫到不得了，我同老婆點咗一個咖喱牛腩飯及咖喱雞飯，牛腩份量正常，買３８元，咖喱雞就嚇死我啦！買４０元先得２件雞，真係講你都唔信，食完之後，只可以講４個字﹝不過如此﹞，完全冇驚喜，點解我會咁樣講，其實嚴格嚟講，唔係話佢唔好食，只不過係食完《神廚館》的咖喱之後，你就會同我一樣有同感。响冇比較之下，你會覺得亞龍咖喱好好食，但試完神廚的咖喱後，你會發現點解大家可以煮到一樣水準呢！但係講到份量及價錢，神廚都比亞龍咖喱優勝，我唔希望大家盡信我，可能係我個人偏見，最好你哋試完返嚟講俾我聽啦！

想不到吃甚麼, 再來神廚館.以前星期六中午沒有甚麼人的, 現在爆滿.這次點了美極牛扒, 牛扒是中式煮法, 很軟熟, 味道我覺得普通, 不及墨魚餅. 另外, 牛扒, 我還是較喜歡純黑椒汁和西式煮法...

我試左了，很失望，初初以為ｄ墨魚餅全部都係墨魚肉，點知唔係，只係得極少墨魚肉溝大量粉漿；牛腩唔係佢介紹果種好食腩，又係普通過唔普通，ｄ飯係凍既，伴碟既椰菜唔新鮮（己有ｓｕｋ味同酸味），又唔夠冷氣，雖然呢餐飯唔係貴，但我對之前既食評就真係有所保留，無下次了!

初初去車品品路過呢間食店，見佢up up dup dup咁，以為係普通二打六貨色，見過這裡的食家大力吹捧，於是便下決心和老婆一試，這個第一次接觸一於試各位都捧場的窩燒墨魚餅飯和美極牛扒飯，woo,不消一刻兩碟飯已送到面前，真係盲左都知碟飯存在，因為d香味真係冇得頂，老闆煮緊時候已經香氣樸鼻，急不及待起叉喇，哇，好味呀，墨魚餅炸得香脆唔，富彈性，外表睇以為係老麥的薯餅，附加的煎蛋一樣精彩，煎得好靚，令成個飯生色不小，正正正，我的美極牛扒同樣的一流，個汁有美極同蒜蓉美味，甜甜地好醒胃，食完一碟都好似唔夠喉咁，好想再來一個，這裏的飯非常胃口，又夠經濟，雖然坐得唔太舒服，但都值得，個人會俾多三個笑去鼓勵呢間舖繼續保持水準，下次去會試埋個魚湯和咖哩牛腩，寫完在回味之際竟然流口水，真係醜死鬼

知道這間食市吾做晚間生意, 唯有星期六專登"安排"過來吃過午飯.今天早上, 專登去看奧海城的早場戲, 再到這裡. 當然叫了網友們最讚的墨魚餅同美極牛, 再試一試這裡的魚湯.墨魚餅飯: 墨魚塊果然有一種鮮味, 由於新鮮炸出來, 又有份厚厚的質感, 值得一試再試.美極牛飯: 牛塊切得薄了一點, 當然吾會覺得韌, 吾緊要, 最好的味道應該在美極的醬汁內, 甜甜的, 有葱花, 好味極, 送飯吃一流魚湯: 朋友話不感覺到味精, 但味道香濃, 不過本人評價普通.時間未必易夾, 不過, 喜歡吃的網友們, 這絕對是值得一去的選擇.

十居其九的食評也是擁護其墨魚餅,崩沙腩等.好像沒有人品題過其早餐?早上十點來到,已經沒有粉仔.退求其次,要個墨魚角通粉.墨魚角,相信是隔夜的墨魚餅的頭頭尾尾,用在早餐上,正式"食得唔好晒".湯底是平時奉送,甜到入心的魚濃湯,晨早流流來一碗,當天你應該會平日更加精神.話須係頭尾貨,一樣即叫即炸,墨魚角細細粒如欖角.金黃香脆且彈牙.點到即止,又點會夠,其後擇日再來吃個墨魚餅,仍然叫人拍案叫絕.

久閒"神廚館"既墨魚餅飯(8), 今日終於一試~~ 果然彈牙!!! 材料十足, 炸得香口得黎又唔會覺得太油膩... 好美味, 難怪到目前為止有54個哈哈只得一個ok同零個喊, 真係驚人!!!

第一次去食,都係睇咗食評先走去試,初初去到都唔會抱有太大期望,但當你幫襯過之後,你就會心思思再想去試,我過人自問對食物的質素要求很高,我唔需要地方好大好舒服,但首要係好食,呢度地方雖然很細,但食物絕對係非常之好食,難得厨師對食物的"用心"與"執著",點解會咁講??因為有一次我叫個"美極牛扒飯"呢個飯是有葱花的,但我從來唔食葱,我唯有同個厨師講叫佢"走葱"但佢竟然緊張的同我講,"走咗D葱會冇咁香,冇咁好食",如果俾著一般食肆,你叫佢走葱,佢哋咪只會照做,絕對唔會細心地解釋你聽點樣先係最好食,有D人可能會覺得,我叫你走葱咪走葱啦,咁多嘢講....!!但我就覺得呢度的大厨非常緊張自己的出品,經常問客人意見,正所謂有交流先會有進步,試問一個對食物質素咁"執著"咁"用心"的人,煮嘢食又點會唔好食呢...!!