神山麺屋 (創紀之城五期(apm))

营业中

休息中

住觀塘區少不免會去Apm行街食飯，食拉麵我通常都簡神山，抵食之餘拉麵又多湯底簡，佢地個湯餃子更加係會食過番尋味！今次我嗌左白神山叉燒拉麵，湯底傾向比較清D，想濃D可以叫黑神山，湯碗邊有兩塊大大薄切既叉燒片，肉質口感軟腍，溫泉蛋好流心，麵條軟硬適中。友人喜歡吃辣，所以嗌左赤神山豚角拉麵，湯底辣味個人認為屬中等程度，豚角既肥瘦度適中，一分肥兩分肉，肉質緊緻帶有豐富肉汁和油脂，同樣配有溫泉蛋，惹味黎講呢個一定更勝白神山叉燒拉麵！另外我地仲嗌左幾款特色小食，幾款都好正！《薯片一口雞翼》成隻雞翼外面都黐滿薯片，薯片有d似珍珍原味，感覺好新鮮好特別，雞翼面咬落好脆口，雞翼既肉質好嫩。《七味烏軟骨唐揚》脆口小食，越食越上癮，送酒必點之選。《神山湯餃子🥟》個個食拉麵嗌餃子首選都係嗌煎餃，黎神山拉麵大家記得係要嗌湯餃子！雖則係湯餃但佢隻餃子都有煎過，煎餃浸左係湯後完全無成隻變冧曬既感覺，單就咁飲個豚骨湯味道己經好鮮甜，d湯滲入餃子一齊食味道更加昇華，餃子以韮黃，菠菜作餡料，超好味👍🏻咁多樣入面我最鐘意呢個🫶🏻《吉列廣島蠔》外皮炸得夠脆，廣島蠔油炸後唔會有腥味，仲依然能夠保留到蠔既鮮味。埋單食左咁多野一人

又一個人去食好嘢！😋今次嚟觀塘APM嘅神山麵屋試咗佢哋嘅神山豚角沾汁麵～❤️沾麵係其中一種日本拉麵，湯底同麵條分開盛放～神山豚角沾汁麵嘅麵條彈牙有嚼勁，湯底豚角沾汁，濃郁豬骨湯底加埋獨家調配嘅醬汁，好香味道好濃厚，豚角肉質鮮嫩多汁，同麵條配合得好好，口感爽滑又有層次感。❤️😋另外，我仲叫咗雞軟骨，都係超級好食！雞軟骨炸得香脆，入口酥脆多汁，肉質又嫩又有彈性。點埋醬汁，風味十足。❤️😋下次嚟apm會再嚟神山再食佢嘅沾麵！❤️‼️

📍 神山麵屋 Kanzan Menya🌍觀塘觀塘道418號創紀之城五期(apm)2樓L2-1b號舖Shop L2-1b, 2/F, Millennium City 5 (apm), 418 Kwun Tong Road, Kwun Tong📝整體評分：8／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⤫ 神山湯餃子 ⤫ ＄４８煎到餃子微脆，餃子慘透湯汁，爆汁鮮濃，湯汁用秘製豬骨湯加埋韭黃、菠菜配料，忍唔住飲哂！！！⤫ 唐揚豆池魚 ⤫ ＄４５乾爽不清油，愈嚼愈香口，配柚子沙律醬好清爽～⤫ 蒜香魷魚鬚 ⤫ ＄４２魷魚鬚滑溜爽口，勁多蒜超惹味。⤫ 神山炸雞 ⤫＄平日午市晚市優惠，消費滿＄１００都可以可加配 ～～炸雞皮脆肉嫩，配芥末醬更滋味。⤫ 激辛牛舌拉麵 ⤫＄１１８厚切牛舌，肉質細嫩，肉味重；自製麵條好有心思，有坑紋勁掛湯；湯汁就勁香麻，叫左爆本１辛，算係比較食得辣都都唔係好頂得順😵‍💫⤫ 湯咖哩豚角煮 ⤫＄８５勁多蔬菜：秋葵、椰菜、西蘭花、紅蘿蔔，勁健康，第一次食湯咖喱有啲唔慣，但角豚骨就超好食，半肥瘦卻食落肥而不膩～

每次去APM都必定會到神山麵屋食拉麵，因為佢啲拉麵好彈牙唔係林啤啤，而且不是中華拉麵，湯底濃厚，麫連湯底一齊食，真係冇得輸😋我比較鍾意白湯底叉燒拉麵、同埋黑蒜湯底拉麵🍜

🇭🇰｜神山麺屋📍觀塘觀塘道418號創紀之城五期(apm)2樓L2-1b號舖——————————————今次又去左觀塘搵食🫶本身想去駱駝漆一間餐廳食點知佢無開左🥹💔之後轉左場去APM食拉麵🔖神山豚角沾汁麵 HKD88🌕🌕🌕🌕🌕最鍾意佢個拉麵質地 係具有口感嘅坑紋麵坑紋麵食落會更掛汁 豚角好厚肉 脂香油豐 🔖 黑神山叉燒拉麵 HKD78🌕🌕🌕🌕🌖 叉燒以薄切形式 掛於湯碗2塊叉燒口感都好順滑 仲有啲筍做配菜 好爽口麵質係偏幼 （但我個人鍾意食比較粗嘅拉麵）—————————————-📝雖然要等位 但都好彩好快有位

知道這間店很久了也沒進過來，今次係apm睇戲前醫肚就黎試下。雖然呢間係主打拉麵，但個定食睇落去都好吸引下，所以我就叫左個湯咖哩豚角定食。朋友就叫左神山豚角沾汁麵。另外再點左個和風蘋果沙律黎開開胃，但見到個神山湯餃子同蒜香魷魚鬚都幾吸引就順便叫埋（痴左線🤣係咁叫）野飲見佢原本有個番茄soda點知賣晒，員工就推薦蘋果焙茶比我，朋友就點左巨峰soda。個蘋果焙茶有驚喜，佢係似一支支玻璃既日本蘋果汁之餘亦都飲到茶味，唔怪之得員工都推介😼另外個巨峰soda雖然係支裝，但味道一d都唔hea, 冇藥水味，亦都唔會過甜。雖然唔係主打既拉麵，但似乎定食都ok喎，呢個豚角定食，但除左個豚角之外，裏面仲有好多蔬菜喎，有著仔、秋葵、蓮藕、西蘭花等，真係超豐盛😲，另外唔好睇佢個汁有少少稀咁，但食落咖哩味好足，餸飯一流，個豚角大大件，足晒份量😮。D麵煮得剛好，唔太硬亦唔太淋，好有咬口👍肉既份量夠，煮得夠香，同個濃濃的沾醬汁撈埋一流！神山湯餃子建議要連埋個湯汁一齊食，先感受到個湯汁令到個餃涵昇華既味道，個餃湯裏面有蔥花，令到食完d餃子都唔會覺得肥膩。蒜香魷魚鬚又係另一驚喜，原本以為魷魚鬚都會有啲韌啦，但又冇喎，ok

🍜 #觀塘 #神山拉麵最近同事都好鍾意去連接觀塘地鐵站嘅APM商場食飯，其中呢間「神山拉麵」超受大家歡迎👏🏻 佢哋嘅拉麵、沾麵都好出色！🐮 激辛牛舌沾汁麵餐 （$148/餐）今次我叫咗個激辛牛舌沾汁麵餐，個餐仲有跟辛味豚耳同飲品，可以揀蜜桃焙茶或冷泡焙茶🥰 辛味可以揀一/ 二/ 三辛，我就揀咗冇咁辣嘅一辛，因為比辛味豚耳冇咁辣，所以食落都唔會覺得好辣☺️ 但就好香口，個沾汁仲好澀好足料添😍 牛舌好大塊，仲好軟腍㗎～🥟 神山湯餃子 （$42）湯餃係煎香咗嘅餃子加落清香嘅調味湯入面，好香口好juicy🥳🐷 蕃茄叉燒拉麵 （$85）蕃茄叉燒拉麵好香甜，有好多真蕃茄肉😋 叉燒大大片，仲有粒靚靚溏心蛋，拉麵煙韌好味😋🐥 湯咖哩雞腿定食 （$85）另外一位同事叫咗個飯😳 估唔到呢個湯咖哩雞腿定食都幾出色！ 定食有埋麵豉湯、沙律、酸蘿蔔😋 咖哩係日式咖哩，一啲都唔辣，啺入面仲有好多種蔬菜㗎～ 雞脾超大隻超多肉🤤！

今次黎左APM 行街 見到有神山 咁就入去試下啦個menu 都幾多野食 頭盤好似樣樣都好吸引 不過驚叫太多食唔哂 叫左個和風蘋果沙律同魷魚鬚同湯餃子蘋果沙律好出色 蘋果夠香甜👍🏻👍🏻👍🏻 main course 就叫左個神山沾麵 同白神山叉燒拉麵沾麵個麵質好彈牙同埋做到掛汁個感覺 個湯都好夠濃 差d想加多個白飯落去食😂😂😂 燒豬肉好juicy 拉麵有兩大塊叉燒 湯汁好濃 最後仲成碗飲哂tim👍🏻👍🏻👍🏻👍🏻

🍜神豚燒沾汁拉麵 好味指數：👍🏻👍🏻👍🏻👍🏻佢嘅湯汁非常之濃郁，入面加咗豬肉粒同埋蘆筍，整體嘅味道係偏鹹香。拉麵上面鋪咗燒咗嘅豬肉，豬肉嘅烤香氣味滲入左拉麵入面，而拉麵嘅質感偏硬身。🍅蕃茄叉燒拉麵好味指數：👍🏻👍🏻👍🏻👍🏻佢嘅蕃茄湯面頭會放咗經過特別烹調嘅蕃茄，啲蕃茄非常之香甜，為成個蕃茄湯加分唔少。🥟神山湯餃子好味指數：👍🏻👍🏻👍🏻👍🏻👍🏻 呢個餃子都係皮薄餡靚，入面包咗菜同埋豬肉，配上香濃嘅湯底，整體口味非常鮮甜，係必點嘅一道菜。🧀北海道流心芝士球好味指數：👍🏻👍🏻👍🏻👍🏻👍🏻 係一個好好味嘅甜品，佢嘅外面係非常之酥脆，入邊就係軟林林嘅麻薯質地嘅計時，無論係味道定係口感都令人感受到好幸福。🍄牛油蘆筍炒雜菇好味指數：👍🏻👍🏻👍🏻👍🏻好有牛油香氣，入邊有好多唔同嘅菇類，當中，小編最鍾意就係金針菇啦。🦑蒜香魷魚鬚好味指數：👍🏻👍🏻👍🏻👍🏻佢嘅魷魚好有蒜香氣味，而且熟成度剛剛好，爽口彈牙唔會韌。🍑蜜桃焙茶好味指數：👍🏻👍🏻👍🏻👍🏻好神奇地，你杯嘢飲會有少少好似益力多嘅味，但係又會有蜜桃同埋焙茶嘅香氣。🍇巨峰梳打好味指數：👍🏻👍🏻👍🏻👍🏻呢個係日本品牌出嘅玻璃樽飲品，佢嘅氣泡相當細緻，如果鍾

今次一個人去💁🏻‍♀️，唔洗等位😆，坐低後淨係叫左1️⃣黑神山叉燒拉麵同埋2️⃣神山手造餃子。1️⃣黑神山叉燒拉麵 ($80)：湯底咸淡適中，黑蒜油香味濃郁；麵質彈牙，但有少量拉麵仲未煮散，口感偏硬；自家叉燒好食，唔會太肥膩；溫泉蛋囗感偏軟，味道適中。整體拉麵的CP值高，但男士可能會覺得份量較少。2️⃣神山手造餃子($42)：手造餃子餡分量充足、新鮮，餃子皮薄，配上餃子醋更可以減低油膩口感。整體用餐體驗良好，會再去幫襯 😊

$22半杯蘋果汁🤭一大枝家庭裝日本蘋果汁都係大約$30-40你收我$22枝一杯黎到得半杯我問侍應我飲都無飲過黎到得半杯我問佢呢個係咪你地公司標準佢答我係🤭食水咁深一係你換過個細d既杯啦又或者加d冰落去咪無咁難睇囉🤣

我本身都幾鐘意食沾麵奈何觀塘真係唔多第一次食完感覺唔錯 同埋味道唔錯店員服務都幾好咁第二次再過去食啦果次我睇openrice佢營業時間係到晚上十一點咁我過到去十點四度 印象中佢同我講收左 我問佢唔係十一點咩？佢話咁岩除蟲收十點同埋時間改左而家收十點半咁我都表示明白表示下次再去之後我第三次去大慨九點五十分度因為我真係收工先行到去食佢同我講收左上次你又話除蟲 又話改左營業時間咁我都就番時間去係唔係個營業時間可以跳彈床次次唔同？我特登行過黎跟番經理所講既營業時間你同我講收左？？？？咁我行過黎做咩

今日係觀塘返工，揾埋啲同事出去食lunch🤤去左APM到覓食，見到呢間東京過江龍嘅沾麵店，同事話食過唔錯，所以我地就揀左呢間啦💖＊＊＊＊＊🌶️🍝激幸牛舌沾麵餐 $148-辛味豚耳一份-蜜桃焙茶呢個激辛餐嘅辣好過癮😆有得揀1-3辛，同事就揀左最少辣嘅1辛黎試下～套餐仲包埋辣豬耳同特飲，幾抵食！🍅🍜蕃茄叉燒拉麵 $85-追加豚角 +$25我叫左個蕃茄湯拉麵，另外同事話呢度嘅豚角好食所以就加左一份😋拉麵好煙韌，雖然個湯味道唔係超濃，但入面都好多蕃茄粒好足料架☺️🍗薯片一口雞翅 $42🧀北海道流心芝士球 $28🍹蘋果焙茶 $28小食見到有薯片雞翼勁吸引😍佢係單骨雞翼，用薯片黎炸真係勁香口架！芝士波好邪惡🥹成粒都係流心芝士黎架🤤＊＊＊＊＊

呢間麵店係日本過江龍～ 今次同朋友入去樣樣都點小小，整體上味道唔錯🌱激辛牛舌拉麵(蜜桃焙茶+辣豬耳)揀咗個期間限定套餐，店員已經講咗話真係辣，但唔怕死就揀咗爆激2辛～ 上枱時成碗麵都紅卜卜🤣 但比預期冇咁辣（下次可揀3辛）而牛舌厚切，上面仲有啲七味粉。入口有咬口～跟餐辣豬耳夠味～ 蜜桃茶唔太甜🌱神山豚燒沾汁麵+低溫叉燒：豚肉燒過幾香又入味。魚介湯味道不太濃，而麵條軟硬適中，正好掛湯黎食🌱和風蘋果沙律：蘋果好清甜，沙律菜又夠清新🌱神山手造餃子/ 神山炸雞：兩款都正常發揮🌱威士忌梳打：都ok呀

第二次嚟到位於觀塘APM嘅神山麵屋，話說點解會二訪，因為CP值非常高，呢間味道不錯價錢優惠，絕對值得二訂，三訪，今日唔食拉麵，點咗豚角咖喱定食，除咗豚肉之外，入邊有超級多蔬菜，椰菜西蘭花，南瓜，薯仔，秋葵，紅蘿蔔，鵪鶉蛋等等，咖喱味道不錯，陪兩款前菜同麵豉湯。另外點咗雙色牛舌$48，10分抵食，一款食材兩種口味。呢間餐廳適合快食，座位都比較甜，但上餐速度非常快，員工服務亦都不錯，大家嚟開行街可以試試。