神山麺屋 (新聲大廈) (已結業)

返工同同事過海食個豐富lunch☺️來到尖沙咀嘅神山麵屋，呢間係來自東京嘅過江龍，一試個沾麵。餐廳裝修行日式風，墻上仲有富士山🗻壁畫，環境幾舒服~ 店員服務態度好好，會細心同我地介紹🥰✨神山豚角沾汁麵🍜 $88呢個係餐廳擺係第一版重點推介，不得不試~ 睇餐牌介紹原來沾汁麵湯頭用大量豚骨、上等豚肉及日本魚介、秘製醬油去調味，等材料熬製超過8小時而成，唔怪得個味道濃郁，富有膠質，甜度和鹹度都岩岩好🤤個麵係坑紋面，口感彈牙，好掛汁。個主角厚燒豚肉都好味，肥瘦比例適中，微帶焦香，口感軟腍，再配上秘製醬汁，好滿足😎✨神豚燒叉燒沾汁麵🍜 $88呢個同神山豚角沾汁麵除左一個配左豚角，一個配叉燒，其他無咩分別。叉燒個賣相好吸引，燒得好香好入味，比豚角再惹味d。湯頭入面包括包括紫菜、筍、同一粒糖心蛋，溏心蛋係原隻上，充滿蛋香同蛋味，呢個沾麵都好食😉✨神山湯餃子🥟 $38呢個係香港店限定嘅湯餃子，餃子係煎完之後再用湯煮，餃子餡係每日用豚肉新鮮包製，並煎至金黃，個豚骨湯入面仲有韮黃同菠菜，食過陣餃子加埋豚骨湯，富有肉香 😚✨九條葱豚肉串🍢$42一共有兩串，一串又有3大片豚肉，好足料，燒到好香，加埋d葱同調味粉

🐳最近香港很多日本拉麵店都提供沾麵，也以此聞名，很多朋友們都嘗試過沾麵，然後推介給朋友仔玩，因為沾麵也有很多不同款式和不同種類的。今次這間神山麵屋的特別之處是，他們製作出來的沾麵是有坑紋的，能夠沾上更多更大範圍的沾麵汁，非常有特色。🐳神豚燒叉燒沾汁麵💰88有兩大塊薄叉燒，叉燒完全沒有乾的感覺，一啖叉燒一啖拉麵，而且每一條拉面都充滿沾汁，非常好吃。🐳神山豚角沾汁麵💰88豚角應該就是豚肉豬軟骨了，豬軟骨淋口，入味，濃郁，肥瘦剛剛適中，另外加上拉麵裏的配菜，跟拉麵一齊吃，美味。🐳神山炸雞(芥末醬)💰42新鮮即炸，非常脆口，配上秘製醬汁，連拌菜的沙律菜也有沙律dressing ，十分有誠意。🐳蘆筍苗牛肉卷💰45蘆筍苗嫩口沒有根，包上薄切牛肉片，再加上燒汁煎熟，一口一件。

我見餐牌大大隻寫住“期間限定”，霖都吾霖，就係佢啦。而且我中意食蠔。麵的軟硬度點餐時沒問我，拉麵上臺後，我相機鏡頭先行殺毒一番再食，面質屬於中硬度，岩曬我口感。中意食軟質拉麵記得同店家講清楚。蠔湯底加上大蔥切絲及洋蔥切粒，仲有少數檸檬絲，簡簡單單又鮮甜，不過我個人口味十分淡，所以我會覺得有少少鹹，但都無礙我將湯底飲曬。之後再將青檸蘇打一飲而盡，消除口腔內鹹度之餘，平衡味蕾，仲因為系有氣汽水，從口腔到食道，個種飛流直下的快感瞬間達致身心舒暢，異常爽快，正！（中意飲可樂既人就會明白）至於唐揚炸雞，當然系因為沒拉麵和湯底出色，未置於有驚艷，所以以可以稱呼為“中規中矩”，但絕對系好食既，唔系劣質洛。

呢間個沾麵好好食 佢個豬腩肉好厚同好多汁🥰個人喜好 好欣賞佢個麵係比較硬身小小 沾麵個汁都好好味 唔會太死咸 如果食量大 可以加多個飯or 麵 撈埋個沾麵汁 😂 下次都會再返黎食

我想食沾麵好耐架喇，今日終於忍唔住要搵間沾麵食😂入咗嚟呢一間，座位比起一般拉麵店舒適，有卡位坐🤣我覺得呢度嘅沾麵同拉麵價位算係幾合理～我叫咗神山豚角沾汁麵 ($88)🤣拉麵麵質好得意，好似兩條幼拉麵痴埋一齊咁，因為都幾粗，所以口感都算幾彈牙～覺得個沾麵汁都幾濃魚介味，算係偏杰嘅湯，不過我覺得略鹹咗少少，但整體都係合我口味☺️有筍片 (我仲加咗$10叫多份🤣)同埋一隻溏心蛋，覺得隻蛋都幾好食，生熟度適中～而豚角都幾大舊吓，不過肉質就相對偏嚡咗少少～男朋友就叫咗神豚燒叉燒沾汁麵 ($88)😚基本上所有嘢都同上一碗一樣，除咗叉燒😆我覺得呢個叉燒片好大塊，而且唔嚡，面頭亦都有燒過，所以帶咗啲油脂出嚟，我就覺得呢個比豚角好食啲～小食叫咗神山手造餃子 ($38)🥟表面煎得好香脆，幾好食！另一個係牛油蘆筍炒什菌 ($45)🍄估唔到佢咁大碟，而且真係好重牛油味，好好食👍🏻食完真係止咗我股沾麵癮😆覺得店員幾有禮貌，食物亦都幾好食🤗

十年沒有在香港吃過好的拉麪了想不到這家「朋友推介」竟會如此高質：麪質好、湯底濃郁，豚肉不論是角煮還是叉燒都滑溜沒有渣，不會有絲毫乾柴之餘非常鬆軟易咬，而且調味好之餘，也十分入味。沾麪方面，個人認為可以不用太粗（之前有吃過較幼身但沾汁能力更強的），朋友覺得超級美味。唐揚炸雞亦是目前吃過最好的：皮薄肉嫩、香脆多汁，配汁是餐廳自己調的芥末汁。湯餃子及蘆荀牛肉卷不過不失，算中上吧。可樂非常夠凍！初次喝到味道好的Tall can cola！青檸梳打也不錯。

之前行過見到呢間舖出面裝修得神神秘秘咁 有次平日夜晚食飯時間黎到都唔洗等位 就入去試下有咩特別~✿ 神山豚角沾汁麵 $𝟖𝟖沾麵既湯底比較濃厚 湯底裏面都有啲粒粒既五花腩肉 呢度既拉麵用咗香港首創既坑紋拉麵 比起其他拉麵更加掛湯(◍ ´꒳` ◍)嗰兩塊炙燒豚角燒到表面焦香豚角既脂肪比例較高 食落比較重油脂香溏心蛋既溏心效果啱啱好 呢個沾麵可以去試下呀～ *ﾟ⌖˚˖* 評分𝐫𝐚𝐭𝐢𝐧𝐠 ˖*⌖˚◌ *ﾟ👅美味值：♥♥♥︎♥︎♥︎♥︎♥︎♡♡♡ 💸性價比：♥♥♥♥︎♥︎♥︎♥︎♡♡♡ 🤟🏻回頭率：♥♥♥︎♥︎♥︎♥︎♥︎♡♡♡

入到去已經發現中伏，見到原來係同面屋武藏有關的，食過兩次都好難食。座位又逼，衛生麻麻。【神山豚角沾汁麵】麵條幾特別兩條麵黐埋一齊，中間可以掛湯 ，有大量蔥花。而兩舊叉燒係極度乾淨淨，雖然味道可以但真係食唔落。沾麵湯好稠，可能加入了麵粉，味道幾咸。【特別限定】開頭見到套餐有青檸梳打、炸雞、一碗蠔拉麵，幾抵食就試吓。完全中伏，一送來已經聞到腥臭味，中間有啲九唔搭八嘅柚子皮，有一塊很薄又乾嘅叉燒，因為浸左湯又散發出一浸酸臭味！最後只係食咗半個麵頂唔順。【炸雞】其實炸得幾香脆，中間比較少肉汁。重頭戲係食完返屋企屙咗五次！仲要食完覺得好鹹，好口渴好重味精咁！絕對唔會再返嚟！

臨時隨便找的一家餐館，門外看起來格調清雅，裡面環境不大。我們有幸坐在窗邊，窗是圓形的日式窗欞，裝修都好有日本feel～套餐都很有feel，有鹽漬、有前菜，放在一起，整件事都好日本（對想去日本的慾望產生過分的變態）一份套餐已經很飽，價格合理，抵食

朋友推介呢塊肉好好食!!5:30pm 入座嘅我已經要被逼坐bar檯😧坐到咁高…我清楚望到open kitchen入面有店員純熟地喺炭爐上面燒緊呢塊肥肉😳兩大塊燒肉嘅脂肪比例都算合理🤔食落唔會油腍腍，但係…..to be honest，佢肉質偏嚡!除咗朋友介紹過佢嘅燒肉好食之外，本身都知 神山麵屋出名食沾麵 因為佢曾經榮獲東京no.1沾汁麵 & 日本電視台TBS票選出嚟嘅四大拉麵🫡呢間過江龍嚟到香港一直人氣高企!冇乜位嘅佢，成日都見到門外大排長龍!仲諗住我咁早去可以坐到舒舒服服嘅卡位😩點知….🤷🏻‍♀️不過最令我失望嘅係…佢嘅沾汁唔係熱辣辣嘅~連我男朋友怕食熱嘢都唔使吹吓啲湯就直接入到口👀雖然湯頭味道濃郁，但食多兩啖會嫌佢嘅醬油味重得滯!! 鹹咗少少🤏🏻.唯一令我真係欣賞嘅，就真係佢嘅自家製坑紋麵條👍🏻(試想像兩條好幼嘅拉麵痴埋一齊，形成中間有條坑😂)佢真係比起其他拉麵掛到更多沾汁，而且麵質都煙韌有彈性!係我鍾意嘅口感👏🏻👏🏻👏🏻可惜…<<溫泉蛋牛肉丼>>($48)都係令我失望😩完全同吉野家 / SUKIYA すき家 / 東京チカラめし …嗰啲 冇 得 比！

二人點了二份沾麵，炸雞，牛肉卷。食物不過不失，份量可以，價位合理，稱不上好吃，但也不難吃。最主要沾麵湯不熱，只有微溫，是最大敗筆。服務水平一般般，感覺進了茶餐廳。

很久沒有食拉麵了，剛巧經過尖沙咀又近港鐵站見到這間拉麵店，店舖外觀設計也挺日式的，所以急不及待去試吓先！店內位置比較窄，店內裝潢設計都比較日式，令人置身於日本咁，服務方面不過不失啦！食物方面我哋點咗：神山豚角沾汁麵白神山叉燒拉麵神山手造餃子🥟味道方面確實唔錯，湯底濃而且豚角雖然厚但好入味，唯獨是份量比較細，一碗麵未必夠飽😆

日本拉麵烏冬係香港都真係幾氾濫 但好多味道 口感 都好商業化 令到味蕾疲勞 😪今次叫咗個叉燒同豚角叉燒都幾”鞋” 冇咩味 豚肉就超濃味 脂肪比例都OK 麵身本身有少少V字，比起其他沾麵餐廳會掛汁少少 可惜湯底唔夠熱

🍜 好耐冇食沾麵 依間由佢係觀塘apm跟到嚟尖沙咀😆 冇得去日本食住依間由日本開嚟嘅過江龍先!!!!🇯🇵 Tsukemen 湯頭以魚介豚肉豚骨熬成味道濃郁😏 不過厚切豚角今次唔夠肥 少少嚡口 自家製坑紋麵條口感煙韌非常掛湯👌 初嘗神山炸雞 表現就中規中矩啦hahahahaaa 📸:  1️⃣ 神山豚角沾麵 ($88) 2️⃣ 神山炸雞 ($42) 

神山豚肉沾汁麵麵底為坑紋麵, 另送上豚骨魚介沾汁, 內附一顆流心的鹵蛋, 豚肉厚切, 肥油層比例較多, 表面烤炙至焦香微脆，鎖緊肉汁，口感軟滑。牛肉湯拉麵使用完美比例牛骨，牛肉慢火細熬，將食材鮮味萃取至湯中。湯底富含濃郁的膠質，拉麵Q彈不軟爛，十分有勁道，吸收了滿滿的牛骨湯精華~吉列廣島蠔🦪神山人氣小吃之一。大廚將炸蠔表皮炸至金黃酥脆，内裏仍然保持嫰滑多汁，蠔身肥美，配以醬汁甜酸美味！蒜香魷魚鬚好重蒜味而且夠惹味，魷魚鬚又新鮮！咬落去又香軟！食到停唔到口！