碧儷苑·精點粵菜 (擺花街)

营业中

休息中

師傅巧手令中菜都可以精緻得似畫一樣！今晚好開心可以食到來自香港流浮山的香煎金蠔和爆膏奄仔蟹😋😋😋 來自流浮山的海鮮果然唔同🥹好耐無食過咁好味嘅海鮮晏。令外超級推薦麻辣鮑魚雞煲！香港🇭🇰人最愛嘅風味都在這一煲入面！鮑魚煮到鮮味十足！食完海鮮，一定要叫埋佢哋最出名嘅冰凝企鵝包同紅袍荔技點心！ 師傅巧手除左造形100分，陳皮豆沙內餡等等作飯後甜品喺最好選擇✨第二間分店：📍碧儷苑·精點粵菜 🚩中環擺花街1號一號廣場1樓 ☎️56355177 ( 此WhatsApp訂枱，即送每位熊貓仔或荔枝甜品 ）

食物質素OK，但服務態度仍需改善。因為睇到網上好多人都有介紹過呢間酒樓，我第一次試過荔枝角分店覺得食物味道好好同埋服務質素唔錯，但由於我住港島，所以都想喺中環分店試吓。於是同屋企人一家三口，週末時間去中環呢間分店試吓啲點心。但一入去中環分店嘅位置好擠迫，三個人都係坐張迷你圓枱。侍應啲態度好一般，仲要叫極都冇人加茶同落單，淨係顧住去理啲大陸遊客。部份侍應更加木口木面，基本上純粹淨係覺得中環分店好味，但員工態度唔好，而且環境同荔枝角分店比較上嚟，好污糟。

新年嗰陣，同成班同事一齊去咗碧麗苑食新年飯。餐廳門面好有氣派，招牌個金色大logo好醒目，門口仲貼咗可愛嘅新年裝飾，充滿節日氣氛。入到去，牆上嘅山水壁畫同黃花裝飾好靚，環境寬敞又舒適。呢度嘅食物，造型同味道都好驚喜。「金蛇報喜」其實就係奶皇包，個樣搞鬼又可愛，戴住皇冠嘅小蛇造型，上枱嘅時候仲有乾冰噴出嘅煙霧效果，成班同事爭住打卡。咬落去，外皮鬆軟，奶皇餡香甜流心，超正！紅袍荔枝都好吸睛，做成荔枝嘅樣子，外層酥脆，入面好似有餡料，口感好豐富。除此之外，我哋仲叫咗好多其他嘢，炒牛河、燒雞、各款點心等等，樣樣都冇踩雷。牛河炒得鑊氣十足，燒雞皮脆肉嫩，點心新鮮又美味。呢次新年飯食得超開心，環境好，食物又好味，下次一定再嚟！

星期六同屋企人去飲茶, 經開中環試新嘢，環境雅致的中菜餐廳，午市食點心，晚市有小菜，其中外形好得意的點心款式，小朋友好鐘意，打卡一流。 點心製作也精緻，好多睇落好可愛。其中櫻花蝦蜜餞柚皮我印象十分深刻, 因為是甜的，同之前食的都不一樣，多數出面都是做鹹食, 喜歡甜口的可以一試。另外熊貓包個樣好可愛, 但味道一般，芝麻內餡沒有很香，為個樣埋單，果然是香港的熊貓經濟。最後埋單人均300, 仲有兩個5-7歲的小朋友, 咁以性價比嚟講就偏低。

1. 服務人員服務水平差, 總是板著臉, 不瞅不睬 不願工作的樣子 2. 飲茶人均消費約200多， 食品質素比以往差了很多3. 他們在openrice說明的可支付工具，例如支付寶 payme 等等都是沒有， 所以他們說明用這些工具有0.5% 優惠是虛構的4. 我朋友之前跟我說這間店靜了很多， 今次到訪果然如實， 原因也很明顯了！5. 香港現在還用這些服務質素等同自殺式經營6. 希望內地的遊客來到香港到了這間食店消費 有不愉快經歷 的話要明白這不是香港普遍水平， 香港還有很多的 優質食品及服務。

环境：比较干净整洁、作为在HK也算宽敞。菜品：整体味道不错，海鲜、炒菜、冷盘味道都在线，甜点也是店家特色。服务：美中不足就是服务态度还需要提高，总是有些许不耐烦。

一間冠冕堂皇嘅茶樓，開設喺中環半山區鬧市，實在係難登大雅之堂食物華而不實，同其他區茶樓無分別服務員服務與地區同格局不符，好似趕人走咁，未坐低就已經問飲咩茶；一路進食就有服務員行黎行去，有損茶樓雅氣總括就係麻麻地

中環呢一間餐廳，都係我一間好鍾意嘅餐廳，每一次嚟都可以自訂餐單，經理同服務員嘅態度非常之好，而且好有禮貌，性價比高，價錢合理，永遠都唔會失望，尤其是佢嘅燉湯，我係非常之欣賞㗎。仲有一個蒸馬友，非常鮮味，魚皮仲會即刻新鮮拎去炸，第一次食呢一個食法。我最鍾意呢就係佢呢個動物嘅蒸包點，簡直就係慶祝生日必食之選，每一次都好有驚喜，裏面有豆沙餡或者係芙蓉餡，好有心思，非常欣賞呢個動物包包所以我推薦俾大家，而且佢仲有獨立嘅房間，啱晒大家聚會用。交通方便，環境衛生乾淨，而且寬敞闊落。係一間好有特色嘅粵式餐廳。

中環的食市一般都不便宜，所以要在中環吃飯，更要找家有特色兼好吃的。這家中式酒樓，座位不多，地方不大，但提供不少懷舊且特色的菜式，冰鎮咕嚕肉、椒鹽鮮魷、鹹魚蝦肉煎肉餅、吊燒雞，看來很普通，但吃肉餅時可感受到新鮮的蝦肉配搭豬肉鹹魚，蝦肉彈牙和鹹香味足令你滿意。坦白說，提供舊菜式的確也花了心思和功夫。而酒樓的服務和招呼做得非常好，不但有点心送，負責高級還會來一枱一枱打招呼，十分有親切感。這樣的接待，還可以有甚麼投訴呢！只能是很滿意吧！

隔了一段時間，再訪碧儷苑。上兩次都是食點心，今次試吓佢哋嘅小菜。企鵝配乾冰我理解，但我唔明白點解蝦多士會有啲乾冰配搭來上菜，不過個效果又真係幾震撼！我嫌蝦多士嘅多士太厚太大，食完會好快飽咗，咁就會食唔落其他嘢。佢哋嘅灌湯餃係懷舊灌湯餃，但我就嫌啲湯唔夠，淨係好足料，可能蒸耐咗，啲料索晒啲湯。其他餸菜都好食，尤其係炸子雞同埋炒飯。甜品方面，吉士餡嘅紅袍荔枝唔知點解要加一種有啲假嘅菠蘿味，我覺得唔加菠蘿味會好啲。貓頭鷹包裏面係奶餡，我覺得係煉奶，個味道一般啦，個樣做得唔及企鵝靚。期待佢哋會再做返海豹包，咁就可以同企鵝一齊喺冰極天地喇！

食物同環境都真係普通到一個點，嗰個荔枝紅袍要$22一粒，冇特色兼夾唔好食，其他點心都非常一般，所以呢個價錢嘅話就性價比唔係咁高啦。如果只係去打卡嘅話其實仲有好多其他更好嘅選擇。

🏠碧儷苑喺擺花街食過幾間中菜，我覺得呢間係最好食豉油王煎阿拉斯加蟹伴腸粉 $1280所有嘅蟹已經幫我地剪到容易嘅食嘅size，蟹肉都幾多，6個人食，1人都食到2-3 舊蟹肉，呢個腸粉勁入味， 又滑身，一食就停唔到☺️杏汁白肺湯 $348呢個白肺湯做得好好，好濃郁！飲得出杏仁磨碎左沙沙地嘅感覺， 啲湯渣佢係另上嘅，豬肺好腍好滑身，無怪味，好正好正， 冬天飲完成個人都暖晒👍🏻 三百幾蚊來講，我覺得好抵食！脆皮炸子雞 （半份）$220普普通通，如果想食雞肉嘅可以嗌，雞肉都幾滑。椒鹽日本白蝦紅燒豆腐 $198呢個係另一個令我覺得好有驚喜嘅菜， 係佢外表好似好普通，表面嘅炸白蝦炸到好脆， 豆腐炸得外脆內軟，而且好有豆味， 成個feel好夾！紅袍荔枝 2件 $44呢個即係奶黃煎堆， 表皮炸得有啲硬脆， 包住嘅奶黃餡有啲留心，食落都幾滿足。冰凝小企鵝 2隻 $50呢個完全只係for影相，但係淨係攞嚟影相都抵🤣🤣好cute cute📍中環擺花街1號一號廣場1樓

睇左影片分享網站介紹，本身一心去叫甜品企鵝和熊仔打卡，伙記話兩樣都冇，解釋話出品唔會多，已經營業時間一開門就去，坐低一陣已叫都話冇，太失望，鹵水乳鴿等左一個鐘才有，話製作需時都唔使咁耐，点知嚟到有兩舊未熟，好彩佢都肯換番比我地。

另外一餐生日飯去咗依家喺中環星記樓下嘅中菜朋友識人定位，留咗房房間好寬敞，服務超好自帶酒水免開瓶費幫我哋寫咗個9位菜單$5600我覺得好抵食最緊要係味道好好！雖然菜單只係6味菜但係份量好大最後飽到上心口😆杏汁白肺湯豉油皇煎虎蝦伴腸粉✨雞油花彫蒸加拿大肉蟹✨蜂雲腿伴油泡南非鮮鮑魚蝦湯脆米鮮班球✨白灼本地鮮牛頸脊✨龍哥招牌炒飯✨冰疑小企鵝紅袍荔枝✨9位 $5600打✨係我覺得個人喜愛其實個個都好食特別欣賞腸粉同埋牛頸脊，同埋雞油花雕蟹，雞油花雕汁好好食，要叫咗個白飯撈嚟食😆龍哥招牌炒飯好好食，不過真係好大要打包，龍哥同專登出嚟同大家打招呼，見識到龍哥炒飯嘅龍哥本人, 好nice😆 同埋個甜品好可愛，肥嘟嘟企鵝入邊係豆沙，呢個味道就冇乜特別，但係真係好得意。甜品最好食嗰個係紅袍荔枝，整到荔枝咁嘅樣，其實係一個煎堆仔，入邊仲有少少荔枝肉，好有心思，應該都好考功夫。Overall, 好滿意嘅一間中菜，食物質素環境同埋服務都好好，仲要有房佢哋荔枝角都有分店近我屋企，下次可以試吓呢間分店😆Around $600pp ~ $700ppRating : 9/10

很開心在這裡慶祝母親節，酒樓職員很有禮物和親切。點心很好吃，最喜愛是潮式蠔仔泡飯，味道一流。特別要介紹動物點心，那種震撼，一放上枱，全枱大叫。小朋友開心到要衝出來望。這餐飯真的很值得食。也得值得再去。