研香

营业中

休息中

叫咗個合桃芝麻糊，點知完全係失望之作。唔知佢係咪真研磨定用啲即溶粉開，裏面一嚿嚿，口感粗糙，超級難食，簡直令人懷疑廚房有冇用心準備。試咗幾啖之後實在忍唔到，向職員反映問題。佢即刻收返個碗，態度仲算有禮，但過咗一陣再拎返嚟，話係新整過嘅一份。不過老實講，我完全唔確定佢係咪真換咗新嘅，定係淨係攪勻咗啲材料，然後再加熱上枱。望落去同之前嗰份分別唔大，味道都係差唔多，令人好懷疑。因為唔想浪費食物，我勉強自己再試多幾啖，但真係食唔落，最後都係放棄咗。心想如果一開始用料新鮮、用心製作，點會落到咁嘅田地？以呢個價錢嚟講，質素真係同預期差太遠，性價比極低。餐廳環境雖然仲可以，但食物同服務真心令人失望。綜合嚟講，呢個體驗完全唔值得，絕對唔會再幫襯第二次！食物質素：1/10服務：3/10環境：6/10價錢：2/10

已經買咗好多次外賣！通常我都係買龍眼椰果冰，好好味！！！(唔洗山長水遠去聰嫂）今次第一次堂食試吓白桃冰，味道都唔錯，不過我個人鍾意龍眼椰果冰多啲～因為中意食甜既冰多d青衣城終於有甜品食仲要開到咁夜，超開心，有時食完飯返嚟想食甜品時間就啱啱好。如果可以再多啲唔同嘅款式就好，例如雙皮奶嗰啲！椰皇嗰啲甜品如果可以入邊係有水果，例如椰皇燉蛋芒果丸子之類就好，咁我就可以買多啲唔同嘅甜品，keep住食🤭🤭🤭🤭🤭🤭🤭

新開張青衣研香糖水諗住試試 價錢正常唔算貴 店員服務態度好好 耐心咁樣推介左個芒果西米露比我 好食過隔離松記 下次會再帶埋屋企人黎試 但係要早啲食 因為好多人排隊 同埋間店比較細 希望可以keep到個水準

### 🥥【食評｜失望到講唔出聲的椰皇燉蛋白】本身想買椰皇燉蛋白點知個店員話得返椰皇桃膠燉蛋白～已經有啲無奈～本身對椰皇桃膠燉蛋白係充滿期待，點知打開個蓋嗰刻開始，失望就已經預告咗。用椰皇做容器本應係加分位，但一開見到入面啲「燉蛋白」，我即刻懷疑自己係咪買錯咗燉豆腐。撩上嚟一啖，質地粗糙到好似蒸過頭嘅蛋，完全冇咗應有嘅滑溜口感，根本唔係平時認識嗰種細滑嫩口、入口即化嘅燉蛋白。講真，呢啲係咪「隔夜翻蒸版」？定係蛋白打完冇過篩直接入鍋？仲要底下啲料（如桃膠、椰肉）全無協助提升整體感覺，反而越食越覺得混亂。睇見都頂唔順。賣相唔得，口感唔掂，味道仲要冇味。連椰子味都好淡，搞到我懷疑自己係咪食緊一碗迷你版失敗版蒸水蛋。總結： ❌ 唔滑 ❌ 唔香 ❌ 唔值回購 👎🏼 完全唔建議花錢試呢個「燉蛋白災難現場」

已經11點幾，仲肯比我入嚟，delighted my Friday night 😊睇左一陣餐牌，好多選擇，樣取都想試😋😋心中都係中式糖水，但都係諗唔到，於是，問哥哥仔有咩出名，他介紹得好清楚，仲好似can read my mind咁，中式有呢啲選擇，協助我，呢下係讚既。👍🏻👍🏻最後，叫左芝麻合桃糊（加湯圓），真材實料。剛剛睇左個post, 話佢冷氣唔陪（其實我唔覺得熱，可能唔係我個位），哥哥仔突然間開左個風扇，細心👍🏻👍🏻會再幫襯😊

## 食評：放工後的甜品時光今次放工後同老公去食甜品，選擇咗一間評價唔錯的甜品店。### 食物評價1. **榴槤冰**： - 榴槤冰非常好食，榴槤味濃郁，每一口都能感受到榴槤的香氣。不過，價錢就偏貴，對於喜歡榴槤的人來說，值得一試，但如果不太喜歡榴槤，可能會覺得有點負擔。2. **合桃露**： - 合桃露的性價比比較高，口感滑順，但唔算太濃，可能對於喜歡濃郁口味的人來說，會覺得味道稍微淡了一點。不過，作為一個清新的甜品選擇，它仍然很不錯。### 總體評價整體來講，雖然價錢上有點高，但食物質素和口味都能令人滿意，特別係榴槤冰。如果你係榴槤迷，可以一試，下次再來探索更多其他甜品～

青衣島貴為美食沙漠，連鮮芋仙都退場，竟然有研香執pacific coffee 唔要嘅天橋口人流暢旺嘅舖位，街坊都好期待。以前幫襯過尖咀、沙田、馬鞍山舖，堂食外賣都試過，鍾情佢啲糊類甜品，畢竟叫「研香」，研磨品都有水準…但今日買外賣芝麻糊，門口新店花牌尚在，眼見女店員手拎個膠水壺不停打轉搖晃，倒少少再搖，倒少少又再搖，已經心感不妙… 返到屋企，芝麻香係香嘅，不過每啖都有嘢un 口，就係嗰啲king 咗變硬嘅芝麻糊塊。無諗到佢新店開張，唔係做好啲贏口碑，有啲失望，亦希望佢可以做返好啲，令青衣街坊有啲好嘢食。最好快啲有open rice 外賣落單。

夏天想食甜品 如果有冷氣就更好！呢間甜品舖其實開張唔夠一個禮拜，青衣城第二期都算方便，睇落去幾 別緻， 好處係佢唔加一 。以前 本來呢個地方係一間連鎖咖啡店， 呢間舖頭嘅好處已經有玻璃隔住，但係好可惜冷氣始終係唔夠足夠，如果想留客應該考慮再諗一諗分體式。腰果露 、合桃露 叫咗半甜，感覺上都好甜，下次可以諗完全走甜。其實食完甜品好想飲水 ，應該唔使叫都有 凍水或者暖水 招待....好可惜 好多 飲品例如 咖啡 都話售罄，其實可能 係唔夠人手掛。