影片
营业时间
今日营业
11:00 - 23:30
星期一至日
11:00 - 23:30
以上资料只供参考，请与餐厅确认详情
叫咗个合桃芝麻糊，点知完全系失望之作。唔知佢系咪真研磨定用啲即溶粉开，里面一嚿嚿，口感粗糙，超级难食，简直令人怀疑厨房有冇用心准备。试咗几啖之后实在忍唔到，向职员反映问题。佢即刻收返个碗，态度仲算有礼，但过咗一阵再拎返嚟，话系新整过嘅一份。不过老实讲，我完全唔确定佢系咪真换咗新嘅，定系净系搅匀咗啲材料，然后再加热上枱。望落去同之前𠮶份分别唔大，味道都系差唔多，令人好怀疑。因为唔想浪费食物，我勉强自己再试多几啖，但真系食唔落，最后都系放弃咗。心想如果一开始用料新鲜、用心制作，点会落到咁嘅田地？以呢个价钱嚟讲，质素真系同预期差太远，性价比极低。餐厅环境虽然仲可以，但食物同服务真心令人失望。综合嚟讲，呢个体验完全唔值得，绝对唔会再帮衬第二次！食物质素：1/10服务：3/10环境：6/10价钱：2/10
继续阅读
已经买咗好多次外卖！通常我都系买龙眼椰果冰，好好味！！！(唔洗山长水远去聪嫂）今次第一次堂食试吓白桃冰，味道都唔错，不过我个人钟意龙眼椰果冰多啲～因为中意食甜既冰多d青衣城终于有甜品食仲要开到咁夜，超开心，有时食完饭返嚟想食甜品时间就啱啱好。如果可以再多啲唔同嘅款式就好，例如双皮奶𠮶啲！椰皇𠮶啲甜品如果可以入边系有水果，例如椰皇炖蛋芒果丸子之类就好，咁我就可以买多啲唔同嘅甜品，keep住食🤭🤭🤭🤭🤭🤭🤭
继续阅读
新开张青衣研香糖水谂住试试 价钱正常唔算贵 店员服务态度好好 耐心咁样推介左个芒果西米露比我 好食过隔离松记 下次会再带埋屋企人黎试 但系要早啲食 因为好多人排队 同埋间店比较细 希望可以keep到个水准
继续阅读
### 🥥【食评｜失望到讲唔出声的椰皇炖蛋白】本身想买椰皇炖蛋白点知个店员话得返椰皇桃胶炖蛋白～已经有啲无奈～本身对椰皇桃胶炖蛋白系充满期待，点知打开个盖𠮶刻开始，失望就已经预告咗。用椰皇做容器本应系加分位，但一开见到入面啲「炖蛋白」，我即刻怀疑自己系咪买错咗炖豆腐。撩上嚟一啖，质地粗糙到好似蒸过头嘅蛋，完全冇咗应有嘅滑溜口感，根本唔系平时认识𠮶种细滑嫩口、入口即化嘅炖蛋白。讲真，呢啲系咪「隔夜翻蒸版」？定系蛋白打完冇过筛直接入锅？仲要底下啲料（如桃胶、椰肉）全无协助提升整体感觉，反而越食越觉得混乱。睇见都顶唔顺。卖相唔得，口感唔掂，味道仲要冇味。连椰子味都好淡，搞到我怀疑自己系咪食紧一碗迷你版失败版蒸水蛋。总结： ❌ 唔滑 ❌ 唔香 ❌ 唔值回购 👎🏼 完全唔建议花钱试呢个「炖蛋白灾难现场」
继续阅读
已经11点几，仲肯比我入嚟，delighted my Friday night 😊睇左一阵餐牌，好多选择，样取都想试😋😋心中都系中式糖水，但都系谂唔到，于是，问哥哥仔有咩出名，他介绍得好清楚，仲好似can read my mind咁，中式有呢啲选择，协助我，呢下系赞既。👍🏻👍🏻最后，叫左芝麻合桃糊（加汤圆），真材实料。刚刚睇左个post, 话佢冷气唔陪（其实我唔觉得热，可能唔系我个位），哥哥仔突然间开左个风扇，细心👍🏻👍🏻会再帮衬😊
继续阅读