研香

营业中

休息中

今日行完街同朋友突然好想食甜品，然後行過厚福街見到有一間好似係新開嘅甜品店唔該見到佢有我哋好鍾意食嘅榴槤味冰，就決定入去。榴槤冰 $48一嚟到個榴槤冰外表都非常之出色，而且好香榴槤嘅味道。食落去榴槤蓉嘅口感非常軟綿綿，再加埋啲冰一齊食口感更加豐富。而且佢啲冰亦有淡淡的榴槤香味，整個榴槤冰都非常之出色。絕對啱晒啲鍾意食榴槤嘅朋友試吓！除咗榴槤冰，佢哋講到仲有好多其他唔同款式嘅甜品，例如有啲中式甜品，下次都會想去試吓。

自己出尖沙咀買少少野順便行下街，行到攰就諗住坐低食少少野或飲下野😆 見到呢間糖水好似好正咁，就去左試下😍 我去個陣晏晝都冇咩人，所以好舒服，又唔洗等唔洗同人迫，坐位任揀！ 我就叫左一個糖水，比較係似港式少少嘅，就係呢個 “研香芝麻合桃”🤩 一來到已經聞到好香，睇落都幾唔錯👍🏻 簡單講就係芝麻糊同合桃露兩溝😋 所以係特別香濃，香滑芝麻糊加埋濃濃嘅合桃香味，真係好好食🤤 餐廳環境：⭐️⭐️⭐️⭐️⭐️ 食物賣相：⭐️⭐️⭐️⭐️⭐️ 食物味道：⭐️⭐️⭐️⭐️⭐️ 店員服務：⭐️⭐️⭐️⭐️⭐️

食完晚餐🙂難得搵到地方可以傾下心事🙂好彩呢個時間唔係太多人🙂員工好主動🙂一望到我地就帶我地入去坐🙂首先見到環境都好乾淨企理🙂最重要餐牌都夠乾淨🙂另外坐位坐得好舒服🙂呢間糖水店既糖水選擇都比較注重健康開心果露 $48口味好獨特🙂好好食🙂糖份唔會過重🙂食完真係好開心 芝麻糊$38 都唔錯🙂係幾好食有質素既🙂芝麻味好夠香🙂最正就係有糊果種質感🙂真材實料🙂值得再食 員工見到我唔小心匙羹掉落地🙂職員好快主動見到拎過新比我😂😂值得推介下次會介紹朋友 推介🙂🙂🙂🙂🙂

⋆⸜♡⸝‍⋆椰汁紫米西米露⋆⸜♡⸝‍⋆唔知大家知唔知道紫米可煮成粥，煲糖水，做飯團，小妹就最鍾意食用紫米製成嘅甜品，呢一間做嘅椰汁紫米西米露味道香而微甜，黏而不膩口。好味指數:⭐️⭐️⭐️⭐️⭐️⋆⸜♡⸝‍⋆芝麻糊⋆⸜♡⸝‍⋆太驚喜了，估唔到仲可以另外加入日本金芝麻！金色嘅芝麻係香味最強嘅芝麻。 平時好少見㗎，就算係日本嘅生產量都好少。感覺上拎嚟食糖水好似有啲奢侈🤣不過呢一度芝麻糊真係比平時嘅芝麻糊更加突出芝麻味😍好味指數:⭐️⭐️⭐️⭐️⭐️🙌🏻估唔到呢一間餐廳都幾多人幫襯，尤其是係夜晚我建議大家可以先打電話落嚟嗌外賣，然後落嚟攞再拎返屋企食😋咁就唔使排隊啦！如果早嚟嘅話都有位坐，大家可以就下時間。

我地先叫椰汁紫米西米露，呢個係傳統甜品之一，椰汁紫米西米露，粒粒紫米煙煙韌韌，椰汁唔會太甜，好香，西米又唔會煮到一pat pat，口感好好，凍食香甜入味，熱食味道更加突出，超正呀，食完會想再食🤤另外叫佐芝麻糊，重點係加入日本金芝麻！芝麻糊本身已經勁香，好新鮮既芝麻整成既芝麻糊好香濃，好稠口感好好，加埋日本金芝麻就仲香，熱辣辣咁食就超爽，芝麻既香氣湧出嚟，超正呀！🤤呢度仲有好多其他甜品，下次一定要再黎試呀，一定都好好味！

今日經過見到好多廣告宣傳既甜品鋪，見到新開，應該啲野都會有心思。甜品既選擇唔算多，order左一碗楊枝甘露，心唸應該唔會伏。。點知。拎到碗野，係無餐具。可能係環保啦！但係無唸過一碗外賣野，一個餐具都無比到。問可否拎一副餐具。點知店員話要收$1。聽過膠袋要收費，但無唸過一個應該配既餐具都無。。之後食到個味道。。。仲唔開心。又貴又唔好食一碗算係簡單又有特色既野，但係可以咁唔好食。。好失望。。大家可以唔洗試了。。

其實無論磨幾多個鐘，都改變唔倒佢就係唔好味嘅命運。首先，D位極度擠迫，不過係香港特色，冇特別。此乃芝麻糊併合桃糊加$8豆腐花芝麻糊淡!清!水! 磨左8嗰鐘都係比D咁嘅野我。日本金芝麻有乜特別？可能特別淡味掛。合桃糊唔係淡，直情係冇味，究竟點先整倒咁嘅合桃糊？其實係咪色素黎？豆腐花淡而無味，有埋豆腐花成碗野仲淡過粥，建議慳番$8，sorry，講錯，其實係建議唔好食呢間。我都係想食吓糖水姐，點解嗰天要咁樣對我，呢間野當香港人水魚咁劏，搞唔掂。

好得意，也好少見到有開心過嘅甜品今次試咗開心果路又真係幾好食喎，暖暖地開心果味有幾濃厚。但係又唔會好“鞋”口另外，仲食咗榴蓮冰，榴蓮冰都好好食好大舊榴蓮。下年嘅刨冰都係榴蓮嚟咖。芒果西米露都好驚喜。芒果係抱冰凍嘅，夜乃亦都好濃郁，唔係hey旺旺嘅。

聽到推介諗住試下，湯圓未熟裡面仲係凍，招牌菜開心果糊好難食好膩有d酸，合桃腰果食完太濟會作嘔作悶，但裝修同碗碟都幾靚。但價錢共96蚊，不太值得。不太推薦給大家享用

喺ig 見過呢間甜品舖，講到好足料咁，專情去試一試，點知一試就勁失望。。。見到menu 有個開心果露，對一個開心果愛好者一定係必食，點知一放上枱就feel 到好伏。。。首先當你見到個開心果露係咖哩咁嘅色就知唔對路，一食落口只係食到燶味（懷疑佢係煲燶咗搞到變咖哩色），再食多一啖，仲食到酸叔味，呢種有層次嘅難食法其實都幾犀利。食咗兩啖忍唔住要問侍應碗嘢係咪出咗事，點知佢哋試完話食唔到有咩問題，不過最後都俾我哋換其他糖水，之但係如果碗開心果露冇出事都係咁嘅味，呢個 item 應該 off menu 唔好再放係推介產品喇真心趕客另外試埋隔離個腰果露，顏色正常，一入口冇腰果味只得甜味，唔係好知自己食緊d 咩，不過比起個開心果露叫做放得入口囉

Topblade副線人氣糖水舖係厚福街開左一排 終於係下午茶唔洗排隊嘅時間去左試🤣. 開心果露 . $48可揀冷/熱 我地揀左熱食 最關心係開心果味夠唔夠 因為個味好難整得好出 事實就算夠味嘅 仲有淡淡花生味 唔算滑 有種即磨感覺 面頭有少少開心果碎 杰度就恰到好處 呢個價錢有少少貴 對於中式糖水黎講😂 賣相就一般 . 榴連冰 . $48呢個就有驚喜啦 未食已經榴連飄香 sorbet好綿 好似食雪糕咁 榴連味好濃郁 榴連肉都唔少 好甜 仲有粒粒珠珠爽口 增加口感 個人覺得呢個好食啲😚

📎餐廳類別：甜品店/ 糖水鋪⏰用餐時段：宵夜👉🏻👉🏻適合：晚餐後 想食個快嘅糖水(坐低order左冇耐就已經上糖水 極速🤣)🍽餐廳環境：🧡🧡🧡💛💛( 位置有啲迫)🙋🏻‍♀️餐廳服務：🧡🧡🧡🧡💛👨🏻‍🍳👩🏻‍🍳味道：🧡🧡🧡💛💛💲性價比：🧡🧡🧡💛💛🔸營業時間：13:00 - 23:30 🤳🏻打卡📸：燈光&簡約裝修風 食物影出嚟都幾靚(5🧡最高)夜晚想食個糖水搵到呢間新開🆕決定試吓離遠未行到已經見到好多人排緊隊🤣一坐低望Menu 俾開心果露吸引住因為覺得幾特別 同埋喺其他地方未食過🤣我就揀咗熱嘅開心果露 味道同想像中有少少唔同不過味道唔會太甜啱啱好 而且好滑好香🤤朋友揀嘅：我食嗰陣時唔知係咪因為啱啱開可能payment system 未ready 埋單淨係收現金 有少少唔方便🥲

最近半年尖沙咀都開了幾間甜品糖水舖，研香應該就是最新嘅一間，用自動落單機買咗碗熱嘅合桃露加湯圓，甜度揀咗日本代糖（因佢寫住甜度約相等於半甜，等咗大約5分鐘就有得拎，買一碗糖水比咗一個大到可以放個女裝鞋盒嘅foodpanda紙袋我，仲要走埋餐具。食物方面合桃糊不夠滑仲有幾嚿似渣嘅糕狀，應該是無用篩網隔渣，這點絕對要改善，至於甜度方面半甜好似零甜咁嘅，湯丸就OK。選擇方面款式唔算多，定價方面算是合理。

Happy Friday 食完飯諗住食埋糖水，見到有新開既糖水～仲有開心果糖水做招牌，所以試一試佢～個裝修好有文青感覺，鋪頭細細～ 20:30黎到出面已經好多人排隊😨叫左個開心果露，食完一啲都唔開心🫤🫤🫤一啲都唔好味，仲話係招牌🤧接受唔到，太杰😮‍💨Hkd$48呢個楊枝甘露仲大獲😵‍💫hkd$46未食過咁難食既楊枝甘露，點解咁簡單都可以咁難食？完全成碗野得奶味，勁多既奶，冇芒果味，啲芒果得幾粒😮‍💨啲西米仲要結到一舊舊咁樣，呢碗唔止失色咁簡單，簡直係失敗😮‍💨呢2碗糖水完全唔值呢個價錢，唔會再去食🫤2碗剩係食左小小就已經唔想食🥲

Honestly wanted to try this since the line outside is always long. Prefer to buy takeaway though as the wait is relatively shorter. We got the sesame sweet soup and the mango sago sweet soup which were both quite pricey for desserts at $48 HKD.The sesame was thick but not too sweet, just the way I like it. The poster there says that it is made from Japanese sesame, not sure if that's what made the difference but the sweet soup was not too