研香

营业中

休息中

呢間甜品店係尖沙咀厚福街，鋪頭係自助落單形式，好方便，落完單就可以等甜品送到，正！我地分別叫佐芒果冰($42)同埋開心果露($48)，芒果冰冰凍非常，芒果好多，有芒果粒同芒果蓉，全部都係芒果，每一啖都食到，好滿足，仲要有水晶爆珠，口感好好，超級好食😋另外開心果露都好高質，意大利直送既開心果用石磨低溫磨製而成，非常細滑，用料有保證，開心果好甜好好食，係甘甜，新鮮既味道，一路食會一路食到粒粒開心果仁，好香好好味，愈食愈想食😚

📍尖沙咀新開業甜品店‼️· 濃稠開心果糊🤤 -- 研香💖========================最近發現到尖沙咀新開一間甜品店，佢哋本身係由網店起家，最近開設門市，主打各款糖水、刨冰等等😋weekdays夜晚嚟都坐咗好多人！------------------------------⭐️開心果糊配黑芝麻湯丸 $58開心果糊質感頗濃稠🥰堅果味香濃，食得出係真材實料！🤩我哋揀咗店家推薦嘅半糖，甜度剛剛好～黑芝麻湯丸大粒飽滿，建議要同人share食，都幾飽🙈•⭐️黑麻牛 $38呢個係黑芝麻奶蓋配紅茶，奶蓋味道偏甜，而且似係蛋糕嗰啲黑芝麻忌廉而唔係奶蓋😂小編同朋友都覺得唔洗特別試🙈------------------------------賣相：3.8/5味道：4.4/5性價比：3.8/5推介度：3.8/5------------------------------店舖資料名稱：研香地址：尖沙咀厚福街7號地舖前往方法：尖沙咀站B2出口

今日食飽飯之後好焗熱，突然間想食一啲凍冰冰嘅甜品。咁岩行過厚福街見到呢一間糖水店，見到佢有芒果冰同埋榴槤冰，就決定試一下伏！芒果冰同埋榴槤冰兩款都非常之出色，之後都會想返嚟再食過。首先佢哋嘅榴槤冰都非常出色，兩個口味嘅冰都非常多份量，榴槤肉亦都非常之多，榴槤肉加落個冰到一齊食有多重口感非常豐富。跟住佢哋嘅芒果冰亦都非常之出色，芒果冰份量，亦都好多大到成座山咁，佢嘅芒果肉亦都非常之多，食落去芒果肉也很香甜，很重芒果味。令到整個芒果冰有淡淡的芒果香味。

開心果露($48)以前好似冇咁興開心果既野食，而家周圍都多左好多🤪呢個開心果露既開心果味都好出，不過略嫌佢有啲煲燶左既味道，我地落單2-3分鐘佢已經比到我地，唔知係咪因為keep住煲所以煲燶左？😂蛋白杏仁茶($38)呢個蛋白杏仁茶我就覺得中規中矩，入面都有好多蛋白既絲，其實本身我唔係特別好杏仁茶既，但呢個可能唔算話好重杏仁味，所以都叫做接受到🤪🤪榴槤冰($48)佢個Menu寫原價$68，而家$48，上枱唔算話特別大碗，但有一大舊榴槤肉同埋啲榴槤都好綿滑，好重榴槤味，鍾意食榴槤既我地食得好開心，但唔鍾意食既人應該唔會接受到🤪🤪🤪龍眼冰($45)出面甜品鋪都唔係成日會有龍眼冰呢樣野，所以都叫左一個黎試下，比想像中好味，啲龍眼味有淡淡既清香，上面加埋啲蒟蒻好有咬口，但惟一美中不足係有龍眼肉😂😂同埋同榴槤冰一樣個啲透明小珍珠粒粒唔知點解硬到飛起，比較影響口感🙈🙈價錢：🌕🌕🌕🌕🌕🌕🌗🌑🌑🌑每個post都好想講一次香港啲野食貴左好多，人工就冇咩點加🥹🥹之前去完澳洲真係覺得個邊啲野食仲抵食🤣🤣甜品而家都要$40起跳，係以前食到一餐茶記既價錢，呢到既甜品價錢我覺得可接受喇，不過呢幾樣甜品其實都偏簡單，

一行五人見到新舖頭諗住入去食個糖水攞飛之後等咗一陣 入到去坐低好快就嗌咗三個糖水分別係榴槤冰芒果冰同埋腰果拼芝麻糊上菜非常之快5分鐘都唔洗就上哂3樣野當所有嘢都上晒嘅時候就有個服務員走過來話最低消費要每人一碗，但係我哋睇過Menu冇寫，門口收銀係我哋入座嘅時候亦都冇講，都冇任何嘢寫明係需要每人一碗先可以坐低。於是我哋再嗌多兩碗外賣拎走，其中一碗係紫米西米露，嚟到嘅時候成碗白色 問服務員係咪比錯咗 佢話唔係 紫米只係得一啖😓真係顛覆咗我對紫米露嘅認知。總括而言係完全唔值得食 又貴又細碗仲話每日整八個鐘？芒果冰唔覺得特別新鮮似係加芒果糖漿 就係所謂嘅紫米露？我覺得似椰汁西米露。

我本人真係好中意周圍去試不同糖水、甜品之類，今次想同大家介紹一間位於尖沙咀厚福街嘅糖水店，名叫研香😆 呢間店個店面環境望落幾乾淨衛生，而且店員都幾nice，menu 入面甜品款式都唔少任你揀👍🏻芒果冰 $42呢個芒果冰賣相真係唔話得，岩我呢d 港女打卡😍 而且分量都唔少，我自己一個人就要慢慢食先食得完😂 Btw聲牌真係冇講錯，一碗冰等於一隻芒果嘅滋味😙 第一啖已經係芒果嘅香甜，之後先食到冰，呢款完全好似食緊原隻芒果咁好正‼️環境：💜💜💜💜💜賣相：💙💙💙💙💙味道：💚💚💚💚💚服務：💛💛💛💛💛

我一向都鍾意捐窿捐罅，搵啲少食，小食支持吓本地小店。唔想將來一條街清一色都係連鎖店。呢排畀我係尖沙咀搵到一間，不過不失嘅糖水舖，新開張都算多人，等咗一陣就已經可以入座， 入座流程順暢， 一坐低咩料同一杯水已經在枱面，下單後，餐具連餐巾也放在檯面上， 都算係咁👍 啲職員都算好醒目。臨離開時，啲職員即使背住你，亦都會同你講“多謝曬”，馬上擦枱收拾，準備下一枱客， 請著啲之非常熟手嘅餐務員，整間舖㗎運作真係快好多👍👍 楊枝甘露 $46※ 畀啲楊枝都算多，碗嘢正常size，甜度適中，椰汁又香，又有芒果肉，混合得唔錯！ 研香芝麻合桃※ 呢一個可以選擇半甜🍨或者正常🍨🍨咁呢我就叫咗正常嘅合桃芝麻糊，味道唔錯呀，唔好話太甜。我平時唔鍾意食糖，我都唔覺得甜。 記住呢間係小店🏠🏠🏠，所以帶定現金啦💵💵💵～

平時周圍試食既小吉，今次直擊尖沙咀一間甜品店！聽聞呢間［妍香］話係好好食，等今日同大家試下啦！ 係門口見到燈光好足，新裝修，企理！個個職員都笑容滿面，第一步行入去就有人接應，禮貌同笑容加分一向大食既我，叫左榴槤冰同埋芒果冰，咁就唔需要等太耐，兩個一齊到左，真係好驚喜，意想不到份量好多疊到好高，見到都已經好滿足，賣相合格！ 榴槤冰 $48大大碗，榴槤真係好香，入口即溶陣陣散發著榴槤飄香的味道，絕對唔係出面人造口味，份量多到食唔晒😆芒果冰 $42大大碗，芒果香甜，加西米好夾，凍凍地感覺好清涼，鍾意食芒果既人簡直會迷上😆今次做返個評分： 禮貌合格 食物合格 乾淨合格價錢合格 值得食多次！！ 

呢間甜品店係尖沙咀厚福街，鋪頭都係簡約裝修為主，鋪頭仲有捐錢俾兒童癌症基金會，好有愛心！椰汁紫米西米露🫕蝕統中式甜品，紫米香甜軟糯，椰汁好適中，成碗好清甜，西米都軟硬適中，好綿滑好好食，凍食口感仲正，紫米又有暖胃功效，好有益呀！我勁快就食晒一碗啦！楊枝甘露 $46🥭楊枝甘露整得唔好會好甜好難食，呢度就真係唔會，椰汁調配得岩岩好，唔會太甜又唔會太淡味，西柚酸酸地，加埋香甜既芒果，成碗凍冰冰勁好食，一碗完全唔夠喉，真係要食多幾碗！呢度仲有日本金芝麻可以自己加落甜品，好特別！

環境方面:環境乾淨企理唔會有污糟嘢喺枱度，地下亦都唔會黐立立👍🏻（平時好怕一啲餐廳個地下黐立立，搞到隻鞋污糟晒😮‍💨，好彩依家唔會咋）食物方面:我覺得食物嘅種類同埋款式非常之多，有好多唔同嘅新配搭，有幾樣嘢都令到我哋嘅驚喜😳😋榴槤冰：我最鍾意食榴槤！冇諗過呢度嘅榴槤冰係咁鮮甜！果肉好多好滿，啲冰都有一浸榴槤嘅甜味。😋楊枝甘露:唔會好酸，都幾重芒果味，西米露煮到剛剛好最好係我媽咪最鍾意食嘅味道😋研香芝麻合桃：平時合桃露就食得多，加咗黑芝麻好似未試過，感覺上好似鴛鴦咁靚，芝麻好香，合桃好濃郁。我自己覺得兩者配合埋一齊都幾好食。

呢間小店開咗2,3個月，一見到開心果露就即刻吸引咗我呢個開心果控嚟試試😍今次咁啱經過厚福街就終於可以買返屋企試吓喇～我叫咗個熱嘅開心果露 ($48)，估唔到返到屋企食都過咗成個鐘仲keep到暖暖哋😊食落口係有好香濃嘅果仁味，不過開心果味冇我想像中咁濃，我就覺得可以濃啲同杰啲喇～入面有少少開心果粒粒增加返口感～值得讚賞嘅係佢可以揀甜度，揀返適合自己嘅口味😆製作認真，而且都幾有特色，值得支持吓小店😉

今日放學同朋友一齊去食芒果冰，呢間糖水店係近排新開，但係已經去食過好多次，佢哋除咗芒果冰之外，仲有其他健康嘅中式糖水。芒果冰 $42今次試呢個芒果冰亦都非常之高質同埋CP值幾高。佢哋嘅冰份量非常之多，加上佢哋嘅芒果肉亦都有好多，所以食落口感非常豐富。芒果亦都非常香甜，好有芒果味，令到啲冰亦都有淡淡的芒果香。加埋一齊食非常之清新解熱！鍾意食芒果嘅朋友都可以試吓，佢哋除咗芒果冰仲有榴槤冰，下次會來試埋佢哋嘅榴槤冰❤️🫶🏻

口痕好想食下甜野，但又怕肥又想健康d，今次來到尖沙咀研香，諗住同朋友歎下糖水，來到絕無失望，食到滿心歡喜先返屋企～💖楊枝甘露好足料嘅楊枝甘露，又香又甜嘅芒果味，加埋粒粒西米露，即刻食得好開心，啖啖興奮滿足💖研香芝麻合桃呢個研香芝麻合桃絕對係招牌糖水，芝麻味同合桃味都一樣好香濃，成件事好似係芝麻糊同合桃露兩者結合，入口食落好豐富整體來講，呢間糖水我都好滿意，環境又唔錯，糖水又好食，下次會再來試下其他糖水

杏仁茶 $33我叫咗一個非常非常之簡單嘅熱嘅杏仁茶，佢聲稱話🗣🗣🗣係絲襪杏仁茶🍵🍵🍵咁我就要睇下佢嘅功架啦？？？ 碗嘢未上檯，我已經聞到好香，淨係嗅過覺已經我覺得100分。 跟住落嚟就係味覺…… 甜度適中，南杏、北杏嘅比例適中，濃稠度又適中。 感覺上呢……非常之幼滑，可想而知佢用豆腐渣袋，同埋絹袋，經過無數次重覆壓搾才可以做到咁幼滑嘅濃沃杏仁糊。 當中我亦都食到米香味👍我在家都有試過整，所以我知道背後師傅落咗幾多努力💪💪💪而做出一碗杏仁茶視覺上呢……呢碗杏仁茶非常之潔白，配埋日系水泥色嘅勁厚身嘅陶瓷碗和匙羹，拎起上嚟好有重量，增加咗糖水嘅口感。其實品糖水同品茶都一樣，周邊碗筷子匙羹嘅配套，好影響老饕對食物品嚐嘅效果。。。

聽聞話佢個甜品好出色，今日忽然心郁郁想試，就係我返工附近，位置方便近地鐵，附近食完午餐仲可以去食返個糖水，一陣食完又方便返屋企 一入到去感覺裝修好舒服，店舖有文青感覺，坐位同枱面都好乾淨，呢排真係好想食椰米同紫米，機緣巧合之下叫左《椰汁紫米西米露》真係堅好食阿，味道清甜地夾雜椰汁香，有紫米同西米提升口感質素，口感豐富，西米Q彈嫩滑，食得出係新鮮整，絕對無介紹錯，食完係好滿足阿🫣佢係我唯一一間最鐘意食既糖水舖，地點方便，另外仲有好多特式糖水，見到對面枱d糖水份量好滿足，店員服務周到，有服務態度落單都好熟手價錢合理🥇🥇🥇🥇🥇食物質素🥇🥇🥇🥇🥇