影片
想食得健康少少谂起富健有间生滚嘅粥面饭嗌左个花胶滑鸡饭食完觉得短期内都唔会想再返黎食第一个汤底唔知系咪真系用鸡熬制对我黎讲个味道唔算鲜甜而且姜葱味好重唔系好知饮紧咩用黎送饭勉强食到一半第二已经加钱转鸡髀但啲鸡肉真系唔易𡁻想像唔到如果唔系鸡髀位啲鸡肉会有几「滑」仲有个大问题系太多碎骨唔知点解啲鸡件斩得咁唔好食嘅时候要好小心花胶有两小件 硬硬地但呢个价钱唔会要求啲咩成个饭连埋外卖盒盛惠$90感觉上附近有更好嘅选择
继续阅读
当日我系下午时段同朋友去帮衬嘅,当我入到间舖想坐𠮶张枱咁啱店员抹紧枱,跟住当佢抹好我哋就坐低,一坐底已经闻到张枱一大阵味即系好明显佢用黎抹枱𠮶块枱布都几耐冇洗.. 跟住佢清洁完张枱但张枱可以仲有一条豉油王炒面嘅面条喺张枱度...咁明显都睇唔到？未食成个观感已经畀到我好差呢度主要系食鸡,咁佢就有得拣生滚粥底,米线,薯粉或者白饭,咁我就谂住叫砂锅花胶滑鸡薯粉,而我朋友就谂住叫沙锅滑鸡米线,结果落单嘅时候佢同我讲冇薯粉咁我就唯有转食砂锅花胶滑鸡米线啦,跟住碗米线嚟到一睇落好明显系睇得出我朋友𠮶碗米线系少啲我𠮶碗系多啲,而个店员竟然自己都讲出嚟话觉得我朋友𠮶碗米线点解少咁多,但佢讲完之后反而系问我个朋友够唔够食而唔系即时拎入厨房同厨房讲要加返个份量...咁你不如唔讲仲好过讲？因为我朋友本身都唔食得太多,所以佢都话够跟住我朋友讲完够之后佢竟然仲讲话叫我喺我𠮶碗米线度夹啲畀我朋友食.....呢啲系咩服务我真系好好奇？如果你一开始乜都冇讲就咁放低碗米线会唔会仲好呢？到我哋两个碗米线嚟到嘅时候我哋就梗系谂住拎筷子就开餐啦,咁佢张枱嘅入边靠墙位置台面有一个盒仔,上面系放调味料嘅跟住有个柜桶仔可以拉开嘅,咁你梗系以为筷子系摆喺𠮶度啦,当我哋拉开柜桶嘅时候发现冇筷子咁我就挥手同店员讲谂住叫佢畀筷子我哋啦点知佢讲都唔愿讲净系用只手指指住张枱嘅侧边,原来张枱嘅侧边系有个柜桶系可以拉得开嘅,同而家大部分嘅餐厅一样,但我想问出声讲一句都咁难？米线嘅味道方面就普通,米线煮得系唔会太腍都几弹牙嘅米线我觉得唔错,不过个汤就偏淡都冇乜味,系饮得出有少少嘅鲜味但系都唔多,同埋唔知点解我𠮶碗米线个汤底同我朋友碗米线嘅汤底又会唔同嘅...我朋友𠮶碗米线嘅汤底系浓啲嘅,其实望落都睇得出我𠮶碗米线个汤底系淡啲冇乜鸡油,但正常嚟讲佢应该都系一大煲汤咁煲出嚟做汤底正常应该唔会有分别架？花胶就普普通通其实都麻麻,反而啲鸡我觉得都唔错嘅有少少好似盐焗咁嘅味道虽然啲鸡都有少少鞋口但系整体鸡嚟讲我觉得鸡都唔错既但成个用餐体验畀到我嘅感觉就真系比较差,服务系完全唔得,米线味道方面就普普通通,虽然我觉得如果叫砂锅粥底嘅话应该会好食啲嘅不过根据是次嘅用餐体验我都冇意欲再有下一次嘅帮衬再去试佢个砂锅粥底了
继续阅读