砂鍋皇

营业中

休息中

想食得健康少少諗起富健有間生滾嘅粥麵飯嗌左個花膠滑雞飯食完覺得短期內都唔會想再返黎食第一個湯底唔知係咪真係用雞熬製對我黎講個味道唔算鮮甜而且薑蔥味好重唔係好知飲緊咩用黎送飯勉強食到一半第二已經加錢轉雞髀但啲雞肉真係唔易𡁻想像唔到如果唔係雞髀位啲雞肉會有幾「滑」仲有個大問題係太多碎骨唔知點解啲雞件斬得咁唔好食嘅時候要好小心花膠有兩小件 硬硬地但呢個價錢唔會要求啲咩成個飯連埋外賣盒盛惠$90感覺上附近有更好嘅選擇

當日我係下午時段同朋友去幫襯嘅,當我入到間舖想坐嗰張枱咁啱店員抹緊枱,跟住當佢抹好我哋就坐低,一坐底已經聞到張枱一大陣味即係好明顯佢用黎抹枱嗰塊枱布都幾耐冇洗.. 跟住佢清潔完張枱但張枱可以仲有一條豉油王炒麵嘅麵條喺張枱度...咁明顯都睇唔到？未食成個觀感已經畀到我好差呢度主要係食雞,咁佢就有得揀生滾粥底,米線,薯粉或者白飯,咁我就諗住叫砂鍋花膠滑雞薯粉,而我朋友就諗住叫沙鍋滑雞米線,結果落單嘅時候佢同我講冇薯粉咁我就唯有轉食砂鍋花膠滑雞米線啦,跟住碗米線嚟到一睇落好明顯係睇得出我朋友嗰碗米線係少啲我嗰碗係多啲,而個店員竟然自己都講出嚟話覺得我朋友嗰碗米線點解少咁多,但佢講完之後反而係問我個朋友夠唔夠食而唔係即時拎入廚房同廚房講要加返個份量...咁你不如唔講仲好過講？因為我朋友本身都唔食得太多,所以佢都話夠跟住我朋友講完夠之後佢竟然仲講話叫我喺我嗰碗米線度夾啲畀我朋友食.....呢啲係咩服務我真係好好奇？如果你一開始乜都冇講就咁放低碗米線會唔會仲好呢？到我哋兩個碗米線嚟到嘅時候我哋就梗係諗住拎筷子就開餐啦,咁佢張枱嘅入邊靠牆位置檯面有一個盒仔,上面係放調味料嘅跟住有個櫃桶仔可以拉開嘅,