石鍋堂

营业中

休息中

熱辣辣石鍋熱得滾住上檯, 數款不同湯底供自選, 令人印象深刻, 趁放假同朋友再重臨「石鍋堂」。 餐廳面積不大, 座位不算闊落, 簡單來個速食亦可接受。除了多款不同主食配料嘅石鍋烏冬, 另有石鍋飯、冷烏冬、蛋包飯, 小食等等...【安格斯牛肉石燒手打烏冬】HK$84 自選和風咖哩湯底, 熱辣辣石鍋令湯底滾住上檯, 散發陣陣咖哩香, 面層佈上了多片嫩紅安格斯牛肉, 湯底將牛肉焯熟至自己中意嘅生熟度, 牛肉口感嫩滑, 手打烏冬煙韌彈牙, 配上甜甜嘅咖哩湯底, 好食得連湯底都飲埋, 大愛!!另外更追加了配料:+10 粟米粒, 加入湯底, 豐富了口感層次+$12 低溫慢煮流心蛋, 超滑, 流出豐富蛋汁【照燒雞扒蛋包飯】HK$75蛋皮完全包裹了米飯, 雞扒嫩滑, 表面掃上了鹹甜嘅照燒汁, 美味又飽肚。 

放假約埋朋友一齊去旺角睇戲，晚餐時間朋友話突然想食石鍋堂，餐廳地方整潔，主打日式石鍋手打烏冬、石鍋飯、蛋包飯。吉列豬扒石燒手打烏冬：湯底有五款選擇，揀咗魚介豚骨湯，湯熱辣辣用石鍋上，上枱時仲滾起泡泡，湯底用咗不同魚乾、乾貝粉和昆布熬煮10小時而成，味道濃厚鮮甜，手打烏冬煙韌彈牙，另上嘅吉列豬扒香脆可口，配沙律醬味道更提升。照燒雞扒蛋包飯：雞扒用傳統日式照燒汁煮製過，皮香肉滑，食落仲啖啖肉，一塊充滿蛋香的蛋皮裹着以醬油調味的珍珠米，吃時倍覺細嫩幼滑。汽水夠冰凍。

餐廳主打石鍋烏冬和石鍋飯，環境狹窄，但勝在座位下方有一籃子可以放手袋，店員服務周到，也接受外來飲品在餐廳享用這一點非常加分，這家餐廳已經到訪多次，所以推薦給大家🍴 照燒雞扒石鍋手打烏冬 ($80) 我選擇了黑松露香菇湯，烏冬用石鍋上，熱烘烘滾燙的湯底，湯底濃郁，配上煙韌彈牙的烏冬，而雞扒份量剛好，肉質嫩滑肥美🍴 厚切鵝肝野菌石鍋飯($98) 鵝肝份量十足，有三大片厚切鵝肝，香濃多汁，石鍋飯有一部份會形成飯焦，香脆可口，口感豐富

服務態度差，清水都唔提供仲夠膽收服務費，環境狹窄，坐得非常不舒服。食物方面，鮮活蜆黑松露香菇湯，湯底偏淡，蜆沒有味道，非常煙靭，需要咀嚼很久，整體而言，3/10，不推介。

女人街野食都好多選擇，今次就俾石鍋飯吸引左店舖唔大，但餐枱嘅空間都算足夠店員態度親切熱心，頗有小店風味❤️🥘石鍋堂海鮮石燒手打烏冬 山地獄辛辣湯 $87用熱石鍋裝住嘅海鮮烏冬，一邊食一邊Keep住滾熱辣大大隻帆立貝，十分搶眼海鮮足料，包括有原隻鮮蝦、蜆、蟹柳、蠔山地獄辛辣湯，味道微辣，食落有泡菜風味可能因為連埋海鮮一齊煮，感覺有少少鮮味手打烏冬口感唔錯幾彈牙🥘汁燒帆立貝雞扒石鍋飯 $84🐔雞扒香煎，聞都燒雞香味，分量十足燒帆立貝，味道更加濃郁石鍋飯食落有鰹魚汁香味想更加濃味可以添加飯汁，淋落灼熱石鍋發出渣渣聲食到最後有石鍋底部飯焦，金黃香口，十分滿足👍🏻

旺角食飯有什麼選擇？答案是海量的餐廳選擇。旺角位於九龍油尖旺最旺的地點，飲飲食食，衣飾商品都選擇多多，餐廳林立，到處都有食的地方。而講到石鍋料理，沸騰程度會出煙的，就想到一間餐廳，就是石鍋堂。燒鰻魚石鍋手打烏冬$106熱辣辣，未食都感覺到湯在沸騰的狀況。手打烏冬屬較粗身的一種，但麵條軟熟有彈性，咀嚼起來有Q彈的感覺。吸收了湯汁的精髓，每條都入味可口。一邊食，一邊有着濃郁的黑松露冬菇湯風味，滋味在心頭。至於燒鰻魚另外用碟裝上，肥美飽滿，啖啖肉，醬汁惹味，食得樂意洋洋。黑松露帆立貝$52 一碟兩串，每串都有兩大隻，價錢合理便宜。黑松靈令帆立貝的鮮甜多一重層次味道。醬汁調配得宜，好味小食。

Menu可以自由選擇烏冬款式 麪身軟硬度 湯底 材料等等 全部味道也做得很出色 價錢也意外地均真 想吃經濟實惠有高質的石鍋烏冬 試過就知道了🤍石鍋堂海鮮石燒手打烏冬 [$90]黑松露香菇湯底大概是由昆布湯加上一匙黑松露醬 石頭鍋把烏冬湯麵保持在滾燙的狀態 海鮮配料包括有蜆 新鮮海蝦 蠔 蟹柳等等 海鮮質素新鮮 蠔沒有任何腥味 口感彈牙鮮嫩 也很大件 烏冬吃到最後也是爽口的 不會糊掉😋安格斯牛肉石燒手打烏冬 [$82]原本是生牛肉 但就像shabu shabu一樣新鮮涮的 牛肉油脂比例較少 肉片很薄 但是吃得出很新鮮！至於湯底選了山地獄辛辣湯 是濃郁的麻辣湯 聞得出味道 不過對吃得到四川麻辣菜的人會覺得不夠辣 不過價錢來說質素很實惠 真的值得試❣️

今次嚟呢間食叫咗兩個烏冬，一個係咖哩湯安格斯牛肉烏冬，另一個係松露湯吉列豬扒烏冬先講咖哩湯安格斯牛肉烏冬，個咖哩湯都算幾好味，但略嫌調得有啲稀，掛唔到上個烏冬到，而個安格斯牛都唔錯，有牛味得嚟又唔會太un ，所以我覺得呢個整體都叫好食。至於個松露湯吉列豬扒烏冬就相對比較遜色啦🙁，首先講咗個吉列豬扒先，我會用難食嚟形容，雖然個皮都夠脆，但個肉真係超級un ，從來冇見過日式料理嘅吉列豬扒係咁，便利店買都仲好食，個湯就其實ok 嘅，有松露味，但都有好大陣菇味。最後想講吓間舖嘅衛生情況真係比較差，感覺好似好耐冇清潔過，去廁所條路見到佢話廚房附近好多塵同埋油漬，不過鋪面就ok 嘅。

極小的店面，秩序非常混亂。交了單之後20分鐘後沒有出餐。後被告知單完全沒被錄入，要我重新寫單落定。全程沒有services，甚至不能提供清水，我都可以理解。但是無法處理客戶交給他們的訂單真的是ridiculous。服務員態度也非常不好。在一個快節奏的城市，沒有人會無緣無故被你ghost 20分鐘。如果我自己不去問，會被ghost更久吧？食物本身只能算是comfort food。如果沒有這次的experience，我可能會考慮再來。但是如果服務如此拉垮，comfort food確實不會再吸引回頭客。

以前每隔一兩個月都會食下，但係個陣啲服務好差，特別係好高個個男人，不過因為個咖哩湯烏冬好食，都會間唔中黎食。不過今日黎食，都係高個個男人去負責樓面，但係啲服務好左好多，講野明顯有禮貌好多，又會提有籃放袋，又會提邊到係冷氣位，又會講下笑，真係好左好多！如果以前覺得服務差嘅，真係可以再比多次機會，真係會有驚喜！欣賞肯改善！！Gchi！另外，鋪頭仲寫明比帶外來飲品，雖然大部分鋪頭都話唔比，但係都唔會點理，不過真係少見會寫明比帶野飲！

這間位於旺角的【石鍋堂】，主打日本石燒烏冬，另外還有石頭鍋飯、蛋包飯及串燒等，全部即叫即做，上枱時新鮮熱辣。吉列芝士豬扒豬扒炸至金黃香脆，即叫即炸，芝士拉絲，惹味小食。鮮活蜆石燒手打烏冬配魚介豚骨濃湯石燒烏冬熱辣辣滾住上枱，蜆肉新鮮全部都開口，湯底濃郁鮮甜，除了有魚鮮味還有肉骨香甜。照燒雞扒蛋包飯蛋包飯份量十足，蛋皮完全包裹米飯，加上特製燒汁，十分惹味，雞扒煎至嫩滑。全晚都排隊，幸好流量都快，等山了十分鐘就可以入座。

'次次同Frd諗唔到食咩就會食呢間，一到食飯時間真係排曬隊咁。排隊前一定會問下仲有冇鵝肝食先！*厚切鵝肝野菌石鍋飯 - 係令人念念不忘的厚切鵝肝~外脆內軟，充滿幸福同罪惡感既每一啖都令我好忐忑🤣如果唔鐘意飯焦可以要求用碗上架～📍石鍋堂旺角通菜街2A-2P號鴻光大廈地下D號舖

石鍋堂出名石燒烏冬原本都想吃石頭鍋飯但午餐吃了飽飯晚餐就吃個簡單烏冬😛🩵石鍋堂海鮮石燒手打烏冬加上黑松露香菇🍄‍🟫湯這個海鮮有蟹柳2條、鮮蝦兩隻蜆肉有3個、蠔都有1隻扇貝都有1隻烏冬份量都算不少😚熱辣辣滾湯上湯有黑松露忌廉湯的味道加上七味粉令味道更上一層樓😀😀🩵安格斯牛肉石燒手打烏冬加上黑松露香菇🍄‍🟫湯友人點了牛肉烏冬鮮牛肉上石鍋的滾湯令牛肉變熟牛肉尚算新鮮🥰🩵岩鹽燒鯖魚這個味道不錯鯖魚都算新鮮燒到剛剛好😗😗不會太老或不夠熟🩵飲品可以外邊買完再在店裏享用或者點店內的罐裝可樂汽水飲品推薦🩵石鍋堂海鮮石燒手打烏冬🩵岩鹽燒鯖魚

今晚出咗旺角搵食，行過女人街見到多間食肆，間間去裝吓，見到呢間好似幾多人食，就入去試吓，枱唔算多，幾多後生仔女幫襯，四眼侍應哥哥好好👍佢話我哋張枱向冷氣口，提我哋坐向對面唔好直吹，見我哋用紙巾抹嘢，主動攞啲餐紙巾比我哋，仲好细心咁比埋碗仔我哋，勁nice1. 燒牛仔骨牛舌石鍋飯 ： 石鍋飯攪勻食，飯焦香脆👍，牛仔骨味道唔錯，牛舌薄切嘅稍為過熟有啲韌2. 胡麻冷菠菜：正常嘅冷盤，胡麻醬都幾多3. 黑胡椒煮活花甲：黑椒唔會太重，湯底唔錯配咗洋蔥煮幾甜（攪到我食晒啲洋蔥），花甲都幾好肉👍冇沙，煮嘅時間控制得幾好👍，啲肉唔會甩開晒搵唔返4. 厚切豚肉 - 魚介豚骨濃湯：湯底唔同價錢有5款可揀選，上枱啲湯仲滾緊，烏冬好食不過豚肉有啲肥

汁燒帆立貝雞扒石鍋飯石鍋飯上桌時熱辣辣，仍然咋咋聲煎緊，好香。撈汁更加香，淋落去仲會石鍋仲會即刻咋咋聲，有dd飯焦都咬到食到好香。但飯底石鍋焦不會過多帆立貝全部都大大粒飯粒彈牙又香。帆立貝、雞扒、特製飯汁、自行落既七味粉滲曬入米飯到。原切鵝肝野菌石鍋飯 $98鵝肝烤至外脆內軟，野菌香與鵝肝奶油口感香味好配搭。鵝肝出色在外皮脆又香，一咬即融，成個口都有奶油香蜜蜜芥末籽牛牛肉片煎到紅紅地，表面灑滿了芥末籽，超香！有嚼勁之餘，肉質鮮嫩多汁。芥末籽帶微微的辣味和爽脆口感。牛肉鮮味與芥末籽的辛辣味，再搭配上蜜糖的甜味，鹹甜交替好正。 係咁搵蜜蜜芥末籽牛既相都未見有，但又想試下，點知單食飯已經好飽。我會話人均價$95左右已經飽