石磨坊 (已結業)

涼粉好糊麻麻湯圓ok

晚飯食得不夠飽，又食了一些小食。雖然肚子已飽了，仍心思思想食糖水。數數手指，我們都有年多沒來了，於是又回味一下!我要了芋泥西米露($20)，男友要了燉鮮奶($14)。芋泥和西米露的配搭很不錯，味道與往昔的無異。我又試了一口燉鮮奶，感覺好像食緊奶tart，haha。在這裡，我尋回了最初的感覺^^

一早久仰石磨坊大名..今日行完太子..諗住行落mong kok既時候知道呢頭有呢間甜品店...就當食tea咁入去食喇!要一讚既係service好好,,由我同男朋友係店門口睇menu到走果刻都好好禮貌..要左個芋泥撈($24)..男朋友要左個奶皇旦白燉鮮奶-凍($15)..試左啖燉鮮奶...同奶皇mix埋黎食...燉鮮奶唔係好甜..而奶皇甜甜地,,,味道好match!至於芋泥撈..中間係一座刨冰有少少甜甜地..側邊圍邊既係芋泥+花奶椰汁...底層係涼粉!將刨冰混埋芋泥..芋泥既口感好特別...個樣好似cream狀..食落有d似栗子茸既口感,,,將芋頭既味道淡淡地甜甜地咁滲左出黎..混埋下面既涼粉....我實在覺得呢餐既tea好似食左好多甜品落肚!勁yummy...真係勁正!係出面真係搵唔到嫁...btw...食完之後真係好凍...夏天食一定勁正勁消暑!又一個食甜品既好地方!

來了很多次，但這次印象真的奇差。一去到，明明張大枱無人坐，我和朋友仔兩個坐了下去，個侍應就叫我地搬去同人搭枱。話張枱有人，但之後坐咁耐，都發覺張大枱係無人坐架lor~~~算！搬左枱之後，一打開個餐牌，是「痴立立」的，朋友仔打開他那個，也是一樣。咁口既衛生情況，點叫人食得安心？！叫了一個芒果黑糯米卷(名字記得不太清楚)。待應拿了兩隻碟來，但兩隻都是濕的。唉~~~~唔通佢地生意真係好到抺碟的時間也沒有。這樣的境況，吃甚麼也沒有味道~~~

久別重逢，與友人一起和石磨坊的芝麻糊再度相遇。約大半年沒有吃它了，便要芝麻糊加合桃糊。猶記得它是其中一間小弟認為好食的，便十分期待舊日的感覺。桃花依舊，味道全非，令人難以相信是此店的出品。第一次食過黑色水加糖，以往的滑溜消失了，只剩下水水的、唔滑的、好淡芝麻味的糖水。希望這是因為比較晚的關係，早一點可能會好一些吧！不過以後只好去油麻地食了，好味的，始終是買少見少。

(24/10/06)好耐之前睇過,有d野吸引。而家終於黎喇,好失望。香芒黑糯米芝麻卷,熱的,淡口,味道又唔match。栗子糊+芝麻糊,好滑,不過芝麻糊多D,蓋晒栗子味

19/10 (星期四)行完花園街弟弟說去吃糖水,妹妹因為明日要開會,想早些回家不與我們同行,剩下我同朋友T陪他,雖然已10:00PM多,但都要等2,3分鐘,不過弟弟說有時都會有很多人,好在今晚等的人並不多.一看餐牌有些喜出望外,竟然有腰果糊,想起好幾年前在健康工房吃過腰果糊後就非常喜歡,以為以後不用每次只懂選芝麻糊,合桃糊,誰知這幾年都碰不上有一家有做腰果糊的店,直到年頭再到健康工房,問他們有沒有再出腰果糊,還是沒有,今晚很幸運地再遇上它,我見有雙併就試個腰果糊+杏仁糊,雖然加了杏仁糊但不會搶了腰果的香味,只是清淡了但味道亦不錯,而弟弟的腰果糊+芝麻糊味道較香濃,朋友T的新楊枝金露,問她有什麼不同,她說味道差不多,不過多了哈密瓜,另外桂花同心糕,吃不出有桂花味,芒果幾甜,紅豆蓉不會太甜,這個糕點清清甜甜幾好味,朋友T說下次想試黑糯米芝麻卷,弟弟卻說這個不太好味,但各人口味不同,所以下次再來我一定會試.

幾喜歡石磨坊，因為它有很美味的芝麻糊，撈起杏仁糊、腰果糊也毫不遜色。一間糖水舖，就是要有這等基石，才能再發展其他美味的新產品。　煲仔飯後與家人來吃糖水。杏仁芝麻糊($14)是必點，之後試多幾款甜品；很久前吃過石磨坊的芝麻芒果卷，幾特別，今晚就試芋泥刨冰($24)與芒果刨冰($24)。杏仁芝麻糊從來好味，講講兩款刨冰罷。芋泥很甜，加上淡淡的刨冰與涼粉，口味出奇地夾，我與媽咪都非常喜愛。芒果是靚貨，大大塊的果肉很甜，也是有大量涼粉底，美味又抵食。要提兩份刨冰都很大份，食完很飽很飽。　傳統與創新，能夠兩者兼顧的確不錯。家人都說下次要再來試多幾款甜品呢!

之前都有去, 但係真係越嚟越唔掂>x< (我唔知第間分店會唔會好D~) 樣樣糖水都甜都D糖唔使錢咁... 中式糖係咁... 刨冰又係咁...真係名乎其實食糖水...

天氣好熱好熱特登由APM 出返黎食糖水．刨冰！水蜜桃刨冰：座刨冰真係好高，最好由底食起，因為我地由頂筆搞到成身都係，哈哈！Ｄ水蜜桃唔太新鮮，好似罐頭貨咁，但罐頭又冇理由有咁大粒喎。涼粉底，涼粉幾爽口但份量好少。芝麻黑糯米芒果卷：個款係好創新，但係唔好食囉！Ｄ黑燸米太多，芒果勁少。而且係熱食又遲Ｏ黎，食完刨冰再食佢好似冇咩味道。總結：只係去食刨冰就夠。地下好跣，檯面亦唔乾淨，衛生情況好差，又要搭檯，好多煙味。

同幾個FD去,我叫左個蜜瓜刨冰..本人黎講覺得比較甜了點,,加上服務唔係好掂,,好似唔多想做生意咁雖然宜家係好熱,,但係冷氣真係開得太低溫度我一邊食一邊打冷震,真係想食完快D走,唔想係度涼下-

久仰大名, 第一次去試.首先點了店裏的招牌菜芒果黑糯米芝麻卷($20)很驚訝它原來是熱的! 我覺得它不太夠甜, 但黑糯米煙韌搭救, 粒粒芝麻很香, 芝麻卷皮很好吃. 味道不是出眾, 但勝在夠創新.然後點了個椰汁西米露($15)來解暑.這真是一個災難, 很後悔白花了這$15! 椰汁雖然真的用椰子做, 但西米卻很難吃, 份量過多, 像加了很少糖的糖水一樣難吃! 真想吐!!相片: http://food.crossfacer.com/cgi-bin/weblog.pl?reply=24

昨天2人試了芝麻黑糯米芒果卷及桂花同心糕.桂花糕全無桂花味, 紅豆蓉太多太甜, 好失望!!芝麻黑糯米芒果卷, 黑糯米過多, 蓋過芒果的味道.而且昨天都有成20度, 但開冷氣開到得番5度, 你會見到個個都話勁凍, 披哂外套, 講野時個口凍到仲有煙出.真係離譜, 個個好想快d食完快d走.總之不值得去試. 加上D Waiter 唔多願做, 我從未試過有一間服務咁差的餐廳, 如果我係老闆就會請過哂批好些的員工.

上次朋友帶過我0黎(星期二)，吃過栗子糊+西米(原本想叫栗子糊+椰子糊but椰子糊只在四至日供應)，已經覺得好好味，所以上個sat同朋友食晚飯後0黎咗lee度食糖水，終於食到栗子糊+椰子糊，都係好香栗子味.而且同椰子糊溝埋一齊好配合,好香同滑,正!正!正!我d朋友叫咗栗子糊+合桃糊(But合桃味太重完全蓋過栗子味)、栗子糊+芝麻糊(一樣芝麻味太重完全蓋過栗子味)，但係全部都好滑，不過那裡的服務員態度真係麻麻，學華仔話齋:，應真要改善、改善。

經過石磨坊記得這店有得食刨冰,好開心!叫了西瓜刨冰,高就高喇,不過好似糖水+冰,太太太甜了,西瓜都完全被糖水蓋過晒d味,有d失望,用$20食左個糖水冰山.隔離枱的情侣叫了4種食品,全部只是食了一半,桂花捲&黑芝麻捲,見到佢地食到歪晒嘴,真係咁唔好食???我以前向黑布街嗰間食過都幾好食架,唔通呢間整得晤好食???好彩當日d服務都ok,快手快腳!