石磨坊 (已結業)

行街行到支力，2個人要左個椰汁紅豆刨冰同芒果撈。2個都好好味。椰汁紅豆刨冰既甜味剛剛好，又有碎冰、豆蓉、涼粉，口感特別。芒果撈既河粉夠椰子味，不過芒果就因為加左糖水而好甜。

食完毓民牛肉麵後好飽，同媽咪行左一陣街，就來這裡食甜品. 腰果糊+ 芝蔴糊- 真材實料，香滑. 芝蔴糊+ 湯圓- 一咬粒湯圓，D芝蔴就流出來.. 好!這店於元朗開左分店，在眾多競爭中仍有不少人光顧，好野!

冬季栗子靚就食栗子糊吧！聞落真係勁香像食一粒粒栗子一樣。但至少食一粒粒的栗子個肚我會滯住，但飲落肚就問題不大啦！^^v同埋邊食邊細味~今次當中用到的栗子未算係最熟透，大概9成半熟咁啦！既然我話得像食原粒栗子一樣，當然糊的味道就像咬落一粒有99%差少少就全熟透的栗子度…年青店員有禮。她向我說第一天上班想我落單時說得慢一點...明顯我受年青人有禮這套多於一切來得理所當然的年青服務態度。下次再試。

又來到了石磨坊..想起剛認識她的時候是她剛推出芒果河粉的時候那時哥哥總會滿心歡喜的到旺角球場那家店買價值三十五元的河粉總覺得很特別的…後來也偶爾會光顧一下但沒有那種十分特別的感覺..就在這一晚…..**栗子糊** ($16)向來栗子都是我的頭號愛好但卻從未嚐過一口由栗子製成的糊糊是濃濃的…味道不像芝麻糊核桃糊般的特出淡淡的甜但充滿著濃濃的栗子味道很對胃口呼嚕呼嚕的就吃完一碗在這種漸涼的天氣吃一碗暖暖又美味的糖水很甜蜜的感覺...

係佢未開分店前, 已經係黑布街總店食過啦, 感覺都唔錯. 再者, 旺角食開既糖水老店, 已經唔再係專賣糖水了, 感覺同質素都下滑了不少. 呢度雖然是新崛起的, 但仍然是只賣糖水, 同埋品質都keep得住, 所以多d 黎呢度食糖水.雖然店內有不少特式甜品, 例如又高又尖既刨冰, 黑黑的芝麻卷, 心形糕點, 但我還是欣賞傳統糖水多d. 芝麻糊加合桃糊就係我既至愛. 芝麻糊同合桃糊都好香好滑, 加埋就唔會太甜, "杰"度都適中, 食晒一碗都唔覺太膩, 好滿足. size都唔算太細, 十幾蚊, 好合理呀, 已經好過d連鎖店, 又稀又貴又甜...呢間分店, 地方比較正方, 坐得比總店舒服同就腳d. 仲見到店內poster話元朗都開左新分店tim.

知道石磨坊好出名..但一直都未去過食..所以尋晚同表妹2個人去左食叫左個香芒糯米芝麻卷x 椰汁蜜瓜刨冰個芝麻卷都ok既, 本人不是太喜吃呢d甜品但d芒果好好吃＠＠刨冰都幾好食, 又有得玩o個舊冰原來個底有d涼粉ga wor＠＠　好新奇ａ.. XD

食物來到時真的嚇我一跳,咁大座山? 想不到還用豆沙圍住,好靚,好味. 真是一分錢,一分貨" 但到最尾都吃不完~

同朋友<一共4人>一齊食完飯後想食個甜品行行下就入左鋪了見到刨冰相都幾吸引所以就點左3個刨冰份量好足...不過底果度d糖水太甜啦生果都算新鮮個個食刨冰既都食都震震下...都幾爽架朋友就食杏仁露...食左2啖就冇食了

話明平日食開7成飽嘛！今日咁啱晚餐後路經此分店咪索性直接食埋甜品才去出動逛街…(反正石磨坊三間分店食過咁多年又唔覺味道咩明顯唔同~咪唔在意咩原店囉！)二人叫了芝麻糊($13)+補腦合桃糊($16)=$29芝麻糊當然good啦！又滑又香…同即沖嗰d簡直天堂與地獄！(即沖嗰d係飲得出的)至於合桃糊簡直又再值得我推介…一睇menu睇到"補腦"就像light bulb叮一聲~因為成日俾男仔話我又傻又冇腦！再睇埋合桃糊三個字真係…為我而設的糊腰果糊上次就嘗過啦！係很香濃、濃郁…反而這個合桃糊又唔會太寡或太濃。因為合桃唔及得腰果或杏仁咁芳香濃郁~杏仁同腰果未食已聞到一陣nuts香味撲鼻而來！反而合桃糊的精髓係要入口才探到虛實~真係又滑又香…仲唔會很飽、漏滯！當時真有衝動想再食…(但唔得啦！屋企有magnum雪糕批等我>3<)服務都ok的。少女店員指著牆壁上的報章推介向我講解menu中我睇唔明的新式甜品…(我白黐係要看圖識字嘛！)三間分店似乎這分店我坐得最舒服~因為其餘兩間很多座位都接近門口…算擠逼！當有人進出入座某些位置時會坐得很不安樂~全程就係起身坐低、起身坐低…算吧！旺角度度都

再去石磨坊食甜品，經過上次既經驗，唔會再去黑布街果間。睇番D食評話芋泥刨冰都ok，所以就order左喇。但係食落個芋泥好似香口膠咁，無乜芋泥味，襯刨冰就唔合拍喇，搞到好似口淡淡咁，雖然有花奶，但係真係越食越難食咁，食左4份1就放棄左喇。都係叫番呢間舖既鐵膽，芒果刨冰，都係咁好味，最後就俾我同我女朋友毀滅左喇。

同朋友仔提過想食糖水，佢就帶我黎呢間，佢話d口碑都唔錯。我叫左朱古力蛋白燉奶(凍)，好有朱古力味，不過因為太重而無左奶味朋友仔叫左芋泥涼粉，面頭係刨冰同芋泥，底下有涼粉。開頭果陣覺得普普通通，食食下又幾好味，再凍d會更好。埋計都只係40蚊，比許留山平好多有機會既話會再黎，要試下座芒果冰山，睇張相都已經覺得透心涼。XD

食完板前走左去食石磨坊，o係openrice睇食評話佢唔錯，咪同女朋友去囉，叫左個黃金腰果糊同埋椰汁芒果撈(其實係刨冰)，腰果糊食落好滑，應該係用油撈，但腰果味不重。刨冰係超級推介！！而家O係香港要食到好食既刨冰真係好難，呢個高約8cm既冰山刨冰一黎到見到就已經透心涼了。o係其他地方食既刨冰都係白色既，最多佢都係加d藥水味既色素落去，或者係用d生果圍住。但係呢度個刨冰就截然不同，整個冰山有95%都係充滿住芒果汁的，食起黎啖啖都有芒果汁味，但略嫌刨冰比較粗。毀滅左座冰山後發覺山下原來仲有涼粉(涼粉欠口感)，感覺好正。最好就係o係旺角行到熱辣辣既時候食番個冰凍刨冰。爽！**ps刨冰最好就係2個人share一齊食，因為份量都幾大，又要食得快，如果唔係就會好快溶晒，最多食完再order過啦~服務態度一般，都係普普通通咁喇。

幾個星期前同老友食完飯由尖沙咀行番落旺角，朋友想食涼粉，跟住就諗到嚟呢度。一向喜愛椰汁西米系列嘅我叫咗碗椰汁西米芋泥，超正！搞到上個星期行開嗰頭嘅時候再來一碗。

飯後與友人o黎呢度食糖水,叫了:芝麻糊~好味椰汁蜜瓜刨冰~第一次食,幾巨型,食到最尾都食唔晒食完甜品後覺得好飽...好飽...但好滿足~

最中意食腰果糊, 好香腰果味又唔會好杰and唔太甜香芒黑糯米芝麻卷係熱食- 黑糯米跟芝麻卷幾好食, 但加埋香芒就有d怪…..桂花同心糕- 冇乜桂花味, 同jelly冇咩分別, 只覺麻麻紅豆卷8件- 其實都ok ge, 只係食完好漏p.s.個menu勁污漕, 痴笠笠, 真係一d都唔想惦~