知味駅 (已搬遷) 新店位置

哩間隱世素食小店就位於愉翠苑街市入面新開張冇幾耐 次次去街市都係食茶餐廳/車仔面身為素食者 哩到附近真係冇咩好食 終於俾我期待到間素食店面世!佢鋪位細細, 隔離都係賣小食, 開頭以為哩到淨係做外賣生意, 點知有次俾我見到有人堂食, 就決定下次一定要去試下 (同埋獻出第一次寫食評)去食過兩次, 兩次都係食素鰻魚飯老闆好nice, 會雙手捧住碗飯俾你, 會覺得佢係一個尊重食物既人, 已經令我感覺好好!賣相都好令我驚喜, 鰻魚飯係會用一個有蓋既碗裝住(同其他飯唔同架) 仲有酸薑配菜淨係睇都已經令我食指大動一打開個飯仲有鰻魚汁既香味傳出黎, 好香! D飯同鰻魚既熱度夠, 冬天食都好岩 (等天氣暖D一定要試壽司)主菜鰻魚個咸度適中, 好送飯, 又好味! (唔似有D中式素食餐廳咁又油又炸又重味)極度推介鰻魚飯!

店主oppa好好人!菜式有新意又好味第一讚係手撕雞冷麵, 素雞絲口感以假亂真, 麵質爽滑。天婦羅炸物材料上乘, 採用日本南瓜及蕃薯, 夠粉夠香甜, 加上店主oppa 刀工一流, 令口感陪增。雜錦天婦羅, 蟹柳同金菇超好吃, 外脆內軟!!強!烈!推!!!軟殼蟹壽司都真係扮蟹扮得幾似, 好食!如果真係要評唔好既地方, 係壽司既飯有少少酸過頭, 但佢款式既配搭絕對令人意想不到!素食可以一啲都唔寡, 而且需要更多人支持*幫襯左幾次了