知味駅 (已搬遷) 新店位置

成語有云:「食髓知味」，不過，「髓」是指骨髓/骨頭中的膠狀物質，不太適合🙅‍♂️素食的版主，所以，想要「知味/滋味」😋的，都是食素好了。有句說話，叫做「食素知味知味駅」😎，說的就是在沙田愉翠街巿內的素食小店知味駅，有着十分吸引的素食🤤。知道店方營業至6月13日便會暫時結業，稍後再看能否另覓鋪位重新開店，版主也不惜再次千里迢迢🚍來「知味」一番了。🅰️自找的小伏～我不是來吃飯的當天來到知味駅時，肚子已在咕嚕直叫。於是看見餐單上的生煎肉餅飯😍，便急不及待的先落單了。後來吃着飯時，再偶爾抬頭一望，才發現原來小食也是有肉餅的😲，不禁對着老闆說笑:「哎呀，早知唔叫肉餅飯，淨叫肉餅，就可以食多幾樣野嘛。我咁遠黎到，不是為了吃白飯的😂」所以，如果大家不是「飯飯🍚🍚之輩」，無飯不歡的，可以考慮淨吃肉餅喔🅱️正題:食物介紹1️⃣生煎肉餅材料包括新豬肉、椰菜、冬菇、蓮藕，新豬肉的味道不算太濃，不會掩蓋其他食材的味道，口感軟滑。印象中素肉餅不是很多素店會有，這個值得一試。2️⃣壽司孖寶🍣:香芒吉列卷＆素三文魚芝士卷吉列卷最吸引的，當然是壽司核心內圍脆脆的小塊吉列豬扒。至於三文魚卷，三文魚上的芝士醬，可令作為外層的三文魚更美

喺香港食素食，好多都好貴呀！恰好喺 第一城站 附近既 愉翠街市，發現左一間隱世素食小店。依間小店做外賣居多，但都有少少位置堂食，但就比較逼狹。鐘意佢素食款式好多又平靚正😋上次嗌左個「咖喱素豬扒飯」，大份香口好食，今次試下個 #手撕雞冷麵 先「雞肉」份量多到cum曬成個碗面。素手撕雞比上次既素豬扒更似真肉，幾乎食唔出佢同真雞肉既分別😳似係去左皮既雞絲，意外地juicy，食到有少少豆味同佢預拌左既少許芝麻醬味，唔會話鞋烚烚似豆乾😚涼麵用上極細麵條，好欣賞佢整到勁冰涼爽彈，配上份量不多但剛好既芝麻醬（呢啲肥野都係唔好食咁多），本身已經係一道美食。鍾意嘅話加少少wasabi落去都好襯咖！

簡直係素食者福音，生煎肉餅飯90%像真度，除了口感淋少少，已經同食真肉無大分別，而且仲無真正晚既肉餅咁肥膩，仲有馬蹄粒增加爽脆口感，仲好有誠意加兩條煮得剛剛好的菜心（好多碟頭飯的配菜都一係好老或到係求其煮到好淋），拌碟仲有素肉燥（應該是梅菜，呢個有少少濃味），雖然本身唔中意食飯，但加少少豉油三扒兩撥食曬所有飯。隔離阿姨見我食得咁開心都叫左肉餅飯。跟住有外國人黎到問係咪素食，老闆話係，佢即刻超開心。

這間小店雖然偏遠(如果你住沙田另計)，每次我也會特意去幫襯，主力做外賣，推薦大家自携盒子去買。必食是壽司，真係十分出色，各種醬及味道也不同。是花了心思去配搭的。第二推介是天婦羅，粉漿薄薄，很香。最近還試了煎肉餅，估不到非常美味。店主們也非常友善，很親切。

我家樓下街市有間不錯的素食鋪，我都經常外賣買回家，佢地既素壽司都好好味。老闆同老娘都好人，做街坊生意有傾有講，用心製作。就眼看不似素食啊，壽司併盤是由蔬菜水果配搭而成，七彩顏色，健康又好味。沙嗲烤雞都係用素食材料，但又係似雞肉，個醬調得不錯辣辣的。素肉餅感覺同質感都好似，只係比真的偏淋，仲添加左馬蹄，都幾入味啊素鰻魚飯感覺就唔似鰻魚了，但素鰻魚汁調得都ok，如果再多d汁就好了，日式既配菜都很多，只係飯比較硬。

今日開車到沙田愉翠苑食晏晝，見網上有間素食店知名度好高，所以決定食餐健康素食。因為鋪頭係街市入邊，而且要坐喺店舖出面，所以舒適度同埋衛生都比較一般，但係店員嘅服務態度，同餐牌上嘅料理就絕不一般，眼看刺身壽司手卷同埋其他食物款式種類繁多，比一般素食店優勝得多，而且款式精美，可惜我只係一個人，所以只係揀咗一個「日式素鰻魚飯」。日式素鰻魚飯上到枱既一刻，我真係有啲驚雅，非常之精美，食落口就更加難想像可以做得咁相似，佩菜手工精細不在話下，素鰻魚嘅皮有小小韌，肉質嫰滑，口感一流亦似鰻魚，做得好似真嘅鰻魚飯一樣，可惜米飯唔係珍珠米，但整體都唔錯。食完既時候見旁邊既客人點左D卷物，亦係非常精美，相信都係咁好食，素食店黎講，依間雖然坐得唔舒適，但新派又好食，絕對值得再黎

竟然喺第一城站發現間隱世素食小店！依間素食小店位於第一城既「愉翠街市」，雖然鋪仔細細但款式同味道都不差於出面素食餐廳咖。嗌左個 「咖喱素豬扒飯」。上枱果陣仲熱速速、識出煙咖。蔬菜款式有心思，唔係得薯仔蘿蔔，仲有鷹嘴豆、栗米仔、西蘭花等等，好ruitful😳豬扒款式上無咩特別，係素食鋪最常用果種素肉🙊雖然無吉烈果種脆感，但半煎炸得微脆，而豆肉扎實鬆軟，非常有嚼感。重點係佢超大碟又超多汁，咖哩汁介乎日式與印式之間，啖啖汁撈飯好appetizing😍😍除左咖喱素豬扒飯，佢仲有好多其他素食！例如 素肉燥叉燒飯、牛油果煙肉意粉、手撕雞冷麵、沙嗲素雞串、鰻魚牛油果手卷、素三文魚壽司 等，聽落好有特色，再經開第一城應該會試下。

我地係坐低左先發現呢間壽司舖係食素壽司既！既然已經坐低左 就試下啦素饅魚飯腐皮做既饅魚好厚 有食緊肉既感覺 底下有紫彩同燒汁味既醬油 雖然唔係好似饅魚 但係食落又幾香牛油果素饅魚卷一開始一口食哂 牛油果味比蟹柳同青瓜遮左 之後咬一半先食到少少牛油果味 如果牛油果熟多少少可能會岀味啲 但同其他料好夾芝士素三文魚卷最驚喜係呢個 素三文魚紋好靚好真 食落去凍凍地 口感真係幾似三文魚 咬到最後有豐富芝士味

入去沙田愉翠苑，去左佢既街市搵食。行左一圈，都係車仔面，茶餐廳類，唔覺易見到有間素食店，價錢相宜，決定一試其實唔細心睇menu，都唔知係素食，因為同真肉既賣相無乜分別。全部飯麵都係$38-$42之間，好抵我叫左咖喱素豬扒飯，咖喱好味，飯煮得適中，素豬扒好大塊，同真豬扒既口感好似。我覺得自己好似食緊真既甘，$42一大碗，有好夠配菜，好抵食。而且賣相都幾好。老闆好有心機做，佢啲薯仔係先煎/炸過，連埋咖哩汁，好食。朋友就叫左日式素鰻魚飯。佢話同真鰻魚好似，啲汁都係一樣。米就用上珍珠米，好正。而且伴碟既蘿蔔都好食。仲用上日式碗，擺靚先比你，真係有心機加$15叫左沙嗲素雞串，個沙嗲汁好味，送飯一流睇得出老闆好有心機煮，仲好好人叫我地食完先比錢，唔洗急。價錢又抵，又大碗，又好食。所以會再幫襯

好多素食店都有日本食物，今次黎到愉翠街市，見到知味駅諗住試一試。店外仲有得坐低食，唔似街市內其他食店要企係度食。枱凳都乾淨企理。反卷加洲卷果啲夠飽肚，叫左個芝士三文魚反卷（素）。老實講賣相真係一般，但食落真係好好味！個三文魚夠凍又夠鮮，完全唔太食得出唔係真三文魚，中間芝士亦好香，有機會真想食埋牛油果卷食完凍野，食返個沙嗲素雞串，超好味！店主仲俾左好多汁，食到我地逐舊拆出黎要點啲汁。醬汁唔辣得黎，都好夠香沙嗲味。

網上外賣平台 買手撕雞冷麵&鰻魚飯冷麵其中一舊係成舊冰黎難以想像雪左幾耐我期望出餐前係處理過的唔會你剛整完然後第一城送沙角咁短路程就結冰掛即刻扣分不少冷麵汁係麻醬果種 夾埋雞肉食係好夾配料青瓜絲都好夾冷麵$46/1盒鰻魚飯鰻魚幾像真味道都似配料好多好有誠意份量夠女仔好飽 男仔剛剛好呢樣係好滿意個人覺得如果多啲汁更好鰻魚飯$46/1盒羅漢果菊花茶係真.羅漢果&菊花出面好多唔係咁的都幾好飲不過$10/8安士黎講又貴左啲畢竟成本不高

承認是廣告效應特意前來，但也是因為欣賞老闆的心思而要支持一下！餐牌上每一樣菜式都很吸引，日式的素食在一般餐廳也不常見...最後也是點了賣了廣告的鰻魚飯...（其實還是很想要試試卷物😝）鰻魚飯以漂亮的盒子盛載，配以酸薑、紅薑？、青瓜、黃瓜...鰻魚上有少量燒汁和芝麻，整個的賣相十分吸引😍白飯粒粒分明，於我說就硬了點...素鰻魚，不像平日素肉的豆皮，口感特別😍還有紫菜作底！讚😄配菜味道都屬正常☺️總括來說...$38的午飯！平!靚！正！只是在街市裡的店鋪只有吧桌...環境稱不上舒適，但必算是貼地😄看見鄰座的食客點了咖喱豬扒飯...超級香！老闆還說那咖喱加了甘筍、茄子、粟米仔、薯仔一起煮...材料和份量都十足！期待下次到來再吃😍！

試過幾次 堂食外賣自取都有真是百食不膩鍾意食素者的福音手捲：老闆堅持不外賣 堂食亦都要等人齊先製作小食：台式包 日式茄子 天婦羅 非常美味 大推！特別是天婦羅 味道一流 但價錢絕對親民卷物：樣樣都好食 特別是香芒 牛油果 軟殼蟹飯麵：手撕雞冷面 實在太好食飲品也不錯 可以感受到老闆很用心製作食物！沙田食素的朋友真的不妨來試試平常不食素的朋友也推薦 因為無肉不一定不歡（唯外賣建議提早15分鐘落單 以免等候）

當一個人身體出現變化，從前唔節制嘅飲食習慣，都會慢慢比心態改變過嚟。食素唔一定係因為宗教信仰，亦都未必係因為減肥需要，最近嘅我開始嘗試多食素，人體感覺比較輕盈同埋健康。呢一日工作嘅關係又黎到沙田，唔少素友都介紹我愉翠苑街市入面嘅素食店，所以就嚟「潮聖」。同老闆閑談期間，知道小店開業大約八個月，老闆之前曾經係素食館工作，所以都有經驗。小店只有幾個座位，主要做外賣生意 。主打當然係日式素食料理，壽司、刺身、便當、天婦羅樣樣有價錢仲好親民.點咗幾樣老闆必食推介。.手撕雞冷麵 $38佢呢度用嘅麵都係用白色嘅素麵，口感比較清爽彈牙；素雞絲模仿到同真嘅一樣，拌咗啲榨菜絲同埋青瓜絲，芝麻醬香口，夏天食呢個就最啱日式燒汁素鰻魚飯 $38用圓形日式便當盒裝，感覺親民，上枱嘅時候微溫，飯用咗珍珠米，壽司醋嘅份量唔係好多，所以唔會好酸；飯上面放咗一塊素鰻魚扒切件，淋上左燒汁同埋炒香左嘅白芝麻，素鰻魚其實係腐皮卷成，所以咬落去一層一層，有口感燒汁令到素鰻魚同真嘅更相似，便當入面仲有黃蘿蔔，酸薑同埋青瓜片，都比較爽口，同埋開胃，顏色吸引！香芒吉列卷(4件) $26面頭鋪左芒果片，顏色鮮艷，芒果香甜，如果正值澳洲

地方有點偏，但還是本着朝聖心態一試肉食男對素雞串甚是嘉許😋辣得出色，草食兔又想吃叉燒又想吃鰻魚，最後叫了叉燒飯，肉腍豐腴色香皆俱，惜本人不好加工製品，只淺嘗，飯若多添兩分軟熟更佳牛油果鰻魚卷配料頗足，青瓜漬物甚是配合價位平民，質素有保證👍👍👍另見不少人外賣自取，打算下次考慮外賣野餐嘻小店夫婦分工合作，食落feel 到好有heart