睿私房菜

营业中

休息中

朋友介紹這間私房菜很不錯，所以一家大細去試試😜餐廳裝修優雅，可飽覽馬場，境觀很好🤩因人數較多，可多點幾道菜式冰鎮咕嚕肉賣相已很吸引，黑毛豬咕嚕肉炸醬很脆，肉質彈牙，味道很好香芒鍋巴大蝦球蝦球新鮮彈牙，配上濃濃的香芒醬很惹味黃金芝麻雞皮脆肉嫩，芝麻味很香🥰 內臟部份亦包上脆醬，很少吃到全雞連內臟生炒糯米飯非常好吃臘味的油香、糯米飯嘅煙韌，再加上大廚嘅功夫，簡直係必食嘅推介呀！上湯杞子浸菜苗這道菜簡簡單單，但很清甜，正👍🏻👍🏻麻辣豬耳仔豬耳仔很爽，但個人覺得麻辣味可重一點千絲萬縷櫻花雪反沙芋，配上‘千絲萬縷’的糖絲，再灑上食用花瓣，很有意境亦很美味 這頓充滿手藝的晚餐，大家都覺得很美味，非常愉快

❣️銅鑼灣古法x新派廣東中餐睿私房菜❣️就到中秋節大家會去邊度食飯慶祝呢🏮爸爸要返工所以我哋就提早去咗銅鑼灣呢間睿私房菜食飯慶中秋🐇呢度位於29樓所以我哋可以飽覽跑馬地馬場全景😍位置好方便就喺時代廣場隔離😎我哋揀咗超抵食嘅中秋套餐有前菜小食、魚🐟雞🐓蝦🦐牛🐂豬🐖仲有飯同甜品！煎炒炆燉包羅萬有！❇️泡椒雞腳、麻辣千層峯雞腳爽脆辣度適中，雖然係前菜小食但係份量十足！麻辣千層峯其實係麻辣豬耳，爽口惹味！❇️冰鎮咕嚕肉呢個真係超級驚喜！味蕾視覺多重享受😍外冷內熱！咬落去鬆脆嘅外層裏面嘅肉汁即刻爆出黎！口感層次豐富！❇️香芒鍋巴大蝦球呢個小公主最鍾意食😍酸酸甜甜嘅芒果醬配上爽口彈牙嘅大蝦球🦐仲有大大塊香脆可口既鍋巴❇️鮮蘆筍炒鮮牛𦟌呢個真係超大碟！滿滿蘆筍同埋牛展！牛𦟌肉質鬆軟！蘆筍鮮甜❇️羊肚菌豬展燉竹絲雞湯湯原個燉盅上枱！一打開蓋就見到好足料！每一啖都鮮甜清香！滿滿鮮香肉味！❇️清蒸海石斑好耐冇試過食咁新鮮嘅石斑😍大大條而且肉質鮮甜嫩滑！❇️瑤柱貴妃雞好耐都冇試過成隻雞上枱食😍每一啖都充滿鮮香瑤柱味！雞肉嫩滑！❇️薑汁炒芥蘭苗每一條芥蘭苗都沾滿薑汁！芥蘭苗新鮮爽口❇️脆皮燒腩仔炒飯粒粒脆皮燒腩仔加上粒粒均勻蛋炒飯

如果你有去過耀華街搵食，一定知道Zing!。Zing! 嘅餐廳多到食唔晒，原來連私房菜都有。位於 28同 29樓嘅私房菜有獨立房間，落地玻璃望到開揚景觀，食得舒服。中式私房菜提供嘅食物都幾多元化，前菜，主菜，飯同甜品都有照顧到。泡椒雞腳、麻辣千層峯泡椒雞腳醃得入味，酸辣又唔過火。麻辣豬耳，爽口彈牙。冰鎮咕嚕黑豚肉冰鎮出煙充滿視覺效果，打咭一流，絕對要準備手機拍下出煙時刻。咕嚕黑豚肉外脆內軟，酸甜冰凍又香脆，再配上多款水果，岩晒大熱天時食。香酥腐皮墨魚卷熱辣辣，一口咬落去金黃腐皮脆卜卜，加上泰式泰醬，真令人食唔停口。七彩尖椒炒豬面青七彩尖椒充滿色彩，豬面青肉質嫩滑，味道也是較為濃郁。高湯杞子浸菜心苗菜心苗軟嫩，高湯浸味道鮮甜好食。脆皮燒腩仔炒飯炒飯飯粒分明，脆皮燒腩仔切粒，令炒飯充滿鹹香。招牌滴漏白芝麻布甸每一口都有豐富的芝麻香，口感綿密。老黃瓜煲西施骨

【 #銅鑼灣私房菜】話說第一次食私房菜，究竟同平時食嘅中菜有咩唔同呢 ？咁岩屋企人生日，就一於去試下傳說中嘅私房菜啦 ～黎到銅鑼灣睿私房菜，感覺同平時上中菜館食飯感覺好唔同，格調氣派優雅，地方寬敞舒適，比平時餐館多左份寧靜同私隱度極高，仲有馬場靚景睇，一家人可以靜靜地享受美食睇靚景。除左靚景外，我更著重食物質素，畢竟除左眼睛食先，舌頭感覺才最重要。款式精緻，由傳統古法到新派粵菜菜色都有，食得出大廚心思之作，味道有水準同驚喜，家庭聚餐、朋友生日又多個好地方。晚市尊貴套餐：泡椒雞腳。麻辣千層峯：雞腳做得皮脆入味，千層峯即係豬耳，兩款餐前小菜都好惹味，愈食愈開胃。冰鎮咕嚕黑豚肉：呢個真係私心推介真係一試難忘，霸氣上枱已經相機先食，仙氣四溢未食已解暑，一咬外層酸甜酥脆，內層嫩滑多汁黑豚肉，外冷內熱味覺視覺享受。是日老火靚湯：老火燉湯湯色清甜唔肥膩，一打開已經聞到陣陣香氣，清潤滋補最岩轉季時節飲。香酥腐皮墨魚卷：墨魚卷即叫即炸，新鮮熱辣上枱，巧手之作薄薄炸腐皮包著墨魚卷，仲食到粒粒墨魚卷，口感豐盈彈牙。七彩尖椒炒豬面青尖椒同豬面青炒得爽口入味高湯杞子浸菜心苗除左杞子同菜心苗，仲有一片片爽口羊肚耳

最近同幾位好友book左間私房菜食～我地唔想諗, 所以直接叫左個套餐, 價錢都好抵, $1280 for 4 ppl~~先黎個泡椒雞腳, 係一道好開胃既小涼菜, 雞腳豐滿潔白, 咀嚼時骨肉生香, 酸酸辣辣好開胃!!麻辣千層峰, 其實係豬耳, 食落 清脆爽口, 正!!冰鎮咕嚕黑豚肉 - 做到外凍內熱 、外脆內軟嘅效果，加上酸度好啱胃口，真心好好食!!香酥腐皮墨魚卷 -  熱辣辣，食落脆卜卜，入面墨魚肉又彈牙, 食到停唔到口。七彩尖椒炒豬面青 - 尖椒辣辣地, 加上爽口既豬頸肉, 唔錯~高湯杞子浸菜心苗 - 健康又好食, 食完一條又一條!脆皮燒腩仔炒飯 - 炒飯炒到粒粒分明, 燒腩仔非常脆, 值得一試!招牌滴漏白芝麻布甸 - 呢個必試, 好有誠意, 香濃既白芝麻味, 食落又香又滑~

適逢朋友轉工，想去高質餐廳食靚view賀一賀佢，搵咗一間係銅鑼灣主打正宗廣東私房菜試下，落地大玻璃睇到跑馬地馬場全景今次我地食依個午市商務套餐前菜有2款分別係：泡椒豬手、麻辣千層峯唔好比泡椒嚇怕以為會好辣，我覺得辣度適中，豬手肥而不膩，睇相都睇得出d肉嫩滑滑，入口滿滿骨膠原感，又好味又美顏！麻辣千層峯即係麻辣豬耳，非常爽口，加上惹味麻辣好開胃，食完2碟辣前菜已經急不及待想食主菜前菜未到前有是日老火靚湯— 老黃瓜紅蘿蔔豬骨湯睇我食評都知我好鐘意飲湯，特別係老火湯，依盅湯火候十足，老黃瓜加紅蘿蔔帶出甜味，好似媽媽煲湯一樣咁正！欖角冰梅骨第一碟主菜出場，成個餐我最推介係依碟欖角冰梅骨，酸酸甜甜味加上炸香後更加入味，肉質鬆化唔韌牙，我朋友大讚！差d成碟食哂唔記得留比我……黑毛豬豚肉生菜包一放上枱就聞到好香，入口都係好香，加上每粒肉粒佈滿均勻脂肪口感係好滿足，唔夾生菜撈飯都一流，當然生菜會更加fresh，依碟生菜好爽好新鮮夾住滿口香濃黑毛豬豚肉係好好味！羊肚耳炒鮮淮山依個配搭係第一次食，從來未食過羊肚耳，食落好爽口，原來屬於菌類，含有豐富營養價值，睿私房菜總廚主張養生食療，所以菜餚都加入健康食材

疫情緩和，心情輕鬆不少，係時候同家人相聚一吓啦！於是就去咗 ♥ 睿私房菜 ♥嘆正宗廣東菜！餐廳鄰近Times Square，環境雅緻舒適，處於高層，可飽覽到跑馬地馬場全景，一邊嘆好嘢，一邊睇靚景，而呢度嘅服務仲好一流添！大廚以新派詮釋傳統粵菜，古法新派菜式，應有盡有，一睇餐牌即時有選擇困難，所以就揀咗呢個4人套餐：►午市商務套餐 $688◄♥ 私房菜 養生茗茶♥ 泡椒豬手．麻辣千層峰餐前先由一杯温和養生打開序幕。緊接係大廚獨家秘製嘅泡椒豬手，相當入味，酸辣帶甜，肉質爽口；配埋麻辣豬耳，脆韌彈牙，開胃！ ♥ 是日老火靚湯～西施骨湯西施骨湯夠足料，飲完潤燥滋陰。♥ 欖角冰梅骨冰梅骨外脆內軟，酸甜度夠適中，加上欖角嘅獨特果香，配飯一流！ ♥ 黑毛豬豚肉生菜包 黑豚肉粒炒得好香口，肉質嫩滑，配爽口嘅生菜夾住食，極具層次。♥ 羊肚耳炒鮮淮山羊肚耳肉質脆嫩，鮮淮山軟中帶爽，兩者夾起嚟，口感滿滿！♥ 脆皮燒腩仔炒飯燒腩仔粒粒香脆有嚼勁，用嚟炒飯一絕，超惹味！♥ 招牌滴漏白芝麻布甸布甸香濃可口、啖啖細滑綿密，令今餐變得更完滿！我同家人都覺得呢餐相當高質，而且仲經常推出限時Chill優惠，一於下次再約多

慶祝老媽子的生日，朋友推介了銅鑼灣這家睿私房菜給我們，位於28樓高層，俯瞰整個跑馬地馬場，配上醉人夜色，以及職員貼心的服務，老媽子被哄得開心到不得了。先來到小食泡椒雞腳和麻辣千層峯，爽口的雞腳與泡椒融匯一起；千層峯即豬耳仔，麻辣爽脆。出乎意料之外的冰鎮咕嚕黑豚肉，用了海量冰粒冰鎮著黑豚肉，而黑豚肉又是來自韓國的，外層一咬即碎，內裡肉質爽脆。是日老火靚湯是冬瓜豬骨湯，用了多個小時燉，每一口清甜滋潤，似足老媽子平日為我們煲的湯。香酥腐皮墨魚卷，金黃色外層裹著墨魚肉，外脆內彈牙。七彩尖椒炒豬面青，爽脆的豬面青，用了秘製醬汁加上尖椒去炒，十分之惹味。高湯杞子浸菜心苗，幼嫩的菜心苗，用了高湯杞子去浸，菜甜湯香。脆皮燒腩仔炒飯，好佩服這個菜式，將脆皮燒腩仔切細粒，再與米飯一齊炒，炒得粒粒分明，配上雞蛋、芥蘭粒，多種口感。最後每人一碗招牌滴漏白芝麻布甸，好香白芝麻，布甸是震騰騰般軟滑呢，非常滿足啊。

每次三数知已一约就想起大厨祥哥。每次都是同一口吻你想吃什麽就做給你。每次都是有驚喜的结果。每次大厨都用心去做每道菜式。要不要每次兄弟姐妹聊天更有喜悦的話題。大厨祥的祕制的小吃，酒醉鸭舌，麻辣牛舌，酒陳醋猪手，泡椒雞脚，更是佐酒佳品。昨天新出的花雕一品鴿更是爱不離口,筆墨難以描述過中滋味。清鮮蟹肉燴乳酪，炭烤牛肋條牛香己不膩，錦繡全魚更有創意。鍋巴花竹蝦爽，琵琶蝦鮮，澳龍蝦厚，如果一次可以品嘗到就靈魂升天了。來個火侯足的燉湯你會愛上大厨的心經。飯敘的尾聲甜品都不是一般的货式。滴漏白芝麻布甸，紅棗布甸。你會問多一杯可以嗎？來探索一下。與食物有缘的感覺。

食過唔少私房菜都係主打傳統，呢間睿就多國菜融合中菜，相比其他私房菜更有新鮮感，食物用料都新鮮，而家環境一流，望晒成個跑馬地，雖然只係岩岩新開，但一D都唔馬虎，值得再去!

今日食太太生日飯，我們老人家比較喜歡中菜，但仔仔囡囡鐘意試新野打下片咁，最後揀了這間主打傳統創新的私房菜，新開關係，所有野都十分乾淨企理，太太特別愛吃冰鎮咕嚕肉，另外叫了千絲萬縷櫻花雪這個特別的甜品，出黎小朋友都打晒卡影相，除左外表好睇外，味道亦一流，慶祝節日真的十分合適

今日同埋班老同學想搵個地方靜靜地聚下，見到銅鑼灣有冰鎮咕嚕肉食，就當然想試試啦。上碟時有冰底係底，咬落去外脆內軟，仲好入味。就算放得耐都仍然好脆，值得一試再試。個環境又望到成個馬場，拎黎攪Party同聚會真係一流

一直想找手工粵菜，偶然之間在雜誌看到新開睿私房菜。就決定一試😋180 度海景玻璃房遠跳維港色，房間有卡拉ok 及麻雀设置，十分窩💕。手工失傳粵菜，簡直回味無窮。驚喜四小碟已經挑戰味雷，新鮮金邊方利炒球，懷舊原隻鮮蝦多士，原條秘製牛肋骨。一定會再來👍🏻👍🏻👍🏻