真‧章魚無雙 (已搬遷) 新店位置

好耐都冇食過真•章魚無雙啦今日朋友竟然帶左大食妹至愛嘅黑松露章魚燒黎探班, 有啲感動夜晚食咁邪惡嘅宵夜, 真係好罪過<黑松露章魚燒>真•章魚無雙嘅黑松露章魚燒有分八粒或者六粒, 朋友怕大食妹食唔夠喉, 嗌咗八粒一打開外賣盒, 超濃郁嘅黑松露味道撲鼻而黎, 大食妹食幾多次都係咁鍾意隔左成半年冇食, 唔知點解覺得章魚燒好似細粒咗啲, 但好在黑松露醬比得好足, 依然咁好食食到一半嘅時候再加啲木魚絲一齊食, 會更加香更加好食

朋友帶路要係葵涌廣場來敞邊飲邊食葵涌廣場不嬲都係小食天堂次次入到去都花多眼亂朋友第一站話要食章魚燒🐙🍡葵芳大大話話都有幾間章魚燒佢話必食果間位於二樓既真章魚無雙🐙🍡呢間係葵廣開左好耐一開始既時候等都要半個鐘以上口味有成13款點左一份真·蜜糖芥末章魚燒8粒（$37）今日好好彩·等左5分鐘就有得食🤤章魚燒唔算好大粒但粒粒好飽滿·圓溜溜咁上面撒滿左超多木魚碎同紫菜粉仲有蜜糖芥末沙律醬外皮輕輕脆身裡面咬到有章魚粒 章魚粒雖然細粒但都算有口感可惜今日有d失手唔係每粒都食到有章魚粒而整體調味唔錯個蜜糖芥末醬甜甜地好惹味如果可以再大粒少少就更加好另外食既時候要小心入口粉漿好熱🤭差d辣親·整體而言算係幾唔錯既小食調味岩岩好但size真係細左少少🤭

💛真‧章魚無雙 @葵芳📍葵芳葵富路7號葵涌廣場2樓C07B號舖🐙明太子章魚燒 6粒 $32 上次試左大板風果款 今次試明太子先🧡 買完先醒起可以雙拼🥲咁留返下次再試🤣呢度既章魚燒個餡料同粉漿依舊咁好味 每粒入面都有大大粒章魚 明太子用料好豐富 入口辣辣地 食落幾惹味😋😋 而明太子醬汁又唔會蓋過章魚燒個味✨但係預左食完都勁渴要去買野飲先得🙈 同埋我覺得今次整體比起上次差咁d 略嫌個皮唔夠脆🤔👅好味：3.8/5💲價錢：4.6/5🌟性價比：4.2/5👥服務：3.5/5

本身見到賣相都覺得好吸引😍但食落又覺得冇期待中咁好食🤔可能因為我哋就是揀咗比較普通啲嘅味道.沙律蛋係凍嘅 鋪咗係章魚燒ge面食落冇乜太特別 咩都唔算特別夾但感覺上就冇咁Heavy〰️而蜜糖芥未相對味道就會濃啲🤣不過同傳統平時食開嗰啲章魚小丸子嘅味道好似差唔多HAHA.但係佢哋嘅章魚小丸子係幾嘅真材實料👍🏻唔會好似出面好平嗰啲好多都係粉漿❗️真係會食到入面有張章魚嫁🐙我諗可以揀返佢哋嘅明太子/黑松露嗰啲味道可能會吸引啲😋見好多人都話啲醬好食〰️

章魚燒，或者會叫章魚小丸子，真係由細啲街邊檔食到大。喺葵廣有檔章魚燒好出名，所以有日去葵廣都特登食一次佢。呢隻算係叫做原味嘅章魚燒。粒粒都好圓好飽滿，隔離啲鰹魚碎都好多，多到好似唔洗錢咁😂😂上面嘅醬汁同紫菜碎都好足夠。因為係新鮮整起，每粒章魚燒都係好熱，真係要小心啲先食。章魚燒用料充足，每粒入面都有一隻章魚仔，唔係求其俾粒好細粒嘅章魚粒就算。而且味道都好好，入面有啲鹹味。不過呢間店舖都好多人幫襯，所以都要等一陣！

對上一次食章魚燒已經唔記得係幾時 好記得仲要係唔好食既 食落成舊粉咁 隔咁耐冇食 要食返啲好好味既章魚燒 係葵涌廣場有好幾間都有賣章魚燒 但有兩間就專係淨係賣章魚燒既 兩間都好出名 但好似二樓呢間係再出名啲 長期都好多人買 咁今次就試左呢間先 味道都有成十幾款 有得揀六粒定八粒 我地揀左明太子味 六粒裝 店員話好快就有 可能因為係平日就冇乜人 真係好快有 六粒大大粒 望落勁多明太子醬同沙律醬 每一粒入面都有原粒既爪魚 仲要粒粒都熱辣辣 擺入口係辣口既 真係好好味 又平又足料又好味 下次會再黎試其他味 值得一試

平日都好仲意買章魚燒食，不過食來食去都係最傳統既口味，今日決定試下新口味-黑松露章魚燒，真心覺得黑松露是重口味食品，一陣煤氣味，味道好濃郁，臭臭哋咁，但吃落真係堅好食。但各位唔習慣食榴槤，臭豆腐既人真係唔好輕易去試。

葵廣掃街真係好多野食，今次黎食真章魚無雙平時自己屋都有整章魚燒，但出街食又係另一番滋味🤣假日行葵廣既人太多，落完單之後都真係要等20分鐘先有得食...肚餓既話20分鐘真係過得好....慢🐙真・大阪風章魚燒 （$29/6粒）呢個係最傳統既原味款，冇特別加其他食材章魚燒照舊係沙律醬同章魚燒醬鋪面柴魚就放左係邊邊😋章魚燒入面有全隻既細章魚，好足料👍雖然好食但驚喜度就冇乜

葵廣呢間真材實料成大隻章魚係入面嘅章魚燒店 每次想食都諗好耐試咩味kekee 好好咁takeaway嘅話用紙盒裝比你 咁就可以拎去新都會個空中花園坐底慢慢食🤪人少啲又安全啲。。。🦔👉真 ‧ 蟹子章魚燒 $32/6粒款款舖面都咁正咁誘人 最後揀咗由細到大都咁鍾意嘅蟹子🤪紅色綠色都有 仲要量幾多 係可以咬到撻撻聲嗰款jenggg 有冇人好似我咁見到面頭咁rich咁多木魚已經好satisfied🥰咬開可見大大粒清晰嘅🐙 粉又唔會過多 輕鬆食又唔會太濟 幾啱同人share 食完再掃其他🤭

太耐無出行，在葵涌廣場二樓行吓好開心，好似去咗台灣夜市咁…乜都有得食。呢間章魚燒好出名！搵到試吓。六粒櫻花蝦和蜜糖芥末雙併小丸子35蚊，抵食！今日好彩吾駛排隊，好快有得食。醬汁配料都好足，賣相滿分！疫情關係走埋一邊除了口罩，心急一口一粒…滾熱的粉漿在口中散開…有大粒章魚肉在內，加埋滋味醬汁木魚絲紫菜絲櫻花蝦…嘩！好好味呀！不過食完覺得漏咗少少嘢…啊！紅薑…如果有埋，就101分了！

章魚丸舖頭愈來愈少，好彩葵涌廣場仲有2, 3間有得買！呢間係其中一間！明太子章魚丸 6粒買嘅時候員工會問 而家食 定 拎走，我廢事企喺到食，買完行去新都會中庭花園坐低慢慢歎，膠袋另加$1。打開盒見到明太子醬多到淹沒左成盒章魚丸，勁誇張🤭食到最尾兩三粒要整走啲醬先得。size大大粒，口感軟身，每粒都有原隻章魚仔喺裡面，足料！唯一美中不足係冇木魚絲。

建議：可以揀即食/外賣，如果想即食，可以行去扶手電梯個邊會有凳。不過周末黎既話，就可能外賣會方便啲。平時周末去完全行唔到入去🤣 平日難得去葵廣，估唔到都仲係好多人，見到舖頭入面密密整章魚燒，個個摩打手💪💪今次試左：▫️真‧芝士章魚燒 (六粒 HK$33/ 八粒 HK$39)之前已經食過旺中店，第一次黎試葵廣店。上次試蟹籽，今次就試芝士 😋 等左差唔多10分鐘就有得食，中間排買野食既隊好似無停過咁。一開始以為芝士係用啲好Hea既芝士醬，不過原來係用芝士碎 (🧀份量都幾多，拮一粒已經有拉絲)，再加埋火槍將表面既芝士，再燒到半溶 微焦(個盒邊都燶左🤣 ) 每粒章魚燒 Size 唔係好大粒，差唔多係一口 Size。不過超熱，食個時要小心😌 味道整體唔錯，食6粒唔係好夠喉，不過過下口癮之後又，可以繼續掃其他小店。

以前覺得葵廣好似迷宮， 宜家愈來愈多小食店，特登約朋友一齊行街兼掃街。真。蟹子章魚燒 ($33/6粒)，等左唔洗5分鐘就有啦! 一打開勁多蟹子，好開心，橙色一排綠色一排好特別!熱辣辣亦真材實料，真係外皮脆裡面粉漿軟熟，醬汁好味加埋外層既蟹子一粒粒有口感又爽口。真。大阪風章魚燒($29/6粒)，呢個雖然係經典款但都非常治癒，木魚同紫菜落得好大方，好多好正，沙律醬亦調得好滋味真。蜜糖芥茉章魚燒($31/6粒)，相比起前兩款驚喜冇咁大，冇咁濃味，但個粉漿同章魚粒都一樣咁好味。小店唔係係食野區個個corner，係行返出黎橫街，而門面有大大隻八爪魚，所以都易搵。

次次去葵廣係必食既，即使同場開左另一間，但我心目中呢間係最好食今次買左原味，8粒，一拿到就聞到勁太陣香味，超吸引。佢既皮係軟糯，熱但可入口，里面包左一大粒章魚，口感極好，再加上汁同木魚，超幸福

小編勁鍾意食 #章魚燒 🤣🤣之前食過章魚無雙~成日都諗住佢😂終於再嚟食了💕小編又鍾意食章魚燒又鍾意食#黑松露 真係啱晒🥳——————————————————————————————🖤真.黑松露章魚燒(6粒) $34一打開個盒~勁香！邪惡嘅松露沙律醬🤤好多木魚碎！章魚燒超級無敵熱辣辣🔥濃郁嘅醬勁惹味😚上面嘅松露錦上添花😋超香🤌🏻8.9/10 ——————————————————————————————#為食tips👻 雖然章魚燒係好好味😂但係卡路里爆錶🥲再加上章魚燒都有啲膩🙌🏻所以同朋友分享就啱晒啦！同埋真係記得吹吓先好食💨熱🥵