真‧章魚無雙 (已搬遷) 新店位置

黑松露 x 蟹膏章魚燒 8粒 ($43)黎到葵廣想食少少嘢飽肚、但又唔想食完飽到食唔到其他嘢食嘅話，章魚燒係唔錯嘅選擇～依間店舖係葵廣出名有多款新奇口味，今次就揀咗 +$2 雙拼試夠兩款。每粒章魚燒都有章魚係入面，合格線達成！食到無章魚嘅章魚燒真係會覺得自己好黑仔架嗚。章魚燒外層脆口、內層依然係介乎於流質同固體狀嘅粉漿，口感唔錯。黑松露口味用料非常大方，面頭嘅醬掩蓋住整粒章魚燒，仲有真·黑松露係每粒面頭做點綴。醬汁食落同用黎炒意粉嘅個款一樣。蟹膏口味就更加特別，質地濃稠，蟹膏味道唔係太突出，但同章魚燒嘅味道出奇地夾！❍ 用餐提示到訪當日出餐非常快，而且章魚燒到手仲熱辣辣，不過章魚燒始終係一round幾廿粒一次過整出黎嘅嘢食，都有機會要稍微等一等。❍ 𝐭𝐨𝐝𝐚𝐲’𝐬 𝐨𝐫𝐝𝐞𝐫黑松露 x 蟹膏章魚燒 8粒 ($43)餐點味道 | ♥︎♥︎♥︎♥︎♥︎♥︎♥︎♥︎♥︎♡抵食指數 | ♥︎♥︎♥︎♥︎♥︎♥︎♥︎♥︎♡♡店舖環境 | ✄✄✄✄✄✄✄✄✄✄ (takeaway)用餐體驗 | ✄✄✄✄✄✄✄✄✄✄ (takeaway)推薦程度 | ♥︎♥︎♥︎♥︎♥︎♥︎♥︎♥︎♥︎♡適合場景 | 掃街、速食

呢間係其中一間嚟葵廣ge 必食推介👍🏻佢ge章魚小丸子有好多口味可以揀，仲可以雙併，今次就買左明太子同黑松露，黑松露味道相當濃郁，而且每一粒都非常足料，真係一試難忘，一定會再嚟試其他口味😋

今日嚟咗旺中掃街，行過見到呢間章魚燒舖頭好多人排隊，好耐冇食過章魚燒嘅我一於試下佢。見到佢都有好多唔同口味有明太子蟹膏等等，全部都好吸引，但係因為第一次食所以我就揀咗原味章魚燒。嚟到熱辣辣，上面鋪滿木魚，同埋好多沙律醬同埋燒汁，咬落去果然好有驚喜，外皮脆卜卜入面好軟，仲有勁大粒原隻章魚仔，咁多人排隊果然係有佢嘅道理，下次一於要試下佢嘅明太子味。

睇個名已經知係主打章魚燒 佢只賣1款 就知佢有d料每次經過都大排長龍, 想食就唯有焗住排佢餐牌有極多唔同既口味 每樣望落都想食黑松露章魚小丸子 $41/8粒面頭放左沙律醬同埋黑松露醬 每小丸子入邊都會食到章魚一整好即食係最好味 咬落去仲係勁熱 醬既比例落得岩岩好 每粒都好正

葵廣第3️⃣吃。「🏮大阪風•🍄黑松露🐙章魚燒」$43（8粒雙拼）。🍡每個味4粒，左邊一個味、又邊一個味；黑松露味真係好慷慨，一開個盒已經好香；喺每粒都已經放唔黑松露嘅情況下，食完4粒個盒都仲有唔少喺盒邊；兩個味相比，的確大阪風失色咗少少。收錢時，先知原來自備容器，可以減$1😌。📍 真‧章魚無雙 (葵芳)葵芳葵富路7號葵涌廣場2樓C07B號舖。【小編的話】➡️好開心，可以自備餐盒🍱。#hkfood #hkfoodie #foodiehk #hongkongfood #香港人美食地圖 #黃色地圖 #葵廣黃店 #葵廣美食 #kwaikwongyellowshop #kwaikwongfood #真章魚無雙 #章魚小丸子

葵廣呢一間章魚小丸子嘅舖頭成日都大排長龍，今日見唔算太多人，就去買返份先！叫咗個黑松露章魚小丸子，41蚊有八粒，都尚算抵食，每粒章魚燒上面，都有沙律醬同埋一啲黑松露醬，側邊仲有啲鰹魚水碎。但不得不說，相比起以前，章魚燒嘅大細變細咗，而且上面嗰啲鰹魚碎都少咗。不過入面仍然係足料，每粒章魚小丸子入面，都有好大粒嘅八爪魚，完全唔會求其塞啲嘢入去就算。而黑松露配小丸子嘅味道都好夾！唔會有違和感。雖然有少許退步，但仍然好食。

今日去開葵芳嗰邊，趁有時間就去葵涌廣場醫下個肚。好耐都冇去葵涌廣場，一入到去一樣咁多人，唔同形式嘅商店都有，一路上到最高嗰層，見到比較多食店，行吓行吓見到真。章魚無雙好多人排隊，就決定買一盒試吓。因為有好多隻味選擇，都諗咗一陣，就決定要一個雙拼，蟹膏拼激多蔥👌🏻。雙拼係貴過單拼，感覺有少少唔抵，其實收貴價嗰個咪得囉，不過冇辦法，自己為食想食多一隻味。章魚小丸子入面嘅章魚份量合理，小丸子係軟身嘅質地，記得以前喺日本食嘅時候，比較傳統，同埋正宗嘅舖頭，都會整到外脆，入邊煙韌軟熟。蟹膏味道比較淡薄，激多蔥就好正，整體來講可以啦。******************************👍🏻好食 | 👌🏻可以 | 😔 難食評分 : 5.5/10簡評 : 如果要排隊既話不了

🌹2 December 2021平日黎食無咁多人唔洗排太耐隊同埋今次反而整得比上次好食左🤤即叫即整 熱呼呼的今次外皮整得較脆同埋好似大粒左少少？最欣賞佢呢間小丸子個汁係落足料😆順帶一提今次既員工較有禮貌呢 值得讚一讚😎最後就係岩岩睇番相先發現原來自備器皿裝小丸子 會減$1環保是好事❤️❤️多謝你地支持環保不過有個建議 就係自備器皿減$1既字體可以大啲Otherwise無咩人睇到咁就不能達至環保既目的了

章魚·無雙係我最近至愛，路過見有分店就必食上次食咗旺角中心的分店，今日食葵芳廣場葵芳廣場星期日比較人多，店員好識安排時間，人流多，但散得快同埋佢我等咗章魚丸唔係好耐，大概只有5分鐘對比上次係旺中，葵芳廣場快手好多，效章好高今次嘗試雙拼，一邊黑松露，另一邊係蟹子章魚丸，盛惠43元，共有八粒味道好正，比佢個香噴噴迷上第一次食黑松露章魚丸，感覺係有奇怪，因黑松露完全遮蓋章魚丸嘅味道相反，蟹子做得比較出色下次必定會再食其他味道

熱辣辣足料章魚小丸子今次叫左 蟹糕口味但我個人鐘意上次叫既 明太子 味多d 同埋今次呢 有少少過濕 食落無咁有口感 比較軟身 個人鐘意脆口少少 利申 我係佢一叫飛我即拎即食 足料 同埋份量可以有得揀 6粒或者9粒 都幾好 果menu會令人花多眼亂 如果你選擇困難既話 真係會超級難揀 加上佢又係好多人排隊 好難睇到門面果menu 加上果度都幾窄又多人 我去呢日 重要d鋪頭番貨 好多手推車 所以都係預先係網上睇定想食邊款揀定先就去排隊比錢 會比較好 呢個係我個人建議☺️☺️ 真‧章魚無雙 (葵芳)葵芳葵富路7號葵涌廣場2樓C07B號舖

葵廣出名美食雲集喜歡章魚燒嘅朋友不妨試試真·章魚無雙店舖雖然唔算大但好易認～因為櫃台放左隻搶眼大章魚😂仲貼滿各款章魚燒嘅相片款式非常多又夠特別價錢亦標未得好清晰大家可以按需要選擇6粒或者8粒今日試左『真·蟹籽章魚燒』出餐好快店員都好有禮貌蟹籽可能受到熱力影響無左爽脆口感😕章魚燒質感同大阪嘅近似外內都偏軟身不同嘅係章魚燒入面藏著嘅係無切粒嘅章魚🐙🐙🐙🐙🐙對第一次試呢間章魚燒嘅我黎講的確驚喜

🌹27 November 2021去親葵廣都好中意周圍搵野食 今次就試左呢間小丸子 去到見倒好多人排隊 比完錢等左10幾分鐘今次叫左黑松露同埋蟹膏味黑松露之前係其他小店已經食過 覺得味道同其他都一樣而個蟹膏味真係不得了超香 上面仲要有蟹子不過 唔知係咪太多人排隊小丸子粒野入面都未熟 都仲係果d粉醬味😹同埋如果要彈既話就係小丸子個皮唔係脆的只可以講既係 可以整得更好小丸子入面既料都係同平時其他小丸子一樣佢只係優勝於個汁$37 6粒$6一粒 覺得可以大粒番少少其實 因為佢比起其他店都真係細粒左少少😂覺得可以做得更好！加油

葵涌廣場好多小食店，特色小食林立，但係我最鍾意食嘅都係呢間舖頭嘅章魚小丸子。出色好味嘅章魚小丸子要做到以下三點：1）食到粒粒章魚，真材實料2）燒得好，夠火候3）醬料配合得好大阪風章魚燒、激蔥風章魚燒、日式咖哩章魚燒蜜糖芥末章魚燒、沙律蛋章魚燒、明太子章魚燒、櫻花蝦章魚燒、黑松露章魚燒、蟹膏章魚燒我全部都是哂，最好食既係蟹膏章魚燒。1）章魚燒用料充足，食到每粒入面都有至少一隻章魚仔。2）章魚燒燒得好，粒粒都好圓好飽滿，又夠熱3）蟹膏同蟹子都好足料，醬汁好入味！

呢間燒章魚丸我覺得係數一數二好味!!已經食過好多次😋😋個人認為旺角店好食啲但旺角店好多時都要等30分鐘先有🙈 真。蟹子章魚燒 ($33/6粒) 🐙🐙7.5分一睇張圖已經見到超多蟹子！🤩🤩估唔到蟹子同章魚燒會做到朋友！!呢間啲章魚燒做到外脆內軟!!每粒都有大大粒章魚係入面!!醬汁俾得好足，而且好好味！🤤🤤 但我覺得比之前退步左好似冇以前咁足料飽滿☹️☹️希望只係今次失手而唔係愈做愈差啦😵😵

由一開始開鋪食到而家，遂隻味出就遂隻味試，除左蟹膏味，內心硬係覺得會好伏。未有黑松露味嘅時候長期叫蜜糖芥末味食，勁好食。到出左黑松露味之後基本上每次都揀，夠多醬，夠濃味。今日膽粗粗雙拼左個蟹膏味，又唔伏嘅，幾香，但唔夠濃味，連埋章魚丸一齊食就唔夠味，同埋個人唔太鍾意佢係凍嘅醬。曾經有一段時間買親啲章魚丸都做得好差而停左幫襯，口應又硬又乾。而家又點回復水準，燒得岩岩好又香。