真‧章魚無雙 (已搬遷) 新店位置

太耐無出行，在葵涌廣場二樓行吓好開心，好似去咗台灣夜市咁…乜都有得食。呢間章魚燒好出名！搵到試吓。六粒櫻花蝦和蜜糖芥末雙併小丸子35蚊，抵食！今日好彩吾駛排隊，好快有得食。醬汁配料都好足，賣相滿分！疫情關係走埋一邊除了口罩，心急一口一粒…滾熱的粉漿在口中散開…有大粒章魚肉在內，加埋滋味醬汁木魚絲紫菜絲櫻花蝦…嘩！好好味呀！不過食完覺得漏咗少少嘢…啊！紅薑…如果有埋，就101分了！