相撲手日式放題 (已結業)

已是第二次來了， 第一次來時食物和現場氣氛都好好，當日有男主持（我想是老闆）介紹食物和送野食。感覺很好所以在朋友間介紹，今次亦帶更多朋友來食，但是今天那個女主持⋯⋯ 真令我尷尬萬分！首先都是講食物先，如以往一樣好，上次食六點時段可能冇咁多人所以食物來得好快，對比今次八點半時段等食時間長咗。還有燒菠蘿和鐵板牛柳粒都好好味！還有奇特的水蜜桃天婦羅。本來難得約到多月不見的朋友想好好傾計， 但今晚個女主持不斷爆MIC，亦唔知可唔可以叫主持？“喂！add 我地facebook有野送比你食呀！”，“喂！冇哂反應？比D反應啦！有野送喎！食飽喇？”這已是我可聽到其他60分鐘我只聽到尖叫同走音，我以為自己去咗MK劈酒，所有美食什麼都品嚐唔到！搞氣氛本是好事，但適可而止。希望佢地改善下。其實我想再來的！

當天我地有10人,餐單上既食物大部分都有食,但份量正常7-8成飽,到左第2日問題就開始出現,當晚返去已經有人開始肚痛,開頭以為有人腸胃無咁好,所以食放題容易肚痛,到左第2日早上,開始有其他人肚痛,本人足足痾左8次,胃痛,中午已經開始發燒,有其中3個人肚痛到要去醫院,慢慢開始有其他人都肚痛什至嘔,3分2人都出事,事後見到呢間野上左報紙,原來我地光顧前2日已經有人食物中毒! 環境唔乾淨,牆壁發黑,位窄又逼,漏單嚴重,食物味道一般,唔會再考慮  

食左放題都有一段日子，雖然唔係食得多，但係一個月至少一次啦，但係呢間放題就俾左一個好唔同既感覺。第一，叫既野食唔會漏單，而且上菜好快，好多放題一係黎唔齊，一係唔黎漏單，一係好耐唔黎，但係呢間就快！齊！準！，但記得有個相信係負責人既係到講:相明相樸手放題，緊係大份量喇，唔會黎少，一定黎多，寧願你頂住個胃行出去 第二，服務態度好好，好多地方因為人多或者單多，d員工做到好怒氣，但係呢到就完全唔同第三，野食質素，我唔敢話好好，但係一定係物有所值，呢個價錢唔會要求太高，但係至少會有意外驚喜，特別佢既大蝦，係令我反轉頭既最大動力，因為佢啲蝦大得黎好有口感，又爽口，超級新鮮，而全部刺身都非常唔錯，，只係唯獨我期待既元貝刺身差左少少 ，而熟食方面，都係係水準之上，唯獨焗蠔既蠔比較細粒，有少少失望，但係總括而言，食身方面都係水準之作 第四，環境幾好，坐既地方唔逼，張枱唔大，但係員工就會幫你睇住張枱既空間上菜，好貼心總括黎講，放題黎計，呢間將會係我未來首選，除非佢質素下降

同屋企人食團年飯年年都係中餐,自從上次食完峰壽司之後2位家長大人不停話想再食其他日本野,我又見佢地未試過放題任食類既餐廳,就帶左2老黎呢度(全因 見到雜誌廣告), 我地大約7:30到,情況真係只可用噓冚形容,仲不時聽到餐廳入面有mc同有人龍(冇錯,係真係有mc...)一問原來呢度周不時有即場劏吞拿魚,唔怪 得..鑑於食物如果要一段段介紹就好悶的,我就同上篇食評樣遂一介紹吧!首要介紹既當然係放題一開始既刺身拼盤啦!材料係有:-甜蝦-三文魚-吞拿魚-螺片-玉子(蛋)-油甘魚-赤貝-帶子並 附上碎冰底保持新鮮! 三文魚同吞拿魚呢D魚類都切得比較大同厚, 而且魚既橫切位都較完整(小弟大學時期做過part-time廚), 以致魚既肉質較滑同完整,入口時候真係油香四溢唔會鞋"十十" 往往最唔起眼既就愈吸引我,呢樣野就係玉子啦! 出奇地呢度D玉子唔會好似咬泥膠咁冇質地! 相反佢係帶少少鬆軟, 而甜味剛剛好冇蓋過蛋既味道(本人最討厭玉子整到好似甜品咁)!至於講到皇牌一定係甜蝦,我唔講味道住,我用一張重新order第二round既相黎答你:呢度既甜蝦都比一般坊間既大條,而且點幾多來幾多, 蝦既肉質爽口但

心情影響食物，相信這個論點沒人反對。本來看見之前的食評以為這間食店很不錯，可是我錯了，而且大錯特錯，這頓飯是我吃過最難吃的飯。12月21日晚上8時多和朋友第一次到這間店試食放題，坐下後我們開始點食物，一如以往先點刺身作前菜。我和朋友點了數款刺身，有三文魚、甜蝦、甜蛋、象拔蚌、鮑片，每樣數件，結果某些刺身如象拔蚌等來了十多件，其他刺身也比我點的數目多，我和朋友都不是浪費的人，所以都努力吃所有來到的食物，先講講食物質料，甜蝦一如期望的大，味道亦不錯，但三文魚則非常簿，味道普通，象拔蚌味道差，有點腥味，鮑片甜蛋亦可以。吃的時候這餐廳的經理開咪對全場顧客廣播，說：「我們的店名叫相撲手，所以我們從來都不吝嗇食物，我們常常都會上食物的數比顧客點的數量多，顧客吃不完也沒相干。」當然那時候我沒將這放在心上，或許這是他們的一貫作風，各處鄉村各處例，有的店少上也有的店會多上。當滿滿的刺身我們只吃剩三件象拔蚌的時候，剛剛作廣播的店鋪經理來到我們的檯邊度，事情就正式開始。經理說：「吃完這三件吧，我幫你執走個碗。」朋友客氣地說：「這三件我們不要了。」經理用質問的語氣問我們：「點解唔食？」這時，我感到經理的不友善

尋日星期五,我係大陸既工作出奇地竟然提早收爐,可以專登坐早機返黎香港,知道左既朋友已經一早接我機! 係大陸搵到錢冇地方洗,梗係去尖咀行下名店睇下有咩心水野啱啦!點知行行下已經不知不覺7點幾,衰就衰在我太耐冇係香港,完全變左人生路不熟,唔知食乜好! 老友記此時就提起話呢間野幾好食,因為抵食又均真,而且有時有靚魚食! 係大陸完全唔敢食生野既我即管要去久嘗未試過既魚生!入到去個場我真係好Q大!到底係我太耐冇係香港食放題定咩呢? 個場真係走廊位都足夠2個人行! 我地一坐低侍應已經放上刺身拚盤,有玉子, 赤貝,鮑魚片, 帶子,當然係少不了大路既角色三文魚,同油甘魚啦! 所有野都有冰墊底,我自己就最鍾意赤貝,煙煙UNUN好有咬口,而且海產味好濃,本身其實已經好鮮租,不過點上wasabi之後就另一個境界,辛辣餘味後有甜甜既豉油同海水味中和返!油甘魚就肉質彈性有油香,我自己覺得比三文魚好食! 中間我地都有點呢度個招牌菜巨型甜蝦,黎到個陣真係嚇親,我記得以前放題剛興起個陣甜蝦係細size的,估唔到依家係咁大既size,而且超甜同痴牙,最正係我地order左好多,但呢度真係好少會走order,真係好多咁上

朋友聚舊, 又食放提,呢間第一次去, 聽聞係大喜屋既平價板, 但係價錢又唔覺得真係好平, 成$251位,但係d品質就差好遠!刺身- 三文魚,吞拿魚, 油甘魚,立魚, 帶子, 甜蝦, 鮑片, 螺片, 北寄貝, 除甜蝦,鮑片較ok, 其他一般, 尤其d魚類, 好多根兼唔新鮮!燒物-燒波羅, 牛肋骨, 鯖魚, 燒羊鞍, 天府羅,d燒烤不錯, 可惜上枱係凍既,有d失望d螺頭好多沙,汽水任飲, 這餐好失望,下次唔會再去  

朋友介紹黎，佢之前黎過兩次話正，又有表演睇，所以我一行十幾人就黎試試佢!一入門口感覺好黑，燈光超暗，不過坐位都好坐，唔會好迫。食物魚生 賣相唔靚，三文魚有厚切，味道一段壽司一般!炸物 感覺全部係非洲運過黎，超燶!麵類 夠熱，不過湯底味道好淡，牛肉烏冬係牛肉碎前菜 未食過甘難食既木耳，硬到呢… 味道難食焗蠔 我地覺得係焗蠔碎，揾唔到隻蠔既！整體係食物質素好無誠意！款式不多，得幾張紙選擇好失落!最後表演係精彩，師傅好好刀工！

點解我同班frd會黎到呢間尖沙咀放題呢?其實真係巧合only!話說尋日同左澳洲返黎個2個frd去尖咀剪頭髮，點知剪完搵食之際撞到另一班個陣係澳洲uni同一班既香港同學仔，諗住join埋一起食佢地都OK，所以佢地就最後帶左我地黎呢度啦!一去到其實真係人山人海，星期六晚丫ma....好在就唔係等左好耐，唔係一定餓死! 15分鍾後開始叫左我地入去，其實大約既都係普通放題流水作業地先送上一大盤刺身，叫下串燒咁啦!不過原來呢度間唔中會有師傅出黎大鑼大鼓宣佈我地依家會劏吞拿魚，會有各種拖羅，唔好錯過啦!跟住之後D人就會出去排隊，當然我D frd都衝曬出去啦!不過我就對吞拿魚冇乜愛(事後佢地猛話我走寶因為拖羅真係好肥美...)不過我都出左去影低左師傅劏吞拿魚個場面，湊下熱鬧咁啦!其後仲有個經理捧住盤魚走過黎問我地，有冇興趣試下其它日本築地運送既魚呀?傻既!比左錢ga ma!平時食放題都冇呢D得意野，梗係要試試啦!佢介紹話入面有"眼仁奈，赤小雕，青雕，最攪笑係有條叫6本木! 其實我地都話唔到事邊條，最後經理揸fit，好快就大盤刺身送上! 件件都清徹透明，可能佢地本身冇乜脂肪，所以入口既味道好輕，但就好

繼上次同女 朋友慶祝完生日之後，過左一星期又要同朋友慶生，所以話12月真係破財月，大把人係12月生日！年年生日我人地都慣性匿係K房，一班人依嘩鬼叫又一DAY！但呢D 都只限於係我地未踏出社會前。今年我們決定回歸平淡，因為大家都好累啦XD。有人提議食放題之後同時又有人提議呢間野，話同出面放題有D唔同！都好！試左新野唔貴下次同女友又有聚腳點！鑑於之前既牛角等位等到死經驗，所以我己經一早係WHATSAPP GROUP提出BOOK位，去到帶位既靚女都即時比我地入座，爽快！一聲“也些媽些”之後我地就馬上狂剔野食，其實例牌都係個D刺身，串燒同鍋物咁啦！但好戲在後頭，MENU上既食物固之然係好食同比較多花款，但原來仲有臨時既隱藏食物！大拖羅就係我地狼吞虎嚥食食下刺身既時候，有幾位師傅加一個MC推住條超巨型吞拿魚出黎，之後MC大約係宣佈依家有大優惠，之後就成班人一窩蜂擁衝上前瓜分條魚啦！而我地因為早出去有幸分到拖羅，師傅仲急急講左句“呢個係大拖羅，中拖羅同赤身。。。” 我每樣試左舊，果然係最肥個舊最正！感覺似係食緊高級和牛咁，魚身既脂肪一接觸到條利己經開始溶化，之後伴隨住係拖羅嘅魚香好似炸彈咁爆開，好

犹记得上一次过来香港吃日本菜的时候己是很久的事情，香港还没有回归，那时候还没有满街的日本菜！更别说什么拉面了。每次公干都是客户决定吃中菜，可是我阿更喜欢吃日本的阿。 。终于今天约了。其中一位客户叙叙旧，尝尝杯中物，但卖醉前都要先填填肚子。趁在尖沙咀这位老朋友带了我上了这间类似是日式的自助餐，这种风气在国内还未流行，所以对我来说还是挺特别的！由于在国内吃寿司的价钱也颇贵，所以在可以任食的情况下我叫了颇多的寿司跟生鱼片，先说说寿司吧！我觉得这里的蚝寿司是做的不错！简简单单一块日本的鲜蚝，沾上日本酱油，蚝身汇聚了海产的丰富鲜味，肉质柔软，蚝味更是出色阿！如果能提供葱花，相信味道会更好一点！另外一款我觉得特别的是右下的三桃太郎卷，日本民间桃太郎的故事我也略有听过，但用这名字做菜就很少见了。一口咬下，先是三文鱼跟蟹卵互相交织的咸鲜味，然后有一股清香的甜味，抵消了三文鱼的油腻，噢！原来用上了蜜桃作内馅，怪不得叫三桃太郎了，香港人的创意果然不错！接下来的生鱼片拼盘令我深刻的是它的卖相，在这木桶底下竟然发出点点蓝光，哈哈有意思！三文鱼之前已作介绍我就不废话了！在这我暴喜欢是油甘鱼片和玉子，也就是日式煎

同事推介呢間新野！一於黎試下多謝$230一位！都食得幾開心，因為啲單都黎得幾齊，又快，伙計都算幾nice架！男仔侍應真係要讚下呀！快手之餘！真係好有禮貌呀！可惜無海膽食囉！不過總括黎講都幾好，可以有下次！

好耐冇試過一間放題係有特色小食得黎又好味道,賣相仲要一流,好在我有聽到朋友suggest黎呢度!尋日原本諗住食日式燒肉,點知去到先見到大排長龍仲話要等起碼1個鍾,大失所望之下仲失曬方向,咁啱係附近諗住等位既時候見到有呢間野,心諗價錢平燒肉50%有突,朋友又嘈曬話肚餓,都要馬死落地行啦!上到去人都係多,不過入座時間算快,20min已經有位啦!侍應詳細解釋左食幾耐之後我地就自己開始tick野食,魚生刺身就少不免一定有啦,但原來仲有其他特色小食,不過D野一未黎,已經有一盤魚生自動送上啦!最吸引我既當然係超巨型既甜蝦啦!想當年我係澳洲一間日本餐廳食過一次咁大把,香港地不嬲都係細size, 巨型size真係好罕見呀!真係要再叫過接下來要介紹既野真係靚到我以為唔係食緊放題,,呢味紅酒牛尾,一上桌個陣D扮相仲以為係法式,雖然扮野,但都睇得出呢度既用心!牛尾炆得好淋好入味,係淋到唔會D肉痴牙,個汁有少少似有酒味既羅宋湯,最估唔到係佢側邊有埋配菜,根本都唔似食放題既,haha!之後既芝士煙肉焗蠔又好香口,蠔焗完之後雖然size細左,但配埋煙肉再加少少蟹柳真係夠曬數,我最鍾意呢個焗蠔係真係冒住煙咁捧出黎,

見雜誌餐，告好似好吸引，見呢度收二百幾,應該唔錯啦，刺身蝦係好大隻，但好大陣雪味，唔係好新鮮，食落怪怪地，燒蝦味道正常啲…象拔蚌唔好食好硬，三文魚及帶子刺身係最好味，天婦羅點左有蝦及蟹棒,微暖唔熱嘅，同埋芝士年糕成舊麵粉好難食，仲有炸雞翼係算正常，起碼食得咁解……熟食有炒什菜超咸，粟米粒多油，蒜茄子凍晒，好似擺左好耐咁，蟹粥完全唔好食，口感好似水咁,得個“咸“字！！！！燒菠蘿優勝在夠多汁夠甜，但無乜燒過囉…有個煮蜆幾好味，但唔熱嘅…壽司麻麻地好食，最唔好食係焗，完全食唔到有，汽水要叫侍應攞，又要等成10分鐘先有，又唔可以自己攞，唯有飲茶啦，因為可以自己出去攞…第一round刺身好快到，之後等半個鐘無影，問佢幾時有？侍應係咁話跟order做，催唔到，仲要開咪叫人唔好咁心急，單一定會出…又係叫人等…支客係阿叔叔，態度麻麻,全場得2個侍應加埋阿叔，完全嗌唔到侍應，係個女侍應係態度最好，次次都講唔好意思，唯有叫她催下order,野食又唔好食又唔熱，食到成肚氣   最尾，阿叔叔派牛奶公司杯庄红豆味雪糕一杯作结尾，成晚埋單比錢係最快，一分鐘都唔駛!!!!! 食完呢餐，永無下次！！！！

原本以為香港已經冇曬經濟又抵夾好食既放題，始終高級既郁啲就3XX，平既又怕野食唔新鮮食壞人。但我個平民食家表姐就帶左我黎呢間係尖咀既新野，平時黎開尖咀放題來來去去都係1，2間，既然佢推介落，愛嘗試新野既我都不能夠拒絕！入到去第一印象係個場真係好大，卡位多又闊，2人枱又可以放到好多野，一啲都唔失禮。最抵讚都係reception經理，話可安排卡位比我地叫野食既紙都有成7張咁多，平時夜題頂多都係壽司，刺身，天婦羅，拉麵咁但呢度又有特色料理，又有一啲出面少見既卷物，最正都莫過於係有海膽壽司，平時出街食平極都要20蚊客，今次終於可以食番夠本啦！我地食完佢頭輪送既刺身拼盤之後，決定encore返油甘魚，三文魚同吞拿魚。今次上桌唔再係一盤上，師博細心地將三種魚不同咁舖係啲冰上面，上桌時一片片粉紅，深紅，淺橙咁，淨係賣相都win曬不過最鐘意佢既刺身都係好厚一塊，而唔係不知所謂既”刀功了得“薄薄一片就當一份數量比你。講返味道，我就最鍾意先食三文魚->油甘魚->吞拿魚，三文魚類肉質肥美，再加上呢度過厚肉，食1，2塊，再食舊味道醇厚，但脂肪量較少既油甘魚，吞拿魚因為脂肪量較少，味道較其它魚撲