目黑壽司 (已結業)

刺身唔新鮮, 壽司飯又軟又散, 真係去一次就怕怕!

d壽司唔好食, 價錢又唔係好抵!!最激氣既就係o個個叫海鮮火窩!!材料: 一大堆菜+2片日本魚"彈"+2隻死蝦+2隻急凍青口價錢: $38味道: 難食!

較早前本人到藍灣半島新開間目黑壽司食晚飯，佢\竟然用普通住家用既米當日本壽司飯，簡直就係當客係仔。

尋晚第一次去試吓。服務都算可接受（唔算好好），不過食物就好麻麻。軟殼蟹天婦羅：無乜味道，食完都唔覺係軟殼蟹。花之卷：又係無味，D三文魚都似新鮮，但就係唔知D味去咗邊。仲有連D芥辣都唔辣，要落好多至有D味。只係得個金菇肥牛卷過得去。雖然唔算貴，不過都唔會再去，是旦搵間茶餐廳食好過。

在荃灣開了好一陣子,好多時候也見它人頭湧湧,今天六時許到達,不用等位就可入坐.叫了以下食物.三文魚刺身壽司:三式魚、吞拿魚、煙鴨胸、北海道蟹捧、碎蔥吞拿魚腩、吉列蝦卷.三文魚刺身尚算不錯,其他魚生也屬可接受,但個人認為仍較元氣遜色.最最最差的就是壽司飯,勁難食,飯煮得很糊,在口中覺得它很有黏性,令我難以下嚥,都未食過D咁差既壽司飯,咁既價錢,咁既質素,我寧願去多次元氣好過喇!

我覺得都ok喇.......唔算太差呀今日我同朋友2個人......一坐就坐o係吧臺到..對住個師傅坐一落order唔駛5分鐘就有得食....正仲要個師傅即做即比我...我睇住嫁!!!整體上都幾ok....幾好食^^

tsuen wan分店好近屋企一直想try trylunch 去一試有抵食下午茶(5種choice: suschi set, 魚生飯, 刺身set, salad set, 拉麵)我們order魚生飯, ok夠2人食, 魚生新鮮大塊suschi飯好好味下次try特色壽司

三文魚親子飯$38蚊平就算啦~.~點解食食下可以食到魚骨出黎?佢真係掂wor......我寧可去寶石樓個邊個間美幸亭好過.....

我前幾日和朋友去了將軍澳東港城果間目黑壽司食野,初初見門面幾好,但入到去只得有壽司食,無乜得揀,很少種類而且又細件,手藝麻麻地,賣相都唔吸引,再無下次...

一坐低叫野食都幾正路點知轉頭已經睇住幾條侍仔(女)俾經理哦緊, 跟手經理出去煲煙, 幾條侍仔(女)繼續鬼食泥, 講下呢個是非,講下o個個是非, 務求煩死你為止你煩都算,最衰既係連食都唔掂,壽司飯勁爛,魚生一係無味一係就鯹,完全中伏-_-"

第一次黎寫食評, 因為我覺得唔劣評呢間野會對大家唔住!!上星期六下午茶時間唔知去邊食就入左去諗住試下...真係一試把幾火!!!講環境:我地坐order枱, d類似梳化既椅一坐成個人沉左落去咁~食到腰酸背痛! 講食物: 壽司冇樣掂, 魚生唔新鮮, 飯甜到似用糖水浸, 攪錯!!! 珍寶蟹子沙律, d蟹子好似過期野咁, 淡橙色, 食落一陣怪味, 未食過咁難食既蟹子沙律~講服務: 我地2個人叫左4款壽司加蟹子沙律,侍應落完單話:"下?咁少?" 呢d咩態度, 唔比我叫完一陣再叫架?? 杯同碗好多手指印...食到一半已經超級勁後悔入左呢間野!!!食完一次, 決定一世黑名單呢間野!

前排聖誕節同女朋友去荃灣目黑食壽司，我地去到個陣六點半，雖然係聖誕節，但係間餐廳都冇咩人，可能時間尚早。去到迴轉見到個雪人壽司好可愛，又見到個聖誕樹壽司，即係拎落黎應下景，食落去真係冇咩特別，但係d料唔黎爽，唔係太新鮮，不過真係整得幾有心思，用黎乙水女仔都好，跟住隔離個男人突然問我:「你都好勇喎，敢試新野，個雪人好唔好食?」我話ok啦。其他食物都好一般，不過唔夠新鮮。價錢都係一般，唔算太貴又唔算太平，但再黎的機會應該好低，因為冇咩吸引的地方。

價錢不貴, 但食物質素沒有一樣掂，拉面似發脹公仔面,湯又唔夠熱，軟殼蟿手卷味道差而且唔香口，其他壽司也不好，比十元3件的質量還差，沒下次

d 飯好難食! 又細件左好多!唔會再食!

唔知點解D壽司既飯會咁爛,爛到D米都唔係全整一粒粒,從來都未食過....普通壽司(例如三文魚/魷魚/甜蝦....)唔夠新鮮,有特式D既壽司都只係試左一款(好似叫蝦沙津壽司),我見大大舊都幾低食咁,點知....係一大舊飯包住一D魚生粒粒,仲要係唔知係咩魚打咩魚,淨係食到鯹味,之後再係舊大舊飯下面放隻甜蝦仔,其實隻甜蝦放係邊都無所謂,分開碟上都仲得,成舊野一滴沙津都無,都唔知點解叫蝦沙津壽司!咁都得喎,又幾係創新喎!!試完依個,都無勇氣再試其他啦~