盛記粥麵

营业中

休息中

姐姐是雲吞麵控，最近在關注組看到很多人大推盛記粥麵，所以決定來她試試。店內的食客非常多，基本上就是滿座。優選套餐挺抵食，凡點選正價粥/麵/飯/腸粉 (任何一款)，就可以以優惠價另配指定油菜、腸粉、小食及飲品。盛記招牌雲吞麵雲吞皮非常滑口，皮薄餡足，感覺結實，鮮蝦爽彈，麵質彈牙，湯底不會過鹹，推介。芥蘭特別要求加了腩汁，即時鮮味十足，芥蘭爽口無渣，讚。柱候牛筋腩麵牛腩及牛筋份量多，牛腩非常軟淋，一點都不柴，牛肉味突出，牛筋滑溜，有黏黏的膠原感。美味黃沙豬潤粥粥底綿密香滑，入口有米香，豬潤份量極多，口感又粉又嫩，非常爽脆，巨好吃。招牌薏米水及凍鴛鴦薏米水超讚，入口有淡淡薑味，甜度適中；凍鴛鴦正常發揮。

位於佐敦❣︎盛記粥麵❣︎主打食粥，粉，麵飯。一進店已經聞到好香嘅雲吞麵味🤤佢係我近呢幾年食過最好食嘅雲吞麵👍🏻食客不停人來人往，店員招呼周到，充滿人情味嘅小店，超推薦比大家🫶🏻❣︎優選套餐❣︎主食+小食+飲品♥︎盛記招牌雲吞麵♥︎$41🌟必食推介😋湯底用上大地魚湯🐟👍🏻湯底清鮮，麵質爽彈無鹼水味，雲吞皮薄餡料足，蝦肉爽彈，肥肉甘香，超有水準。♥︎蠔油菜心♥︎$21菜心脆綠鮮甜，份量多。♥︎養顏桑寄生蛋茶♥︎$14有呢款糖水加配好有驚喜😋👍🏻唔太甜膩，又可滋補潤肺，好過飲汽水👍🏻👍🏻♥︎香茅豬扒飯♥︎$52豬扒香嫩多汁，有淡淡香茅味，超好送飯。

一直愛食雲吞麵和生滾粥，可是有質素的不常遇到，今天就來到佐敦試到一間人氣街坊排隊粥麵店，感覺真是有驚喜，難怪它客似雲來，店員都做到無停手。優選叫個優選套餐，粥粉麵飯腸粉可以優惠價加配小食及飲品，數十元就可以有個令人滿足的晚餐，而且無收加一。豬潤粥$47 +$13手打肉丸生滾粥粥底綿密香甜，手打肉丸夠鮮嫩，不會太實又不會太空虛，豬潤大大件爽嫩無渣，有補血作用，這個粥無論粥底或材料都份量十足。牛肉腸$30(加)外皮薄薄的，質感柔軟滑溜有米香，內裡的牛肉口感實在，像牛肉餅，牛肉鮮香而脂肪較少。蒜香南乳炸雞翼$34(加)新鮮熱辣炸起，忍不住立即咬一口，外皮酥脆，內裡雞肉柔嫩，咬下去時肉汁四溢，蒜香濃郁，加南乳更惹味，鹹香適中。凍薏米水($3)非常足料的薏米水，而且落了很多薑煲，有驅寒作用，薏米粒粒好多，薏米水質感濃稠。雲吞拼水餃麵$44傳統雲吞麵的樣子，雲吞和水餃放在麵底下，試一口麵，好爽的口感，超讚，湯底有大地魚及麻油香，雲吞及水餃皮薄餡靚，雲吞蝦隻鮮爽，水餃比雲吞大隻有水耳和筍絲作料，做出了傳統的味道。

今日特登由藍田過嚟佐敦食麵 今次已經係我第二次嚟 兩次都好難決定食咩 太吸引 最後為免眼闊肚窄 我叫左牛筋腩麵套餐加佢地既招牌雲吞 好香 先試啖湯 好濃既牛腩湯底 一黎到 我即刻飲了幾啖湯 完全不覺得口渴 牛筋腩份量不少 很冧很軟 很有牛味 然後到套餐既小食 我加了招牌雲吞 果然無令我失望 每一粒都很飽滿 咬開 每一粒都有完整一整蝦 絕對無偷工減料 如果佢開係我屋企附近 我一定每日都去幫襯 飲品方面 我叫了薏米水 非常足料 很多薏米 薑味十足 希望下次有機會試下炸兩 我見到每枱都會叫腸粉

陪老公去佐敦買嘢順道逛街，行到累了就找地方休息順便食埋晚飯。見到有間粥麵店門口有多人在等候，一些是排隊堂食另外是外買。好奇地上網search 原來是一間開業已有二十幾年的老品牌粥麵店，應其食物品質有保證才有那麼多人等候。店舖燈光火猛，座位長方形排開乾淨整齊。這裏有套餐供食客選擇，可從粥粉麵飯擇其一種，另配油菜或小食(有多項欵式)；再挑選飲品一杯，變化多到必有一欵合你心水。於是分別我們揀選了兩份套餐和一個小食。雲吞麵配蠔油西生菜加熱薏米水   $68雲吞size適中，內裹大大隻蝦和豬肉爽口又彈牙；用料十足。金黄色的麵條望見頗有質感，毫無鹹水味;麵就算拿回家吃亦毫無減輕它的彈性，非常爽口。薏米水微甜薏米料甚多，是健康去濕的極佳飲品。海南雞黃薑飯配蠔油菜心加熱豆漿  $83雞皮薄呈金黃色，雖然係不健康但吸引得唔捨得唔食；而肉質嫩滑一D都唔韌。雞肉沾上羗蓉、醬油或秘製海南醋份外滋味；而黄薑飯是我至愛，再夾片酸羗一齊食十分開胃。菜心很新鮮很淋。炸鯪魚球      $39鲮魚球是卽炸，所以熱騰騰脹卜卜；味道鲜和彈口，加入些自家製的蜆芥醬别有風味。

最近很多食肆倒閉，因為香港人週末不想消費，但是一些有質素的食肆，反而亦是擴張，今天下午便來到佐敦道一間粥麵專門店。雲吞麵$41，雲吞是用蝦肉和一點豬肉製成，蝦肉鮮甜，加上湯底鮮味十足，麵質爽口彈牙，沒有鹼水味，這個雲吞麵都有8分以上。鯇魚腩粥$46，鯇魚腩加點豉油和胡椒粉，可以提升鮮味，粥底濃度頗高，還有是吃到瑤柱粒，證明湯底是用瑤柱撈製的。鮮蝦腸粉38，鮮蝦頗為大隻，腸粉彈性十足，配上自家制的豉油，味道更佳。炸鯪魚球$34 ，鯪魚球是識點職責，上枱時候熱騰騰，肉質爽口彈牙，鯪魚味道十足，加點蜆蚧可以提升鮮味。凍薏米水加$10 ，材料份量十足，除了薏米之外，還有蜜棗和薑在其中，薑味十足，加上薏米的香氣，具有清熱去濕、行氣活血功效。

去咗佐敦按摩，完咗後睇吓附近有咩輕食可以食下，而呢排食得太多西餐/日本野，見到#盛記粥麵 門口招牌，食粥我都比較歡喜幫襯小店，感覺係用心制作啲，品質亦冇令我失望。📌招牌雲吞麵一碗4粒雲吞，內裏用料十足，隻隻都採用新鮮大蝦及豬肉碎製成，大蝦爽口彈牙，而湯頭質素可以。📌及弟底粥份量屬於大碗，上枱熱辣辣，要慢慢食先食到。豬內臟冇咩怪味道，新鮮材料。食落有口感，唔會係好淋。📌炸兩炸兩皮軟薄包起脆卜卜油條，也可加入甜，辣，芝麻混醬調味，要黎送粥食一流！📌炸雞翼拼炸鯪魚球入口熱辣辣，外皮脆肉夠軟。估唔到粥鋪都有呢類小食供應。📌熱豆漿&凍豆漿

之前見社交平台 有人介紹呢間雲吞麵好食，原本諗住食壽司郎，醒起呢間係附近就行去試吓。環境就比較迫，不過大部分麵店都係咁，起碼上菜快，快快手食完就走得。隔離有啲出名嘅雲吞麵店就多遊客等位，呢間就香港人為主。-雲吞都幾大隻，入面嘅蝦都爽口彈牙，亦都唔會太細粒無咗口感。蛋麵都好彈牙，鹼水味唔重，整體覺得好味過沾仔記。-另外油菜就正正常常，見都幾多人叫佢嘅炸兩，下次搵埋friend 過嚟食就可以叫嚟試吓。

佐敦區色店非常多，粉麵店亦多，其中一間粉麵店更是百吃不厭。盛記粥麵這裡真係粥粉麵飯乜都有，但我每次黎都係點套餐。套餐是從粥粉麵飯揀一款，再拼任何小食或飲品，變化超多，必有一款啱自己心水。秘製豬軟骨撈麵 $52強烈建議試下這裡炆豬軟骨，炆得超級入味，入口亦化，豬肉伴著小許脂肪，口感變得更順滑，必配是口感細滑的銀𢇁細麪，我覺得幼麪是其中一項必食之選。蝦米蔥花炸兩 $34毎次也吃炸両，而每次油炸鬼也是脆卜卜，品質keep得相當不錯，加埋蝦米同蔥花令味道更升呢。順帶一提，幾位店員比之前的禮貌得多👍🏻

佐敦白加士街熱門雲吞麵舖集中了這一帶的美食精華,然而鄰近的盛記粥麵近來可謂人氣高漲,實在值得一試。首先,那份醒目的傳統鳳尾雲吞麵,麵條彈牙可口,餡料蝦肉爽口,令人胃口大開。緊接著來的是豬膶腸粉,每條腸粉內餡飽滿,豬膶鮮嫩多汁,堪稱真材實料。最後則是一盤新鮮的蜆蚧鯪魚球,外層酥脆,內裡滑嫩,別有風味。整體來說,這家粥麵店從麵點到粉類,再到小吃,無一不是精心烹調,色、香、味俱全,難怪會在這一帶如此受歡迎。對於喜愛香港本土小店的饕客來說,這裡無疑是不容錯過的一站。

.佐敦絕對是中外旅客🧳 美食探店必經之地｜中西東南西甜品茶餐廳 。集中地.清清地 食粥🥣食麵🍜 也不錯好 🕺🏻盛記粥麵🕺🏻✴️ 優選套餐 ✴️.🟥 粥/ 麵/ 飯/ 腸粉 配🟨 油菜/ 腸粉/ 小食/ 雲吞/ 水餃 配🟩 招牌薏米水/ 冷熱飲品.廢話不多 馬上落單 🙋🏻‍♂️.1️⃣ 柱侯牛筋腩 撈麵 ｜stewed beef tendon & brisket with dry noodle▫️ 蠔油芥蘭▫️ 凍 招牌薏米水 🥤.2️⃣ 招牌狀元及第粥｜signature pig giblet congee ▫️ 蔥花蝦米炸兩▫️ 凍 檸茶🍋#piggibletcongee #cantonesecongee.🗣️ 1️⃣ 半肉半筋牛腩🉐｜蘿蔔一啖一口炆得夠淋 芥蘭新鮮夠爽口｜唔甜去濕薏米水👍🏻🗣️ 2️⃣ 狀元及第粥 夠足料 每一湯匙都係料🥄 肉丸🍡 手打有油脂夠彈牙🦷 蔥花蝦米夠香口｜外軟內脆 讚👍🏻.一般有20-30年 粥麵舖都又舊又暗 地面都會髒兮兮但盛記 ✳️ 長方形內向 一排型座位 ✳️

今日睇inside out 2 之後，想食嗰牛腩麵，見到佐敦盛記粉麵人來人往，便去試試。筋腩撈面牛筋爽口，咀嚼幾口後便融化在舌頭上。牛腩彈牙，毫不黏牙。有少許肥膏分散在牛腩上。咬下去牛香爆發出來。加一口撈面，十分滿足。豬手撈粗豬手綿滑，用口輕輕一撕便滑進口中。醬汁在豬皮上完全入味。加上撈粗，吸滿豬手膠質香、醬油，十分美味。蒽花蝦米炸兩腸粉炸兩炸得鬆脆，蝦米咸香、蒽香昇華炸兩風味。芥蘭新鮮脆口熱意米水 凍OT盛記粥麵 (佐敦)

炎炎夏日．唔太想食飯佐敦呢間主打粥麵店內全場坐滿食客外賣自取都係唔錯嘅選擇單係湯麵 / 撈麵 款式都好多選擇正價粥．麵．飯仲可以跟優選套餐配腸粉 / 小食...✨盛記招牌雲吞麵滑溜溜嘅雲吞皮包著豬肉同爽彈鮮蝦．好足料✨爽滑薑蔥鮮牛肉撈麵鮮牛肉口感份外嫩腍撈麵爽彈．口感豐富✨盛記艇仔粥艇仔粥熱辣辣好足料粥底口感好綿密✨鮮蝦腸粉腸粉外皮唔會太厚．口感仲好滑裡面包著原隻鮮蝦．大隻又爽彈難怪來年來都吸引咁多食客原來仲有海南雞飯 ． 下次可以試下

之前阿爸嚟過呢間粥麵店話好好食, 所以今次帶咗我嚟試吓！呢度環境乾淨企理, 推介《自選套餐》, 叫一碗粥/麵/飯/腸粉, 仲可以優惠價加小食同飲品, 價錢親民好抵食！𓌈⸝⸝ 柱侯牛筋撈麵牛筋炆得好腍好入味, 蘿蔔清甜冇渣, 幼麵份量多, 麵質爽彈, 冇鹼水味！𓌈⸝⸝ 招牌狀元及底粥有豬潤、豬粉腸、豬肚、豬心、豬肉丸, 粥底夠綿密, 有淡淡米香, 新鮮豬潤厚身大大塊, 質地爽滑, 一啲都唔韌唔嚡！另外再加咗碟香脆油條, 送粥好正！🥤招牌薏米水推介👍🏻 加入蜜棗、薑🫚、薏米一齊煲, 薏米足足有2/3杯, 超足料！啖啖都食到薏米, 唔會好甜, 仲有好香嘅薑味, 清甜好喝！

今晚在「盛記粥麵」開餐，皆因這裏粥粉麵飯皆都齊備。小小店鋪生意暢旺，幸好我們排隊幾分鐘就可入座，侍應姐姐服務效率高、上餐快，食物很快便端上。鮮鯪魚球粥~四顆大如乒乓波球的鮮鯪魚球，味道鮮甜爽滑兼彈牙，粥底綿密，沒有味精口感。牛肉腸粉~滑滑腸粉包裹鮮嫩牛肉，淋下自家靚豉油，實而不華的美味！柱侯牛筋腩麵~先嘗一口麵湯，味道香濃純厚，掛麵吃，麵爽湯鮮，再嘗牛腩，肉味香濃、肉質鬆化。最愛軟滑牛筋，美味可口。香茅豬扒飯~香茅除了作香料用途，也是對人體非常有益處，軟滑的薄切豬扒經過香茅醃製後香煎，下飯一流！除了粥粉麵飯，我們還點選淨雲吞、熱豆漿 和蠔油菜心。淨雲吞~除了雲吞好吃，每一口清湯，都是滿滿的大地魚鮮甜，雲吞與清湯實在是雙贏之選！