盛記盆菜&盛記麵家

营业中

休息中

黎到呢到既感覺，完全唔似一間打邊爐既酒樓，個裝修好有香港特色。我地嗌左個椰子雞煲，個人覺得冇乜椰子味，煲入面都會有紅棗，薑片等等。而雞就係上檯先至落。而食材方面，我地嗌左：安格斯牛粒（有竹籤比你篤住滾下滾下）響鈴（真係即叫即炸，食兩件都飽😋😋）脆鯇魚腩（老公唔食魚都話好食，真係食落chok chok聲）蠔肉餃（比較特別既一款，入面真係見到一粒粒既蠔仔）另外，嗌左魚卜，竹笙，菜同午餐肉。又食到飽飽既一餐, 滿足❤❤

今晚氣溫驟降，兩口子想食火鍋，想起盛記叫左:雪梨鯊魚骨湯底: 裡面仲有雪耳紅棗杞子豬肉，幾潤，我地連d雪梨雪耳都唔放過脆響鈴: 大大件，超索汁手切牛: 另一半竟然叫大份，雖然牛係中上質素，但好似多左d白菜仔: 比我想像中既大喎，唔係白菜「仔」墨丸：正常，彈牙冰豆腐：好味，但可惜我地唔係辣湯底，否則一定超索味

超便宜的豬頸肉飯😍，主廚弄好後我忍不住😂吃了幾口豬軟肉軟嫩無根，採用泰國幼身白飯， 有家中煮的感覺😂但較為輕身，飽足感底😣盛記盆菜&盛記麵家沙田瀝源熟食中心5號舖

同一群朋友從台灣到香港遊玩，第一次嘗試港式打邊爐，盛記火鍋盛名在外，能夠使用線上預訂對於國外的旅客真的很方便！離沙田站距離不遠，大約五分鐘即可到達。門面看不出裡面這麼大，可以容納不少食客。裝潢擺設也很有風味，獨樹一格。老闆給我們5個人預留了一個大圓桌，可以坐下8人，因此用餐空間很舒適寬敞，一點都不窄逼。並且關心食客口味是否合心水。我們這次點的是什菌雞湯底，清甜爽口！很迅速就將湯底的風味融入到食材中。醬料需要14蚊，但是並不覺得不值得，其實原味就已經非常美味，但是淡淡的豉油加上調味料，竟沒有搶走食材原本的鮮味，反而更襯托出不同層次的口感。綜合菜盤、綜合菇盤、炸魚皮、豆皮捲、手切鮮肥牛、綜合手打丸四拼，每一樣都是新鮮好吃，尤其是炸魚皮跟豆皮，顛覆我對此類食材的印象，全無油耗味，燙好入口只得滿嘴鮮甜！手切鮮肥牛絕無腥羶味，燙個10秒，在半生熟時最為鮮嫩，搭配醬料亦是一絕。綜合手打丸四拼，每一種都彈牙脆口，滿嘴餘香，念念不忘。同行友人一致認同，堪稱目前為止吃過最美味的火鍋，沒有之一！每人承惠160蚊吃到撐，c/p值高過天際。

同朋友黎盛記食lunch，個入口唔算太顯眼，但入到去d裝修同擺設好特別，感覺好懷舊。叫左個西檸雞lunch set，同埋配左碗自家煲既湯。碗紅蘿蔔湯完全無味精，好鮮甜同足料，果然係真材實料。至於個西檸雞飯，d西檸雞汁好多，d雞脆脆地好有口感，而且唔會太酸。但d西檸雞既汁滲左落去d菜，感覺怪怪地，因為變左酸酸地既菜。碗飯都幾大，最後我都食唔曬

盛記一向以其室內充滿特色而聞名，不少人也因此慕名而來，當然我也是其中一份子不過我以往幾次都是假期過來，一直沒有機會試其飯餐這次終於能於平日過來食午飯，有機會一試當日選了戶外位置來坐，因為室內都差不多坐滿了戶外位置多是二人枱，藤製枱椅，理應是配悠閒的cafe，放上中式瓷製茶具，置於中式的餐廳，遠處還掛左一些中式雀籠，相映成趣我們選了土魷蒸肉餅 飯餐 及  瓦煲豉油雞土魷蒸肉餅 飯餐 ($41)土魷肉餅堪稱是我的撈飯絕配，肉餅質地綿滑，入口鬆化，肥瘦比例相宜，一口肉，一啖飯，很容易便食完一碗飯 瓦煲豉油雞 飯餐 ($44)* 色調不準確，因為當日上面架了一份黃色的帳篷，影響測光不是瓦煲上的~~應該有1/4隻雞的份量，有雞胸位也有脾位，玫瑰露的香氣撲鼻，讓人急不及待的連吃件，不過再多吃幾件時，便會發覺豉油的味道只是流於表面，雞肉沒有味道，豉油偏鹹，不能點太多汁，對比土魷肉餅，這個略為遜色插曲: 食到一半，看到有隻小貓從花叢中穿插而至，部份熟客好像見慣不怪，愛貓的我忍不住引牠過來，幫牠拍照

黎到沙田 除左一堆連鎖食店 真係選擇唔多😢 港🐷就行遠入少少 黎到呢間喺屋邨較隱蔽嘅地方🤔日頭就係茶餐廳同食粉麵 夜晚就係火鍋😮佈局擺設都好特色 充滿人情味🤓----------柱侯牛腩粗麵 ( $38 )牛腩勁淋勁入味😋 牛根入口即融 仲有微微黏住😚 湯鮮甜 麵嘅份量都比出面嘅多😛 咁高質嘅牛腩麵好耐未食過😏-魚皮餃撈麵 ( $35 )港🐷揀左幼麵 鹼水味比較重 同埋如果唔落蠔油味道會比較淡 但勝在夠爽 麵量都好多😬 魚皮餃有5粒 味道正常 港🐷以前試過喺第二間食到硬嘅魚皮餃🙄-P.S. 呢度最出名就係牛腩 雲吞 同夜晚嘅邊爐 仲有中午嘅盅頭/碟頭飯☺️$41包埋一碟油菜 幾抵😂不過留意假期係冇午市套餐同飯🤔-雖然地址寫熟食中心 但其實同一間舖冇分別😂 環境乾淨舒服 員工服務好 有小朋友黎到仲主動問要唔要bb椅 仲俾咗支益力多小朋友👶🏻

估不到，今年我在開飯網第一篇食評，要到大年初一才發表，藉此祝大家新年快樂，身體健康，日日有食神。這次與圍內部落客朋友的團年局，說起上來有點即慶，就在我日前在Facebook發牢騷，C小姐見狀，說不如約打邊爐？最終，六人成團，來到我最喜愛的火鍋店，沙田瀝源邨盛記。上次來已經是前年八月，由我主理的窮L飯局，一開五圍，好不熱鬧。今次人少少，與美女朋友同桌，還是不容有失，剛才下班跑了數公里，回家後沖涼更衣，最終因交通有點狀況而遲到，真的不好意思。一來到，赫見湯底與配料剛上桌。C小姐說：（你嚟得真合時。）蘋果雪耳豬軟骨湯，沒有沙嗲鍋，麻辣鍋般邪惡，可說是另一清泉。雖然，打邊爐談不上健康可言，那些養生鍋只能減低一點罪惡感。淺嚐一口湯頭，果然有蘋果的香甜，平時我們不時一同受邀到不同地方試菜，高級如酒店也吃過不少，但是坐在一起圍爐取暖，卻是彼此覺得最舒服的時刻。我：（幾時都話，嚟呢啲地方最好，可以大大聲暢所欲言，毫無顧忌。）牛肉是不可少，手切鮮肥牛例牌水準高，金錢牛展亦然，盛記長期有如此高質的牛肉供應，全憑店主把關得力。炸腐皮卷同樣是必吃之物，略略在湯浸數秒，微脆的感覺從來令人著迷。豬肉眼筋爽脆可口，

數年前透過一個電視節目認識盛記，從此每到沙田都會光顧。今天再次來到，想點牛根，原來該店不提供。點了$38的牛腩麵，牛腩是碎腩，雖然未至於入口即溶，但肉林易嚼，牛腩汁濃香。$20元的一碟油菜心，份量十足，起碼有15條，菜本身很甜，灼得剛好，軟硬度適中。$20的炸魚皮，份量亦算多，細心的配上一碗湯，把魚皮輕輕浸一下，脆脆可口。

隊員調職，大家開心食餐飯歡送佢！呢度隊員推介！好似好難訂位！人氣食物亦最好一早訂位時訂定！準時到達！環境有驚喜！好似台式書店餐廳混合體，牆壁上又有啲現代藝術咁嘅裝飾，一啲都唔似火鍋店！店員招呼我哋坐一張大圓枱！坐得幾迫！點餐紙好多款式，自己揀再加店員提點！人齊就起菜！花雕醉雞鍋（半隻）（$168）個鍋湯底好鮮！一滾起已經好香酒味，雞件另上！老闆教湯滾起就熄火落雞件，唔使蓋等8分鐘可以食，大家聽完都好多問號，唔蓋蓋浸熟啲雞？8分鐘後𢳂起啲雞，雞髀位都仲係粉紅色的，所以我哋開火滾多一分鐘，啲雞肉變淺啡先食，但都有啲拆開睇中央位仲係粉紅色架！有啲要再淥，所以都係穩陣啲好！講返味道，雞肉嫩滑，醃味唔重，加上少許藥材味，好味象拔蚌（$788）原隻加拿大象拔蚌，擺盤靚，象拔蚌切片彈牙，好彈好鮮，內臟位置味道好濃（唔係腥）好味！手切肥牛（大）（$396/2碟）預留兩碟，牛味重有咬口，好味鮮牛坑腩粒（$108）有竹籤拮住淥，唔會搵唔番，呢個點子幾好，牛腩有筋位，有咬口彈牙，牛味濃！肥鵝腸（$68）無食黑豚肉（$65）薄片豬肉肥美好味！正！桂花蚌拼珊瑚蚌（$98+$5）爽口彈牙手打蝦滑（$78）好彈牙，

有人生日話想打鞭爐，甘就黎「盛記」吧！星期五晚，都係要book定位穩陣d，打電話打唔通，最後用左openrice個訂位功能，book左8:30pm的時間。由沙田新城市天橋行過去，去到瀝源商場，萬寧旁落2層就係(亦可以經地面過去)。門口位置，佈置好有心思，充滿後現代拼湊藝術風。願望樹都有，正!因為未夠鐘，職員叫我地在花園等一陣先，甘就先在花園的露天雅座坐下、影下相，吹下水。等到8點45pm左右，終於有枱，唔好講笑，快d點野食先。要左個「蕃茄、粟米，豬骨湯底」，原來仲有西芹、紅棗，材料非常豐富。叫呢個湯底志在醒胃、清熱。因為材料份量都多，建議多d人食叫會好d，我地2個人食唔曬有d浪費。佐火鍋的新鮮蒜蓉、炸蒜蓉、蔥花，辣椒粒，任君選擇。呢日以多菜少肉為主。必試「盛記炸腐皮卷」。呢個卷同一般響鈴唔同，佢係卷狀結構，食開都知呢類食物只可放在湯內不多於一秒。佢獨特的結構讓佢外層可以吸收更多湯汁，而內裡保持鬆化度，推介。侍應見我地得2條友，叫我地叫左半份先，好體貼。唔好睇少佢，真係幾飽肚。「日式野菜籃」，order左之後，侍應話已經無曬皇帝菜，叫我地介唔介意，無問題，照要。有白菜、各種菇類、娃娃菜，

五人行，大家相議，決定要用最快的速度放工，入沙田打邊爐，結果....果真無介紹錯！邨屋內估計不到的裝修、食材的新鮮老闆用心良苦的擺設，先給客人眼目的享受我們選了店中介紹：蠔餃、手切牛肉、自家響配豬骨湯底，帶出其味，拍手叫好一行五人，埋單$1500，即位位$300！值得再去享受下

今日同搞朋友黎左盛記食Lunch。我地12:45去到竟然都有位。我叫左個咸蛋蒸肉餅餐，當中有一碟生菜同一碗白飯。咸蛋唔會好咸，撈埋d飯好好食。肉餅質感幾好，而且唔會太硬or太軟。$39蚊一個lunch, 真係好抵食

同朋友黎盛記食lunch，個入口唔算太顯眼，但入到去d裝修同擺設好特別，感覺好懷舊。叫左個西檸雞lunch set，同埋配左碗自家煲既湯。碗紅蘿蔔湯完全無味精，好鮮甜同足料，果然係真材實料。至於個西檸雞飯，d西檸雞汁好多，d雞脆脆地好有口感，而且唔會太酸。但d西檸雞既汁滲左落去d菜，感覺怪怪地，因為變左酸酸地既菜。碗飯都幾大，最後我都食唔曬

第一次認識呢間舖頭係因為電視報導話沙田有個屋村入面有間雲吞麵舖將不同既物品組合成自己頭既一部份 又話要加租 長年經營既佢可能要走上絕路隨後就開始多人認識今日咁岩行過 記得係呢到 不如去食個LUNCH啦?!真係幾有特色 完全唔似一間食店餐牌有好多選擇 不過錢其實並唔係平架有啲份量 但其實又見好多人食 坐到爆晒棚我點左個午餐 「蕃茄肉碎炒蛋飯」 加埋野飲 落完單 1-2分鐘就送到極高效率 香港精神 最緊要快!!!其實佢個蕃茄好新鮮 好甜 而且肉碎炒蛋又係炒到岩岩好唔會好老身 嫩口滑溜肉碎本身加左調味 好夠味 而且唔係好碎都幾大柆 有咬口反而餸仲多過白飯!!!奶茶令我驚喜 茶味重而濃 奶份量不多少 香滑而且細密好過好多自名奶茶ICHIBAN既餐廳添!!! 姐姐們都好客氣有禮多人食總有佢既理由既