盛八日式燒肉放題店 (已結業)

七一放假，跟babe來個假日午餐。近二時才入座，點了假日二人午餐。人不多，只有三數檯。燒肉有牛肋骨、意大利香草雞、豬頸肉、一口厚切牛舌、鴨胸、雞翼。另配白飯兩碗。可惜是沒有前菜沙律，是因為通脹嗎?最喜歡牛肋骨，牛味很濃，難怪是人氣no.1。令人驚喜是是意大利香草雞，好入味，雞肉鮮嫩。服務很好，侍應主動教我們怎樣燒，又主動加茶吃至三時多，人家都打烊了，真不好意思

6月好似好多人生日，成日都食生日飯o既～1男5女，叫o左個匯豐信用咭二人餐，$488有好多o野食，兩個人如果唔係好大食都夠，幾抵！另外再散叫o左牛肋肉、生牛肉石頭窩飯、雞軟骨等等。一碟大約六七十蚊，份量唔算好少，都有六七件，比想像中抵。燒肉方面當然好食，但係個人覺得伊呂波好食一Ｄ。OR食評好多都話盛八好食Ｄ，唔知係咪尖沙咀店同銅鑼灣店質素唔同呢？呢間盛八o既燒肉調味同醬汁多，伊呂波咩調味都冇純粹食肉o既香味，所以兩口子都鐘意伊呂波多Ｄ，當然伊呂波食晚飯一定貴啦～不過盛八較好o既地方係有多一Ｄ特色o野食，唔係淨係食燒肉咁齋。炒飯味道較淡，泡飯同石頭飯都幾好味。另一樣較出色o既係服務，服務生非常盡責，樣樣食物上o既時候都會教你點食，燒到點先最好。而且切餅都好有心思，每一碟蛋糕都私人幫你做返Ｄ修飾，仲唔收切餅費，真係好好！身為食肉獸的兩口子都係鐘意去伊呂波勁食鮮味燒肉多Ｄ，而且Ｄ枱有獨立間格舒服Ｄ！不過盛八都係一個好好o既地方，尤其係食生日飯應該會開心過伊呂波好多～

又係生日飯三個人點咗:盛八野菜沙律: 我好鍾意個wasabi沙律汁! 好味盛八冷豆腐: 清清哋唔錯山葵雞翼: 以為會係D用wasabi醃過o既雞翼, 點知佢比咗碟豉油上面有d牙膏wasabi我哋要嚟點雞翼, 好hea啫, 但雞翼都有味o既, 不過我食唔出同盬味有咩分別囉人氣第一牛肋骨: 我以為會有骨添, 原來係冇o既, 價錢不太貴, 都算可以啦澳洲和牛(好似係牛胸腹): 都算幾好食, 充滿油香海鮮拼盤: 要$198份量不大, 唔係太抵食柚子胡椒豬頸肉: 開頭見個配搭咁奇怪想改叫第二樣, 但個waiter話好食, 所以最後都有叫, 我唔食豬頸肉, 但Queen同June都話好食喎係份量太少定咩呢, 唔知點解好似食極唔飽咁, 我哋三個都唔係咁大食啫, 結果再加咗單:泡菜冷面, 同石頭窩飯, 兩個都好普通冇特別另外叫咗三杯特飲, 又係普普通通咁啦...最好的是食完個身冇油煙味

因有同事生日，一行九個人便去這兒吃午飯。自己第一次黎食，其他同事就已經黎過好幾次，佢地都話幾好味...叫左兩個二人套餐、一個四人套餐和散叫左個菇菇雜菜石頭窩飯(咁上下既野...忘記了正名)，大家 share 黎食，食既野真係唔算多，少少沙律、每人幾塊牛豬雞、幾粒牛舌，一隻蝦、一小碗飯....計哂所有野，埋單total HKD616，除返開價錢每人六十幾，唔算太抵食，但要係尖沙咀餐廳食餐飯，就算係咁啦...況且果環境都 ok ，不過服務態度就差d，有待改善。

星期五晚去食，冇訂枱，去攞位 reception 叫我地排隊等，等佐十幾分鐘，d人入晒佢先叫我地留低電話，有位會 call 我地，結果我地落佐去行街，呢間野成晚都冇 call 返我地，好彩我地等佐十五分鐘就放棄佐，基本上佢既安排係十分差勁，一多人黎排隊就亂晒龍，莫非有訂枱就有得食，Walk in 就冇得食？

一直都很渴望嚐嚐這間開飯熱店，奈何最近持續傷風、感冒，現在身體狀況稍為好轉，才有機會一賞所願。甫進門便覺這裏很有居酒屋feel。侍應們都很殷勤有禮，每次上菜時都會向食客解釋燒法。老公訂枱時已做了資料搜集，告訴我有一個六折的匯豐咭套餐，可嚐遍多款食物如牛舌、牛肉、雞肉、豬肉、虎蝦和帶子等；售$488。可是我認為散叫會更好，原因是套餐內的食物不是全都是我喜歡的款式，牛舌也不是厚切，我詢問侍應虎蝦是不是如散叫一樣是特大的，他說size會比散叫的細一點。果然不出我所料，很多時所謂的信用咭套餐優惠雖然會比原價平一大折，但食材就不一定是最好的。結果丈夫最後屈服於惡妻下，放棄了套餐。我點了$98兩隻特大虎蝦、$65一客帶子、$28一小盤蘆筍、$79厚切牛舌、$98厚切牛胸腹、$59盛八腸、$69和牛炒飯和$33巨峰提子汽酒。特大虎蝦比手掌還要大，看到右面枱那對男女在吃套餐，同樣是虎蝦，size比我們的要小一倍，其他如牛舌和牛肉都是薄薄的，雖然有前菜和甜品，但我寧可吃有份量的主菜。就連左面枱那對比我們早來的男女，看到我們的特大虎蝦後，也忍不住後加了一客。但size太大也有壞處，就是很難燒得均勻，又怕燒

好既係食物, 最鐘意係厚切牛舌, 好有口感同埋鮮味. 其他肉類好似梅子豬同埋綠色既雞都不俗, 當你食肉太膩, 新鮮既salad加埋芝麻醬感覺好fresh. 唯一....最唔好既係個無味既牛肉石頭飯. 好既地方仲有係服務好, waitress妹妹好好問我地凍唔凍冷氣會唔會太大, 又好笑容, 自動自覺換網同斟茶清枱. 仲有, 到上蛋糕果時, 有3個人怕怕羞羞走黎唱生日歌, 但係好搞鬼, 誠意都有架我覺得.日式燒肉, 當然十分精緻, 份量唔多, 但係我覺得總好過粗製濫造呀

第一次光顧日式燒肉店，初時都係諗住同韓國燒烤差唔多，但就唔知點解覺得真係好食好多。其中厚切牛舌要再order多一碟，口感非常好。另外菠菜沙律個醬汁亦都整得好好味，最後環境唔錯，雖然要坐吧枱，但我覺得仲好坐，服務員好有禮貌。

No individual set lunches but sets for 2 available, still a bargain with the assorted meat. As a party of 3, we ordered the 溫泉蛋波菜salad and 牛肉石頭飯 too. The 牛肋骨肉 tasted the best as always, while the 黑MISO牛舌 is reali 韌 and tasted a little funny. The salad was good and the rice wasn’t too soggy. But the more I come to this place (for lunches and dinner) the more I realise they don’t have enough staff. But service was ok, coz they mixed the rice and the salad for us, and every now and then adjust the

今日多得老婆介紹, 黎左盛八食日燒午餐, 不過午市時段非常清靜, 連門口的receptionist也欠奉, 成間舖只得一檯客.舖頭都裝修得幾有風格, 燈光比較昏暗, 有好多卡位同半卡位, 坐得都幾舒服.呢度o既食物係主打燒烤, 餐牌裡面冇壽司及刺身供應, 只有小食前菜同主食.假日的午市套餐分二人及四人, 我地點o左個四人餐, 包括七款燒烤材料加白飯, 不過就沒有湯或飲品.食物包括: 蝦(四隻), 帶子(一隻), 牛肉, 鴨胸, 豬頸肉, 雞肉, 牛舌. 當中以蝦及牛肉最出色, 蝦係意外地咁大隻, 新鮮彈牙, 牛肉肥瘦均勻, 肉味濃郁. 帶子大隻但沒有鮮甜味, 少少失望, 其他食物質素一般, 不過當然比任食的韓燒好.仲有一樣要要讚o既就係個燒烤爐o既設計, 食完之後係完全唔會覺得身上有油煙味, 抽風設計做得好好.服務方面o係人手嚴重不足o既情況下都算不過不失啦, 斟水收碟都做到足o既.....套餐$288, 加一後$317埋單, 平均$80一個人, 加上環境不錯, 很好的午餐選擇!

是次老細請食飯是因為 project 完成 (算係掛.......)由部門同事選定地點, 由於人多, 開左間房, 夠十幾廿人坐.其實格調類近韓燒, 都係自己攪掂自己食, 不過價錢貴好多. 由於唔使自己比錢, 大家都好狼, 唔理價錢, 咩都叫, 多到自己都記唔晒.盛八腸, 其實應該係大腸, 辣辣地, 好稔, 唔錯.牛就咩都叫左 d, 和牛刺身, 一口牛舌, 厚切和牛......其實燒果 d 野真係食唔出有咩分別, 都係o甘上下, 當然比平時韓燒果 d 好好多, 但佢再分門別類, 食完都唔知邊隻打邊隻.燒帶子, 原隻上, 好香牛油味, 份量夠, 一定要點, 好食.叫左幾款沙律, 當中蕃茄沙律係必點品, 蕃茄新鮮多汁, 加上蒜頭味, 十分香口, 是日 encore 左 3 次.羊同雞都冇咩特別, 反正燒肉主打必定是牛, 其他的都不會太在意. 甜品要了奶凍, 不過不失, 奶味夠, 口感滑, 冇咩特別.由於老細請食飯, 酒自然少不了, sake 凍熱都叫了, 個人認為凍爽了, 飲慣凍. 熱o既唔識欣賞. 而且所謂熱, 都只係暖, 加上溫度令酒精或多或少都揮發了, 感覺總係差 d.服務不俗, 收

昨晚跟一班朋友來吃晚餐~我們點了很多食物，但不是我發板，所以不太記得食物名~- 我們最欣賞並叫了又叫的...竟然不是招牌菜，而是蕃茄沙律，因其蒜茸汁和蕃茄汁調較得很好味~ - 另外海鮮煎餅都很不錯，雖然份量少，但都值得推介。- 而燒烤呢...香草雞塊和豬肉都很不錯~- 我覺得不好吃的有....羊搥，因為太韌太厚，很難燒；另外牛舌都很韌，很一般~- 牛刺身價錢貴，但只得幾片，味道又不很好，一點不值得推介。- 我們叫了熱和凍清酒，但可惜凍的不夠冷、熱的又不夠熱，以$300多元一支的價錢來說便很不值了。- 我覺得這餐廳的燈光偏暗，很難看到食物是否已經熟了~- 另外我覺得餐廳的冷氣不夠凍，朋友們都覺得有點侷促~- 而餐廳明顯人手不足，侍應招呼較慢，但幸好態度不錯~總括來說，價錢頗貴，但食物質素卻一般，不值這個價~

昨晚同朋友仔去食左次宵夜,唔知係唔係因為宵夜平d既關係,服務麻麻, 叫左幾次先有人落單,又唔幫人番水, 又漏單, 仲要追左3次都唔黎,冇咪出聲囉~仲要黑面~!!!d肉都ok新鮮,但d蜆就唔得喇, 有4隻唔開.....d菇又霉霉地個泡飯又得個辣字總之就差啦好彩有$100 coupon,如果唔係超唔值~!!旺角間好食好多

叫左個$178和牛，得八片，仲要同普通牛扒無咩分別！$9X牛肋骨，得八張，居然有根咬都咬唔開！梅子豬排骨，隻味似曾相識囉，點燒鴨果d醬！厚燒牛舌，叫做最好食！聽講呢度攞過獎，又有好多人好評先來一試....結果.... 唔係唔好食既.... 不過言過其實囉，仲要好貴！

兩個人晚飯, 以傾計為主, 所以食唔多.前菜叫牛舌($40)凍食, 牛舌切成一粒粒, 好厚身好有口感, 但比較. 貪得意拎舊落爐烤至微, 又得wo, 仲幾好味tim, 而且仲比之前淋, 唔錯.鹿兒島生薑豚肉($89), 一碟有5-6片左右, 呢種豚肉肥膏較多, 所以好搶火. 雖然燒完好油下, 但肉質的確幾好幾甜美, 連埋d肥膏一齊食, 好香口, 好快就將成碟豚肉放晒落肚lu.仲叫泡菜芝士雜錦石鍋飯(~$69),上時, 侍應主動幫手撈好飯. 所謂雜錦其實撈埋, 都唔知有咩雜錦料. 飯帶濕, 芝士唔多唔會膩, 加埋泡菜帶辣, 醒胃得又唔會遮晒其他料味, 好味呀.最後叫雪糕做甜品, 名好似叫盛八雪糕($28), 唔係galeto, 有2個細雪糕球, 都幾抵食呀, 雖然唔知係咩味, 加埋d啡色粉, 味道幾特別好味.