盈圖

营业中

休息中

尋日係我屋企嘅女王生日，我同細佬就帶佢嚟呢度食飯。不得不講，我哋第一次嚟呢度食晚飯，味道真係冇令我哋失望！平時我哋都係食廣式點心，今次終於趁住媽媽生日試到更多嘢食～我哋點咗招牌燒鵝皇一隻，呢道真係性價比超高，鵝肉質地好嫩，外皮又香脆，蘸埋盈圖獨特醬料更加食到豐富嘅味道。欖菜肉碎蛋白炒飯係專門點俾我細佬嘅，佢超鍾意食飯，對呢道炒飯亦都讚唔絕口，炒飯粒粒分明，充滿香鍋氣，睇落普通但係好經典嘅必食菜，份量三個人share啱啱好。🥰 老壇酸菜魚亦都係必點嘅招牌菜之一，湯底超濃郁，無論係飲定係淋喺炒飯度一齊食，都充滿多層次嘅豐富口感，主要每片魚肉都細膩Q彈，吸收咗湯汁之後帶有微酸甜，好爽口開胃。仲有西蘭花炒帶子，老闆真係好大方，帶子都係好大粒㗎！清甜嘅西蘭花完美咁中和咗我哋嘅味蕾，令到成個晚餐食起嚟豐富但唔覺得膩。⭐ 最後就係酥炸生蠔啦！生蠔食得多，但係第一次食炸嘅，口感真係唔錯，蘸埋特調醬料更加好食！🤤呢餐生日飯令媽媽食得好開心，味道一流，絕對值得推薦！加分~💯

最近，我嘅好姐妹推介咗一間位於大角咀嘅點心餐廳——【盈圖】。前幾日佢帶我去嗰度食lunch，餐廳嘅環境好舒適，令人覺得放鬆😌今次佢特登幫我點咗幾樣佢覺得必食嘅點心，每樣都好有特色。首先係家鄉炒米粉，呢道家常炒米粉調味簡單，口感清爽，帶住淡淡嘅蛋香味，夹住其他配料食，真系好似婆婆會煮卑我地食嘅炒粉。跟住係鳳爪排骨飯，飯經過簡單調味，鳳爪同排骨都腌製過，味道保留得幾好，肉質軟嫩，食起嚟幾滿足。然後係金湯小籠包，呢道點心嘅湯汁好鮮美，輕輕咬落去嘅一瞬間，湯汁流出嚟，口感唔錯。最後係黑毛豬叉燒包，呢款叉燒包用黑毛豬肉做餡，肉質唔錯，包嘅皮鬆軟，同餡料嘅配搭啱啱好👍好姐妹推介嘅呢間餐廳真係唔錯。環境好，食物亦都幾啱我口味，下次一定要帶屋企人一齊去試下🤤🤤

呢間茶樓嘅每一款食物都有住自己獨特嘅魅力，唔單止味道上乘，更加重要嘅係佢哋嘅環境畀人嘅感覺。噉樣嘅飲茶時光，值得慢慢噉去細味，亦值得一次又一次去回味。酥炸生蠔-金黃酥脆嘅外皮，輕輕咬啖，酥脆嘅外殼發出清脆嘅聲響，而生蠔肉質鮮嫩，帶住一絲鮮甜。唔單止口感豐富，更加展現咗廚師嘅精湛技藝。紫薯流心球有着紫色嘅外皮十分吸引眼球。咬落去嗰一刻，軟糯嘅紫薯球瞬間喺口中化開。而當你咬到中間果陣，香甜嘅流心慢慢流出，香香甜甜。金湯小籠包擺盤整齊，一個個小巧玲瓏，拎起一個小籠包就可以感受到豐富嘅內餡。輕輕咬開薄薄嘅麵皮，熱騰騰嘅湯汁即刻流出，湯汁鮮美濃郁。潮州蒸粉果，晶瑩剔透嘅外表，一口就可以品嚐到軟糯嘅口感。粉果嘅味道清淡而不失香甜，再蘸上一點醬油，更加突出。

周末帶咗老豆老媽子出嚟食午餐，我媽建議去大角咀之前同佢好姐妹一齊食早茶嘅中菜館，老母非常推薦我，所以就應承佢帶佢哋過去嗰度食午餐。嚟到呢度先知道菜館叫【盈圖】，裝修都幾華麗，難怪阿媽會鍾意呢度，佢老人家平時就係鍾意一啲好豪華嘅體驗。攞咗餐單，我就畀老豆老母叫佢哋鍾意食嘅嘢，隨便叫，反正我請客。先上咗鮑魚燒賣，係非常奢華嘅燒賣，鮑魚好大隻，而且睇落非常鮮美，透住汁水，然後每一口都好彈，非常享受咬燒賣嘅每一刻。然後就係薑雞包同流沙包，包入面嘅雞肉餡料好飽滿，然後薑味十足，帶一啲咸香，再搭配比較甜嘅流沙包，簡直食一流，絕配！流沙包嘅內陷，好香，好滑，睇住老豆老母食嘅時候就已經流口水。仲有我個人超級鍾意嘅魚肚，肉質真係好嫩，魚肉入口即化，都唔需要點咬，然後鮮味好足，非常清香。食完呢餐，我都覺得呢間菜館真係唔錯，睇佢哋仲有其他睇落好好食嘅菜色，下次一定會再嚟品嘗！！

老豆話好耐冇見個孫，想我帶出嚟畀佢睇下。我就諗不如搵個地方食晚餐，順便畀佢老人家見下孫。然後上網搵下，有咩地方可以帶細路同老人食飯，老公喺網上見到有人推薦呢間盈圖中餐館，我覺得都唔錯，就打算帶一家人嚟呢度食晚餐。我哋叫咗好多樣餸嚟食，都好好食。齋煲非常適合老人同細路食，好營養，入面有好多菜，食住好清爽，蔬菜嘅味道都好清甜，非常香。蒸豆腐配帶子都好好食，帶子同豆腐可以體驗到唔同嘅口感，然後淋上豉汁食，別有一番風味。阿爸同仔仔都好鍾意呢味，就係西蘭花炒帶子，味道好鮮美，西蘭花為帶子提供唔同嘅口感，成道菜好甜好香，仔仔上菜嘅時候就流口水。我老公就好鍾意焗海蝦，蝦非常新鮮，好香，有少少豉油嘅香氣同鹹味，令蝦有更多層次嘅香味。我哋一家都食得好滿足，我非常推薦大家都帶家人嚟呢度食飯。

尋日，我同屋企人喺【盈圖】食咗一個好開心嘅lunch。啱啱好表弟從外地返嚟，佢話想食點心，於是我哋就帶佢去呢間點心餐廳試下。我哋點咗幾道表弟鍾意嘅點心。首先係濃湯魚肚浸時菜，呢道菜真係好鮮好味，魚肚滑滑嫩嫩嘅，雖然湯底好濃郁，但蔬菜嘅清爽中和咗湯嘅油膩感。接住，我哋試咗金湯小籠包。一口咬落去，湯汁喺口中爆開嘅感覺，絕對爽！然後係潮州蒸粉果，薄薄嘅粉皮包住好豐富嘅餡料，食落去真係好滿足。梗係唔少得黑金流沙包，軟軟嘅外皮加埋咸甜適中嘅流沙內餡，味道真係好正！😋仲有古法馬拉糕，呢個係好多香港人都鍾意嘅傳統點心，甜度啱啱好，唔會覺得膩。最後，我哋仲點咗芝士鮮蝦腐皮卷。香脆嘅腐皮包住滿滿嘅芝士同鮮蝦，味道咸香，口感豐富，真係小朋友嘅至愛 💖表弟對呢度嘅食物同環境都讚唔絕口，佢話下次一定會介紹朋友過嚟試下！

今日周末，難得我哋都冇OT，就打算去食餐好嘅。啱啱好我嘅姐妹有推薦我哋大角咀嘅盈圖點心好食，我哋就決定去嗰邊食晚餐約會。我哋點咗幾樣菜，味道都好唔錯，非常適合我哋嘅胃口。北京烤鴨：廚師烤得啱啱好，鴨子棗紅色嘅，非常鮮艷油亮，睇咗好有食欲😍鴨肉皮脆肉嫩，非常鮮甜好食，一整隻真係食得好爽啊！炸生蠔：生蠔炸得非常金黃酥脆，脆卜卜嘅，非常好聽，蠔肉非常鮮美，有住獨特嘅風味，口感同味道都非常豐富，令人食到停唔落嚟！芒果蝦：蝦子完全吸收咗芒果嘅味道，酸酸甜甜嘅非常開胃，令人食到停唔落嚟。而且蝦肉特別新鮮，配上芒果食，非常清爽解膩！脆皮燒雞：我好耐都冇食過咁香脆嘅燒雞嘞！！雞肉滑嫩香甜，非常好食，而且份量好足。喺香港真係好難食得到！下次嚟一定會再點！今日用餐真係好開心，下次一定會再嚟食！

午餐同同事來這裡打卡，我哋都後悔沒早點來，因為這裡嘅食物都好精緻，仲好好吃~菜單好多樣化唔帶重複嘅！ 🤤 因為我哋都吃唔多，就點咗4樣要share，最驚艷我哋嘅莫過於雞仔鹹水角~太可愛啦，見到它想起小時候嘅回憶，估唔到系呢度可以食到，咁一盤系有3個小雞仔，外表系顆粒飽滿嘅珍珠泡，食入口脆脆嘅，內陷食起黎微甜微鹹嘅。 我哋仲點咗鳳爪排骨飯，2隻大鳳爪吸滿特調汁，搭配顆粒分明嘅米粒非常美味，食到仲帶有排骨嘅濃鬱香氣~再黎就系黑毛豬叉燒包，難得一見嘅以高級黑豬肉為餡料，搭配鹹甜適中嘅口感，超級入味！ 最後一道系香芒炒蝦球，看似普通實際系一道好開胃嘅菜，酸甜剛剛好，搭配上新鮮嘅Q彈蝦球同埋芹菜香氣，好爽口~總結！今次嘅體驗感好加分，已經列入我哋午餐嘅打卡點top5！啊哈哈

今日晚餐爸爸話想食粵菜梗係要帶佢嚟食呢間粵菜館啦🤩 鍾意呢度嘅裝修 好簡約大氣而且空間好闊落我哋無book枱 但好彩都有位安排到俾我哋冰鎮咕嚕肉放上枱嘅時候我哋都嚇咗一跳滿滿一大盤 下面嘅冰粒同炸出嚟嘅咕嚕肉經過冰鎮處理嘅肉質更加緊實外層香甜嘅味道令人忍唔住一口接一口食🤤 好特別嘅係仲配埋生果 好清爽酥炸生蠔生蠔份量唔少 隻隻都算肥美😋 炸到酥脆 入面包住滑嫩豐厚嘅蠔肉🤩 一啖咬落去一齊伴隨著生蠔自帶嘅鮮鹹味喺口入面咇出嚟 好正秘制欖角醬燒骨呢道都好正 食落鹹中帶甜醬汁煮到濃郁令排骨好入味肉質肥瘦相間唔會滯簡直就係送飯神器脆皮吊燒雞半隻半隻份量就夠晒外皮燒到脆卜卜 夠酥脆肉質又好鮮嫩多汁🥰 一啲都唔油膩 而且燒到好入味 肉汁鮮美無比

呀媽好鍾意食廣東菜同點心，每次食點心都會叫好多佢鍾意食嘅，然後食得非常滿足。有一次 同姐妹出嚟行街去到附近商場，就見到呢間【盈圖】，都係賣點心嘅，睇住鋪頭好有氣派。今日得閒約呀媽嚟到呢度食午餐，隨意叫咗幾樣餸嚟食，同大家分享一下我哋比較鍾意嘅。小籠包呢度係金色嘅，係用佢哋嘅金湯熬煮，湯嘅味道好鮮美，然後肉嘅香氣好足，呀媽好鍾意， 一次食咗三個叫咗一碗飯，入面有鳳爪排骨，煮得都好好食，特別鍾意佢哋嘅鳳爪，非常軟糯，配飯食風味十足 ，排骨嘅香氣亦都唔錯，肉質剛剛好，唔會柴。燒骨亦都好正，係用佢哋秘制欖角醬嚟燒嘅，味道咸香，好特別，食唔停口。紫薯流心球就好香甜，食完煮同蒸嘅，再嚟一樣炸嘅就完美，紫薯味好甜，好好食!

我女兒鍾意喺外面餐館食嘢，不過佢媽比較建議喺屋企煮畀佢食。我女最近學習進步好大，諗住搵一日補習後帶佢去外面食晚餐。啱啱就係尋日，我老婆啱啱冇煮飯，我哋等佢補習完就帶佢一齊去食晚餐。去到餐館，我哋睇咗個菜單，點咗各自鍾意食嘅嘢。我老婆點咗芒果炒蝦，呢道菜好特別，酸甜嘅芒果配上新鮮嘅蝦球。由於我女鍾意食蝦，我老婆仲點咗豉油味嘅海蝦，呢道菜非常適合細路仔食。我畀菜單上嘅生蠔吸引咗，點咗一道炸生蠔，好香好脆，我老婆同女都好鍾意。我哋仲點咗一道蒸豆腐配帶子，呢道菜都係用豉油嚟煮嘅。豆腐好嫩好食，配埋帶子味道更加鮮甜。最後一道菜我哋點咗南乳粉絲煲，入面仲有我老婆鍾意食嘅茄子同粉絲，呢道菜配飯簡直一流。呢間店整體嚟講好唔錯，下次仲會再嚟。

老公今日要去大角咀做嘢，得一個鐘食飯，喺網上搵到呢間見大家話平靚正，上菜速度都好快。 隨便嗌咗幾樣，真係好似大家話咁上菜速度好快。熱辣辣嘅蒸包就係特別好食，嗌咗個黑金流沙包上手已經覺得好軟熟，包面好似燙金嘅盈字，一啖咬落去啲餡就流曬出嚟，鹹蛋味好香，沙沙地嘅口感，三兩下食晒三個。燒賣好大粒，上面仲有隻鮑魚，賣相比起平時嘅燒賣吸引好多。鮑魚爽口唔霉，豬肉都唔會滯或者好硬，兩粒兩個人食啱啱好。 小籠包入面滿滿嘅金黃色湯汁，皮仲好薄，夾起嚟皮都冇穿，師傅手勢真係好犀利👍 一啖一隻，啲湯汁喺口裏面爆開，湯夠哂濃郁有豬肉嘅香味，豬肉都嫩滑，一個人食晒一籠都唔會誇張。百花釀魚肚蒸出嚟味道好清新，下面厚厚地嘅魚肚處理得好乾淨，完全冇腥味，滿滿嘅魚香味，值得推薦！

今日點心癮起，來到大角咀，同同事見到價錢ok就行左入去了。入到來，其實裝修都行grand+簡約style，所以放心坐低唔會「潔癖」癮起。/一口鮑魚燒賣/鮑魚鮮嫩juicy，鮮味十足之餘有一種紮實嘅口感，同埋有咬口嘅。而且燒賣本人味道都好實在，滿滿嘅肉感，唔會過鹹，jeng～/黑金流沙包/外層夠酥脆，一咬開就見到順滑開流心餡。整體口感軟糯，會讓人食完一啖又一啖～/雞仔鹹水角/外皮超酥！咬到入心就感受到個份軟韌感，而且一d都唔dry，餡料上都好豐富，就係甜與鹹嘅融合，雖然覺得食完容易生飛滋，但都係忍唔住食多件。仲要佢超ig-able，作為點心控唔係唔叫呀嘛？/蜜餞雞中翼/表面好入味，肉感滿滿，肉質嫩滑，而且其實佢比想像中唔痴牙。甜甜地，好滿足～

前天下午，我和朋友吃完早餐回到家，意外地看到已經很久沒見的爸爸。他突然從出差回來，想給我們一個驚喜。結果全家人都出門了，所以我便帶爸爸一起去吃午餐。因為他這次出差去了西方國家，所以不常有機會享用他喜歡的點心，我特意帶他去了一家餐館。這家店的裝潢十分精緻，燈光也很柔和，進來用餐的心情瞬間變得愉快。我點了一道西蘭花炒帶子給爸爸。菜品新鮮又潔淨，翠綠的顏色沒有任何枯黃的痕跡。帶子也十分肥美，咬下去鮮嫩多汁，味道極佳！接著，我們又點了燒賣，這道燒賣上面還放了鮑魚。外觀十分誘人，燒賣包得恰到好處，散發著香氣，讓人食慾大開。軟嫩的燒賣搭配彈牙的鮑魚，口感非常豐富，味道也非常好。我還點了一道蒸粉果，粉果的皮特別薄，內餡非常豐富，廚師很慷慨，這道菜比外面賣的好吃得多。最後，我們來了一道馬拉糕。它的形狀圓圓的，口感柔軟，就像海綿一樣。這個馬拉糕的香氣撲鼻，味道也非常好。整體用餐體驗非常愉快，下次我會帶全家一起來享用。前天下晝，我同朋友食完早餐返屋企，見到有一陣冇見嘅爸爸。佢出差忽然返嚟冇同我哋講，想surprise我哋。結果屋企人全部出咗門，所以我就帶我爸爸一齊去食午餐。爸爸出差去西方國家，所以唔多有機

同事介紹我嚟，係唔錯噃～《濃湯魚肚浸時菜炒》呢個菜味道比較淡，不過魚湯濃郁鮮甜，撈埋新鮮嘅時菜同魚肚，口感豐富又清爽～魚肚煙韌有咬口，一點腥味都冇•魚肚嘅鮮同蔬菜嘅清甜，好啱送飯食～《黑毛豬叉燒包》叫咗經典粵式點心之一「叉燒包」，唔同一般嘅叉燒，呢度用黑毛豬肉整㗎！口感更加嫩滑，肉質更加梨實~甜鹹適中嘅味道，仲有肥瘦啱啱好嘅叉燒餡同鬆軟嘅麵皮，食完一個接一個！！《雞仔鹹水角》三隻小雞仔嘅造型超得意 炸到金黃酥脆，入面嘅肉碎餡料鹹香爆汁，豐富嘅餡料再配埋香脆嘅外皮，糯香之中又帶住薄脆C 又鹹又甜嘅味道真係好好味~《盈圖蝦餃皇》半月形嘅蝦餃望落就好食（餃子皮蒸熟後呈透明色，食落薄而軟：鮮蝦更加爽口彈牙，食落去好新鮮～餡料仲有少少醬汁，味道好鮮美～