影片
下午茶时间完全冇人招呼，问句嘢都黑口黑面，个个都唔愿做嘢咁，当d客好似乞儿咁，所以乜都冇嗌就走人。已经唔只一次系咁样，又唔系收得平。如果喜欢俾人咁样对待嘅可以去试下🤷
继续阅读
见到皇庭汇都开咗2 年, 但系望落去格局有D 混乱, 所以一直都冇入去食饭。到近来同事们已经食厌晒附近嘅餐厅, 而且又想食粉面, 于是就试下呢间啦。第一次入去, 完全好似返返去以前饮茶要自己揾位嘅时候。唔驶拎筹, 冇人安排位, 要自己揾位、等位! 真系劲唔惯呀! 我哋揾左一阵就有位, 于是坐好睇下MENU 有咩食。基本上提供各款粉、面、饭, 都有常餐。而且价钱算平, 可以唔驶$40 一个人埋单, 不错呀! 什菜鸡扒米粉有劲多白菜仔, 好正! 为我哋呢D 成日出街食饭嘅人提供咗D 蔬菜类, 仲有芽菜同冬菇。鸡扒份量都不少, 而且调味适中, 好食! 米粉量多, 食唔晒呀! 整体嚟讲, 如果只计食物质素同价钱, 性价比高!不过要忍受自己揾位同埋店员比较少。
继续阅读
今天请屋企人食饭，选了皇廷汇晚餐时间人流还可以，安排了向海景的位置给我们，望海食饭真爽，落单后过了十五钟就开餐了。头盘烧味拼盘味道不错龙趸两食先黎炒球再黎清蒸龙趸，两个都好好味芝士龙虾伊面底，虽然是波士顿龙虾但都有鲜甜的味道吉列炸虾味道也不错久违了的鱼翅花胶用料十足绝对是惊喜之作炸子鸡一个字脆啊味道刚好一年多没有食pat pat包了9样食物抵食到呢，1388全包宴又有酒水又有龙虾仲有鱼翅食真系平到冇朋友
继续阅读
星期六下午茶时间3点半左右唔清楚系缩皮定落咗场 得一个企堂呀姐执枱斟水落单送餐都系佢 赶时间唔好谂叫濑粉冇濑粉 隔离枱一家同样有啲嘢落咗单又话冇叫咗烧鸭米柠茶呢度啲烧鸭唔错 碟另上 皮仲脆冇浸淋米粉同汤就正常柠檬茶都茶底ok不过呢 呢只杯就似乎未洗干净喇有上一手奶茶咖啡啲奶迹黐住......个场人唔多 算好坐系食食吓应该厨房呀姐跳掣用坦仔腔爆粗坐晌另一边嘅角落头都听到....整体嚟讲 讲食物质素 份量同价钱同好过隔离快餐店楼底又高 有电视睇 枱櫈地面都干净又唔似隔离快餐店周围都系冇位坐嘅人 啲细路又跑又叫价钱平快餐店少少其他方面就可能差少少
继续阅读
今日朝早买外卖，返到屋企先发现漏咗虾饺同潮州粉果，所以即刻打电话去同佢讲，点知收银一听就劲恶咁质疑我哋呃佢，仲要cut人线。晏昼去揾个收银讲返，佢就叫咗个姓向嘅女经理过嚟，点知佢就话唔关佢事，仲要向一台食客数说我哋嘅不是，态度差到极最尾叫咗另一个经理嚟帮手，先解决件事。其实都系几十蚊唔系话想R优惠，只系无食到想退番钱，都要受气，仲要比佢哋点黎点去。呢间茶楼嘅员工态度实在太差，啲嘢食又难食，唔会再帮衬
继续阅读