皇庭匯 (已結業)

下午茶時間完全冇人招呼，問句嘢都黑口黑面，個個都唔願做嘢咁，當d客好似乞兒咁，所以乜都冇嗌就走人。已經唔只一次係咁樣，又唔係收得平。如果喜歡俾人咁樣對待嘅可以去試下🤷

見到皇庭匯都開咗2 年, 但係望落去格局有D 混亂, 所以一直都冇入去食飯。到近來同事們已經食厭晒附近嘅餐廳, 而且又想食粉麵, 於是就試下呢間啦。第一次入去, 完全好似返返去以前飲茶要自己搵位嘅時候。唔駛拎籌, 冇人安排位, 要自己搵位、等位! 真係勁唔慣呀! 我哋搵左一陣就有位, 於是坐好睇下MENU 有咩食。基本上提供各款粉、麵、飯, 都有常餐。而且價錢算平, 可以唔駛$40 一個人埋單, 不錯呀! 什菜雞扒米粉有勁多白菜仔, 好正! 為我哋呢D 成日出街食飯嘅人提供咗D 蔬菜類, 仲有芽菜同冬菇。雞扒份量都不少, 而且調味適中, 好食! 米粉量多, 食唔晒呀! 整體嚟講, 如果只計食物質素同價錢, 性價比高!不過要忍受自己搵位同埋店員比較少。

今天請屋企人食飯，選了皇廷汇晚餐時間人流還可以，安排了向海景的位置給我們，望海食飯真爽，落單後過了十五鐘就開餐了。頭盤燒味拼盤味道不錯龍躉兩食先黎炒球再黎清蒸龍躉，兩個都好好味芝士龍蝦伊面底，雖然是波士頓龍蝦但都有鮮甜的味道吉列炸蝦味道也不錯久違了的魚翅花膠用料十足絕對是驚喜之作炸子雞一個字脆啊味道剛好一年多沒有食pat pat包了9樣食物抵食到呢，1388全包宴又有酒水又有龍蝦仲有魚翅食真係平到冇朋友

星期六下午茶時間3點半左右唔清楚係縮皮定落咗場 得一個企堂呀姐執枱斟水落單送餐都係佢 趕時間唔好諗叫瀨粉冇瀨粉 隔離枱一家同樣有啲嘢落咗單又話冇叫咗燒鴨米檸茶呢度啲燒鴨唔錯 碟另上 皮仲脆冇浸淋米粉同湯就正常檸檬茶都茶底ok不過呢 呢隻杯就似乎未洗乾淨喇有上一手奶茶咖啡啲奶跡黐住......個場人唔多 算好坐係食食吓應該廚房呀姐跳掣用坦仔腔爆粗坐晌另一邊嘅角落頭都聽到....整體嚟講 講食物質素 份量同價錢同好過隔離快餐店樓底又高 有電視睇 枱櫈地面都乾淨又唔似隔離快餐店周圍都係冇位坐嘅人 啲細路又跑又叫價錢平快餐店少少其他方面就可能差少少

今日朝早買外賣，返到屋企先發現漏咗蝦餃同潮州粉果，所以即刻打電話去同佢講，點知收銀一聽就勁惡咁質疑我哋呃佢，仲要cut人線。晏晝去搵個收銀講返，佢就叫咗個姓向嘅女經理過嚟，點知佢就話唔關佢事，仲要向一台食客數說我哋嘅不是，態度差到極最尾叫咗另一個經理嚟幫手，先解決件事。其實都係幾十蚊唔係話想R優惠，只係無食到想退番錢，都要受氣，仲要比佢哋點黎點去。呢間茶樓嘅員工態度實在太差，啲嘢食又難食，唔會再幫襯

今次早市去食 都係任你自己揀位叫佢過黎先執台set野比你 因為無咩staff個姐姐話有張單點野食會平啲 impressive!但腸粉... 粉到唔知點 唔知自己食緊咩 今次真係食過最差一次燒賣無味 好奇怪 但係係大粒既.....同埋佢地似係整完一樣野食無清潔好張台就整另一樣啲味好似mix埋晒咁

同爸爸飲茶 星期五十二點一點就唔洗等位咸水角味道ok 唔會太少肉 個皮亦唔太厚菜苗餃塊皮太痴 落得太多粉蘿蔔糕上邊果啲臘腸唔好食 勁多肥膏 個糕就還好叉燒包都係普通總算好過以前果間 唔會漏單漏到燥底

麗城呢一個舖位轉左好多轉酒樓，冇一間可以做得長，最近入住嘅呢間皇庭匯估佢唔到，點心同晚市都不錯，連我屋企最腌尖嘅爸爸都讚好，希望佢保持住水平，唔好令我地失望。最鍾意佢個鮮蝦腸份，果皮同埋啲蝦好味彈牙。啲蝦餃又夠大隻又夠新鮮，似乎同🦐有關嘅食品都唔錯。雞扎，甜薄餐都係推介之一。試過夜晚同屋企人過嚟食小菜，其中有個排骨好味到我哋encore，真係好難得。如果可以有更多優惠咁就好啦。都係果句希望佢繼續保持水平🤤

近近地住附近下來食早餐，唔好食， 公仔麵無味，餐肉腸仔全部好油， 因星期六好多人，服務員態度好嘅， 但等好耐， 咖啡奶茶不錯， 但食物質素唔多得， 早餐來講唔會有下次.....

話說今日見到處都有啲活動。阿媽又行動不便, 諗住同家姐落去樓下新開間酒樓食。家姐想要片皮鴨 + 媽又想吃龍蝦伊麵, 我未諗到.問阿姐話可唔可以叫兩樣, 佢話特價只能選一樣, 咁咪問正價片皮幾多錢?佢好串咁問問 : 你係咪要先? 係要先問.  我: 我都要知幾錢架? 咁叫左伊麵先我再叫其它, 佢竟然帶鄙視口吻咁講, 唔可以只叫一碟喎, 驚D人淨叫一碟. 我差D要講粗口, 我黎乞食? 算. 個阿姐語氣差到不得了, 唔講我以為佢係老細定係我爭佢好多錢?就事旦叫伊麵 + 個唔知咩魚腐. 等左大半個鐘, 三催四請, 個魚腐黎啦. 嘩, 成四舊魚腐咁多既! 我地三個人會唔會多得制呀. @#$@#$@#$#@好X難食唔緊要. 起碼有野食. 再等多半個鐘, 又催佢兩次, 伊麵都黎啦. 一望, 以為隔離吃完阿姐執台唔覺意放係我張台, 做咩放D廚餘上來? 忍唔住行出去叫部長.  同個部長講你碟野想點? 我想取消, 跟住就是但拎個細碗伊面過嚟。然後, 我又再起身一次搵個經理, 同佢講你即刻同我取消個伊麵, 佢先肯取消。喺屋企淥個公仔麵仲好！而家貼錢買難受！茶錢都蝕x理!冇下次！

新開張，環境舒適，服務好好，希望keep住啦😂😂😂食物質素都唔錯，點心上得好快，而且好熱辣辣鳯爪好入味，但蒸得太腍，如果個皮可以爽口啲會更好蝦腸腸粉好滑，蝦好爽口彈牙，配埋甜豉油，味道唔錯👍🏻👍🏻👍🏻蝦餃一籠有4粒蝦餃，粒粒都好飽滿🥰一咬落去，見到入邊有4隻蝦仁🍤，果然足料😋粉果水晶皮煙煙靭靭，但餡烞略嫌淡咗一啲，如果可以鹹返啲會更好食炒伊麵呢碟伊麵值得一讚👍🏻炒得干身，又唔會太油膩，伊麵好有嚼口，加少少辣椒🌶醬更野味😋白菜好清甜，而同好貼心咁幫你剪開一半，方便食用

麗城薈開了酒樓 又帶來一個像茶記的地方，食下午茶又多咗一個地方。珍菌肥牛炆伊麵 大碟又幾好味，「珍菌」用上了好幾種菇菌，有脆口的，有稔滑的，伊麵好爽身，沒有油膩感，肥牛肉也不少，抵食。酸辣湯豬扒米線 個湯好香，豬扒大大件，$38 吃得飽飽，不過吃了一半我就覺得好辣，好彩同伴說可以接受。唔食得辣就唔好叫呢個啦。

上周試過皇庭匯的早茶，今天又和老人家試下他們的晚飯。老人家最喜歡就是吃魚，今次叫了海龍躉兩味 $298，包括一個 碧綠炒龍躉球 及瑞蒸龍躉頭腩，碧綠炒龍躉球還是可以的，最初我以為龍躉球應該是炒到白雪雪的，見到清澈的魚肉紋理，但這碟魚味道是不錯的，魚肉有彈性，碧綠他們用上了翠玉瓜，有兩位座上客就不太喜歡吃這個瓜。蒸龍躉頭腩時間剛剛好，很滑份量也頗多，愛吃魚的老人家吃得很開心。蒜蓉粉絲蒸蟶子皇每份四隻$118，我哋五個人就加多一隻，很有彈性的。聖子皇鋪滿了很香口的黃金蒜蓉和粉絲，味道不錯但好像蒸得老了少少。㰖角骨係一味非常好送飯的肉食，味道不錯很獨特的欖角味，加上少少甜甜哋，飯都食多兩口。我哋還叫了一個粟米魚肚羹，因為好耐冇食過這個湯羹，大家叫你回味一下，但是這個湯羹比較偏甜，但老人家又超喜歡呢！

皇庭𠥔(潮麵🍜點皇) 食物味道不錯 賣相有待改善位於麗城花園 麗城薈的 皇庭匯，一邊是中式酒家而另一邊是吃粉麵，包點，燒味等食物的茶餐廳，外面有個牌寫著「潮麵 🍜 點皇」。我們去試下新舖，看看食物如何。叫了一碗牛腩麵-粗麵，上桌時有點驚訝，賣相似家中的料理，心想會好吃嗎？一試之下，牛腩真的好好味 很入味，肉質稔中有嚼口，湯汁很滋味，麵也爽口，食物不錯，賣相有待改善。魚旦麵好吃，魚旦爽口彈牙，有魚味，個湯底很濃很有胡椒味道，小朋友就唔合適。奶茶都可以 有茶味。

星期五晚見新開張同屋企人嚟試下 侍應見到你揮手都唔理人 嘢食等咗成個鐘都未黎 格黎幾枱都係咁 結果要取消單走人 以後都唔會再黎 麗城真係開親酒樓都係垃圾 用個鋪位開其他餐廳好過啦