皇庭匯 (已結業)

見到皇庭匯都開咗2 年, 但係望落去格局有D 混亂, 所以一直都冇入去食飯。到近來同事們已經食厭晒附近嘅餐廳, 而且又想食粉麵, 於是就試下呢間啦。第一次入去, 完全好似返返去以前飲茶要自己搵位嘅時候。唔駛拎籌, 冇人安排位, 要自己搵位、等位! 真係勁唔慣呀! 我哋搵左一陣就有位, 於是坐好睇下MENU 有咩食。基本上提供各款粉、麵、飯, 都有常餐。而且價錢算平, 可以唔駛$40 一個人埋單, 不錯呀! 什菜雞扒米粉有勁多白菜仔, 好正! 為我哋呢D 成日出街食飯嘅人提供咗D 蔬菜類, 仲有芽菜同冬菇。雞扒份量都不少, 而且調味適中, 好食! 米粉量多, 食唔晒呀! 整體嚟講, 如果只計食物質素同價錢, 性價比高!不過要忍受自己搵位同埋店員比較少。