皇室甜品 (眾安街)

营业中

休息中

呢間野唔知想點，叫咗兩個糖水，總共$67諗住咁簡單好快有得食，點知等咗個幾鐘都未有叫佢再造過又話唔得、又早關門又等得耐荃灣如果多一間糖水舖呢間就執得真係唔係好掂

皇室甜品🍮以前都有啲名氣, 夜媽媽無咩選擇就諗住回味下, 點知荃灣呢間中哂伏1. 首先, 經已坐低左睇餐牌揀緊嘢食, 隔離張枱有幾位操流利國語嘅大媽係度高談闊論, 衣着外觀唔使講, 已經減低左食慾🤮, 仲有位阿叔塊面紅晒, 🍻飲醉酒訓左落大媽度, 我哋急急腳轉外賣2. 等咗2分鐘店員就接過外賣, 舉高望左幾秒, 亦以國語溝通左幾句,望過去「番薯糖水嚟 唔關我事嘅」點知綁完個結就遞左比我, 已經心知不妙😰😑😨3. 我點左「鋒芒必露」, 返到屋企一開蓋... 我只係見到黃色嘅液體上面有黃色嘅固體, 同Menu張相好大出入😑 以為外觀樣衰啲, 食落去pat黃色液體, 有係剛溶雪嘅puree口感, 溝糖水嘅死甜, 配料無味得黎好似啱啱喺冰格攞出嚟, 又凍又硬身👎🏻👎🏻👎🏻最後我個糖水食咗幾啖就倒, 唔係難食嘅問題, 係驚中毒

傳聞老闆娘有獨門秘方，晚上秘密調制絕不外傳，今日親自到來一試。八點半有多飯後甜品時間，人流不多，環境乾淨企理光猛，唯獨相信店主原想裝修添置一些英式時尚感，並掛上一些掛畫擺設，但好像有點模仿不足，又欠有特色的感覺。《白雪公主》$32椰汁粉條＋芒果＋芒果雪糕名字可愛特別易記，但係白雪公主有整啲芒果黃色落去又有點……椰汁粉條加上芒果蓉汁恰到好處，有點兒像河粉感覺，不易段開，和芒果搭配得宜， 略嫌芒果質量稍遜，雪糕正常普通。《榴槤銷魂》$38（ 有機會真係想請教下 老闆娘點解改呢個名）榴槤蓉＋雲呢拿雪糕＋綠茶啫喱＋芋圓但顏色黃黃綠綠，唔知係唔係雪糕溶咗？或是榴槤太過水，有啲飲湯羹的賣相，不過甜品都不可以貌相，吃起來榴槤蓉雖然好似好少，但配埋雲呢拿雪糕，食得出榴槤果王嘅香味， 至於相信為咗顏色嘅配搭嘅青BB啫喱亦可以，芋圓煙韌有咬口。整體嚟講皇室甜品，種類繁多，看得出有用心思，下次順路會過嚟再試下其他甜品，希望有驚喜！！食物賣相＝(滿分20) 15食物味道＝(滿分20) 16服務質素＝(滿分20) 14裝修整潔＝(滿分20) 16性價比率＝(滿分10) 7回頭指數＝(滿分10) 8總評分（滿分1

非常方便快捷，可用Alipay 或其他信用卡俾錢，預早落單唔洗排隊唔洗等，但雖然經OpenRice 外賣有八折，但份量比堂食少好多，抵唔抵就見仁見智啦，只可能講係慳左時間。

太少去荃灣啦呢排，真係好耐無食皇室啦，以前係一個星期食三次咁滯。嚟到皇室太多款選擇，樣樣都好想食，個胃又得一個，唉～首選一定係榴槤甜品！榴槤都有幾款，最後揀咗榴槤忘返 $48入面有啖啖榴槤肉 雲呢拿雪糕 水晶珠 黑珍珠 上面仲有少少榴槤沙冰咁嘅份量都幾多！好好味，佢係有好多榴槤肉，總之食啖啖都會食到，不過最大嘅問題係越食越凍，呢啲天氣食食完行出門口都仲有幾陣寒意，但嚟緊夏天食就相當唔錯啦！如果加埋小丸子，一定仲好食，下次再戰！

今晚食完晚餐，路過這間甜品店比門外的甜品相片吸引，進去一試，菜牌圖文並茂，（相片和菜名）並列 ，清楚，味道不錯，款式亦多，令我有選擇困難症的人好痛苦，每樣都想試，好彩有相片就可隨意點按自己喜愛的圖片作決定，生果都算新鮮，黃金卷好味，芒果又甜，芒果沙冰做汁，倍覺清爽，其他甜品店較為少做，讚！下次必要試椰皇類的甜品。

最近天氣太乾燥了.同同事食完飯決定去食個糖水潤一潤☺️見到皇室甜品有燉椰皇就入左去試下🥢🥥原盅椰皇燉旦白雙丸 💰53燉旦白很滿足很好味.甜度適中.不會太甜或淡.分量亦很多.還有湯圓及芋圓.湯圓是我喜愛的黑芝麻味.👍🏻但芋圓未完全熟透...有點扣分.但燉旦白的部分是十分推薦的😋 如果芋圓也熟透.一定很讚👍🏻🥄杏汁燉雪蛤膏💰55不過不失.杏汁味像沖出來的.不像手磨.🍧白雪公主 💰32芒果分量是滿足的.但芒果雪糕的味道太假了太扣分了. 但這個價錢就不過不失吧🥺總結：不過不失吧.就是一間普通的街坊糖水店.

同店員反應杏汁有奇怪味道，像膠水的味道，喝入去喉嚨有刺激感，另外一個試都有同感，店員說沒有問題，成碗甜品唔敢吃⋯⋯態度差，食物質素差，唔敢入口，情願唔食埋單走人，豪俾它！

有時寫食評都要好睇享受食物既環境，食物既賣相同店既服務。但由於我係叫外賣既所以店既環境同服務就寫唔到啦!我淨係寫個賣相同味道啦，賣相就冇乜特別就咁望去材料充足同好有椰香味。第一淡食落去個牛奶撈埋雪蛤同椰子西米感覺好特別!因為佢既主角竟然唔係雪蛤膏係個牛奶!牛奶隻甜味蓋過晒西米同雪蛤膏!!可能原本西米同雪蛤膏係冇味既關係，所以牛奶個隻甜味又唔會太甜，整體黎講食完都好滿足好飽!價錢98蚊有呢個質素算係咁，整體黎講5星我比4星啦。

經過荃灣見過尼間鋪頭幾次，都想行入去試下。因為招牌係芒果。芒果要唔酸仲要多汁同香先至正！入去就點個芒果糯米飯。首先尼到好多甜品係預先整好，派貨出黎。所以背後制作睇唔到，擺左幾耐都唔知架。不過見有個人掃左廿幾件甜品 應該新鮮既。首先份量黎講都幾足，不過糯米飯唔夠味。好彩佢配個椰漿係唔錯，而個紫米唔夠咬口。到最後個芒果！真心好食！香甜、係唔夠喉tim!有機會試下其他芒果甜品。另外亦有芒果買、不過價錢貴貴地。

朋友夜媽媽先話不如見個面，諗唔到去邊好，經過皇室甜品，就話不如入去食返碗糖水啦！於是口痕嘅我地就捉住夏天嘅尾巴叫咗呢兩樣甜品 — 芒果奇冰 同埋 百香果園。芒果奇冰其實姐係綿綿冰，另外再加啲紅豆、小丸子咁，啱哂少少肚餓嘅我！友人叫嘅百香果園就有應該係百香果味嘅雪糕(?) 同埋少少刨冰咁。就咁就喺皇室甜品度度過咗一個夜晚啦。

志在方便一班想食真正生磨芝麻糊的食客如果你想食高水準芝麻糊，呢間絕對不是對的選擇無芝麻味、唔香、水汪汪超級市場即沖貨色唔知食緊乜，食左一啖就無食了仲要26蚊，完全唔可以收貨

咩都想食時，只有點個人氣推介啦，宇治金時，有好多料嘅一款抹茶味甜品，裏邊有綠茶雪糕，蜜豆，小丸子，仲有綠茶沙冰，綠茶味雪糕同埋沙冰嘅綠茶味算喺啱啱好，唔算濃郁但都唔會太淡。小丸子喺我嘅最愛，勁中意食呢種好煙韌嘅糯米食物。全部一齊一啖落去好滿足。

今日係荃灣附近食完晚飯，心思思想食下糖水，就黎左呢到試下。由於早食晚飯，所以八點幾嘅時候唔算多人，唔駛等就有位坐。我哋一行兩個人叫咗兩個甜品，一個「紅豆相思」，係椰汁做底，有芋圓、西米、仙草、紅豆，再加左一球曲奇雪糕。芋圓就一般般冇乜芋頭味，但勝在平平哋有齊幾款配料，本身一碗$30，加一球雪糕夾埋係$38，平價糖水都算係咁。另外叫咗「原盅椰王燉蛋白雙丸」，$53相比起來有少少貴，有芝麻湯圓、芋圓，湯圓味道都OK夠口感，椰香味濃，面頭有椰漿，底層係燉蛋白，有兩種口感，加埋可以刮埋啲椰子肉嚟食，整體都幾好食。

冰雪之選--宇治金時(綠茶冰、綠茶雪糕、紅豆、小丸子) $38見到宇治金時係人氣之選，一於試下啦!紅豆配綠茶絕對係個好配搭，但係綠茶冰既味道比較淡，如果可以濃返少少就更好啦～至於小丸子本身就冇咩味，襯埋淡味既綠茶味就更顯得失色啦～芒果系列--龍珠二世(龍眼、芒果、朱古力雪糕、水晶珠、黑珍珠) $33呢間店既水果用料唔錯，芒果果香出色加上好甜。香甜既芒果汁再配上水晶珠既口感好好特別有啲似有餡既「爆爆珠」，加上有q彈既黑珍珠，呢碗甜品有豐富既口感!甜品就唔錯啦～不過座位之間就有啲逼，坐得唔係好舒服。而且侍應態度一般，連問都冇問就將未食完既野收走左