影片
营业时间
今日营业
13:00 - 01:00
星期一至日
13:00 - 01:00
公众假期
13:00 - 01:00
公众假期前夕
13:00 - 01:00
以上资料只供参考，请与餐厅确认详情
1. 杏仁糊用粉开，特登问系咪即磨，又话系唔信可以参观厨房，点知…..2. 芋圆硬到石头咁硬，同埋冇味3. 芒果低嘅糖水得芒果有芒果味，𠮶糖水超淡芒果味4. 问服务员攞PIN 攞coupon 可以唔问过当事人，直接拎走当事人部手机，咁完PIN 又好粗鲁咁摆低部电话，有声𠮶种，仲冇同当事人讲可以攞返，就咁摆系张台到
继续阅读
一直都行过路过都有留意呢间糖水铺， 次次都见唔多人！ 所以唔敢入，今晚鬼咁冻 念住试下啦， 一试就知好后悔！好后悔，厚后悔…. 系好L后悔 （ 晒咗食甜品嘅quota） 热合桃露- 合桃粉未溶得晒都算..居然唔热姜汁小丸子- 唔辣都算.. 冇姜味 系冇姜味 又系唔热！ 两样嘢连个碗都唔热！ 同滚水小丸子冇分别， 而且小丸子内心系冻嘅… 我重新一点， 我系要热嘅糖水啊， 咁冻嘅天气，我系要热食啊！ （见厨房有电磁炉啊）$6x 咁嘅质素 好中伏 冇下次 唔推介！
继续阅读
用咗openrice 咁多年 第一次留comment 就系为咗警世 各位千祈唔好食呢间野 难食到爆 未试过食咁难食嘅糖水 外卖到第一眼见到兜野都feel到伏伏地 芒果河粉 杨枝甘露个底汁完全无芒果味 个汁系用甜到爆嘅糖水开出黎嘅沙冰 河粉唔知食紧乜 杨枝甘露入面嘅配料9唔搭8 摆埋啲椰果呀 奇怪硬胶珠入去 又无花奶又无西米 2碗芒果糖水阵味一模一样 一样咁难食 纯粹配料唔同 都唔知自己食紧乜 好难食 贴钱送比我都唔会食🤢食一次即刻blacklist
继续阅读
食完正餐过嚟食下糖水，近近哋去咗皇室甜品，呢间甜品舖都有咗好多年，正式几时开业就唔知，不过十年八载都应该有。一入去，店员就叫你坐右手边卡位，ok啦，其实仲系饭市，食糖水嘅人都偏少嘅。睇咗好耐餐牌都唔知叫咩好，因为店内好暗，张餐牌又好污糟，搞到好似款款糖水都唔多吸引😂⭐香蕉船配三球雪糕最后拣咗个香蕉船，因为自己本身想食雪糕，而雪糕就拣咗曲奇、朱古力同香芋三款口味。个样望落去都唔错呀，一条蕉切半，放咗三个雪糕球，上面唧咗几pat cream，味道正常啰，就系雪糕啫。⭐龙珠二世朋友叫呢个龙珠二世，有龙眼、芒果、水晶珠同黑珍珠，可能系因为有两种珠所以叫龙珠二世挂，如果唔系我都唔知呢个名有乜关系😂一个唔甜嘅甜品，下层嘅芒果酱唔知点解有少少苦味添。甜品水准一般，但出餐极快，一落单已经喺你台面出现。可能系店内比较黑嘅关系，又唔系好够冷气湿湿热热咁，坐坐下仲觉得畀虱咬又痕又痛😂而且店内真系好嘈，一间细舖竟然数到有12个员工，厨房四个楼面五个，仲有几个喺厨房内部貌似系清洁工，净系店员倾计都已经嘈到你听唔到其他声音…最后快快脆脆食完就走咗，前后都系食咗20分钟左右。呢个价钱，呢个卖相，再加上店内嘅环境，我就冇下次啦👋
继续阅读
15-2-2024夜晚11点叫甜品外卖，叫左一个椰汁炖雪燕+芒果河粉及一个榴梿皇后大概11点50外卖送到，一打开闻到阵好重既杏仁味，就打电话到去查询对话内容如下：我：我刚刚叫左外卖，一个系椰汁炖雪燕+芒果河粉，同埋一个榴梿皇后，但系我闻到(椰汁炖雪燕)好大阵杏仁味，我想问会唔会搞错左女店员：你既单号码系几多，帮你睇睇我：2XXX女店员：可能系厨房搞错左，刚刚好繁忙我：咁可唔可以换过一个送过黎女店员：唔可以wor，退钱啦，咁都无办法我，下，无办法，你自己搞错左话无办法女店员：系呀…无办法试问系唔系真系无办法呢？其实送外卖又唔驶你送，只系要求厨房做过新既就可以依家d服务咁差，难怪香港人都唔想系港消费
继续阅读
您可能会有兴趣的...