皇后板石燒冰室 (已結業)

同朋友行過女人街諗住係附近揾嘢食，唔去過都唔知，依傢女人街兩邊都開滿餐廳。我地兩個揀左好耐，因為想搵間可以坐得舒服啲傾下計。最後經過 queen's garden 門口貼左好多雜誌訪問，望入去見到有卡位坐，於是我地就決定試下啦。酥皮燉牛展肉配法國紅酒汁 + 薯菜其實我一向都好喜歡食燉肉，但係自己係屋企煮真係幾麻煩又浪費時間，所以都係出街食低啲，哈哈。酥皮內有軟嫩嫩熱騰騰紅酒汁燉牛展肉，先係酥皮開個細細嘅洞，裡面牛展肉嘅味就出哂黎，超香呀！味道方面，牛展肉好嫩，紅酒汁好香，應該放左唔少香草同調味料。薯條配紅酒汁食味道好夾，又一新食法法式香燒羊架配野菌汁 + 薯菜我見好小餐廳係旺角有羊架食，就試下啦。羊架黎到presentation好靚，薯菜係底部羊架煎到小小燶好香，羊架上嘅沙律菜令整碟菜感覺好新鮮！味道方面，大廚無將羊架燒到全熟，令羊架肉超幼嫩，羶味少，再淋上野菌汁一齊食，真係非常滿足！ 

今日拎住人生第一桶金黎同幾個死黨食野。揀中公司樓下嘅皇后冰室，想食好耐啦，終於出糧有得試！wow，晚市都幾多人下，等左15mins終於入得。環境幾好下，D位就唔係好闊啦。menu都幾豐富，好難揀食乜…樣樣都咁吸引！！最後三個人叫左三樣share食。法式煎大蝦配香辣野菌墨魚麵wow，個擺盤好靚！個人覺得個蝦煎得干身左D，肉汁流失左小小，不過咧，煎得幾香，味道真系唔錯，隻蝦夠新鮮，又唔會辣到冇曬蝦同面嘅味，balance得幾好，中意食辣就0岩曬！再配埋煙韌墨魚面同juice野菌，都有90分！黑魚籽蟹肉燴闊條麵個汁真系冇得彈啊！！黑魚籽卜卜脆，個人中意濃味D，忌廉汁好香好creamy啊，平時食D意粉闊面有時會太硬有時又煮得太耐，冇曬口感，呢個闊面就煮得0岩0岩好，配料又夠足，幾乎啖啖都有蟹肉！接近perfect！煎美國T骨扒配紅酒黑椒汁重頭戲黎了！！好香啊，呢個medium嘅T骨肉質好正，咁大塊煎到小小粉紅色0岩0岩好，之前食開7成熟都會有小小血有時仲會太熟添，皇后呢個食落有肉汁，絕對唔干身，加埋獨家秘制紅酒黑椒汁，好惹味！贊一個！！皇后冰室野食價錢公道，分量又夠足。最緊要好味！第一桶金用得

點左三個餐本身相跟餐加小食但見份量都好多下所以冇再收小食一個餐跟一個餐湯三個人叫左兩白一紅感覺紅湯比白湯好味麵粉唔多所以湯比較稀白湯既材料都唔多紅湯除左菜都好似唔見其他野不過紅湯唔會好酸或者辣白湯就只係好似得湯咁….所以冇喜出望外既感覺$78肥牛飯大家要注意係佢上枱時盡快將佢既飯拌勻我地唔記得左令到佢變到好少汁同差d痴住左塊鐵板可能餸會少左d飯會多左啲啲汁試唔清楚但甜甜地…應該係燒汁來肥牛應該有4-5塊不過唔大塊既雖然呢個餐比較平但材料相對較少$108比目魚意粉平時我地食既魚柳會幫你去骨但呢到就可能要自己去骨啦近邊位都要小心有骨既出現$108茄汁牛柳薯菜 (薯角)人地成日話牛扒七成熟比較好亦有人話點餐時點六成熟到上枱時就差唔多七成熟啦我就覺得塊牛柳過厚左少少除左難切之外都要咬耐d先食到一件(個個都係想份餐大d既，但係可以分開兩件薄少少)搞到切得好辛苦我地大家每樣都試下最後食得好飽(原本以為唔夠，最先諗住加多啲小食)三樣入面我地都覺得魚比較好食因為個配比目魚既汁都整得唔錯唔揀牛既原因可能係因為牛厚左少少影響左佢既口感可能用鐵板上菜會好食d

今日在旺角行行街突然肚餓，我的選障礙症又發生，不過今次不同了係個女人帶我去"皇后板石燒冰室"，心諗個女人帶我去都未必好啦，不過話晒佢帶算啦又肚餓算啦。入到去環境不俗，裝修設計也不錯，不過吾理喇肚餓，個女人分別叫了 "西西里蛋包海鮮炒飯" 及 "地中海香草烤焗比目魚柳跟意粉"。先來個 "地中海香草烤焗比目魚柳跟意粉"，出奇地香，淡淡白汁加上香草既芬芳在魚柳滲出，一係一個字 "絕"，配上意粉可以加多個字，就係 "絕配"。跟住便來個 "西西里蛋包海鮮炒飯" ，我馬上將碟意粉交俾個女人，我就吃個飯，一篤落去，D蛋汁流出來加上海鮮，跟住我馬上用隻匙羹 "不"起D汁飯海鮮，今次仲正，蛋汁香滑無比又加上海鮮味配上炒飯，今次形容就係 "香上加香"。成個飯局都我倆都冇講野，只掛住咬野，很快便吃完，馬上便算帳走佬。突然個女人同我講，我冇食過碟 "蛋包飯" 呀，呢獲 "咬野gor" 變 "奶野哥"了。

經過依間野好多次但每次都見佢外觀好似好貴就冇入去試喇咁岩是日未到6點  下午荼又未完WO   就入去食個下午荼啦佢雖然唔係好多個TEA  但每個睇落去都唔差咁最後就決定叫左個焗芝士吞拿魚意粉 (其實想叫二個餐)再加杯餐飲杏仁奶露等野食黎戈陣就掃視一下個環境覺得都OK不過佢D吊燈就好多塵(有D驚D塵跌落黎)大約等左8分鐘到啦就有得食喇個份量望落去好似好少但當差唔多食哂就已經覺得飽肚佢個意粉D汁就比較水左D D汁就冇乜味但味道都OK 不過我覺得多D吞拿魚就會更好當晚餐食係可以架 個杏仁奶露同普通杏霜冇乜分別我見個名有"奶露"以為有奶味有少少失望不過唔難飲下次有機會都會再幫襯

香滑的酥皮大家飲湯就飲得多，在牛「月展」外層加上酥皮大家一定未試過，這款菜式其他餐廳沒有得食的，香滑的酥皮包著嫩滑的牛「月展」，感覺神秘，吃後真的欲罷不能。香濃的牛油蔬菜伴菜，配以板石燒將牛肉的肉汁鎖緊，香氣迫人，真係嗅到都流哂口水。好味呀估吾到女人街D餐廳咁有水準。

第一次黎到皇后冰室，唔算大間，所以座位有啲迫。等位等左5分鐘，已經係等位既時候睇定食咩^_^我坐底就叫左個比目魚柳拼意粉，男友高叫紐西蘭西冷配薯菜，兩成熟，而我地兩個都要羅宋湯。先講羅宋湯，個湯好足料，唔會只得個鹹字，而且有好大舊牛腩，個湯比較傑身，食得出煲得夠耐。份比目魚柳上得好快，我一睇，原來係白汁唔係話唔好食，但我個人就不太好白汁=_=意粉量好多，而魚柳都唔細件，但個魚柳邊焦到變黑左，魚柳一定係雪藏-_-#所以無謂斟酌新唔新鮮+_+不過個汁就真係好多。。份西冷第一次上，我叫男友切開睇下先，不出所料，太熟！明明叫就叫兩成，黎到變八成！真係太過分，唯有叫佢換，第二份黎到，好少少，五成=_=不過算啦，無謂再換，但撇除太熟，件扒肉質都算嫩滑，不過唔知點解會比一大盤汁浸住姐=_=。。。整體黎講，都唔差，服務生好勤力，而最令我意外，係個廁所好香好乾淨xd但。。。點解由頭到尾，都無比過餐包既+_+？被遺忘的餐包？

三月一日 (星期五)是晚，約了幾位舊同事聚聚舊新年過後，朋友都不想吃中餐，突然想起旺角通菜街開了一家新的西餐廳，專做板石燒的，有點綽頭，既然大家都有興趣，也就去了來到時門口已等滿了人，可幸朋友先來佔了個位置，看來挺受年青人歡迎座位不算十分寬敞，不過裝潢就看得出是下過心思的店員態度也十分誠懇有禮，感覺良好餐牌上有不少套餐選擇，飯意粉也有多款選擇，不過來這裡，當然要試試牛扒才滿足呢，選了黑椒紐西蘭牛柳粒來自紐西蘭的穀飼牛，厚切的牛柳粒，來到桌上才淋上黑椒汁，甚有風味牛柳雖厚身，但不覺韌，肉質軟腍不帶筋性配上黑椒汁，更覺惹味!以此價錢來說，實在不錯了~ 朋友仔選了T骨，在這裡還可以選生熟度，店員也很有禮的，十分細心大大塊的也煎得恰到好處入口軟腍，牛味也挺香濃，也沒有什麼肥膏位，滿足飲品也有特色，黑牛聽得多，這裡還有大玩綽頭的白牛,紅牛和黃牛，未看圖，不如大家猜猜又是什麼組合?其中最愛是黃牛，是忌廉汽水加芒果雪糕，味道配合最得宜吃得飽飽的，和朋友們也過了開心的一晚

旺角通菜街登打士街至亞皆老街段（俗稱女人街），食肆愈開愈多，左右兩邊街上被小販攤檔遮蔽下開業的食店，大大話話有超過三十間，中、西、日、泰款款俱全，當中尤以日本菜和西餐最多，大部分都走較為廉價的路線，在這兒吃一頓午餐，三四十元，四五十元，一般已經可以，但要找到物有所值的，卻要細心尋覓才可以。這一天，我就獨自一人來到這條女人街中，與移居進這條街中不是太久的皇后 ---- 「皇后板石燒餐廳」來個午間邂逅，看看這位皇后究是位高貴的真皇后，還是一位扮高貴的假皇后。這間餐廳雖以皇后為名，但其實售賣的午餐價錢也頗相宜，雖然有部分要接近六十元一客，但不少也只不過是四十元左右而已，算不得高貴。不過價錢經濟反倒更適合我等平民百姓，只要味道不差，性價比夠高，那豈不是更好嗎？雖說女入街中食肆林立，已接近五步一樓，十步一閣的地步，但在午飯時間，在附近工作的人們不約而同地外出搵食，這間餐廳與大部分其他食肆一樣，早已接近全場爆滿，幸好這天我只得一個人，所以幸運地可以即時入內用餐，都算是一個人覓食的最大好處。餐廳裝潢簡單，不過環境尚算舒服，刻意營造的粗糙牆身，牆上裝飾用的小幅海報畫和別致的燈飾，也增添這間小餐廳的玩味

復活節假期第一日,與姊妹們行經過女人街,無意發現了這間皇后冰室.這間冰室的裝修以懷舊冰室作背景,加上大大張的皮SOFA,望落去都覺得好舒服間冰室牆身亦掛上不少電影POSTER,(BTW比我發現有魔盜王poster,好似唔係好夾d懷舊裝修波set lunch 齊有唔少選擇,但是價錢比其他餐廳稍高,比較特別係野飲有黃,紅,黑牛姊妹們於是每人點左個set lunch,餐湯的選擇有南瓜和羅宋湯兩款餐湯水準非常之麻麻,羅宋湯真係非之啖.好似飲緊蕃茄汁溝水,面南瓜湯味道反而唔錯,但可惜唔夠滑蒜蓉包的水準一般啦..先黎西冷西泠配黑松露汁,味道確係唔錯,但可惜係西泠烤得太熟,失去左用碟上的意義再黎就係我點-蜆肉煎龍利意粉...可以係3個中最差一個忌廉汁真係非常之淡,加上十分之少,基本上食到後面...變左淨食意粉,另外蜆肉數量比我地平時食泠麵ge重要少....一個字差....最後一個可以話係3個中比較好,先張雞球煎香+上濃郁番茄汁 真係幾野味總括黎講皇后提供的食物就真係麻麻地 但勝左裝修同人少 可以唔洗等位就入得但係真係有心入去食,就,,,,,,,,,可以有更好選擇

係女人街食野被fake就實有,但食到一肚火都係第一次同朋友行完街街都累到行都行唔到,但求有位就入,的而且確我係見裝修唔錯加上卡位闊,對於行完街GE我黎講-天堂我諗住冇咩人加上我一袋二袋 重唔係坐卡位?..點知安排坐左係門口果個一人位 哇窄到...當然我問過個waitress 點知佢串串共話D卡位有人訂左..我@$#@$..(P.S我食完都未見有人坐)算...見餐牌上野食款色都算多,,但係都累...所以揀左個以為最唔fake ge餐 點知..>>>>>.>先黎左個牛油多士都冇咩特別,所以都冇影到...(其實係累得製)跟住就黎個南瓜湯,LEE個係幾surprise BUT..個賣相就唔差,但係個味道就....個湯係茄連D粉都未搞好...好似飲左好多沙入肚....早知係咁我飲反茄膏湯好過....>>>.>.>跟住就黎主菜 ....WT......可唔可以話我知咩黎,我淨係認得D白汁..我心諗可能燴得樣差D姐,食左啖...我未食過D白汁係可以淡到咁..而D天使面可能出水出得勁得製...好似漿糊咁....個

Queen's Garden雖名為皇后，但裝修卻並不像室皇宮般金碧輝煌，反而風格低調又灰暗，桌椅也有懷舊冰室的感覺。 冰室牆上有掛著一些電影海報，而播放的卻是現時的英美Pop Rock，像是過去Crossover 現在，欣賞她有自己的風格，不太刻意地「仿古」。 餐廳以「板石燒」為主打，也有供應意粉和其他西式小食。 我當日在午餐時間到訪，選了個「板石燒德國腸龍脷柳飯」。($58) 先來「南瓜湯」，南瓜味很香濃，真的吃到南瓜蓉的，但略微未夠滑。 主菜「板石燒德國腸龍柳飯」，腸算幾肥美可口，龍脷柳也燒得香脆，而飯是用珍珠米的，幾煙韌，成碟飯很有在舊式西餐廳吃鐵板扒餐的感覺。餐飲除咖啡、奶茶外，還有一些港式冰室的經典特飲，例如朱古力奶、谷咕及我選的這杯「忌廉溝鮮奶」，甜甜滑滑的，但怎也飲不出童年時代的味道。

相信不少人都曾在通菜街開餐, 不過這裡的食店質素參差, 講白啲就是很容易中伏!早前曾經過這間裝潢不俗的冰室, 但一早FULL HOUSE, 無緣試食這晚來到附近剪頭髮, 又從OPENRICE看見此冰室原來風評不俗, 於是再來碰運氣與男友約晚上九時半到達, 不用等位, 直接入座侍應對我們要求轉坐卡位的要求亦無拒絕, 態度不錯餐廳裝潢比一帶的西餐廳來得仔細, 牆上掛滿大大小小的POSTCARD和畫, 播著輕快歌曲, 坐得舒適不過始終是平民價西餐廳, 不要期望有浪漫情調, 周圍其實頗嘈吵SET DINNER有多款選擇, 價錢大約是$68-$128之間, 有意粉, 鐵板等選擇另有單點MENU, 提供小食, 甜品等, 內有部份食物相片, 可以睇過先揀和男友一人要一個SET DINNER SHARE, 分別選了粗黑椒鐵板牛柳粒和魚子蟹肉闊條麵奉送餐湯麵包, 及加$5各有飲品一杯餐湯的選擇有忌廉蘑菇湯和羅宋湯, 本想要蘑菇湯再加$10加酥皮不過蘑菇湯售罄以南瓜湯取代, 不愛南瓜的我亦打消加酥皮的念頭兩款餐湯水準一般, 奉送的蒜蓉包雖不熱卻很脆口, 伴湯吃不錯鐵板類可以選擇先在廚房淋汁, 以免容人一身

近年香港霸權當道, 走到鬧市街上或商場內, 全部都是一式一樣的連鎖食肆, 想找家有特色的小店也十分艱難. 這天走到來旺角看戲, 其實近期巳比較少會來旺角了, 因為人多車又多, 每次來到總覺得有點透不過氣來. 不過剛好想看的戲其他地方都沒有, 唯有又來一趟了. 看看手錶, 距離開場時間還有個多小時, 心想不如先吃個晚飯吧. 想起最近這裡開了家新的冰室, 好奇心驅使下便走來看看.餐廳位於通菜街那邊, 就在人來人往的女人街旁邊, 其實地點算是有點隱蔽, 不過宅女靠著GOOGLE地圖還好很快便找到了. 來到餐廳門口, 發現店子不算很大, 但裝修得幾骨子, 由吊燈到掛飾都頗具風格, 帶點隨意又懷舊的味道, 看起來十分舒服. 店內的座位除了有一排半梳化枱之外, 還有4-5張卡座, 每個座位都頗闊落, 坐起來算幾舒適的. 整家餐廳沒有什麼華麗的裝修, 畢竟走的是平民化的路線, 整潔得來又親民.看看餐牌, 晚餐有好幾款套餐, 有湯有主菜有飲品, 價格由最便宜的HKD$58到最貴的HKD$118都有, 價錢大眾化, 豐儉由人. 主菜都幾多選擇的, 除了有基本如青口意大利粉, 龍利柳飯, 也有蟹肉寬條麵,

同女友行完女人街 ,已經很累了 ,去找野食坐底 ,朋友介紹 ,試過幾好 ,今晚帶女朋友來試 ,好彩冇令人失望。首先環境好 ,從來未見過旺角有咁獨特的裝修設計 ,讚然後服務好 ,有位類似經理的人主動帶位及介紹食物給我們 ,好Nice 跟住講下食物先 ,我們點了:1) 酥皮羅宋湯 : 酥皮做得好出色 ,羅宋湯跟一般的西餐差不多2) 黑椒板石燒牛柳粒飯 : 跟一般的鐵板不同 ,傳熱度非常高 ,食完也感覺塊板還熱 ,可以自己控制牛柳的生熟 ,味道也唔錯 ,值得推介3) 法式煎大蝦配香辣墨魚麵 : 大蝦配墨魚麵好甲 , 大蝦食起來用汁好爽 ,好新鮮 ,加上辣辣的墨魚麵 ,正4) 皇后拼盤 : 雞亦及帶子做得好食 ,其餘一般總括來說食物非常好埋單都是每人不到200元 , 價錢我覺得非常滿意 ,(我還給了20元小費)