百尚屋 (已結業)

今日搭完火車返屋企，喺大埔火車站見到呢間Tik黑糖珍珠豆腐花特價$18，平時經開都冇乜人見人幫襯，諗住特價就試吓，凍嘅要加$3 ，我仲怕凍得滯就話要少啲冰，點知飲完覺得真係唔係幾掂不單一粒冰都冇，仲係室溫豆腐花，飲完成杯，應該得二、三粒珍珠，得浸麻麻哋的黑糖味，豆腐花淡茂茂，珍珠冇咬口真係食唔出咩味，唔怪得冇人幫襯， $21杯豆腐花真係好貴囉，咁嘅價錢去返買阿婆豆腐花仲好，起碼買到兩碗仲要好味好多😮‍💨

行過見到有間小食舖做緊黑糖珍珠豆腐花18蚊，加15蚊仲多個熱狗，熱狗仲要唔止得一款，有幾款可以選擇。最後我揀咗個蕃茄青哥熱狗同埋一杯黑糖珍珠豆腐花。先講到黑糖珍珠豆腐花，第一啖一吸落去覺得好甜，超甜！之後再吸多兩啖就覺得有啲淡口。原來一開頭我冇攪勻，建議大家就唔好好似我咁心急可以搞一搞先吸。熱狗佢又做得幾好，食得出有牛油味同埋有煎過，所以又香又脆，而腸仔青瓜同蕃茄都新鮮爽口。簡單嚟講三十三蚊食完飽肚，味道又唔錯，性價比高。

百尚屋在大埔墟鐵路站對出開業一段時間，鮮有見人光顧。路過見到有賣肉燥飯之類，但都沒有光顧過。豈料老公是日在這店買下午茶給我，就是黑糖珍珠豆腐花。見他提著杯裝回來，以為他又買肥仔水飲品給我，但原來這一膠杯內的是熱豆花，熱黑糖珍珠豆腐花！熱黑糖珍珠豆腐花，用這樣軟軟的膠杯裝載，都覺得有點不太合適，如果是暖的，我尚可勉強接受用膠杯裝。先看賣相，不太討好。味道方面，黑糖只得甜味，豆腐花沒有豆香。重點是珍珠，軟稔到完全沒有咬口唯一的優點是這杯豆腐花的價錢不太貴，但質素還是不值售價。