百好咖啡餅店 (已結業)

住左喺附近都成十年，経過無數次，從未幫襯過。因為覺得冰室殘舊又老土。但人長大后反而喜歡懷舊，去傳統食店。今天午餐飲茶唔太飽，所以試下呢間老冰室食下午茶。一入去好似回到30年前，地板是用細磚舖，經過時間的洗禮，牆身裝飾已經發黃。枱和椅子都是十分陳舊，沒有翻新；令此冰室更加有味道！再看看枱面玻璃下的價目表：字體很有粵語長片feel，電話號碼更加是「5字頭」再后裰「6個數目字」，這種電話號碼應該是30年前的產物！再看看其中一項為「烘底加四毫」，但已經刪改為「烘底加貮圓」。至於其他項目的價格則全部是手寫，可想而知，冰室老闆當年開業時印定了一大批食物單，以便隨時加價。叫了一杯熱奶茶、一杯熱朱古力、一件西多士及一個疍撻。本來問了伙計蛋撻是否熱的，他答了不熱，但並不是望著我答，是面向水吧，也不肯定是否回答我的問題。更奇怪的，我都沒有回應，他已經送了一個完全一點都不溫暖的蛋撻上來，完全貫徹老式冰室的老派服務態度：即是無甚服務。幸好，一口咬下去，還有濃厚蛋味；曲奇餅底。如果熱騰騰，估計會幾好味。西多士味道跟其他茶餐廳差不多，沒有太大驚喜。熱奶茶用上黑白奶，味道應該唔差，可惜茶味欠奉。埋單時，在櫃台見到貼

絲襪奶茶我覺得是香港飲食文化的代表作之一；如何拼配茶葉、掌握那壺滾茶的熱度、運用淡奶的比例及最後將熱茶沖入茶杯的手勢都有不可缺一的關係。好的水吧師傅拉起茶壺可見一注茶柱沖入淡奶後，當帶有微泡的奶茶隨著冉冉而上的微煙端到客人面前時，此時這杯奶茶可是下午三點三的至高享受。下午茶一個人走到「百好」飲杯茶吃個餅，客人不多只有幾位老街坊。多年以來這裡奶茶的香味依然。吃了一口椰撻卻是隔夜的，可惜。在這店裡懷舊的氣氛中回憶當年隨時可以吃得到的香酥椰撻。現在茶餐廳的椰撻大多是買小見少，賣的店少了還是吃的人少了，說原因其一就是那隔夜冰冷的感覺；現在的解決方法有些茶餐廳都在用，好像菠蘿包一樣在客人叫「堂食」時就用微波爐「打熱」，椰撻不是一樣也可以嗎？

走進小店 ‧ 走進歷史一直以來，對＜百好＞總是過門不入。因為每次來此區，都是要到兩條街之外、名字有點像的茶餐廳：那兒比她旺場不知幾倍。往內張望，曉得她也是饒有歷史的，總想「改天來試試」。「改」了幾改，今天我是專誠造訪的。進來坐下，好好端詳一下周圍：地磚、壁燈、木椅、卡座、糖罌，都散發著老茶記的氣息。然而與其說她保持傳統，不如說是日久失修。來個「晏仔」！食品選擇不多，我選了個最基本的午餐，不作任何改動，是為入門。原來伙記稱呼午餐為「晏仔」：會如此稱呼的，還有祥香。以前香港人說，勞碌不過為餐晏仔；現在社會發展了，但不少人還是在為此奔波！茶先來。以粉紅色ribbon花紋裝飾的古舊瓦杯，被淡奶品牌特製的杯子取代了；我先把它放一旁，先解決緊隨上桌的餐包和火腿炒蛋。餐包的賣相有兩個特點：一是小，二是帶黃。說其小，因它比其他茶記的小三分一；包身的黃該不是放久了，而是粉團原本就是如此。門口櫥窗放著的菠蘿雞尾，也有這兩個特色：我想是自製的麵包吧。張口一吃，皺著眉發現第三個「特色」：乾硬化！包身稍帶苦澀（懷疑是酵母粉過多），連味同嚼蠟的馬芝連 (margarine，不是米芝蓮) 也嚐不出。炒蛋份量同樣較少

今日係兒童節，為了應節一番，我決定重回「兒時成長回憶之地」──百好，食個晏仔，順便探望昔日老街坊！　午餐（$24）：叉燒湯意粉＋火腿炒蛋＋鮮油包＋熱飲　叉燒湯意粉：Ｄ意粉夠稔又彈牙，湯底好清無味精，叉燒夠稔冇渣，唔錯唔錯！　火腿炒蛋：炒蛋size細左Ｄ，裡面只有２、３條火腿絲！　而且Ｄ蛋好硬身，似時間耐左同埋煎起了！　鮮油包：今次唔係用一般餐包，而係用奶油椰絲包，幾特別！　不過個包又係size細細，大約係平時奶油椰絲包的１／３咁大，而且入面只有＂一毫子＂咁大的牛油，對我來說顯然唔夠搽勻成個包，食唔到牛油香！

本想到「百利」食早餐...點知一早就有6-7人等位..於是去「百好」~百好的早餐其實都唔錯~$22個早餐!通心粉湯底不錯, 不似味精湯~最欣賞佢個煎蛋唔算多油...好怕食個早餐油淋淋~~不過個餐包就麻麻地...好似有D苦如果入黎食, 真係要望下個環境~成個裝修都好有「那些年」的感覺~

星期六下午茶,行過幾間都找不到位.原本想去「太興」的,但有好多人等位,便到懷舊冰室「百好」走一趟,入到去都好多人,但有位.要了個”晏仔”午餐 & ”麵餐”- 餐包很硬 & 不過火腿炒蛋,d蛋味幾濃,幾好味.- 叉燒湯意粉 ok 不過份量好少- 凍奶茶味淡 (熱奶茶ok)- 叉燒煎蛋湯意粉ok雖然這裡是拍過”龍鳳檸樂”& ”Tempo紙手巾的懷舊冰室,但地方懷舊得來,真的有點舊.

雖然而家有好多以＂懷舊＂為主題嘅茶餐廳興起，但年代悠久，具歷史嘅懷舊冰廳實則買少見少！呢間喺西灣河嘅百好，真係由細食到大，就算搬左屋我都隔一排番去幫襯，無法啦，佢係我嘅兒時回憶嘛！我今日就叫左必食嘅午餐，有叉燒湯意，餐包＋火腿奄烈，凍央！都係$23！要數百好最能給我回味的，除左大件西多士之外，就係呢度嘅裝潢！壁燈廿年不變，那幅水吧旁邊、會流動嘅瀑布掛畫，其實早就走在時代尖端，可以話係3D立體畫嘅先驅！大家下次黎不妨留意下！

當日我買完曲奇後.見到路口有間餐廳就立刻行入去..又係一間懷舊的餐廳..待應只有一個人.一腳踢...服務態度不過不失.我行入門口都末坐低.就大聲問我飲乜?呢間店雖然懷舊...地面無垃圾.打掃得衛生的懷舊餐廳.我會評高分一點...因為舊的東西..隨時會無的..一個餐.27元加2元...價錢一點都不懷舊....凍華田...的確黑白淡奶冲的...華田粉同奶..分配得剛剛好...餐肉火腿通粉:通粉都好彈牙..加上熱熱的白湯.....火腿都算落得慷慨,但係餐肉好似無加熱...呢點差的...值得一提的.....反而杯熱茶唔錯....又夠熱..仲要剛剛煲出來

原先諗住去「百利」的,但「百利」裝修過後,失了”懷舊”感,而且公仔曲奇都消失了。所以改步到「百好」。入到「百好」果然有舊時的枱椅。懷舊味合格。Order了特餐。甜餐包很實不新鮮。火腿炒蛋尚算有蛋汁。义燒通粉無味。奶茶似乎已下糖,且茶味濃度洽當。替超級平平無其的特餐中,出現少許驚喜。

一向鐘情奶白色湯底既通粉~一直幫親開百利~聽講百好都係奶白色湯底所以就TRY下喇~((上午8點几左右..一去到...全部客都係佬...))ODER左一個午餐$21(全日供應),叉燒湯意轉左通粉配牛油餐包 + 火腿炒蛋 ,+$2凍檸茶((返到屋企先知無俾餐具我囉...))....D湯係就係個隻湯但D通粉超淋...DISLIKE凍檸茶几有茶味其他野都OK但唔特別!!

較早前在電視機見到一個紙巾廣告，背景是一間舊式的茶餐廳。然而這個廣告，令我猛然想起那一個背景，和西灣河百好咖啡餅店內的環境，有一點兒的相似。走進百好，一眼見到檯面的白糖盅，這亦見證了這間咖啡餅店的悠久歷史。除了同區的百利冰室之外，包括早前結束營業的祥利冰室，都不是利用這類型的舊式白糖盅。或者這一款舊式白糖盅，可能是百好的其中一大特色。除了白糖盅之外，餐牌也流露了懷舊味道。如果各位有留心一點的話，應該見到餐牌上的電話號碼，是一個較為舊式的寫法。星期日早上如常出外跑步，午餐也自然在街外進食。來到百好就自然叫一份午餐。上次前來光顧午餐時，覺得他們將意粉煮得太淋的關係，於是今次改為叉燒公仔麵。叉燒公仔麵 - 用上半肥瘦的叉燒，配以白色的湯底，再加埋一個公仔麵。水吧師傅的淥麵技巧，在我個人而言是恰到好處，至少唔會將麵條煮得太淋無口感。叉燒雖然浸在湯中，但是我仍然食到有叉燒味。牛油餐包 + 火腿炒蛋 - 先由火腿炒蛋說起，雖然未達到滑蛋的水平，但是起碼見到有許多火腿絲，足料送上給食客，絕無欺場。只不過碟底較為油淋淋，似乎油份落得太多。至於牛油餐包就稍為遜色，食唔到有什麼的牛油味道。咬左兩啖之後再看

公事關係走到西灣河 午飯隨意走入尼間茶廳E肚 店內陳設頗舊 午市關係幫趁的人不少 都似是附近唐樓街坊叔伯 同埋我尼D上班族混埋 叫了午餐( 三合一) 叉燒湯意+炒蛋伴餐飽+奶茶 眼看經已好大份 賣相亦唔差叉燒湯意 叉燒一般 意粉幾爽口唔會腍巴巴 炒蛋 好求其既炒蛋冇蛋香 好似溝左水 算OK熱奶茶 唔夠熱 冇乜茶味 奶又唔甜 抵食同好味 要取個平衡 20蚊仲想點

正所謂「金玉其外 敗絮其中」，門面真係好正好懷舊，可惜食物真係唔得喎。我見唔多客人，多數係佬。試過簡單嘅蛋撻，又涷又無蛋味，奶茶就OK。都好難怪，見佢啲蛋撻疊到成坐山咁高，no good，no good！午餐都係唔掂，义燒重痩過我，意粉唔夠軟， 侍應生服務差，可能係因為我生面口赴！

食左幾年~去親西灣河都想食一食!真係好鍾意懷舊既感覺...最愛既早餐or午餐都係咁正~最愛既火腿通!仲有熱奶茶,真係好滑...去親都要飲一杯~滑到呢...仲有蛋撻~都係推介之一~不過岩岩出爐好味好多~一句講晒,正~

今日返工前同爸爸媽媽食完lunch先返工........本來諗住去百利,點知未夠12點已經全場爆滿！仲有幾個人等緊位......因為趕住返工所以爸爸就提意行過附近o既百好.......經常聽到爸爸話【百好】就係拍龍鳳O樂同Tempo蘋果木廣告o既地方,所以就諗住諗下無妨.......入到去望下餐牌都同一般冰室無分別......媽咪提意我食雞亦腸仔米粉，因為我無所謂就跟佢叫........點知上台o既時候.......見到只係一碗【清湯】雞亦腸仔米.........D湯係清到好似滾水咁...........食落完全無味............飲湯好似飲水咁.........可能自己食慣濃味........但係真係覺得碗野無味.........................