百味鮮辣蟹專門店 (已結業)

自從去完東南亞旅行，食過各地嘅炒蟹之後，近日非常之懷念，所以我哋每個月嘅旅行buddy聚會都揀咗一間價錢又抵食又好味嘅炒蟹餐廳。起初覺得係香港食炒蟹好昂貴，但係呢度百味鮮，抵食得來，仲係好好味。😍呢間餐廳都算就腳，喺西環香港大學站行2分鐘到就到。起初以為餐廳淨係有得食炒蟹，原來仲有各式各樣嘅小炒。小食叫咗海苔炸豆腐，自家製嘅調味，令豆腐炸得特別香囗，加上海苔嘅小小鹽味，鄭啊。蒜香海螺，香蒜嘅醬汁，一粒一粒，配啤酒絕對一流. 涼拌三鮮，有我最鍾意食嘅皮蛋番茄同青瓜，配上芝麻醬，特別好味。少飲湯水嘅我，當然唔少得叫個燉湯享受下啦，今日係茶樹菇燉雞，湯料十足，好清甜，真材實料。杞子豬潤浸菜心，呢個菜唔係度度都有得食，喜歡食豬膶嘅一定要食，滑滑嘅豬潤😍😍今天既主打避風塘炒蟹，粒粒避風塘嘅香料，我覺得呢度嘅夠晒鑊氣，令蟹嘅鮮味同埋避風塘調味嘅小辣，可以講係食極都唔想停，好味香口。清清地揀係揀個水蟹粥，喜歡食粥品嘅朋友必定要食，因為有意想不到嘅清甜味😊😊

同一班朋友聚一聚兼慶生，想坐耐d又想食中菜，天氣凍凍地又想食辣，於是就試一試呢間地鐵站一出行一陣就到，好易搵又方便👍🏼Menu 好多選擇😍不過黎得呢度緊係要食🦀啦 再加上係慶生既，就緊係唔理咁多叫哂想食既🤤一坐低呀姐就送上熱茶👍🏼仲要有得揀💯香片同普洱🍵呢度上菜速度很給力👍🏼有效率 岩哂冇耐性既我😂打頭陣就緊係靚湯啦 茶樹菇燉雞湯 身為湯控既我好like 好清甜 飲完湯 仲可以食埋隻雞 d肉都好滑唔會鞋跟住就上埋兩個冷盤 青芥牛立方 涼拌三鮮芝麻醬 好開胃～仲有蒜香凍螺 勁入味 勁彈牙 好食👍🏼呢個自家海苔炸豆腐好正 出面香脆 入面好滑杞子豬潤浸菜芯 豬潤好滑 菜芯都好鮮嫩重點 避風塘炒蟹🦀🦀🦀🦀因為同行友人唔係好食得辣 所以嗌左小辣 不過都好入味 隻蟹好新鮮好甜 果然係食蟹專門店💯上湯海蝦伴脆麵 🦐🦐🦐 呢度d海鮮都係新鮮既 蝦肉好彈牙 同埋呢到即叫即煮即上 個麵都keep到好脆最後黎個水蟹粥做個perfect ending😍 隻蟹都係咁正咁甜 d粥入哂味 啖啖粥都係啖啖蟹既鮮味🦀🦀🦀埋單都係千三蚊有找 除開都係二百幾per head 可以食到咁既水準既中菜好抵👍🏼

一向鐘意食蟹既我，今次同朋友一齊黎到呢度食避風塘蟹~~ 見到呢間小菜價錢公道，又有唔同款既蟹食，就黎到呢度啦。因為夜收工，又避免太多人，所以都專登簡左星期三黎食，果然可以即時入座呢~ 太好了~門口寫住左營業時間，同埋一d介紹。入到去，座位好闊落，好好坐。打開menu，即刻比佢menu上面既蟹吸引左，最後我地叫左避風塘蟹，同埋幾款小菜。首先係呢個乾煎豬仔骨，一上到黎已經覺得好香，襯佢熱辣辣既時候食，真係超好食。佢既豬仔骨本身好夠淋身，加上佢調配既汁好夠入味，所以勁香口，真係會好忍唔住一食再食。之後上黎既係 蟹肉扒西蘭花，係一道比較清淡健康既菜，咁就唔會感覺成口都好濃~ 有d清清既味道調節番~上面除左蟹肉之外仲有蛋白絲，咬落去清甜多汁，一路食會有蟹肉既味道淡淡出現，幾特別。之後係呢個，都係超有驚喜既藥膳米酒雞，上黎既時候係望住佢滾緊，即係即滾即上。首先試左啖湯，係超、好、飲！一黎係好有藥膳感覺 + 雞湯味濃 + 米酒既味道係後面慢慢滲出黎，每一樣味道都唔馬虎，唔會覺得無左其中一樣、或者三樣唔平衡。之後再去食湯料，佢有好吸湯既'豆pok'，一咬落去，d湯汁流晒出黎，好滿足！雖然係主打蟹為主既

咁多款菜式入面，始終最鍾意都係港式小菜，夠鮮味，有鑊氣，真係百食不厭，又有家的感覺。見雜誌介紹係西環新開左間辣蟹專門店，好似幾正，就專程去試下。餐廳以深木色色調為主，令人感覺舒適。Menu有多種炒蟹食法，全部都好吸引，樣樣都想試。晚飯時間好多人，真係要book位。芥香雲耳仔($38)，雲耳酸味味，好醒胃，再加少少wasabi味能增加味道的層次，感覺很refreshing，又唔會好嗆。蒜香凍螺($68)，螺肉相當入味和爽口，蒜味好香，仲有蒜粒粒係入面，個汁甜甜地，蒜味做得恰到好處，沒有蓋過螺肉的味道。普洱茶好香，味道不錯。($5/茶位) 猴頭菇燉雞湯($98鍋)湯料都幾足，有雞腿、雞腳、豬肉、猴頭菇，濃郁的雞湯味道，又唔會好鹹，冬天飲好暖胃。麵醬滑雞煲($98)雞味濃郁，香噴噴，肉質嫩滑，醬汁很滋味，連配料洋蔥和芹菜都咁好食。辣味年糕炒蟹($380)炒蟹好大隻，肉質不錯，都幾多蟹肉，而且很新鮮，食得津津有味。仲有年糕、洋蔥、芹菜、辣椒、芫荽一齊炒，微辣得黎又好惹味。牛肉炒菜芯($88)都要讚下，牛肉炒得夠火喉，菜芯夠新鮮爽口，有冬菇絲炒，好美味，想再食多碟。

聽朋友介紹，一直都想到百味鮮辣蟹專門店，今天終於約到朋友一行四人到此一嚐。我們點了共六味菜：冰鎮咕嚕骨、川辣滑雞煲、蟹肉扒西蘭花、蒜香凍螺、避風塘炒蟹、是日燉湯。冰鎮咕嚕骨非常特別，味道很甜，口感鬆脆，不過略嫌少許黏牙。川辣滑雞煲味道很惹味，少許辣、卻非常入味、肉質適中，不會過硬或太淋。蟹肉扒西蘭花的蟹肉十分充足，吃菜時每一口都充滿鮮甜的蟹肉。蒜香凍螺十分推介，所有螺的大小十分均勻，不會太小，螺肉鮮甜，蒜香味適宜。避風塘炒蟹是今天的主菜，辣味適中，蟹亦炒得十分脆，非常爽口。是日燉湯是雞湯，雞味十足，雞肉亦十分爽口。

早前一田舉行優惠日，我跟好友相約去一田掃貨! 為免人多，我們決定去西環一田，雖然這裡的一田不太大，但想買的都有，跟好友買得非常愉快! 血拚完，當然想醫肚! 拿著幾大袋超市戰利品，不想走太遠，於是我們看看附近有什麼餐廳。西環對於我們而言，都不太熟悉呢!沒想到過一條馬路，便看見這間餐館 - 百味鮮辣蟹專門店因為太肚餓，所以立即點了前菜，話梅醉豬手是冷盤!嘩，這道前菜非常非常好味啊! 豬皮好爽口，醃料是話梅及酒，兩者混合好惹味，吃幾件也不覺得很油膩，最重要是，這碟美味的前菜只不過是$38，好正啊! 朋友說好想試冰鎮咕嚕骨，我第一次聽這道菜，當然也想見識一下。沒想到，這道菜一上來時，大家都驚喜萬分，尖叫連連。乾冰墊底，讓一縷縷白煙飄起來，感覺上實在太有仙氣了! 簡直謀殺攝影師的菲林呢! 咕嚕骨面好脆，入口鬆化，一冷一熱的感覺，好有特色好新奇呢。不過因為是咕嚕骨的關係，所以內裡沒有很多肉，主力是吃脆皮。金銀蒜蒸蟶子皇，很大一隻，啖啖肉，蒜夠香，上面鋪了滿滿的粉絲，粉絲吸收蒜粒及蟶子皇的鮮味，超級好吃呢!青芥牛立方，青瓜好清甜，牛肉也不會太韌，這道菜的味道很創新，輕輕的日本芥辣，不會太攻鼻。連不愛

今日去到西環搵食，朋友介紹呢度有間食蟹好正，我哋就跟住黎搵食啦！呢度距離香港大學出口唔係好遠，大約五分鐘距離，都好易搵到。雖然睇地圖感覺好"隔zip"，但係平日都好多人黎食，足以證明質素有保証啦！地方大，樓底高，坐得適服！我哋首先食咗個涼拌青瓜$38青瓜上面勁多蒜蓉，十分慷概～青瓜清脆爽甜，加上少少醋，好開胃。然後清清地先食咗一個杞子豬潤浸菜心$68豬潤真係好啱女士食架，補血麻！食得出廚師有特別處理過，好食！杞子明目，而個湯清清甜甜，仲可以飲返一碗半碗。然後首都重頭戲避風塘炒蟹$380店員問我地食唔食得辣，我哋怕會好辣所以我哋只係叫咗微辣～上枱嘅時候啲蒜蓉係多度蓋住左隻蟹，撥開啲蒜蓉個蟹重見天日～嘩好大隻呀隻蟹超好肉！我食咗個蟹鉗，超新鮮！超鮮甜！好少可食到呢個質素嘅蟹啊！果然冇介紹錯！由於微辣，我就食得不太過癮，下次可以再挑戰小辣，應該會更惹味！我哋仲拎左個炸蒜食呢個醬油臘味炒飯$68！個炒飯又係超好食！一啲都唔油膩！蠟味裏面亦都冇油益味，粒粒爽口！加上小小嘅蔥花，香氣四溢～天氣凍真係好啱食！食完真係暖粒粒㗎～呢度仲有個名菜叫做冰鎮咕嚕骨$238上枱嘅時候冒住白煙，視覺效果好震撼！粒

昨晚去了西環和朋友食晚飯，朋友帶了我去石塘咀德輔道西434號的百味鮮辣蟹專門店食晚飯。自從港鐵開到西環後，實在方便多了。這店格局也很舒服，枱面算大張，坐得舒服，不會讓人覺得很擠迫。店員服務有熱誠，亦很醒目，只要我們有需要時，一招手就店員就會過來為我們點菜，添茶等。朋友介紹這裡有冰鎮咕嚕骨，這款菜很早以前就想食了，所以當我們點菜時，我指定一定要點這道菜另外我們點了話梅醉豬手，金銀蒜蒸蟶子皇，肉蟹粉絲煲，青芥牛立方，青菜等。話梅醉豬手是冷盤，豬皮經過了冷河，豬皮爽口，減低了油膩感覺，話梅及酒，使豬手更加出色，而且只是$38來說，是非常抵食。金銀蒜蒸蟶子皇，子皇特別大隻，啖啖食，加了金銀蒜，除了有蒜香外，還有蒜的辛辣味道，好正啊。肉蟹粉絲煲，肉蟹非常大隻多肉，加了粉絲煲，喜歡吃蟹的朋友一定不要錯過這有我期待已久，要食的冰鎮咕嚕骨，上枱時，有一縷縷乾冰的白煙，騰雲駕霧般，白煙過後，盤裡放滿了冰塊，咕嚕骨剛炸好，放在冰塊上，表滿的糖也變脆了，外層入口鬆化，加上口感一冷一熱，十分好味。青芥牛立方有日本芥辣味道，感覺創新，青瓜好清新加上牛肉，配合得剛剛好 總結：百味鮮辣蟹專門店出菜的時間非常快，餸菜

西環石塘咀，十多年前經常去的一處地方，還記得以前地鐵尚未開通，周遭的食肆都是一些地道小店，跟現時百花齊放的景象，有著很大的分別。最近再次來到這個熟悉的地方，時過境遷，百般滋味在心頭，偶然路過德輔道西較僻靜的一帶，見到一間裝修光鮮的中餐館，以辣蟹為主打菜式，店外貼滿了一些雜誌的推介，內裡環境簡約四正，以啡色為主調的設計，時尚舒服，望望餐牌價錢亦不貴，跟朋友商量後決定入內試一下。餐廳位於香港大學站B2出口附近，交通尚算方便。入座後細閱印刷精美的餐牌，打開的第一頁已見型格的寫著「不時不煮，不鮮不食 」八隻大字，完全表達出店家對食材的嚴謹要求。內裡圖文並茂，除主角辣蟹外，還有頗多其他的選擇，經濟海鮮，家常小菜，炒粉麵飯均有供應，讓人眼花繚亂。叫得辣蟹專門店，這裡有著多款蟹的烹調做法，避風塘、星加坡、辣味年糕、芝士牛油、香葱粉絲、香葉黑胡椒和九層塔胡椒等等，口味多多，價格都只是三百多元一隻，要知道現時外邊吃一隻出名的避風塘辣蟹，最少也要$500至$800元不等，價錢離地，對比起來真的十分吸引，奈何朋友最近身體抱恙，不能食蟹，唯有留待下次再試。鹵水豬耳，豬耳軟韌爽脆，油潤入味，微辣中帶鹵水香，撈上

呢間食海鮮小菜嘅餐廳睇落好乾淨，唔似一般路邊檔，食海鮮但又怕污糟之前食過lunch，都係啲小菜，今次經過見門口個餐牌啲餸好似都幾啱食，所以就入咗去7點入到去已經好多人食飯，座位都幾闊落，好似都幾啱約客人嚟呢度傾生意嘅感覺，乾淨利落又唔失禮坐低首先叫咗茶，嗌咗普洱茶，然後先睇嘢食餐牌同外面嘅一樣，仲有好多其他嘢揀，但係食海鮮都係想食新鮮嘢，所以就叫咗個凍螺，蟶子皇同炸豆腐份凍螺份量都幾多，面頭個幾隻特別大粒好多肉，下面個啲都好大而且浸滿豉油汁，帶蒜頭香螺肉乾淨冇沙，新鮮螺味唔會霉，彈牙得嚟幾有咬口，不過用牙籤撩佢出嚟嘅時候要小心唔好彈到對面/隔離個個本身侍應俾咗兩隻大碟我哋裝啲螺殼，食到咁上下都有主動幫我哋換過隻新嘅碟，可以繼續拆蟶子啦金銀蒜 粉絲蒸蟶子好大隻好新鮮！！！上面鋪滿炸蒜，生蒜(呢兩種蒜粒夾埋就係金銀蒜啦)同埋蔥粒，好夠味，粉絲索哂蟶子嘅鮮味同豉油，淨食粉絲都已經好入味主角蟶子好新鮮，白雪雪啖啖肉，肉厚肥美，一人一隻都好夠食size係比出面食嘅蟶子皇仲大！king-sized食得好開心 (心心眼bling bling)個海苔炸豆腐望落去似係fusion菜，因為唔似中式嘢，有少

同屋企人食飯，佢哋永遠都最鍾意食中菜，所以今晚一家人食飯，都揀咗食小菜。西環呢間新開嘅餐廳是間鋪唔算好大，估唔到都有好多小菜款式選擇，價錢仲好親民，一啲都唔貴，食咗幾個餸埋單都係幾百蚊，非常超值。後來得知，百味鮮所用嘅蟹同某間出名嘅蟹店係同一貨源，難怪食物水準非常高呢！醬爆雞丁（$88）鮮果呢個醬爆雞丁，雞丁最特別的是加入了菊花，散發陣陣的清香味更添風味。雞丁粒用醬調味，嫩滑可口，非常惹味。芫茜泡桂花魚片（$88）用砂鍋送上的芫荽泡桂花魚片，湯底清甜美味窩內有粉絲、泡桂花魚片、感覺非常清新，簡單又好味，非常滿意！上湯海蝦伴脆麵 （$198）最後點左個上湯海蝦伴脆麵，呢個係我哋最愛嘅一道菜，個個食到回味無窮。脆麵香脆可口，海蝦大大隻，又好新鮮，茨汁又非常好吃，滲透蝦的精華，淋在脆麵上非常美味。

三個女仔每月一聚，其中一位居住於西環極力推薦的。當晚由百味鮮了解我們的預算及口味後就發辦。蘋果牛仔粒香甜的蘋果將牛仔粒的油膩感中和、有清新的感覺。而且牛肉好腍，很適合我們一班女仔的口味。芥香雲耳味道很特別，跟平時的涼拌雲耳分別很大，芥末不會太嗆鼻。最後我們一班女仔更將碟清光了。生菜包肉生菜很爽脆，用生菜包裹肉碎就不會因過多肉而感到油膩啦。整體來說，味道、份量也拿捏得恰當下次再來西環這邊，會再來光顧的

朋友推介，兩個相約西環晚飯聚舊。L選了黃金蝦，必食。一客有六隻大蝦，啖啖肉，橙紅色蝦膏。 配上粒粒鹹蛋黃炒得味道剛剛好。朋友選了金銀蒜粉絲蒸蟶子皇兩隻，大隻多肉鮮甜，最重要是無沙粒!至於蟲草花浸時菜，蟲草花有補肺腎，適用於腰膝酸軟等。特別適合經常要東奔西跑勞累的L。而且菜亦鮮嫩湯亦清甜。性價比高，材料不時不食。街坊小店價錢，食物質素喜出望外。帶外國朋友來吃地道小菜亦絕不失禮。

西環有好多野食 特色小店 西餐又有今晚想食中餐 所以就試一試呢間百味鮮 小食有芥香雲耳 成日都有食醋香雲耳今次有醋香味之餘 仲有芥茉香味 好惹味😆講得係百味鮮 海鮮當然好重要 先食兩隻蟶子皇 蒜蓉海鮮清蒸 蟶子夠新鮮加埋粉絲 簡直係享受😍簡簡單單一個西蘭花都唔簡單因為係用蟹肉做成既 一啖西蘭花加蟹肉 🤤又係海解 避風堂炒蝦 因為我唔食得辣仲少辣tim 非常之咁有風味d脆脆仲可以撈飯食😁😁 隻蝦好大隻炸得香脆 好吸引🤤🤤🤤食左咁耐 先食番d澱粉質 避風塘炒粉 食兩啖已經好飽 但係又炒得好香 忍唔住係咁食😁兩個人食足幾種海鮮 都係400左右 好抵玩😆

「美」芝蓮指數：⭐️⭐️⭐️⭐️⭐️（5星最高）價錢：HKD 400/👤 同一班朋食飯同慶祝生日，更係叫餸食飯啦！試下食辣蟹啦🦀推介食物： 田螺：個汁係精髓，甜甜地，連埋原粒蒜頭浸，真係好好味！前菜黎講真係食到停唔到口！------------------------------黑松露醬蝦多士：即炸起熱辣辣，好香口，加上黑松露醬仲易入口------------------------------鯉躍龍門🐟：就咁睇到係豆腐定蛋白？原來係...栩栩如生嘅蒸蛋白，真係淨係睇都靚呀👍🏻------------------------------冰鎮咕嚕肉：呢個不得了，外面好似冰糖葫蘆咁，有層脆卜卜嘅糖衣，裡面係熱辣辣啖啖肉，正式外脆內軟，外面冰冷，內裡熱情😂------------------------------🦀🦀🦀避風塘炒辣蟹：配上即炒嘅配料，兩大隻肉蟹，非常之惹味👍🏻✨------------------------------青蔥炒飯：完成無諗過咁靚，將青蔥融入白飯中，加埋啖啖蟹肉嘅汁，賣相同味道都爆燈👍🏻👍🏻...呢間新興嘅辣蟹店，連其他菜都做到色香味俱全👍🏻