百利冰室

营业中

休息中

很久以前，筆者是港島東區的人，從北角一路向東打滾，奈何經濟發達過後就是負擔不起這邊的樓房價格，想當年在東區數一數二便宜的地區就是筲箕灣及西灣河一帶，時至今日身價十級的跳動，認真驚人。回顧這個地區，其實變化不大，以往的豪宅區已開始殘舊，以往的舊式住宅加入重建行列，交通配套分別不大，雖然人工及通脹都上昇，但實在想不到供應比以前多加上豪宅有拆舊下，反而樓房價格急升得這般厲害。作為一間老店舖，是怎樣生存的？筆者有時候會沉思了解，最後發現老店舖怎樣高質素也好，也敵不過恐怖租金，唯一可以抵受這種壓力就是自置物業。這天特意來到這一間百利冰室，聽到「冰室」這兩字就知道有一段歷史，這間冰室已有五十一年歷史，但其實在筆者在筲箕灣某小學讀書時都沒曾聽過百利這個名字，那時候可能還小根本不會也不需要自己走進冰室用膳。原本他們因為五十週年的關係而為自己設立第一間分店－上環百利，誰知開業幾個月便要結業，再次証明可見冰室真的難敵租金，筆者常打趣說不知要每天賣多少個常餐才可足夠交租，是的這個香港根本瘋了。老店又如何？好吃的也會養了一班熟客，也會有一堆如筆者般的生客來，說實一點西灣河接近筲箕灣一帶人流不多，都是集中做熟客

食雞脾一定要早啲去，平日2點就賣哂了！假日反而晏啲（試過3點仲有）職員都眼明手快效率高，就算出面好多人等，通常10~15m內都入到！上菜速度亦驚人，雞脾意5~10m內必到佢個雞脾充滿濃濃南乳味，插穿蛋汁流落意粉上，加埋超多既茄汁（撈完都係汁多過粉），冇得輸！我亦試過外賣自取，半個中先起筷，依然美味可口

一向係百利冰室o既常客, 但多時下午幫襯佢o既鮮茄豬扒湯烏冬. 難得今日放假, 又口痕痕所以去左依度tea一tea試佢地o既西多士 (因為本身已經想食左一排但怕肥唔敢叫 ). 依度o既staff都好細心會問你要煉奶定糖漿..而本人一向鍾情煉奶配西多..食落比糖漿更好味~一送到來就已經見地佢金黃色o既外層, 必定很香脆新鮮...再試一口,果然好味...外脆內軟之餘一d都唔油膩. yummy...好想再食多塊~佢地o既奶茶就一向有水準, 不澀而細滑!

「一日之計在於晨」, 一個星期的好開始當然在於一個美味的午餐! 一星期普遍都帶4日飯的我, 通常都是開心星期五先外出午餐, 不過今個星期一有事做所以就懶得帶飯盒, 早上openrice左一輪就約同事去食飯! 一向都幾中意食茶餐廳套餐, 有碗熱辣辣既粉麵+炒蛋麵包, 食得飽又有香港特色! 所以今日我叫左特餐食! $27有餐肉通粉(轉麵要加錢), 火腿奄列+餐包, 仲有飲品~餐肉通粉有2塊餐肉係通粉下面, 湯的味道有少少咸不過唔會好味精, 通粉煮得不錯, 軟硬剛剛好! 餐肉雖然不厚, 不過味道適中!火腿奄列炒得幾香! 蛋都是剛熟, 滑嫩的蛋包住火腿口感不錯! 餐包略嫌唔夠熱, 不過配炒蛋一齊食就OK!其實我地2人仲叫左個咖央多士黎試! 不過唔記得影相, 其實都係普通多士樣 中間塗左層幾厚的黃色咖央醬, 甜甜地再加脆卜卜的多士, 好味!因為沙翁好出名, 所以臨走都買左返公司當下午茶食! 倨沙翁仲大過我拳頭, 外層甜絲絲脆卜卜, 內裡軟綿綿又鬆化! 果然不錯! 只係幾大個食到好飽~見到其他人都會點午餐食, 而且又係抵食夾大份喎! 可惜去呢到要坐4個叮叮站先到, 下次有時間都可以再食!

自小在筲箕灣長大，該區人口老化，所以，很多仍然保留。 該鋪門口每段都擠滿了等侯的食客。玻璃廚柜放滿自制懷舊蛋糕、麵包和糖霜佈滿圓碌碌的沙翁。最近還自創一些卡通主題的曲奇餅，但味道太甜餅身太硬，可觀而不好吃的。客人坐下總是叫早餐、常餐或快餐，食物款式沒有太大的分別，吃了餐肉通粉很有口感，湯味好濃；炒蛋味香嫩滑；餐肉夾少少炒蛋再飲一口奶茶，簡直絕配。價錢和食物份量可接受。

因為一個廣告，得悉“百利冰室”，再上“開飯”睇食評，決定由屯門家去西灣河一趟，拜訪這間“百利冰室”在對面馬路已見到有很多人等位，幸好男友非常有耐性地陪我流汗地等待大概等了20分鐘，便有位了。店內很窄，但仍然被食物吸引。店員很細心，見我們很辛苦觀看在玻璃枱上的餐單，便給我們一本menu。要了一個常餐，火腿通粉，炒蛋配牛油餐包，再加一個必吃的沙翁！火腿通的湯底是金寶雞湯，現在很少茶餐廳會用雞湯，實在有驚喜！牛油餐包很大個，軟熟和微暖的！沙翁當然無械可擊，再加一杯凍檸茶走甜，平時的走甜凍檸茶總會帶有一份茶的苦味，但這杯卻帶有一股茶香味。除了食物的味道，相信店員的服務也是重要的一環，百利的店員服務很好，雖然店外有很多顧客排隊等待，但他們沒有催促我們離開，比很多冰室做得很好，我們日後會再光顧！

在東區長大，百利冰室一直都是我家嘆早餐的地方。當年的百利冰室，只不過是筲箕灣老舖，食客全部都是街坊街里，人人都認識人人，企堂全都是穿白短袖恤衫黑褲，年過半百的叔叔，予人一種時光倒流，回到舊香港的感覺，與筲箕灣這老區的調子如出一轍。今日的百利冰室，革新了不少，侍應清一色女班，而且身穿醒目橙色T恤。 另外，其中一位昔日的企堂叔叔亦成了今日的掌廚兼水吧。牆上的大鐘彷彿見證了這間冰室的成長起跌。爸爸告訴我，那面大鐘是故意調快十分鐘的，用意是提醒食客趕船。是的，據說多年前西灣河還未有那麼多填海的部分，筲箕灣道對出已是海，當年的百利位處海傍，食客常在冰室飽餐一頓再去搭船，如是者，那大鐘直至現在依舊是調快十分鐘的。任何時間，百利冰室人頭湧湧。食物方面，大家都熟悉早餐午餐常餐。今天我叫了豬扒公仔麵加央走。麵和豬扒是分開上的，麵是出前一丁，另上的是兩大塊厚厚而連帶著骨的豬扒，煎得香口，外表金黃，豬扒沒有雪味"壓"味，非常美味！央走飲落不會是順滑而帶有咖啡的香味。正！不要忽略門外，玻璃櫃裏總是有滿滿的莎翁，新鮮出爐的沙翁有着甜甜的香氣，就算要減肥也顧不了那麼多！另外近年玻璃櫃內除了卡通人物曲奇外，亦多了糖

一直和百利無緣, 直到它在上環開了家分店。不過上環分店走的路線和老店的完全不一樣, 不單裝修差天共地, 價格食物都不盡相同(而且還要結業了), 因此還是想來百利冰室本店一次。小小的餐廳面積不大卻一直人氣高企。座椅談不上舒適, 但店子之內塞滿食客和店員(有極多名店員!)氣氛是絕對的熱鬧。來到的時候已經是下午二時左右也得等了20分鐘才有得入座。講多無用先來個馳名沙翁。看到沙翁在門外的餅櫃堆成一堆看上去也幾壯觀。而且呀姐不時會走來挾走一個兩個, 也有街坊會買個外賣拿走, 正在等位的我也不禁有點著急! 難得來到這裡, 吃不到沙翁的話感覺也太虧了!比拳頭還要大的沙翁, 撒上了砂糖, 賣相非常的樸實。不過始終是炸好了然後放到一邊賣, 沙翁已經完全冷卻了, 外層已經算不上脆。雖然看上去不算油, 但咬下的時候內部還是有一點點油「滋」一聲流到口中。蛋香雖然不錯但整體比較油膩, 試過就好。蕃茄牛肉炒蛋飯很不錯呢! 光是看到新鮮蕃茄肉已經夠我開心了。它們的蕃茄醬味道不酸, 調味都下得不重手, 相對清淡, 感覺會更家常一點點。牛塊不太有肉味, 但不乾不韌, 收貨。最開心是它的炒蛋, 滑滑嫩嫩的, 配蕃茄汁是P

早上做一日乖乖孝順女陪Opp Ma去百利食早餐,,好幸運地唔洗等位。😌餐肉通粉 - 份量與一般冰室無異,,但我對百利既餐通情有獨鍾,,雖然唔係用有坑紋既通粉,,但啲通粉索曬啲雞湯口感有嚼勁之餘都好入味。😋👍 餐肉有兩大塊好厚身,好味。😊火腿奄列 - 蛋炒得幾靚,,蛋味幾濃,,咬落去火腿絲都幾多充滿蛋汁。🍳 餐包好鬆軟,,牛油香很重。咖央多士 - 多士很脆身,,咖央醬甜甜的,,食完很開胃呀!!!🍞知道沙翁係名物,,臨走後與Opp Ma買了兩個慢慢品嚐。😋沙翁 - 拳頭咁大個,,仲要係實心的,,上面滲滿砂糖,,內裡很濕潤,,蛋味就偏淡,,$5個真係好抵食。👏

行經西灣河, 見到好多人排隊, 我又唔趕時間, 就入去食個下午茶, 因為一個人既關係, 所以唔駛等位直入.凍奶茶, 西多士, 一個好平凡下午茶, 但食入口一D都唔平凡, 奶茶又香又滑, 茶同奶既比例好合我口味, 西多士炸得好靚, 雖然中間冇夾花生醬, 但一樣好味.呢類舊式冰室係香港買少見少, 希望佢可以頂啦!P.S. 埋單仲見到有沙翁, 外買一個返屋企慢慢食, 正~

每次路過百利冰室，總會停在餅櫃前駐足欣賞餅師手造的粗糙而表情各異的卡通曲奇。不過，試食過一次後，小妹會用五個字來形容 - 中看不中吃！嘩，又有新作品了，真的推陳出新，創意不斷。在老店中，竟有自家製cupcakes出售，造形設計也蠻不錯，味道要試過先知 了。更教小妹嘖嘖稱奇，嘆為觀止的是 - 疑似以泥膠或麵團栩栩如生地呈現出耶穌和十二門徒的最後晚餐 。不少排隊客人或路人均舉起手機狂拍。沙翁（$5／件）看上去挺香脆的，要了一件一咬，灑滿沙糖的沙翁明顯擺放了一段時間，冷冰冰的，香脆度頓減，外層質感死實實的， 幸不甚油膩，仍可嚐到麵粉香。內層的粉團未被油炸，軟糯的，濕濕的，似麵筋的質感，不太討好

在張誇未搬到東區之前已經紮根在筲箕灣舊式冰室每天經過都坐無虛席，偶爾在門外瞄瞄，看到難得有一位置，終於有機會一試。 進店後坐在搭檯的位置上，卻不見任何餐牌，揚手示意侍應過來一問侍應大姐笑著說看著各位侍應的背脊，有常餐特餐快餐，好有創意！由於餐牌真的是印在侍應T-Shirt背脊，只好匆匆點了個特餐，反正是到茶餐廳必試的項目吧是日特餐，有餐肉通粉、餐包、炒蛋和奶茶。上餐速度很快，不消十分鐘已經可以品嚐整個特餐其實沒甚麼特別，味道嚐著不像有下味精，吃完也不會口渴奶茶有層次，由淡到濃的after taste認真不俗但冷氣感覺太大了，食物和飲品都很快冷掉。整體而言食物雖然普通，但做了數十年的港式奶茶不是蓋的而且服務態度挺好，幽默風趣的營商手法可能是數十年來屹立不倒的原因難怪總是座無虛席，老顧客絡驛不絕回來幫襯，要找位子可不是這麼容易呢！請多支持老店，對抗大財團美味，其實很簡單。#誇張嗜食 by 張誇 Nickel

百利冰室其實本身已經好出名好多人,店出面長期都有人係度等位 今日遲左起身再睇埋套戲已經四點鐘,諗緊呢個鐘數百利應該唔洗等位,於是就過來食個中式All-day breakfast哈哈岩岩好真係唔洗等位XD但唔代表入面冇人,其實係岩岩好坐滿人!最中意呢種坐滿人但又唔洗等位既狀態!!!XD1.特餐 $27一份特餐有齊餐肉通粉,火腿奄列,餐包,熱奶茶!!!$27真係好抵好好味!!!特別係個通粉,我每次都會唔小心飲哂d湯糖係呢個銀色既筒入面,一直都覺得好特別2.鮮油咖央多士 $12呢份鮮油咖央多士真係超超超好味!!!!唔驚肥既一定要叫來食!!!我每次來食都見唔都到有人叫,可能仲冇咩人知:埋單$39好滿足的早餐

每一次經過, 舖外都係咁多人, 唔知以為有野派.終於DIP起心肝黎試試~ 首先舖外玻璃窗既卡通造型曲奇已經夠特別, 不過唔係衝住曲奇而來, 所以無買黎試. 3點許剛下雨, 所以無咁多人等位. 等左5分鐘就有得入去食~D姐姐好好禮貌, 我以為要睇枱個張MENU, 原來有手渣MENU. 姐姐拎俾我睇, 叫我慢慢揀.有特餐, 午餐同常餐, 其實都係常餐, 因為全日供應. 我叫左特餐. 一黎就係餐肉通粉, 仲有奄列餐包, 叫左熱奶茶.見到人人寫個通粉忌廉湯, 果然一試就正, 好濃既忌廉味, 我唔知係味精定咩, 但係感覺就係好濃. 通粉爽爽下, 不過可以再爽D, 至於餐肉, 普普通通啦. 之後奄列就正啦, 內裡既火腿甚多, 火腿同蛋既咸味混得好好, 一齊食唔會太咸同好有蛋同火腿味~ 餐包就太多牛油, 但志在鬆較, 可以再熱少少就perfect.見到對面飯咖啡, 好香, 自己叫左奶茶, 濃濃的, 但有少少澀味.所以呢餐最好味既係通粉忌廉湯同奄列~

食過一次之後就念念不忘這店的通粉，太好食了。雖然人多店員好似趕客走咁趕的食堂，但客人仍是很多。店面不風光，舊式環境還點餐同排隊紙都是超舊式，但食品真係好食。推介。。。。特餐。。。25元。有餐肉通粉和火腿奄列，更有牛油餐包。但個包竟然係菠蘿包。。。太好食了。仲有就係5元拳頭大的沙翁。。。現在好少食到架啦！佢竟然都有，仲要好食。佢只開早上6點到晚上6點。。晚飯唔做..真係串得起呀！