百人一朱 (已結業)

以前成日去食，但最後一次去是年半前，因為佢比人地食剩既再加熱比我食，事原是我6:45往食晚飯，叫咗個曼魚飯，但個的魚有大有小(有一舊好似比人咬咗一啖)，應該是一樣大小，為何會這樣，我叫個待應問他為何這樣，之後再送一次給我是2舊都細咗。所以告知各位千萬不可以早入場食，費時食咗人地的口水尾啊。之後我不敢再去幫忙。

食肆裝修應該係令人一入去有relaxing既感覺. 最怪就係, 間野用玻璃間成一格格, 每格兩張雙人, 一便一邊, 唔覺有私人感覺, 只覺好似係一間4人玻璃監房, 由於用玻璃間成, 好唔吸音, 令到d人聲狂反彈, 好嘈. 可謂全港至差既一間百人七朱. 咁大間野仲可以無禁煙區. 其實咁樣環境, 食野心情未食先打折扣, 唔知點解入到去個人已經好煩燥. 怪唔得呢度咁多喊樣. 食物呢. 其實就唔太差, 唔明份量無其他店咁足秤. 服務都足夠, 但店員衣著唔夠其他店日式. 亦都係唔明同一個名, 不同分店表現出既日式味道差別咁大.

由於在附近上班的關係，星期六返半日後，便和同事在此食lunch，環境算是不錯，不過進去後常常忘記出去的方向，同事好像叫了個定食，而我就唔係好記得叫了什麼，記得有個麵、壽司、生果，拉麵味道平平，食物算是中規中距，不過勝在份量多，一個lunch食得好飽，價錢亦不算太貴...

小弟住旺角, 不時會去o下旺角的百人一朱, o個間令我十分滿意但誓估唔到同一間餐\廳另一間分店有一次, 個frd o係o個頭返工, 於是去o個度食飯d野食..... 不過不失咁啦, 不過魚生d魚冇旺角o個間咁新鮮最差係d服務o個日係weekday, 又唔係有人排隊我同2個frd食住先, 另一個要OT, 晏d先到我同2個frd食完啦, 個frd都未到佢\好似超想你走人咁, 坐我對面個frd後面係幅矮牆我地冇嗌埋單, 個部長自動o係幅矮牆後面探個頭出黎, 嚇左我個frd一大跳之後仲自動遞張單埋黎, 問, \"係咪埋單呀?\"o個陣唔知笑好定喊好唔該, 要幫襯呈願坐車都要去旺角o個間!!!

第二次黎lu...感覺都係覺得間格怪檯與檯之間ok多空間,但唔覺舒服4人order了"壽司+烏冬定食"+"牛肉烏冬鍋定食"+"海鮮烏冬鍋"壽司+烏冬定食:6件壽司同百佳0既一樣,低質素,其中最差係玉子>.<完全唔似玉子。淨烏冬,有一隻冬菇咁多,好普通囉。牛肉烏冬鍋定食nly食左一件牛肉,d肉散0既。海鮮烏冬鍋:媽媽覺得好普通,我都冇乜點食。整體:埋單$187。算平,但覺得好唔抵,一個set都五六十蚊,expect好d0既quality。另外service唔見得好,上菜慢。.......好似講到一冇是處。

係鑽石山呢度成個mall都咁多人, 要食個飯都要排餐勁, 見百人一朱無人去, 咪去食囉, 入到去都唔係少人得咁交關, 都坐左八成滿啦, 叫左個天婦羅牛肉烏冬定食$99, 大阪燒薄餅$28, 芥辣八爪魚$22, 梅子蛋卷$28呢個定食餐都好抵, 有一鍋牛肉烏冬, size ok大, 有六件sushi(三文魚, 吞拿魚, 立魚, 熟蝦, 蛋子), 天婦羅(蝦, 蕃薯, 南瓜各2件) 橙2件, $99係咪好抵呢!! 所以我會share食, 牛肉烏冬的牛肉過時, 有d un啦, 湯底一般清湯, 烏冬雖然不是手拉, 但起碼都唔係"都一烏冬"啦, sushi係手做, 飯夠實, 蛋子好好食, 其他的都一般啦, 魚生雖不是厚身, 但都可以接受. 天婦羅蕃薯同南瓜就一般啦, 但係蝦就好正喎, 又夠新鮮熱辣又大隻, good!!!大阪燒薄餅就要彈啦, 因為佢上枱個時好黑, 好明顯係燒到過時, 個邊位"龍"晒, 食落重苦苦地個隻........., 我以前只係我地枱係咁, 但望下隔離枱個件都係咁黑, 佢呢個菜式好有問題, 其實無黑個d位都ok, 有好大粒墨魚粒同埋個sauce都ok, 不過木魚太少同埋燒餅

和朋友到此店午膳，一到門口，竟然沒有知客。二人點了一客'松' 餐、一客烏東/刺身和一客鱆紅魚生。總體來說味道是可以接受的，只是壽司上的魚生薄得過份。還有進食其間不斷受到一隻小昆蟲的滋擾。鱆紅十分鐘到，飲品四十分鐘後到，其他，麻煩再過十分鐘。其間我們摧速過四五次，這樣的服務態度，還可以接受嗎?不止是我們，眼見其他好幾台客人，因趕著回公司，未等食物到便趕著埋單離開。題外話︰此廣場只有兩部升降機到停車場，沒有其他通道或樓梯可供使用。我們等了很久也進不了去，其他乘客也等得非常不耐煩。

有次去食野，落左order，成個鐘後都無野食，問d伙計d野幾時到，佢一句"已經煮緊"，之後就走開。良久，我們等得有點不耐煩，就找經理。出乎我們意料之外的是，經理的態度異常傲慢和差劣。最後上菜時，當我們執問為何傳菜時間那麼慢時，她竟然反問我們是否要取消所落的order，而且服務態度其差及全無歉意。她今時今日的服務態度，絕對差劣！！！

本來到朋友家傾心事,突然間肚餓,係上水又冇乜靜既餐廳,入到去好有日本feel, 女侍應幾好,著晒和服,入去之前因為有心事,好唔開心,但有兩位女侍應很開心地送餐,加茶.之後我心情轉好.好過落吧,有吸煙區.雖然係呢個時勢環境唔好,我又唔係咩大戶人家,$20tips雖然多但值得.但味道需改善!

百人一朱～以後都唔去ａｒ～今日ｌｕｎｃｈ同ｄ　ｆｄ一行１０幾人去左上水１間百人一朱度食野。佢ｄ　ｓｅｒｖｉｃｅ差到死，而且等杯ｄｒｉｎｋｓ等左３０ｍｉｎｓ，吹左好多次都唔理我地。最後搞度我地返學遲晒大到．．．．同埋我覺得佢唔值呢個ｐｒｉｃｅ，好多同佢差唔多＄＄既舖頭仲好食過佢～～一句講晒～唔好去～

尋晚終於食過"百人一朱", 真係好唔掂, 一次算了.我同老婆order左(按送到序):1. 雜錦海鮮烏東鍋 風味好怪, 海鮮鍋又唔係海鮮湯底, 用面屎湯底, 份量都夠兩個人, 隻鮮帶子幾大, 但好實, 唔夠新鮮, 一路食一路覺得...真係值咩? 2. 雜shushi 絕對唔值, d飯凍既, 舊三文魚薄到透明, 無咬口, 唉, 舊飯又細, 元綠質素, 仲要黎到係咁講既:"壽司!", 拍一聲就放左晌我隻夾緊野既手下面, 粗聲到好似得罪左佢咁! 3. 長身海鰻shushi 呢件ok, 海鰻唔腥, 又夠長, 個汁唔太好食, 只係件魚好, 同埋件魚有d乾乾地. 4. 燒三文魚頭 個頭燒到好黑, 應該夠新夠, 唔腥, 但個汁唔好食, 冇里味道, 又貴過人, 我食金太郎都好味過佢又平過佢, 個汁又正d. 總結, 都唔知算係咩級數, 上級咩, 佢d服務同食味水準又唔及, 中級咩, 貴錢又唔係咁值, 以咁既質素, 我會當佢係收得貴既普通日本料理lor, 一次算咯, 唔會再去了, 一句講晒, 物超所值!! 超出晒佢應有既價值!!

星期六跟友人看完戲，打算近近地在荷里活廣埸醫肚，點知好多間食肆都好多人，只係double star同呢間日本菜冇人排隊。 一入到去，招呼都幾周到，點菜時，都諗o左好耐，因為選擇不多。原本想叫燒餅，點知o固侍應話賣晒，叫壽司，又話要等好耐，因為好多人落o左單，叫燒牛舌，又話冇貨番，所以最後要了一個海鮮烏冬鍋、一個牛肉烏冬、一個三文魚漬飯同一客燒魚餅。 個人覺得取出色o既係o的烏冬，因為夠彈牙，而且淜o都o都，其他只係屬於一般，有乜特別，想講多少少o既係，o個個所謂o既海鮮烏冬鍋，其實係三文魚鍋，除o左三文魚之外，便甚麼都沒有，簡直搵大笨。

以前老公o向荷里活返工，我地都o向度食過幾次，午餐都算係咁... 但係有次晚黑食，其中叫左份燒牛，我地懷疑佢俾左d 橡筋我地食囉...

曾經去過呢間野食過幾次.. 都係不過不失. 到最近一次食晚飯, 叫左個set, 魚生一望已經知道唔新鮮, 吞拿魚又乾, 又好似發黑咁, d野又好似放左好耐先拎比人咁樣.. 我都唔知點講佢好, 只記得我第二日去左睇醫生, 醫生話腸胃炎, 可能係食左不潔食物...

一向間唔中都會去百人一朱(不一定是鑽石山這間)吃飯，雖然覺得它有每況愈下的趨勢﹐但也尚算可以的。可是，今次實在太失望了。最恐怖的是那個廣島燒餅，以我一直以來的認識，廣島燒餅應該是煎的，但今次的一個，我百分之一百肯定廚師為了減省製作時間，把它放進炸鍋中。很難吃，很古怪，很硬，我和媽媽各吃了一啖，便吃不下去了。花之卷，只是在一個飯糰之上加上捲著的三文魚和魚子，根本就不是花之卷，如三文魚壽司根本沒有多大的分別。其他食物就一般啦，但吃完之後有點口乾的感覺，以前吃完百人一朱也不會這樣。唯一可讚的是裝修後環境不俗。