白石燒烤

营业中

休息中

今日去左白石燒烤場同朋友BBQ。夏天熱辣辣最怕燒野食，但朋友講過話唔會好熱，咁就最好。去到買好package，拎晒用具野食坐埋爐邊就可以等員工幫你開爐，用具係預先包裝好一盒，亦都好齊工具，好貼心。野食方面，我哋order咗個5人餐，包括左唔同嘅丸類，牛丸，魚蛋，龍蝦丸墨魚丸，仲有雞翼，咖哩雞扒，豬扒牛扒，廚師腸芝士腸，仲有燒烤場小見嘅台灣香腸！另外仲有海鮮類嘅扇貝，海蝦同埋青口。食物分唔同種類同味道分開包裝好，好方便，味道同口感無因為咁而變差。食材都好新鮮，豬扒同雞扒保持鮮嫩！值得一讚。呢度隨左野食好之外，風景仲要一流！大人小朋友都適合黎！

燒烤場有穿梭巴士接送，幾貼心的服務。從燒烤場可以看到海，空間好大好乾淨，就算夏天來也不是太熱。我們十人點了十人餐，每人一支大水和汽水，汽水種類多。咖哩味的豬扒和雞扒都好入味，咖哩味偏甜不辣，大人小朋友都岩食，後來我們不夠吃再去買咖哩排食，一包份量約是一大塊雞扒再切開兩三塊。燒烏頭餐廳提供鹽用來烤烏頭，非常鮮甜，沒有腥味，很多肉，骨頭只有幾條容量剔出來，原條魚燒烤不是每個地方都有，確是驚喜。豬肉腸是台式的，加上蜜糖食很香甜，肉汁豐富。

一早相約了朋友一家去燒烤，因為實在很久沒有聚在一起，朋友一家大人有小朋友，知道有一個燒烤場有多款適合小朋友的遊戲機，大人有擲鏢或者籃球機，最主要有無敵大海景可以送來陣陣天然涼風，就算夏天下午燒烤都可以有舒爽感覺場內提供：燒烤叉/蜜糖/燒烤網/毛巾/手套/煮食用鉗/盒裝紙巾/刀叉/碟/鉸剪，工具貼心齊全燒烤指南：圖文並茂中英對照5人餐每包食物獨立包裝並附有食物名稱，衛生乾淨及方便開啟，食物包括廚師腸，芝士腸，豬肉腸，叉燒，豬扒，雞扒，丸類，紫薯，粟米，扇貝，青口，海蝦，雞翼，一共有21包，同一款食物有不同味道的調味，貼心照顧不同口味的朋友，有貼心的燒烤網可以輪流看爐燒熟食物，令到大家可以分頭行事，一些人一邊燒烤，一些人照顧愛玩的小朋友，如果有小朋友大家都懂的，小朋友永遠只會圍着遊戲機團團轉，需要有大人陪同看管，這樣便可以大人小朋友都兼顧得到並且吃得飽每人有一支水及一罐飲品總結：其實這裏已經來過很多次了，炎炎夏日面對着無敵大海景，燒烤亦會比較舒服，食物質素非常好，場內設施比較多，大部份遊戲機都受小朋友歡迎，最愛一班朋友聚會

以前成日見到白石既廣告，但一直未有機會試下，今次終於約到一班人，叫咗個$1788 十人海鮮套餐，每人只係$178！由烏溪沙站出，都要行4個字以上先到，但食野前行下，我覺得都幾好，當減肥，沿途見到好多新落成既樓盤，好靚！一到白石，佔地好廣，景觀好開揚，一大片天空呈現在眼前，對出便是海，見以見到日落，非常舒服。這些是十人餐的食物及燒烤物品，有各種扒類，丸類，蝦，扇貝同一條元朗楊氏烏頭，望落唔多，但好夠食！每人有一罐飲料及一支水，另外，仲有支蜜糖，手套，膠碟，燒烤叉，燒烤網等。蝦同扇貝其實未解凍，建議等到最尾先燒，如果唔係會整濕d 炭，開心大發現，將蝦燒到好乾身，連殼食好好味。燒烤黎黎去去都係果d野，不過值得一讚既係，一口蕃薯好香軟，非常好食！！另外蒜味雞翼，蒜味幾香，雞翼加上蜜糖，變成蜜糖燒雞翼，好食！另外，燒烤必燒芝士腸，容易熟，燒到變咗脆皮腸，芝士爆曬出黎，好鬼正！最後，離開的時候，仲諗住食飽行下幫助消化，點知原來有接駁巴士，送到去火車站，好方便！

平時一家大細都鍾意去郊野公園BBQ，但總擔心俾蚊咬，有野豬野牛騷擾。所以，今次選擇去海邊嘅白石燒烤場。我地搭港鐵到烏溪沙站再步行到燒烤場，沿途風景優美。到達燒烤場後，大家都掛住影相。燒烤場除了有無敵大海景外，仲有色彩濱紛嘅兒童水上樂園。影完相後，我地就去Cashier落單，點左個10人海鮮套餐 (海中蝦、帶子、烏頭王、叉燒、豬扒、雞扒、雞翼、三寶丸、芝士腸、豚肉腸、雞肉腸、迷你日本甜薯、粟米、10枝水和十罐汽水)。食物全部獨立包裝密封，整潔衛生，可以食一包開一包，亦都可以減省出去夾野食嘅時間。美中不足是天氣太熱，樽裝水冇雪凍。但每枱附送鐵絲網、紙巾同手套又算幾貼心。最正嘅係爐與爐之間距離好闊，感覺好安全。食物方面，我最鍾意就係烏頭、雞扒、甜薯同龍蝦丸。烏頭有黃油香，燒熟後加小小鹽好野美。雞扒多汁肉滑，超級高質。平時BBQ都係燴大大舊蕃薯，呢度有一口日本小甜薯，香甜美味，又唔洗整污糟手。而龍蝦丸一向都係我BBQ嘅最愛，因為丸嘅形狀不規則，外皮燒到微濃就特別香口。我會特別suggest一家大細，特別係有小朋友嘅家庭黎白石燒烤場，因為場地安全，仲有好多啱小朋友玩嘅設施。

白石燒烤位於烏溪沙，由馬鐵烏溪沙站步行約20分鐘即達，比起不少大型燒烤場交通算是方便，聽說還有免費穿梭巴士。白石燒烤沿海而建，沿著燒烤場一直行也是非常漂亮的海景，想拍照的可以在天黑前到來啊。今天我們一行十多人揀選了「10人海鮮套餐」，總共有13款食物(詳情參考上圖)，每人1支汽水及蒸餾水，而每款食物有1-4包不等，正常足夠10人享用，如不夠亦可單點(下圖):-儘管是急凍海鮮，但蒜蓉帆立貝燒製後亦相當幼滑，很多肉汁，味道亦算鮮甜。雞中翼有兩款，蒜香及蜜汁，兩者同樣醃得入味，雞肉嫩滑有肉汁，個人較喜歡蒜香，因為可自行後加蜜糖；但後者很甜美，亦屬不錯。雞扒及豬扒各有兩款口味，每款兩包，例如咖喱豬扒、蒜蓉豬扒及黑椒雞扒等等，醃味夠濃，雞扒及豬扒亦夠入味，很有兒時燒烤的味道。唯一不足是部份豬扒切得稍細件，難以穿緊在燒烤叉。芝士腸、龍蝦丸、魚蛋等等也是一般所吃到的來貨，自己燒，心理上是好吃一點。另外有一款豬肉腸，肉汁澎湃，非常juicy鮮香，蠻不錯的。烏頭採用最有名的「元朗楊氏烏頭」，其含有豐富「黃油」魚油，非常香滑，肉質鮮甜。由於沒打魚鱗，魚皮是不吃的，簡單一挾便能整塊掀起，所以可以放任隨便燒製

白石是一個什麼地方呢? 說實我還是第一次去白石，去之前覺得非常遠，但今次搭馬鞍山線 到烏溪沙站再行15分鐘到就到，也可說是方便。去到就選了個五人餐，立即開爐就開始燒嘢食，去這些場地燒嘢食最大好處就是唔需要帶任何東西，兩手空空去到畀錢就可以開始燒嘢食， 燒嘢食之前呢就到處八卦一下，竟然去到另一邊有好多包廂裏面有冷氣有麻雀有卡拉ok，還有掟鏢，真係應有盡有。今次叫了一個比較特別的元朗烏頭，用錫紙包住落少少鹽去燒，肉質非常結實而且鮮甜還有黃油，必試。 有四種醃製肉非常好吃包括，蜜汁叉燒 燒了出來肉質還帶一點彈性，黑椒雞扒塊雞扒真係大到不得了而且黑椒味濃燒出來軟熟有肉汁， 蒜蓉有骨豬扒不是太厚比較易熟燒了出來豬扒咬落去亦沒有渣，咖哩有骨豬扒燒了出來咖哩味出色。味道: 醃製食物做得好環境: 舒適衛生: 乾淨服務: 尚可抵食: 冇得輸

今日好好天.....最啱就係出外活動一下....！黎到烏溪沙附近嘅一個燒烤場.....行路就有少少遠....可以選擇喺烏溪沙站搭免費接駁車.....有無敵大海景送俾你....而且有小朋友設施.....可以一家大細嚟呢度玩......會有專人幫你起爐.....10人餐好齊全....！👍🏻👍🏻👍🏻入邊仲有一把鉸剪.....每樣食物都係獨立包裝...感覺好衛生👍🏻👍🏻有趣有趣.....!下次會再嚟同海景一齊BBQ！😆😆

黎啦馬鞍山做咩好.........今日天氣好熱.....所以BBQ場也不是太多人...........很方便........在烏溪沙站就有免費接駁車了......大約五分鐘便來到......雖然好熱...但好好天....環境優美.....而且近海.....其實感覺涼快....比想像中還好！有教導你如何燒..........很細心喔.......！ 我地訂既係十人餐.........飲品齊全......食物也很保質.....而且很入味.....！望著海大班人bbq確實不錯....！

白石燒烤係馬鞍山附近，交通都方便，可以係烏溪沙站再乘穿梭巴士到達燒烤場。連日下雨天，本來諗住今日天氣都係一般啦！但好好運，冇落雨，仲要有陣陣海風吹來， 舒服到爆， 如果天氣唔係大暴雨，呢度環境真係好到冇得再好，因為有帳篷為你遮風擋雨，而且出面的燒烤場好多都俾一啲外籍人士霸佔，有時更有野豬來襲，想搵一個比較寧靜安全的環境燒烤真係比較難！先去落單揀套餐，套餐有4款，另外仲有乳豬(要預訂)、烏頭、麵包、棉花糖……套餐仲附有一個窩心盒，入面有剪刀、毛巾、蜜糖、手套、餐具，更有燒烤鉗、燒烤叉、燒烤網和炭。燒烤場位置好乾淨，夠大，唔會同另一個燒烤爐的人太貼近。職員幫你開爐，有兩包炭，啲炭都幾大舊，唔會碎濕濕。隨後送上食物，套餐食物乾淨衛生， 而且已有多種味道例如蒜蓉、蜜汁、黑椒、咖哩醃製過，全部都係獨立包裝 。用燒烤叉燒到累的時候， 又可以擺燒烤網落去繼續燒。蜜汁叉燒腍身、咖哩豬扒的咖哩味好得、 黑椒雞扒好嫩、 豚肉腸有啲似台灣腸。下次要試訂間獨立屋燒嘢食，有得打麻雀、唱k、又可以燒嘢食，一舉三得！

今次去到百石。都唔算難搵。40x到烏溪沙總站。再轉穿梭巴士🚌就到。十分方便。每逢搭3同搭9都有車到，車程大約7分鐘左右。我就有小朋友所以就坐綠的唔跳表，都方便快。😁😁😁😁環境真係不錯。雖然今日都算熱，但對住海都有風。所以很舒服十人餐都豐富，水同汽水都有每樣一支都幾好。地方大乾淨推介下咖哩豬排好淋好好味。呢本係天書，教係點燒為之最好。我地都有跟足指引，又真係得喎燒烤爐夠大。12人都足夠。薯🍠真係好好味，細細粒。又甜。粟米都不錯。雞翼都好入味。每人百5蚊都唔駛又不錯。環境同食物都👍🏻👍🏻

家庭集團活動最好係去BBQ, 有得食又可以消磨時間，小朋友又有大點地方放下電。今日同屋企人來白石燒烤，有唔同餐可以點，慢慢燒慢慢食。無敵大海景，望住個海燒野食，真係特別肚餓，最近天氣開始熱，但呢到好爽好通風。 爐之間都有距離，唔會太逼，幾好。燒丸仔，無技巧，但不得不提，呢到包左既蜜糖唔會太甜，甜度剛好，令到丸仔好好食一開餐大家都係食丸仔，腸仔，太肚餓。然後海鮮留俾阿媽去整有帶子，蝦等等。 我地點既海鮮餐帶子有牛油味、有蒜蓉粉絲味，都足料。 燒完真係好香，味道唔錯，好惹人想食多2粒。燒魚好方便，原條上網，雖然2邊都黑哂，但入面既肉仲係白白淨淨，因為係有鱗魚，唔會痴網，其實都無技巧，煮熟就得。 魚肉好原準原味，唔腥，如果有檸檬就真係完美，但場地只提供鹽同胡椒，都可以吊下味，好正。最後既栗米好甜，真係估佢唔到消磨時間，家庭樂既好地方

凍凍地既天氣最岩做咩呢？BBQ就岩曬啦，我地一班朋友齊齊去白石燒烤場BBQ, 系烏溪沙站入去會比較近少少。齊齊揀左個十人海鮮套餐，果度會有一包炭，燒烤網啊，燒烤夾啊都齊，唔夠的話向職員攞就得。魚蛋啊，龍蝦丸，廚師腸，芝士腸呢d都正路既。比較讚既就係扒類，一包包獨立包裝，一包大概有3-4塊，容易處理。 加左網之後可以放曬d雞翼啊扒啊，粉絲扇貝同甜薯。 之後亦有原條烏頭可以放上去燒。職員有鹽提供，可以問攞。環境方面其實幾好，近海，厠所亦算乾淨。有好多娛樂設施，扭蛋機，夾公仔機等等。最後仲有接駁巴士可以送翻我地去烏溪沙站添！總括而言幾好架～

平時燒嘢食大多數都係去郊野公園，今次阿妹提議去白石燒烤場，佢話嗰度有燒乳豬好特別，仲有好靚嘅海景一路燒，一路食，一路吹海風，應該都唔錯！唔知係咪天氣報告話會落雨呢，今日個場唔係太多人，靜靜地好舒服！買完套餐揀好位之後立即有工作人員黎幫手安排枱椅，食物飲品，燒烤爐，工作之純熟值得嘉許！10人餐啲嘢食多到呢全部獨立包裝，衛生乾淨而且味道都好好唔會太咸，又冇乜味精！通常啲燒烤場都會整到啲肉好鹹，但係呢度剛剛好！有本手冊，好搞笑，同學仔個名叫蕭豬豬🐷內附炭燒牛羊方程式套餐仲包左10支水10罐汽水其實地方都幾大，小朋友又可以踏下單車，踢吓足球，出邊又有少少遊戲機可以玩！燒乳豬望住個海燒嘢食又確實幾舒服，下次一定再嚟

兒時讀書時期燒烤的機會多的是，投身社會後才發現能夠與親朋好友共聚一堂燒烤聯誼並不容易。趁著這個長週未，一行人到達馬鞍山白石燒烤場，共度歡樂時光。            從前燒烤要先到超級市場，買好炭、燒烤叉及食物，一袋二袋，總會覺得有點狼狽，也很容易買漏帶物資。如今社會進步，一切變得更加方便。到達白石燒烤場，絕對可以兩手空空，因為燒烤場已經備好所有物資，既可以預先訂餐，也可即場選購所需食物；提早預訂，當然會有一些優惠，也更好預算。白石燒烤場環境清雅，門面簡樸，特別停泊了兩部品味的古董老爺車作為裝飾。場內更有各項康樂設施，或許不是暑假或學校長假期，會場沒有開出水上設備。言而場內有其他玩樂元素: 公仔機、飛標機、扭蛋機 和 單車租用等…..今次人數不多，選購了一個五人餐，除了食物，還包括炭、燒烤叉、蜜糖、紙巾、膠手套、餐具、夾子等等物資，也不用額外再付租爐費用。五人餐食物非常豐富：豬扒、雞扒、雞翼、肉丸、腸仔、甜蕃薯、粟米等等，每款獨立包裝，包裝袋印上食物名字，不怕混淆。而且會場提供了烤煮手冊，對沒有經驗的朋友大可跟從一試。味道都夠入味，相信是因為獨立包裝使其味道封存得宜，食物都能好好吸收