更多
2019-06-02
1440 浏览
白石燒烤係馬鞍山附近,交通都方便,可以係烏溪沙站再乘穿梭巴士到達燒烤場。連日下雨天,本來諗住今日天氣都係一般啦!但好好運,冇落雨,仲要有陣陣海風吹來, 舒服到爆, 如果天氣唔係大暴雨,呢度環境真係好到冇得再好,因為有帳篷為你遮風擋雨,而且出面的燒烤場好多都俾一啲外籍人士霸佔,有時更有野豬來襲,想搵一個比較寧靜安全的環境燒烤真係比較難!先去落單揀套餐,套餐有4款,另外仲有乳豬(要預訂)、烏頭、麵包、棉花糖……套餐仲附有一個窩心盒,入面有剪刀、毛巾、蜜糖、手套、餐具,更有燒烤鉗、燒烤叉、燒烤網和炭。燒烤場位置好乾淨,夠大,唔會同另一個燒烤爐的人太貼近。職員幫你開爐,有兩包炭,啲炭都幾大舊,唔會碎濕濕。隨後送上食物,套餐食物乾淨衛生, 而且已有多種味道例如蒜蓉、蜜汁、黑椒、咖哩醃製過,全部都係獨立包裝 。用燒烤叉燒到累的時候, 又可以擺燒烤網落去繼續燒。蜜汁叉燒腍身、咖哩豬扒的咖哩味好得、 黑椒雞扒好嫩、 豚肉腸有啲似台灣腸。下次要試訂間獨立屋燒嘢食,有得打麻雀、唱k、又可以燒嘢食,一舉三得!
套餐仲附有一個窩心盒,入面有剪刀、毛巾、蜜糖、手套、餐具,更有燒烤鉗、燒烤叉、燒烤網和炭。
隨後送上食物,套餐食物乾淨衛生, 而且已有多種味道例如蒜蓉、蜜汁、黑椒、咖哩醃製過,全部都係獨立包裝 。
下次要試訂間獨立屋燒嘢食,有得打麻雀、唱k、又可以燒嘢食,一舉三得!
张贴