發記麵食 (已結業)

有時屋企唔煮飯，就會收工過哩食埋先返屋企！依度出名係雲吞麵，Ｄ雲吞餡料夠多，蝦又新鮮，仲大大粒，細嘅$11碗，要叫多個油菜$6，先至可以加多$1飲多杯豆漿。如果要大碗$16，就咁加$1都有杯豆漿。以前細碗$10咋，油菜$5添，仲送豆漿，經濟好咗加少少都可接受，不過Ｄ麵唔好咁重梘水就仲好！另外推介，佢嘅鯪魚球同豬手都一樣幾好，值得試！

20070807原因有兩個，一是師傅收爐在即，很多東西都告售罄；二是閘門已經半落，燈也已經熄了幾盞，身邊有姐仔坐在那裏看著你吃完，其他清潔都已完成，就等著你手中那個碗了……其心理壓力之大……真是……就是在這樣的環境中，狼吞虎嚥了面前的鳳城水餃米線，以及灼菜一碟，前者還OK啦，後者就明顯好過昨天。

20070806這樣的價錢在中環區實在難得，只要不是午市時段，細碗的面就可以平至11元，另外加油菜是6元，細豆漿一杯也只是1元，以女孩子的食量來說，18元已經可以搞掂豐富而均衡的一餐了，況且，這裏的面著實不錯啊，像今晚這碗牛筋幼面，就很對板，濃濃的腩汁，浸著彈牙的面底，牛筋數量不少，而且煲得夠腍，很好。要彈的是芥蘭，簡單至烚一碟菜，其實也並非不需技巧，今天這份，就老得很，本著不要浪費糧食的原則才勉強吃下去了……

魚皮又薄又香口(仲要只收五蚊)牛腩淋得唻彈牙雲吞大大隻蝦一個字:正

之前見依間o野d食評唔多ok, 心中都唔抱太大的期望, 但原來都唔錯wor,可能我揀對了.$20一碗雙拼, 2個人都叫雙拼就成了4拼la, yeah~~~墨魚丸係高水準的, 同我之前食過的好好味墨魚丸一樣, 唔係成日可以食到依款墨魚丸ga.牛腩估佢唔到係"淋"ga wor, 都入味, 重有少少牛根都好淋, quite gd~~~水餃都唔錯la, 牛柏葉都可以la.勝在平又飽肚, 值得再去lei

禽晚(07年5月29日)，差唔多8點鐘，諗住時間不早，求其食d野。係發記麵食嗌左個雲吞撈，睇落就幾大碟，點知食到一半，發現碟底有大大隻蟑螂（大隻0既小強）攤係度。即刻想反胃口，雖然係平0者，但係都唔駛送埋小強架！食野無論價錢平貴都好，都要對得住個客。叫阿姐埋黎，問佢點搞，佢話換過碟，心諗咪又係果d貨。真係食唔落。個心同個胃頂住頂住，咁污遭都得0既！諗住走人算數，但係都想俾佢地知道有d客，好係我，好介意食物清潔同入得口。最衰係政府個投訴電話打極都唔通，最後好氣頂地離開。第一次黎，以後亦一定唔會再黎。有相為證，最衰冇得post相。總評分，我俾差劣，因為食野送小強不能接受！

如果一個人來食幾好又快, 又平~~~炸魚皮幾好食中環稷講食餐lunch 唔駛$20~實在係抵~

一個人0既lunch,去左又平又正0既發記... 要左貢丸米線,有6粒,味道ok,有少少菜底,good

今日放左工,因為要去學鉤公仔的關係,要到中上環個邊,所以放左工就行去個邊搵食..起初都未諗倒食咩,但都係搵一d食粉面的地方...於是行左入去士丹利街個度睇下,行行下就發現呢間舖頭,門口都貼有大字報.,話有十蚊碗粉..於是就走左入去試下本人因為受男友愛立信影響,所以叫左個墨丸米線,亞姐問我要十蚊定係十五蚊,諗住都會叫菜,就叫個十蚊的,另外加碟油菜羅,五蚊碟都算好抵架,跟住個亞姐剛落完單,就整左杯豆漿黎,我向度諗,我冇叫喎,但終於向牆度見倒,叫十蚊碗粉加菜,可以免費送豆漿,加2蚊有汽水..墨丸米線--墨丸比較粉d,但都有墨魚粒,米線都ok菜都好大碟,加埋腐乳,好味豆漿甜味剛剛好...環境都同一般面食舖差唔多,但地方濶落d,唔使咁迫羅送貨速度極快下次一定會試

同個fren食lunch..佢帶我黎度,我係mind去地某的..不過..我真的不like 這裡..因為佢係好平..不過d野好難食...我叫0左個貢丸魚旦米線,d魚旦係自家製既..不過佢製得好難食..勁淋..個頂丸就normal..nothing special..d米線超淋too...湯底就勁加冇野講..個菜就ok喎..d付乳個味arm arm 好...唔太喊,但有付乳的香味.仲有..驚死我..初時入去..好多人,搵唔到位..d阿姐叫我地入去坐一間room..入到去!!嘩..咪玩啦!一個好似係廚房的地方,有陣味的!點食野呀??最後緊係等出面d位啦...個環境仲恐怖過威記呀大佬..

極污糟洗碗地方都有台俾人坐癲食物一般但一定污糟睇地板廚房員工就知豆漿無味要唔要都罷員工呼暍本人要求本人"攝"進極窄縫隙(本人六尺二縫隙直徑約八寸) 好讓本人朋友有多點空間用膳本人不想對罵唯有苦笑

晏晝12:45-1:45都冇十蚊碗麵不過十五蚊有一麵送豆漿. 貢丸米線有六粒貢丸, 味道唔錯.但好奇怪呢冇叫菜既就有菜響麵到嗌左油菜既碗麵又會冇菜, 但都係五蚊一碟而且嗌一碟比送既多一倍都ok. 不過我覺得d菜有陣豬油味唔鍾意依陣味.整體黎講冇咩特別同一般既麵鋪冇分別

15蚊套餐包麵同油菜，同沾仔記一樣價。無論雲吞或麵食落都同沾仔記好相似，以呢個價錢來說是物有所值的，15蚊有麵有菜食得飽飽的，加多幾蚊仲有杯野飲，仲想點？

菜入面有牙簽!

Nice food with cheap price. If you are not looking for a nice environment, it worth you to try. <br>The Big-sized won ton is cool!