發記腸粉粥品

营业中

休息中

平日想食早餐第一時間就想起發記,皆因選擇多,又便宜這次吃了皮蛋瘦肉粥,鮮蝦腸粥沒甚麼特別但用沙鍋裝着,別有風味蝦腸是小妹至愛,發記用的蝦不是普通的蝦毛仔而是如姆指般粗的大蝦!!加上這裹的麻醬也是超級美味的

真係排隊都要食!!!我最愛食豬潤粥.. 試過其他粥店.. 都係呢間最好食!佢地既豬潤好厚好大塊.. 口感一流~ 唔會'鞋'口. 粥底好綿. 仲有D甜味. 不過食到一半就覺得好口渴.. 要叫返杯凍奶茶飲下~~

兩個人共叫了肉片皮蛋加豬潤粥, 蝦米腸和油炸鬼. 覺得比以前差了很多, 首先人手唔夠, 要等良耐才有呀姐理會我們, d粥又水汪汪好稀呀, 而且唔夠熱, 最緊要是取了兩個細碗來, 還有漂白水味, 用紙巾抹完, 個碗還有味, 不過都勉強可用, 另外兩樣食物就同以前一樣好味. 最後加了價唔緊要, 但基本上最緊要保持水準.

發記間鋪頭真係幾細下, 得返角落頭一張吉枱, (其實我驚佢地會睇我唔到, 旦係好快就過左來同我落單la )叫左碗我最中意ge皮蛋瘦肉粥. 要成19蚊- 好貴呢. (呢到最平都要17蚊一碗粥)拎過來果時, 覺得好大碗 可能係因為個碗比到人咁ge 錯覺, 但實際上係正常的份量. 料都幾足, 瘦肉絲都切得幾粗, 好有口感 但係皮蛋有一種"生"味 (以前係一D粥店D皮蛋都有呢種生味, 可能係因為唔夠熟la ,係屋企煲就唔會咁. ), 粥底: 幾清 , 但係有D水同米分開ge 感覺. 唔係好綿

發記一直是我的最愛,今天早上心血來潮,去發記要了一碟香蔥蝦米腸和一碗及第粥蝦米腸很好吃,即蒸即整, 新鮮製造。整條腸粉面都有荵和蝦米, 用料十足!腸粉亦好滑,好薄身及第粥粥底足米,不會水汪汪很稀, 仍然煮得很綿, 保持水準用料依然充足,滿碗都是粉腸,豬潤,!!正呀!雖然個人覺得下了不少味精才有如此鮮味, 但我仍然難擋其魅力, 幾星期後又會再來吃一碗熱騰騰、充滿誠意的粥品

有道初三赤口不宜家聚拜年，幸好朋友有先見之明，決定於那天舉辦南生圍行大運活動，總算免卻「悶刑」之苦。於指定時間於元朗西鐵站集合，一眾新知舊雨約有廿餘人，雖然出發前已吃了一點東西，但作為首要之事，還是先吃一個早餐再算，因為當天實在太寒冷了。接近路盲的我，由附近的商場步進一條捷徑，不多久已到達一條名為建業街的地方，看區內食肆滿佈，可能仍然是農曆新年的關係，開門營業的數目並不多。當天進食的地方名為發記腸粉粥品，作為家庭式的粥品店，內堂已經坐滿了食客，我們因人多關係，惟有要屈就坐在戶外，遇上這種天氣，這滋味真是「點滴在心頭」。門外貼上一眾粥品及腸粉的名目及價錢，由於正值農曆新年的關係，期間每樣食品也要加上二塊錢，雖是貴了一點，看在人家肯做生意，無奈下仍要接受，反正期間收了不少紅包，就當作獲利回吐吧！作為一位食客，到人家的食肆，還是盡量想品嚐其招牌食品，除不想白行之外，對評價層面亦能來得公允，見到其招牌雞粥的標價也是稍貴，雖然接近四十元一碗，也叫了一碗來試試，看用上煲仔奉上，熱氣騰騰之下，粥底是弄出綿滑的水準，同時亦爆出一粒粒的米花，至於嚐後的印象，不得不讚粥內的雞味是不輕的，可惜所用的是已煮熟

晨早流流由馬鐵總站搖搖搖到黎西鐵既元朗站。本身店同火車站都算近，10﹣15分鐘就行到既，但城市人入鄉呀，行左好多委屈路呢去南生圍前最適宜食番平較清淡既粥去應付南生圍既艱巨之行呀！西貢都有好好味既粥店金山，呢間我會話係銀山，輸在油炸鬼！炸兩大大舊，滿足O西我地呢D貪心鬼，有滑滑既腸粉皮，又有油炸鬼，可惜佢個油炸鬼係淋既，敗筆也！X燒腸這實在無得彈呀！腸內雖然得X燒，蔥都無粒，但勝在簡咁就精，X燒數量剛好，配著甜鼓油腸粉:chopstick食到一舊又一舊！挺仔粥就MAMA地，因為D材料都無咩味，所以個粥唔夠甜，點錯菜，怪自己！因為佢唔係傳統既飯粒煲開出來既，所以可能煮時D蠔仔出水，所以個粥比挺仔粥既粥底稀，但鮮味十足呀，因為佢好豪呀，入面有好多蠔仔仔仔食落無腥味之餘又甜，入口蠔仔帶少少甘甘地咁！正！！！食飽就起行去南生圍，行番出油站坐往采葉庭方向小BUS，好快8分鐘就到！

發記一直是媽媽的喜愛食店, 價錢便宜, 即叫即製, 而且在家附近極為方便, 所以我們往往沒有甚麼頭緒要到那裡吃的時候便會到發記.但近年來, 開始多了很多從其他地方到元朗來覓食的朋友, 所以在周末, 整個元朗都會極為多人, 發記也不例外, 周末任何時段都人頭湧湧, 加上門面較小, 有時要排隊甚久才能找到位置. 今天大家又對午飯沒有意見, 是以又走到去發記, 幸運地一抵達便有位置坐下 (在店外馬路旁的位置). 每次來到必會叫的是肉片滑牛粥及香菇雞絲腸, 今天因為一行三人, 再叫了豬紅碎牛粥及蝦米炸兩腸.叫了阿姐來落單, 順便再抹抹桌子, 可能人多的關係吧, 阿姐抹了兩抹就走開了, 但桌上卻還有殘留的食物 此時我慶幸早來了一點, 因為現在已坐滿人, 而且突然來了一班人, 變了有十數個人在等檯...可能煮粥需時快一點, 很快便送到, 這裡的粥是已預先預備一大鍋白粥, 然後按照客人的柯打將白粥及所需材料放入小煲再滾及煮過而成, 然後再用瓦煲送上, 所以份量頗為十足亦夠熱 肉片滑牛粥 - 用料依然充足, 滿碗都是大大片肉片和滑牛, 粥亦夠棉! 豬紅碎牛粥 - 明明叫了走荵, 但端上來卻有滿滿一堆

天氣急降,最好食d熱辣辣既野~一人一碗粥,食完暖笠笠加左價,但通脹度度都加...下火,粥底足米唔會水汪汪,料都好多,好似幾隻皮旦咁呀~肉片肉淋又入味~粉腸都唔會韌仲叫左蘿蔔糕同炒麵炒麵雖然好味但真係太油見阿姐拎住好似唔熱咁,個碗又真係唔熱喎,但d粥就勁熱係店內食,食到出汗呀~

和友人出發往南生圍退修,在漫漫長路前希望先找點吃的,決定按網友的行程推介先入了元朗市中心填飽肚子,轉了幾圈, 終於找到了這家門面低調的粥品店。舖面地方不大, 但由於是平日上午也不難找到兩個座位,侍應算不上有很週到的服務, 但這就是街坊生意的坦率吧~叫了這裡具有特色的兩客煲仔粥, 很有驚喜,再加上傳統茶居必叫的豬膶腸粉,真有溫暖又幸福的感覺~~

今晚我哋又入元朗喇, 有人提議食粥. 之前試過新記, 今次就過對面發記試下喇. 嘩! 勁多人, 啲人係塞晒成條路. 望過去新記仲有位, 真有衝動走過對面新記食就算. 但由於仲要等老公拖住百厭仔喺西鐵站慢慢行過嚟, 阿仔契爺見咁多人幫襯話想試下. 好! 就等落去. 企喺疑似就嚟食完嘅食客後面, 繼續等等等. 食客見百厭仔嚟到, 非常合作加快進食, 讓出坐位, 真係唔該晒!坐低咗, 跟住就係等阿姐執枱抺枱落單. 又等咗15分鐘. 唔緊要, 我哋今晚唔趕時間我哋叫咗:魚腩雞雜粥 X2 ($30.00@1)--好足料, 粥底夠綿, 有魚嘅鮮甜, 正! 但發覺魚腩浸耐咗會比較鞋, 如果下次食, 一上枱要先"畢"起魚腩, 避免浸得過熟.及第粥 ($19.00)--有肉片, 粉腸同埋豬潤, 可惜無豬肚. 料嘅款式雖然少, 但料嘅份量搭夠, 感覺上抵返晒. 豬潤, 粉腸同肉片都夠"林" 一啲都唔"鞋". 正!炒米粉 ($10.00)--唔錯, 平過兼好味過對面.蘿蔔糕 ($13.00)--一碟得三件, 好似少咗啲, 如果好味嘅都無所謂, 好可惜真係好一般, 又"削"又無咩料, 唔得.牛脷蘇 ($7

素聞元朗有一家永年士多,車仔麵做得幾出色,正好趁今次南生圍郊遊之便順道走訪.去到先知道原來永年重陽節休息,那應該是生意太好,無需在紅日摶殺吧!這種情況筆者是見怪不怪,最出位係佐敦棠記腸粉,除紅日外,連賽馬日都休息,認真吹脹.沒法子之下唯有改到發記吃腸粉,永年就只好留待下次再試.發記所處的建業街儼如一條食街,食肆非常密集,有點像荃灣的路德圍,而且食物種類似乎更加多.如此激烈的競爭下,發記仍能爆場,實力應該有返咁上下.望一望其餐牌,大部份食物都是廿蚊樓下,唔駛廿蚊的生滾粥,近年真係買少見少.啲粥仲要係砂鍋上份量唔細,筆者本來只想吃腸粉,也忍不住點了一碗碎牛粥試試.由於當日拎住太多嘢,所以無影相.發記的碎牛粥係夾雜住鮮牛肉粒,材料真的很豐富,每一啖粥都會吃到好多碎牛同炸粉絲,偶爾又會吃到鮮牛肉粒.不過粥底味精很重,牛肉無乜味,應該係發到過哂龍所致.另外點了兩碟腸粉,牛肉腸是免治牛餡,又係無乜牛肉味,而且腸粉比較鞋和粉,還好未至於是削.另一碟腸粉想點豬膶腸,不過阿姐話無得單點豬膶,唯有拼鮮蝦.一嚟到見到啲豬膶好大塊,仲要非常厚身,心諗咁搞法啲豬膶容乜易唔熟?又怪不得啲腸粉咁鞋,要蒸熟咁厚的豬膶

作為元朗人，其實在元朗開飯的次數也不多，這天因另一伴牙痛發作，我與他唯有有粥食粥吧！這裡的粥是以砂鍋上的，份量真不少，但價錢卻只是十多元，便宜得令人發笑！我的是碎牛粥，碎牛份量委實不少，粥也是綿滑的，味精的味道可以接受，$16的價錢有如此質素也別挑剔了。另一伴要了能下火的皮蛋瘦肉粥，皮蛋夠多，瘦肉是用刀粗切的，如是手絲則更好。腸粉是新鮮即拉的，粉皮夠薄又滑，內裡的牛肉仍是嫩滑的粉紅色，價錢只是$13，很久沒吃過如此美味的腸粉了。

今日本身已選定食四川雞煲, 可惜相公不太舒服所以食粥清少少, 便想起發記~今次來到不需要等位了, 可能是因為天氣太熱吧, 食粥的愛好者都少了尤其是堂食, 反而外賣客增多了.雞粥($37) 雞件很多, 有胸部、雞部、翼部, 給我的感覺是...有半隻雞嗎????. 雞粥味道不錯肉質尚算嫩滑, 粥底亦很綿, 但如果多少許酒味會更香濃更好味~~~~~~~~冬茹雞絲腸粉($13) 冬菇不算多, 雞絲不像雞絲似雞件多, 但太鹹了, 腸粉不夠滑, 雞件本身已是偏鹹再加上豉油在底部, 實在是有點過鹹了. 在舖內逗留了約半小時, 周不時聽到有客人點腸粉, 但真是好食嗎???可能是今次這款失敗吧!!但還要想想是否再光臨多一次嘗真腸粉的味道~

今次我同女朋友去食左呢間發記!! 食呢間既原因係因為我女朋友都幾為食下,成日上網睇邊到有又平又好食既野,於是我女朋友就搵到呢間野了,係網到睇到呢間野幾平!!d野食又好似好正咁!! 所以就同女朋友去左了!! 一去到等位的時間不用很耐,好快就搵到位!! 跟住我地就叫左一個炒面+多個粥!! 呢碗粥真係抵食,又平又大碗,2個人食岩岩好!!!我地叫左碗魚片碎牛粥!!哇!!好正^0^!! 碗野18蚊喳 !! 又平又抵食仲好好食!!! 而炒面都ok @@!!! 唔錯!! 呢間野夜晚都好多人下!! 我同女朋友夜晚去食!! 好彩搵到個冷氣位!! 唔使係出面食!! 唔係既話可能會熱d !!! 呢間野唔錯!!! 會同女朋友再去!!