影片
更多
2011-10-12
23 浏览
素聞元朗有一家永年士多,車仔麵做得幾出色,正好趁今次南生圍郊遊之便順道走訪.去到先知道原來永年重陽節休息,那應該是生意太好,無需在紅日摶殺吧!這種情況筆者是見怪不怪,最出位係佐敦棠記腸粉,除紅日外,連賽馬日都休息,認真吹脹.沒法子之下唯有改到發記吃腸粉,永年就只好留待下次再試.發記所處的建業街儼如一條食街,食肆非常密集,有點像荃灣的路德圍,而且食物種類似乎更加多.如此激烈的競爭下,發記仍能爆場,實力應該有返咁上下.望一望其餐牌,大部份食物都是廿蚊樓下,唔駛廿蚊的生滾粥,近年真係買少見少.啲粥仲要係砂鍋上份量唔細,筆者本來只想吃腸粉,也忍不住點了一碗碎牛粥試試.由於當日拎住太多嘢,所以無影相.發記的碎牛粥係夾雜住鮮牛肉粒,材料真的很豐富,每一啖粥都會吃到好多碎牛同炸粉絲,偶爾又會吃到鮮牛肉粒.不過粥底味精很重,牛肉無乜味,應該係發到過哂龍所致.另外點了兩碟腸粉,牛肉腸是免治牛餡,又係無乜牛肉味,而且腸粉比較鞋和粉,還好未至於是削.另一碟腸粉想點豬膶腸,不過阿姐話無得單點豬膶,唯有拼鮮蝦.一嚟到見到啲豬膶好大塊,仲要非常厚身,心諗咁搞法啲豬膶容乜易唔熟?又怪不得啲腸粉咁鞋,要蒸熟咁厚的豬膶
發記所處的建業街儼如一條食街,食肆非常密集,有點像荃灣的路德圍,而且食物種類似乎更加多.如此激烈的競爭下,發記仍能爆場,實力應該有返咁上下.望一望其餐牌,大部份食物都是廿蚊樓下,唔駛廿蚊的生滾粥,近年真係買少見少.啲粥仲要係砂鍋上份量唔細,筆者本來只想吃腸粉,也忍不住點了一碗碎牛粥試試.
由於當日拎住太多嘢,所以無影相.發記的碎牛粥係夾雜住鮮牛肉粒,材料真的很豐富,每一啖粥都會吃到好多碎牛同炸粉絲,偶爾又會吃到鮮牛肉粒.不過粥底味精很重,牛肉無乜味,應該係發到過哂龍所致.另外點了兩碟腸粉,牛肉腸是免治牛餡,又係無乜牛肉味,而且腸粉比較鞋和粉,還好未至於是削.另一碟腸粉想點豬膶腸,不過阿姐話無得單點豬膶,唯有拼鮮蝦.一嚟到見到啲豬膶好大塊,仲要非常厚身,心諗咁搞法啲豬膶容乜易唔熟?又怪不得啲腸粉咁鞋,要蒸熟咁厚的豬膶,腸粉自不然亦會過火.豬膶入口得個爽字,一啲膶味都無.鮮蝦又係發到老連咁大.唯一合格就係豉油較得甜甜的幾好味.
若果本身不介意甚至是擁抱味精的,發記是可以一試,因為價錢真的很平.不過想吃食材真味的話,發記絕對不是好選擇.是日點了兩碟腸粉一鍋粥埋單只不過係HKD47,這個價錢只夠我在佐敦新興棧吃一碗粥和一條油炸鬼.當然,味道方面發記是不能跟人家相比.
张贴