發記甜品 (已結業)

我之前都有食過發記，但尋日去買外賣，點知失晒水準(唔知係唔係外賣唔係堂食，冇得追究呢?)，唔知係唔係d芒果唔合時，酸到爆，勁難食，仲要d服務都差左，我比完錢好似我阻住佢\\\咁，即刻喝我出去等，搞到我有陰影，都唔會幫趁住啦.....怕怕....

此店食物中，最欣賞是其芒果糯米卷。平日常見的同類食物，餡料多數是芒果蓉，但此店的真是用了整件芒果，原汁原味，而且個糯米皮好軟滑。推介!

很多人都話佢o的楊技金露好食.... 係好食.. 但本人覺得.. 佢係唔止呢樣好食.. 好多看似普通的傳統糖水都好好食.. 當中有:杏仁茶和芝蔴糊.. 係A 級水準.. 一流.. :）

食完燒鵝, 去食DESSERT! 但我真係估唔到, 呢間野都OKAY得。第一眼見到佢D格咁似西貢X記, 有個打冷震感覺!! 因為西貢X記可能真係太好生意, 令到佢間D野D食物"每況愈下", 令我呢個好LIKE 食DESSERT 0既人都頂唔順, 勁耐冇幫襯~~好彩地呢間都OK得, 4個人3個DESSERT, 3個口感都好好, "楊枝甘露"有好多MANGO, " MANGO PUDDING" 都好得(FREE, 因為係飲X男X CUT 張COUPON出來), "意大利STYLE涼粉" 有新鮮感~門口可以泊車, 都方便各大小車手~一個字....."得"..要TRY下~

吃完深井燒鵝總覺得欠了一點點...眼見發記甜品聽都幾出名同好食, 於是成為我們下半場的落腳點.舖面裝修簡單, 但係有的燈仔都幾靚...有的透明膠布又擋到風大家一人叫了一款甜品, 另加芒果糯米卷及榴槤酥皮卷share.我點了芝麻胡+湯丸芝麻胡都算滑湯丸的皮我頗欣賞...幾滑和軟...不像買返黎一合的硬崩崩的.內裏的也是芝麻... 我坦言芒果糯米卷係幾好吃...芒果大大舊配著糯米卷口感不錯.加點椰絲是錦上添花.榴槤酥皮卷香味頗夠...都幾得意...因為係熱吃的但係唔知係咪因為熱食的...吃落榴槤味不太濃烈...不過那些郤不是個個人都可以受到....eg. 牛油果.埋單$30有找...碟頭size 中規中矩...但特色和好味是上佳

吃完裕記燒鵝，當然要吃糖水甜品，亦到了大帽山遊食團的最後一站~發記。七時許，一行十幾人已拉隊來吃，這時人客也不多個，但到走的時候，位子大都坐滿，係幾旺場的。大家各自叫自己的心水糖水，亦叫了芒果糯米卷及榴槤酥皮卷來一起分吃，我則要了一個奇怪的組合~綠豆沙加蕃薯糖水。我的怪異兩溝顏色近似綠豆沙，加埋蕃薯糖水，意外地不太甜，好似幾好味添。蕃薯呢期當造，又甜又易腍，有食要快手；芒果糯米卷都不錯，糯米皮薄薄的，芒果肉幾大舊，亦好甜，食得過。我們十四人分吃兩碟，個個食完仲有幾舊剩，足見在座的都是慳家的人；榴槤酥皮卷剛炸起，熱辣辣。裡面的榴槤肉軟爛又夠味，與脆卜卜的外皮一起吃也不錯。在座的原來也有一部份討厭榴槤的，一於多吃一件，今次有食神。原本諗住整個拿手的榴槤甜品給大家吃，但言猶未止，已經給ban 了！埋單30蚊，都算抵食，亦一致公認是比出面的發記好吃。全日行食團食足三餐，只每人消費一百八十蚊，個人來說是經濟抵食又好玩的一天，多謝大家！

It it s sweet place for sweet soup.晚飯後特登入來深井吃糖水，叫了楊枝金露，意大利黑珍珠涼粉和糖不'lut'，都ok，不過芒果酸了點．

要o左:1)楊枝金露-----好多料,味道唔錯,有好大舊好mango!2)榴槤飄香-----好香榴槤味,不過都有陣苦味,可能d 榴槤or柚唔靚啦3)栗子豆腐花---好唔掂!!!一D栗子香都無,又稀,好明顯夠料LOR,仲一d甜味都無, d豆腐花又係一d豆味都無的.....大家千祈唔好try!4)mango布甸---滿$39送的,好食,好多mango,不過我唔太like一層好似cream o既o野

今晚同朋友到深井食完燒鵝,諗住留哂肚食甜品,朋友推介發記,結果一班人就去左...我o係雜誌都見到,都聽聞幾出名,應該會幾好食,不過有少少失望...我食左紫米喳咋,糖不甩,芒果班戟,覺得3種既味道都唔夠出,但價錢都ok,都算幾抵食!

Date and Time: 06-Dec-2004 (MON), 10:00pm味道: 楊枝甘露(4) - 基於個人情意結, 喜歡拿各家糖水店的楊枝甘露作比較. 發記算是其中一間最深得我心. 芒果肉多而甜,每一口都散發濃濃的芒果香,吃下去的感覺實實在在, 香滑度適中. 榴槤飄香(5) - 就如其名,方圓一米內瀰漫著一縷縷的榴槤香. 正值我鼻塞大傷風之時, 卻輕輕地攻陷我的嗅覺神經. 微微的揶香和柚子香若隱若現, 但始終不敵榴槤香般留芳/遺臭(視乎你對榴槤的喜惡程度). 與楊枝甘露一樣, 非常足料!!環境(3) - 位於青山公路旁, 繁忙時間會盡吸一氧化炭, 前往宵夜則較佳.服務(3) - 一般, 效率中上.抵食(3) - 大大塊芒果和榴槤塞進口中. 好滿足乾淨(2) - 位於馬路旁, 衛生自然略遜一籌

一行八人去食甜品, 其實我食過幾次, 咁朋友話想試, 咪一齊去囉, 今次試左特別野, 焗榴槤酥皮卷: 好明顥個皮係用filo 紙整, 所以好薄好脆, 但係無乜香味, 個榴槤餡好甜, 佢落左好多吉士粉去整, 攪到奶味好重, 有少少羶味, 尤其是熱食仲勁添喎鮮果意大利黑珍珠涼粉: 其實無乜特別, 只係涼粉一條條, 但我覺似烏冬多d囉, 好鬼粗身呀都有食榴槤pancake同芒果pancake, 都係覺滿記好食d jek

榴槤飄香- 為左呢味, 我地一場朋友都要劃清界線. 就算我唔食, 睇落都知有料到, 鍾意榴槤既唔好錯過.意大利涼粉- 聽個名就知叫唔過啦, 不過總有人喜歡綽頭野. 不過係d涼粉由一粒粒變左一條條之嘛, 食得好麻煩, 好易彈到周圍都係.芒果黑珍珠, 楊枝甘露同芒果沙冰, 全部都落足料, 絕不手軟.焗香蕉酥皮卷- 即叫即焗, 等左大約15分鐘, 熱辣辣好好味, 酥皮雖然無乜牛油味, 但有層次, 薄而脆. 焗熱左既香蕉好香好甜, 兩樣野好鬼夾.好多食肆既名氣同服務態度都係成反比, 呢間都唔例外, 樓面態度麻麻(不過都唔過份), 繁忙時間想必更甚.

上星期五晚山長水遠由中環嚟食甜品﹐我淨係試左楊枝甘露﹐從未見過一碗楊枝甘露係芒果多過"甘露"的! 好好食! 芒果大大塊﹐"甘露"甜度剛好! 不過下次我會去cwb分店﹐對我嚟講深井真係遠左D!

態度,味道, 品質好過松記

我今日同朋友入左去深井試個榴槤pancake同飄香個pancake都係滿記好味個cream發記唔夠滑呀不過個榴槤飄香都幾"溜"食左幾口都好夠連我呢個咁鍾意食榴槤既人都大叫好"溜"係好足料但似乎甜左d同埋可能d 榴槤過左當造期唔係咁正o者