癡膠雞 (荔枝角道)

营业中

休息中

夜晚想食返啲平價野~就俾呢間餐廳名吸引左黎望下~價錢平得黎，又有個熱鍋~幾特別~食完都幾有驚喜！🔹藥膳黃酒花膠雞湯米線🔹 熱鍋上枱~啲藥膳同黃酒味好沸騰咁飄過黎~啲雞好滑，同好入味~花膠有兩大件都好淋~🔹咸菜胡椒豬肚湯米🔹話係咸菜，但係甜甜地好開胃~同啲胡椒湯好夾~好多豬肚~ 米粉都幾幼滑~🔹金磚豆腐🔹驚喜！因為啲豆腐係好軟，對比外面就好脆~好奇點樣好可以炸到咁咁淋嘅豆腐~仲要咁完整同金黃！🔹椒鹽粟米🔹驚喜again~椒鹽粟米加左好多炸蒜碎~粟米本身係好甜~鹹甜嘅對比做得好好~

癡膠雞 📍香港🇭🇰 太子.#米吃 #今日教練食呢D #今日食呢D.俾我想像中更加好味! 開頭諗米線都係普普通通 估唔到佢個湯真係好濃 飲咗兩三碗~因為用爐 長期熱住 保持到溫度 持續繼續煲住落去 個湯越嚟越出味 朋友明明已經食到好飽 仲想飲埋最後一啖湯連個花膠都好大舊 一碗花膠雞入邊都有四大嚿!✨招牌癡花膠雞 $58✨藥膳黃酒花膠雞 $68藥材勁入味 一開頭飲嘅時候清清哋 雞塊份量都好多.✨金磚豆腐 $42非常香脆 份量多 就算擺得耐咗都仲係好脆.✨椒鹽粟米 $32好爽口 如果有少少辣 風味可能更好而家咁熱嘅天氣，晏晝已經滿場 冬天一定大排長龍～.共消費 $200..💫 #癡膠雞 #荔枝角道 #太子#雞米線 #黃酒 #藥膳 #米線 #暖胃 #補腎——————————————

甚少食米線嘅我突然想食即時搵嚟呢間幾有名氣嘅雞湯米線🐔叫咗兩款推介款式▶️ 藥膳黃酒花膠雞湯米線 ($68)用鐵鍋上，下面一路用明火熱住🔥湯底本身奶白色，加入黃酒呈黃色味道上好「藥材」，配上鮮雞甜味，再滲出微微酒香，多重變化👍🏻越滾得耐，越多水蒸發，湯底味道更濃郁藥膳材料有紅棗、黨參、雲耳、花膠花膠有三大片，質感好正，充滿骨膠原😋雞件甚多，不過全部有骨同皮唔係啖啖肉雖然帶適量油脂，但肉質唔夠嫩滑然而非常入味，似醉雞米線分開上，咁樣唔會過淋麵質還可以，如果滑身煙韌啲更好▶️ 招牌癡雞濃湯米線 ($68)材料只有花膠、雞件同蟲草花湯底相對淡啲🐓鮮雞味較出呢個用滑雞而非雞件，多肉啲男朋友轉咗薯粉，話麵質好食▶️ 椒鹽粟米 ($32)多人推介嘅小食，上枱幾香🌽切成一片片方便食用粟米烤完依然保持鮮甜多汁面頭仲灑滿炸蒜，非常惹味-米線唔算特別，但湯底出色，而且用鐵鍋上有’gimmick’，冬天一定超受歡迎米線款式選擇甚多，唔食雞都有酸菜魚環境比較擠迫啲，坐得冇咁舒服Tea time 2:30pm都多人嚟食，全場坐滿服務OK，上菜幾快價錢合理實惠，唔錯嘅一間特色米線店

喺太子區有間好出名嘅花膠雞湯米線店，每晚晚飯時間出面都排晒長龍，原因無他，就係因為佢哋嘅招牌菜好食，價錢又唔貴，先吸引到咁多人嚟排隊。😌**羊肚菌花膠雞米線**佢哋嘅花膠雞湯係連埋火水爐一齊上枱，見到一碗滿滿嘅雞湯，上面仲有幾塊大大塊嘅花膠同埋羊肚菌，真係好足料！雞湯好清甜，飲落去好舒服，完全唔油膩，花膠好滑溜，口感一流，羊肚菌就吸晒雞湯嘅精華，好香濃！😋**麻藥雞拌麵**呢個係餐廳嘅期間限定！麻藥雞真係好惹味，雞肉好嫩滑，而且仲有陣陣麻香，真係好正！拌麵嘅醬汁好香濃，配埋麻藥雞，真係perfect match！🐥**白灼肥牛**肥牛好新鮮，而且唔會太肥，口感好爽脆。配埋蘿蔔片，吸晒店舖嘅特製醬汁，真係好正！🐮**檸檬薏米水**呢個係我每次必叫飲品，檸檬薏米水好清涼解渴，而且仲可以去濕，真係好適合夏天飲！🍋

位於太子荔枝角道嘅❣︎癡膠雞❣︎主打食米線，招牌菜花膠雞湯，湯底用超過30斤嘅雞肉，豬骨，以及鯊魚軟骨大火熬製足足3個半鐘，濃味鮮甜 😋👍🏻而且呢到唔需要加一服務費架，鍾意食米線同雞嘅朋友千祈唔好錯過🐓🍜❣︎招牌癡花膠雞濃湯米線❣︎$68轉雞髀+$10用上雞味最濃郁嘅三黃雞，肉質超嫩滑😋花膠有成6塊噤多，Q彈軟腍，啖湯好濃郁好鮮甜，最正係用埋鑊仔爐上架，確保每食一啖都新鮮熱辣👍🏻❣︎藥膳黃酒花膠雞湯米線❣︎$68湯底用當歸，紅棗等多種滋補藥材煮成，藥膳味超濃郁，入口啖啖滋補😋👍🏻❣︎椒鹽粟米❣︎$32即叫即炸，炸得香口惹味😋👍🏻

喺太子地鐵站行去荔枝角道就會見到呢間痴膠雞，主要係食米線配不同煮法的雞，花膠雞，口水雞，人蔘雞，椰子雞等等，仲有好多唔同特色小食。我同朋友揀咗一個小食和兩碗米線金磚豆腐外皮炸得非常之脆，新鮮炸一啲都唔淋，椒鹽味粉份量適中，唔會過鹹。一口一舊食落好方便。招牌痴花膠雞濃湯米線雞湯嘅味道超級濃郁，小鍋嘅形式上菜可以keep住湯嘅溫度，味道得以保存，花膠口感爽脆，雞肉十分之滑，仲可以加$10轉雞髀，相信效果會更好。藥膳黃酒花膠雞湯米線相對上藥膳同黃酒嘅味道為主軸，雖然係藥膳，但係係飲落嘅感覺好平和，唔會有太刺激嘅藥材味，開埋黃酒味，令到整個味道更有層次。鍾意配搭黃酒嘅菜式嘅朋友一定要試。

《痴線抵食養生米線🤪》-#癡膠雞 🐓-🍜 姫松茸竹笙花膠雞米線湯米線可以跟爐上，好有打邊爐嘅感覺，轉雞髀只需加$10，花膠雞非常足料，雞肉嫩滑，花膠亦有成三四舊😝湯底濃郁得嚟無味精嘅感覺，可以飲哂都唔會口渴，裡面仲有姫松茸同蟲草花，夠晒養生，加埋竹笙吸收晒濃湯，正👍🏻-🍜 口水雞擔擔麵口水雞好惹味，肉質嫩滑，味道略帶微辣，擔擔麵裡面有豬肉粒同花生粒，味道香濃☺️-小食加咗碟金磚豆腐，炸到金黃色熱辣辣，薄脆嘅外皮包住嫩滑嘅豆腐，十分滿足😍-⭐ 參考價錢︰姫松茸竹笙花膠雞米線轉雞髀：$98口水雞擔擔麵：$48金磚豆腐：$42-🍌抵deal指數：7/10

#鼠尾草食飲玩 #sagefoodiehk滑雞🥰 × 平價🔥 × 拌麵😚呢間係太子街坊米線舖，超級有人氣🔥！因為呢度嘅價錢好抵食，仲要有嫩滑嘅雞肉，同埋招牌花膠💖！胡椒豬肚雞米線湯底好香，胡椒味香濃，配埋湯上面嘅雞油超級邪惡💗！而且雞肉好嫩滑，豬肚嘅份量都好多，仲要係一人一鍋嘅小鍋，好有feel又滿足✨。麻藥雞拌麵一上菜超級香，濃濃嘅麻油香味，裏面仲有麻藥雞蛋，同埋好多舊嫩滑嘅雞肉🥰。五香牛𦟌份量都幾多，每片牛腱肉質唔錯，配埋甜甜香香嘅五香醬汁，清爽、啱夏天食😚。💰胡椒豬肚雞米線($60)💰麻藥雞拌麵($58)💰五香牛𦟌($46)

🐔呢間黐膠雞食過幾次啦，今次想出post分享下！最新推介係個湯底！有藥膳湯底，有雞湯底，加埋個米線超級好食！而啲雞都比較濃味，有得揀用火煲煮上，一路食，暖笠笠！所以分享吓👍🏻🐥麻藥雞拌麵唔辣嘅，重雞味，麻油味，伴埋一齊天氣熱食唔錯！好食🌟🌟🌟🌟🙌🏼沙薑雞濃湯米線最推介呢個，湯底超濃雞味成個湯底食完係飲晒！推介👍🏻好食🌟🌟🌟🌟🌟🈵🫘金磚豆腐都係覺得好推介😂一定要點甜酸汁好食🌟🌟🌟🌟🌟🐂五香牛展都可以叫一個小食，做餸都唔錯！好食🌟🌟🌟🌟回頭率🈵🈵🈵🈵🈵🪑目測座位20人up左右🚇太子站步行3分鐘到===================金磚豆腐 $42五香牛展 $46麻藥雞拌麵 $58咸檸梳打 $12沙薑雞濃湯米線 $48柚子梳打 $12===========$218/2人，每人$109

癡膠肥牛肉質細膩鮮嫩,配上精心調製的醬料,口感層次豐富,令人垂涎三尺。鍾意食肥牛的朋友一定要試呢間餐廳嘅麻藥雞拌麵真係好食!香煎雞胸肉內嫩,肉質鮮美多汁,味道清淡卻不乏層次,簡單美味,是一道令人百吃不厭的精品佳餚。麻藥蛋就更加驚喜,個蛋白滑嫩,個黃仲未完全熟,流落出蛋汁,好開胃雞擔塘麵就更加經典!擔塘面嘅面條咬口有勁,口水雞有d辣，但好滑好入味。價錢：$ 100/person分數：8/10#美食 #hkfoodie #hkfood #food #美食推薦 #美食推介 #香港美食 #hkig

呢排癡膠花嘅人氣真係愈燒愈勁，就連🐻都被燒到，聽聞佢個Fʀɪᴇɴᴅ癡膠雞嘅人氣都好勁，所以我哋今日就去咗搵佢個Fʀɪᴇɴᴅ ，睇吓係咪真係咁好食先😙招牌癡花膠雞濃湯米線 $78我哋加咗$10轉雞髀，肉質嫩滑有雞味，湯膽係湯底呈現鮮黃色，表面仲有浸雞油，飲落係好濃郁嘅雞味，食得出係無味精嘅，而花膠就偏膠質，份量都唔少，最正係用爐上，咁就可以Kᴇᴇᴘ住個溫度喇❤️麻藥雞拌麵 $58麻油味都幾香，食落唔算好濃果隻嚟，雞件份量都算多，最正係果粒糖心蛋麻，半流心狀態，滑捋捋又夠哂入味金磚豆腐 $42酥脆嘅外層包住嫩滑嘅豆腐，外脆內嫩，調味啱啱好，點埋個泰式酸辣醬，真係一粒接住一粒總括嚟講，份量足又幾抵食，難怪係長期人龍店🤩

癡雞濃湯米線 - 招牌癡花膠雞濃湯米線 $68QR code落咗單冇耐，店員就即刻擺咗兩個鍋喺面前，然後好快就出咗米線。原來米線同湯係分開上。湯底連餸會擺上火爐keep住溫度，令你可以全程都食住暖暖嘅米線🤩味道都好唔錯，呢個濃湯米線好鮮甜又有濃郁雞湯味道，雞肉大大嚿，花膠都唔少，真係食極都有！米線軟度適中，偏軟少少但接受到，鍾意食花膠雞米線嘅朋友唔好錯過～癡雞濃湯米線 - 藥膳黃酒花膠雞湯米線 $68同樣湯底都係擺喺個鍋上面，藥膳味道濃郁，但唔苦澀，超養生！老竇叫我飲埋個湯，因為覺得me毒氣太深☠️😂 呢碗嘅雞肉冇咁大嚿，但係有好多嚿😍 雞肉肉質都鮮嫩，仲好足料，仲有唔少嘅雲耳同花膠🤩佢俾咗個裝雞骨嘅兜，好貼心。每張枱側邊都有冚熄火嘅蓋，所以你想幾時熄火都可以👏🏻小食 - 黐膠肥牛（足半磅） $52本身對肥牛都冇咩期望，主要係爸爸要食肉先叫，但又估唔到薄薄既肥牛吸晒個醬汁後係幾惹味，牛既鮮味又穿出左，淨係食佢撈白飯都搞得掂一餐🙊小食 - 手拍青瓜一樣惹味，青瓜爽口，size適中，醬汁少辣但幾入味，唔錯 (同肥牛個汁唔同的)😋結論🫰火燒癡膠雞好有誠意😆🫰味道唔錯🫰店員友善，同我哋講冇人排隊

第一啖試濃湯，覺得不濃，無花膠雞湯個種黏性，湯無味好淡，葵芳個間好好多。第二啖試藥膳，湯味好淡，因為米粉唔夠稔，所以我將成個米粉車左落個藥膳湯煮，煮完個藥膳湯完全無哂味，淡如水，反而再試番個濃湯就有d味，尚可接受。藥膳雞如圖，全部都一細舊，無肉食，另一個就有叫有3,4舊雞胸。呢個價錢好唔值，性價比低。5分滿分招牌癡花膠雞濃湯上海麵 2.5分湯 2.5分 尚可，不夠濃，無花膠黏性雞 2.5分 雞胸藥膳黃酒花膠雞湯米粉 0.5分米粉 1分 偏硬，平價米粉雞 0分 細舊全骨，無肉湯 0.5分 藥膳味有d，但個湯好淡。

在灣仔工作時痴膠雞已是我的愛店，在離開灣仔後經常掛念它的味道，得知太子都有分店，立即找機會去回味。 🔹藥膳黃酒花膠雞米線 🔹這個是全店我最推薦這個的藥膳黃酒米線，雞湯湯頭再加酒香的加持，比其他米線湯底濃得多！麵可以選擇用鍋上還是碗上，夏天的話，我建議用碗上，不然吃到滿頭大汗。雞肉份量多，口感爽脆鮮甜。 🔹招牌花膠雞米粉🔹雞湯湯頭對比藥膳黃酒的會清淡一點，少了酒味，能喝到原湯底的鮮甜。雞件份量多，比黃酒的切得更大件，更軟滑，花膠有厚度！ 🔹手拍青瓜🔹非常喜歡這裡的青瓜，因為它的味道惹味，辣汁調配得很好，酸酸辣辣的，讓人停不了口。  

🔥熱辣辣都心思思想食雞湯米線💛因為呢度嘅雞湯實在濃郁 而且順滑涼住冷氣又有咩好怕喎💛💛招牌癡花膠雞濃湯米線一如以往係用個鍋煲住啲湯嘅 今日啲雞好滑 而且好多肉🐣大大啖咬落口另外啲花膠都好腍 鮮甜嘅味道滿滿骨膠原嘅感覺🧡蜜糖雞翼濃湯米線🍜另一碗就叫咗一個火鍋燒住嘅 其實都一樣濃味一樣好味雞翼係分開上嘅 大大隻脆卜卜🐥⚪️椒鹽豆腐 係外脆內軟細細粒 唔經唔覺就可以食晒再點埋啲甜酸醬係另一番風味檸檬薏米水+ 凍檸茶🍸🍋