瘋狂小面 (佳德商業大廈)

营业中

休息中

平時嚟到呢條街，通常都係三五知己過嚟飲飲食食😆，鍾意呢邊選擇多，菜式應有盡有！今日朋友帶路，帶我過嚟食，我至like嘅麻辣風味😍餐廳裝修走中國風格👍用上深色嘅木製枱櫈，很有格調！先來我至愛嘅麻辣風味先😆瘋狂四川擔擔麵～呢度嘅辣度，可以自己調校，喺張紙上面mark番，要多辣小辣、多麻少麻！我就食中辣小麻❤️，配料豐富，有蔥、花生、肉碎、青瓜絲，特別一提個花生非常香脆，一齊食，完全提升咗整體嘅質感👍！麵身食落有啲似幼身嘅油麵，又有拉麵嘅彈牙，質感一流！小食❤️棒棒雞～以雞片嘅方式上碟，類似我哋平時食嘅口水雞，又香又麻！❤️鐘水餃🥟～外皮非常薄，係人手包制嘅手工水餃，個人覺得如果餡料再豐富啲就會好了，好喜歡呢個甜辣醬汁，勁開胃！❤️蒸蛋～呢款係每日限定，賣完就冇！好幸運今日可以食到last一盎😃，果然非常滑溜，上面一點氣泡也沒有，睇得出係廚師心機之作！特別推介呢個食四川野不可缺少嘅❤️成都老冰粉，好似啫喱咁，冰冰涼涼，上面舖了 白芝麻、山楂碎、提子乾和酒釀，好特別，非常解辣！

喺香港都食咗正宗四川風味餐廳位於中環，係樓上鋪，喺最近新開嘅Donki附近，好易搵！行完街，就食到至愛嘅四川風味😌太幸福了！之前試過呢度嘅紅湯，已經非常之鍾意❤️，今次同小朋友一齊過嚟，就試吓佢哋嘅白湯先！燒椒茄子🍆、蒜泥青瓜🥒～前者佈滿蔥花，微微嘅甜辣口感！後者冰涼清爽！作為前菜十分開胃瘋狂大排面白湯～大排即係一字排骨，呢度嘅麵食特點係每一碗都非常之多葱，食落爽口，中和左濃郁湯底嘅油膩感！麵口感係類似 幼嘅日本拉麵🍜非常彈牙👍滷水拼盤～平時食開嘅，都係潮州滷水拼盤，比較濕潤！第一次食四川風味滷水拼盤，就係比較乾身嘅，中間仲有啲麻辣粉黎點添，好特別！

之前已經食過幾次 但自從搬左office就少左食 今次特登星期六過黎食！一個叫左瘋狂碗雜麵套餐 簡左bb辣加牛舌豬肚今次第一次試撈麵 好有驚喜個汁好出色🥰食得多會愈黎愈麻好正！另外又叫左酸辣粉套餐，個粉好出色，酸酸辣辣，個麵唔太淋！加左隻鹵蛋好入味，推介！但最吸引都係泡椒鳳爪，食左份細既忍唔住再叫多份大！呢個真係必點！ 另外涼拌木耳好爽口，份量唔少！推介😚😚雖然差唔多成年冇黎過 但食物質素完全冇變 仲依然好好味😚😚下次會再黎！

今晚冇飯食，所以放工嚟食過晚餐。佢係自由match 既set, 我揀左個4樣野既set.本身想食豬肝麵，但已經sold out. 轉做牛肉麵，我好耐冇食辣嘢，喺番茄牛肉麵同辣牛肉麵中忍唔住口揀咗辛辣牛肉麵！叫咗bb辣，但都係覺得有幾辣下！所以一定要加野飲。佢牛肉係肉粒，但幾好食！另外揀咗個健康啲嘅蒸蛋，食到辣嘅時候食下呢個就覺得冇咁辣仲有川菜經典嘅冰粉！佢既酒釀味比較濃，唔係太甜~如果係想解辣既，可能都係野飲比較岩xp

𖠌𖠌𖠌看著openrice的評價心想感覺是家不錯吃的小店看了食評點了他們最推薦的菜單🍜瘋狂肥腸麵🍜紅薯粉+牛舌🍧成都老冰粉𖠌𖠌本身愛吃辣的我·點單時加麻加辣整個湯頭只喝到油的感受多過麻跟辣的感受反倒是小菜的鳳爪辣一點🤷🏻‍♀️吃到最後發現紅薯粉是比麵好吃一點👌🏽甜點的部分想必也不用說的太多啦🤫𖠌吃完心得不至於不好吃只是我朋友的那碗麵是沒吃完🤭大概就是被評價推的太高有點小失望而已🙂如果想試試看建議外賣便宜一點♥️

星期六去咗中環行街，其中一個原因係為咗湊熱鬧去新開張嘅激安，但排隊前先要食飽飽是常識吧😁。朋友以前喺中環返工，佢帶咗我去試「瘋狂小面」，佢昔日嘅飯堂。餐廳雖然唔係地舖，但位置都方便，喺正扶手電梯隔離嘅商業大廈一樓，行完長樓梯再坐𨋢。環境唔錯，冷氣充足，裝修行中式風，有大大個臉譜作裝飾👺。由於第一次食，我係咁問朋友有乜推介，店員聽到我哋嘅對話，勁好人主動介紹菜式👍。其實餐牌亦好清晰，除咗每款食物有圖片以外，仲有文字介紹，咁就會知道每道菜嘅分別啦。考慮到餐廳位於中環地段，食物定價唔貴😛，套餐由$78兩味到$98四味不等，個別升級小食項目就要再加錢。我哋叫咗兩個全餐，超豐富的呢。蕃茄牛肉面，我唔敢嗌辣湯，所以叫蕃茄湯，一上枱已經覺得湯底顏色好鮮橙、好靚🧡。餐廳自家製嘅鮮茄醬配以豬骨濃湯超惹味，同港式蕃茄通粉湯底或者西式羅宋湯好唔同。湯底吸收哂蕃茄嘅甜味精華🍅，酸味就無乜，不過留意番係無茄肉㗎。牛肉薄薄的有四至五片，味道唔錯，本身已經醃咗味，但又唔會遮蓋🐮牛肉本身嘅味道。湯麵嘅麵底亦係另一焦點，幼身麵條口感彈牙，就算浸咗陣都無變湖，兼且又好啱掛湯，無得輸。每碗麵均有蔥同芫荽等配料，唔啱食就記得

今日假期見中環新開24小時店鋪就去中環行下，行完後係附近見到一間招牌寫住瘋狂既麵店於是就去睇睇有幾瘋狂。餐廳裝修好有中式feel好似返左古代感覺，我地坐低見到點餐紙，內裡有幾個組合，有麵有小食同飲品。瘋狂肥腸麵（白湯）： 豬腸不太肥食落幾有口感，白湯非常清甜。瘋狂牛肉麵（紅湯）：牛肉炆得好淋好入味，紅湯底小辣對本身食得辣的我也覺得幾辣。鐘水餃：醬汁甜甜地加上餃子不大小剛剛好好開胃，非常好食。滷水拼盤：有別於其他店鋪的滷水，是用粉而不是加上滷水汁，幾特別。

作為一個時不時會喺四川重慶做嘢嘅人，本身就對個邊嘅食物好有興趣叫咗有啲研究， 講真香港要食到正宗嘅重慶川味嘅舖頭，呢間係其中一間， 雖然價錢略高少少，但係我覺得係物有所值嘅~ 次次來都係食佢個麵，重慶麵整到個日本拉麵咁~就真係冇得頂嘅， 好正宗嘅重慶味，今次同gf 就索性來試佢個缽缽雞，四川仲有個名係叫冷鍋， 點解叫冷鍋？因為唔係畀火熱住咁出㗎嘛； 佢二人份嘅缽缽雞係有60串~ 菜加肉各30串， 因為我哋都鍾意食麻，所以我哋叫咗藤椒口味~上到嚟望落都幾壯觀咖~60串， 靚仔叫我哋浸多三分鐘先開始食， 其實我哋食完碗麵都已經唔止三分鐘， 始終係喺香港食~食嘅材料同四川嗰邊係有分別嘅， 起碼唔會喺四川食嘅材料係唔會有蝦仁~ 甚至有菜心， 但係佢個湯汁係非常之濃郁~亦正宗， 個麻度好刺激 ﹐所以係食得好爽， 因為佢個汁做到好濃所以浸落去嘅串串都非常之入味~雖然食完食到個嘴麻到震曬，但係正宗口味對我來講都覺得呢一間係不二之選， 尤其係呢一年因為疫情關係完全過唔到去四川食~頂到癮呀~

今日去上堂之前，心絲絲想食下麻辣野，仲要係正宗個隻！點知又真係比我地搵到「酸菜豬肚面」唔知點解酸菜同豬肚永遠都係一個好嘅配搭 佢一個奶白色嘅湯再加上酸菜嗰浸淡淡的酸味其實已經係一個好好嘅享受再加上自己加配嘅豬大腸，豬油嘅香味，以及酸菜嘅酸味，同埋佢本身湯嘅味道，配合得天衣無縫豬肚食得出佢好用心去處理冇本身食豬肚最驚嗰陣So味！再加兩條菜，絕對係均衡嘅飲食「瘋狂碗雜麵配大排」本身朋友係想試佢嘅擔擔麵，但係見到碗雜面係佢嘅王牌之一咁就試吓啦配以小麻同小辣，好微妙地真係食出四川嘅味道豆嘅味道同本身麻、辣嘅味道，夾得恰到好處，再加上本身算係重味嘅肉排，加埋落去味道又算係好平均好食得黎，又算開胃。都算係一個好好嘅主菜選擇！「夫妻肺片」唔講唔知原來夫妻肺片其實係冇肺嘅其實佢係用牛肉啊、牛心呀，牛肚啊.…呢啲材料再加上四川嘅麻辣醬汁，而煮成嘅！一夾上手就知道師傅手工了得每塊肉都係簿切嘅！加上芫荽啊、花生啊...各種嘅香口佐料，成個菜式嘅味道昇華咗好多「鐘水餃」見佢係王牌就叫左黎試吓朋友就話望落去似紅油抄手食落去呢係似嘅，但係又有少少微妙嘅分別想知係咩分別食過你先知呀「成都老冰粉」最後再黎埋desse

在中環般大廈林立，寸金尺土的地區中，要找一間平民餐廳也不容昜，然而這裏卻有一間評價不錯，具特色的麵館，所以都想一試。餐廳位於商業大廈的1樓，都比較難找。但驚喜在餐廳氣氛和大廈截然不同，餐廳裝修具中國特色，有燈籠，中國畫相伴，氣氛和格調十足。今日的人不多，座位也十分寬躺，很有空間感。點餐的時候已經被麻辣的香味吸引到 點餐也十分簡單易明，可以選揀A/B/B/D套餐，還有圖文並茂的餐牌參考。.✅ 瘋狂燒白面這個燒白面每日只有限量15份，作為餐廳的招牌菜之一，當然要一試！這個BB辣的湯底不會太辣，帶點麻，又不會太搶喉，辣味新鮮，而且不不會搶了面和肉的味道，味道剛剛到位。葱花更為辣味帶點鮮，更香口。而燒白肉就很細嫩，不會太肥膩。.✅ 瘋狂擔擔面一直都想試拌麵，這個擔擔面就十分有驚喜。這個是四川特色的著名拌麵。材料都算多，包括芽菜，蒜頭，青瓜絲和蔥花，吃起來更加有層次。麻醬濃香，辣味突出，但又不會有平時擔擔面油膩的感覺。味道十分香口，推介！.❇️ 評分: 7/10臨走時，看到餐廳門口的獎牌，才知道餐廳是成都小面十強，以食物穩定的發揮，都不失此名

🐈：就黎冬天就想食返啲好辣好辣嘅川菜暖身🌶️🔥。呢間雖然有啲難搵，唔熟中環真係會唔識路，但都值得既，因為間鋪既設計好特別，充滿中華特色，直情好似去咗另一個世界咁😳，可以帶外國朋友黎🤣。———————————————🌟瘋狂牛肉麵 我揀咗紅湯BB辣BB麻，湯底好濃，本身都算食得辣，所以對我來講就唔算辣，下次應該會試中辣。牛肉炆得幾入味幾腍👍🏻。建議大家加雜醬，即係炸醬，好夾個湯☺️。𓂀推介度：♥︎♥︎♥︎♥︎♥︎_🌟蕃茄牛肉麵個湯底係好濃嘅茄味🍅，好開胃，不過呢款面就冇得加麻辣。同埋啲牛肉又唔同瘋狂牛肉麵既牛肉。哈哈不過我都係鍾意辣湯多啲。𓂀推介度：♥︎♥︎♥︎♥︎_🌟捧捧雞薄切雞，咁樣食法都幾特別。雖然望落去好似好辣咁，但其實唔係好辣👍🏻，請放心🤣。𓂀推介度：♥︎♥︎♥︎♥︎_🌟紅油耳片平時食開嘅豬耳都係一條條，但呢度係一片片，好有新鮮感！同埋食得暢快好多🤣，唔會到喉唔到肺咁。𓂀推介度：♥︎♥︎♥︎♥︎_🌟鐘水餃見呢個係廚師推介就叫黎試下。味道唔錯，個汁有少少似係蒜泥白肉嗰隻味，甜甜的😚。推介！𓂀推介度：♥︎♥︎♥︎♥︎♥︎🌟紅棗銀耳湯跟set叫左個糖水，好正啊解辣同解重口味野一流！

逢星期六都要係中環睇中醫，午餐固然就係中環食。偶然發現呢一間食四川麻辣麵嘅餐廳真係一試難忘，所以呢日我又決左翻去食。呢度可以一個set咁叫，一個主食加嘢飲加小食或者甜品就$88。當然就係叫我最鍾意食嘅小辣多麻紅薯粉啦，佢嘅紅薯粉非常之煙銀，花生芫荽肉碎等樣樣都好足料，果然係賣飛佛。今次試咗一樣之前未試過嘅嘢就係呢個成都..冰(?)哈哈。。我都唔係太記得佢叫咩名，但係呢佢非常之好食。好似啫喱咁凍凍地但係唔太甜，食完辣野之後作為甜品非常之夾。

雖然香港係美食天堂， 但要食正宗嘅風味菜的確要花D 時間去搵。o係中環呢個地方搵到間四川菜，價錢合理，坐得舒服，最重要係食到當地嘅味道瘋狂套餐點餐好簡單，兩個人兩個ABCD 就試到好多野啦❣️瘋狂豌雜面+豬肚廚師推介之一，重慶小面之一，用豌豆同雜醬為主料嘅麵，撈埋哂成碗黎食又幾特別幾令人回味，有D 似擔擔撈乾麵嘅質感。而且呢間餐廳好砌合香港嘅市場，四川菜可以揀走辣。好簡單材料配搭，但有好意想不到嘅美味，食落有D 麻而不辣，正正正❣️瘋狂肥腸面+牛舌又係廚師推介之一，肥腸洗得好乾淨，食得好安心，同埋真係燜到好淋好入味，意外嘅係原來白湯湯底即係胡椒豬肚湯，成碗都飲得，好好味呀❣️蒜泥青瓜最鍾意就係蒜，食完成陣味好正🤭❣️燒椒茄子好多款都有一至兩隻辣椒仔標示，真係怕正宗四川菜嘅辣頂唔順，所以揀左半隻辣椒仔標示既茄子，好彩仲頂得順，好入味，辣辣地好過癮，咁先似食四川菜❣️紅肉柚子 +冰糖雪梨汁兩杯都夠哂冰涼解渴解辣，幫條脷降降溫❣️成都老冰粉 + 紅棗銀耳湯食埋糖水呢餐夠哂豐富，糖水又冰涼又潤，呢D 特色糖水唔係周圍都可以食到同埋好食，未食過嘅必定要試下，冰粉滑啫啫真係好正餐廳有手工啤，清新咁介紹每一隻係

👺瘋狂小面🍜.👧🏻：「今日lunch去邊度食？」👱🏻‍♀️：「酸辣粉。」工作日嘅午餐，好多時都會去瘋狂小面食酸辣粉，仲用「酸辣粉」借代埋人哋個店名，一講酸辣粉，大家都知我又去幫襯瘋狂小面了😂今次同朋友一齊食，終於的起心肝，試吓呢度嘅其他招牌菜😈🌶酸辣粉我的至愛❤️酸辣粉起源於西南民間，麵底是以紅薯和豌豆按比例調和的紅薯粉，用傳統手法肴制而成。湯底包含花椒的麻，紅油的辣，雜醬的鮮，保寧醋的酸，配上香菜、芹菜、花生🥜等香口佐料，滿足麻辣鮮香四大要素，百吃不厭🤤私心推薦要加辣加麻，超好吃😏🧂瘋狂豌雜麵深受身邊不吃辣的同事的喜愛（可走辣）😆以豌豆與雜醬為主料，配以蔥、薑、蒜為輔料製作而成，即使是小辣已經很惹味👍🏻而且幼身麵條很掛醬，吃下去口感很綿滑😋🧃紅肉柚子🧃冰糖雪梨兩款都是清甜解渴的飲品, 不過我太晚去, 藍蝶花雪梨已經賣完了, 不然很想試試～成都老冰粉吃辣必備的輕甜品～就像是質感更厚一點的啫喱，加入芝麻、提子乾和花生，清甜解辣～另外也有缽缽雞套餐，看起來也很吸引呢～

星期日同老公出中環，OpenRice 到呢間瘋狂小麵，見咁多好評就入去試下，一試中伏首先，店空間算大，但橫七豎八放左好多貨，比較雜亂。其次，侍應哥哥10問9唔應，要杯水要問2次先比。要熱檸茶，但唔比糖，我老公都費時再問佢，毫無服務可言好意思收加一最差嘅係類似口水雞嘅棒棒雞，份量超少，一個碗仔裝住幾塊肉，盛惠跟餐要38。兩碗麵不過不失，但出面餐廳同樣價錢有更好選擇。睇黎老細好重本，重本買好評建議老闆將成本分返去食物質素同員工培訓，香港人好醒㗎，你呃到佢一次呃唔到第二次