番本日式放題 (已結業)

踏入炎夏, 我會展開瘋狂食放題!!! 最近天口實在太熱, 最岩食生冷野!放題間間都差唔多~呢間放題就好特別, 有個迷你蒸爐~新玩法喎~~~ 又幾過引~ 我係欣賞既!有時叫一大班朋友去食放題, 可能會有一兩個抗拒話唔想食生冷野!有呢個蒸爐仔既話, 感覺上多左款式食物, 唔會話去到唔食生野會好蝕, 搞到大家要轉地方~不過今日我地2個既戰鬥力有D低~~~ 食左好少野就KO 左喇..同埋有D食左唔記得影相啊....不只好用文字講下有咩值得番本既款式啦!!!刺身有象拔蚌, 帶子同赤貝, 呢幾款都係放題少見既, 以$218 既價錢有呢D 揀. 我覺得都算係咁喇~熟食我中E牛舌, 燒帆立貝. 雞亦, 同埋蒸帆立貝, 肥牛, 蝦都係必叫既番本之選!!!飲品都好多款揀~汽水, 果汁都有, 酒就要寫紙喇.有ASAHI, 清酒同梅酒揀~係FB/IG打完卡就可以有生蠔任食. 原本都係加$10就有~ 有原味, 酸汁辣蘿蔔蓉 同茄汁味揀. 3個都幾好食, 偏好茄汁味~細細個SHOOTER杯上,  唔駛拆殼, 可以任叫實番到本~

lunch 真係食到無野好食, 去午市放題就可以任意食唔同款式喇。今日試左間番日本放題,午市放題唔算高價位,可以試。刺身類別有好多選擇,不過可能午市的關係帶子同赤貝缺貨, 有點失望。想介紹一下這個叫做白玉拖羅, 無乜食過,有一種鹹的味道,有少許似劍魚腩,可以不用點豉油都有種鮮味。希靈魚爽脆, 另外最好食甜蝦,正常size都唔細。蟹粥夠味,加埋螺肉去煲, 值得試。欣賞這個炒芽菜, 上枱仍然爽脆同入味, 滲透黑椒味, 十足日式炒雜菜咁。天婦羅, 粉唔厚而且夠脆。牛油帆立貝-重牛油味嘅香甜, 帆立貝軟身唔韌,剛剛好,牛油,菇,帆立貝 係絕配。燒三文魚骨腩,好驚喜! 係新鮮即整, 魚肉熱辣辣又嫩滑, 一般放題都係又凍又硬嘅, 所以呢個係我推介必食。牛舌- 有點硬身, 味道ok。燒蝦 - 大啖肉 但燒得有點乾身。仲有好多好多款熟食選擇, 前菜, 壽司,人參雞湯都有。我覺得熟食係好出色嘅, 因為每款上枱都有新鮮滾熱辣嘅感覺並唔係煮定曬,而且仲要有火喉有味道的。不過午市甜品就唔多選擇, 係雪糕同一D 糕點等, 但午市黎講我都已經飽到食唔落。

好耐都無食過放題喇! 今次去左旺角番本到同朋友食盡佢! 呢度價錢唔算貴，而且食物種類都有好多。我就主攻生既食物，同行朋友就主攻熟食。首先當然係魚生啦，由於同行朋友唔食魚生，所以我只係叫左一人份量。三文魚、甜蝦、北寄貝、赤貝、象拔蚌，全部都十分新鮮，完全唔腥仲好鮮甜。有魚生又點可以無壽司! 我地要左蟹棒壽司、燒三文魚壽司，海膽吞拿魚，仲有三文魚卷，同樣地都係好新鮮，而且飯既味道亦調得好好，食左2件都唔覺濟。到熟食部分，首先要左我最愛既天婦羅。今次揀左炸蝦同炸蕃薯，炸皮唔會太厚粉，好脆身，而且亦都無油益味。然後有鹽燒雞中翼同燒牛脷，朋友話雞翼燒得相當出色，個皮燒得脆而不乾，而入面既雞肉仲係好嫩滑。而牛脷係厚切，燒完都唔會un仲好有口感。之後有芝士蟹子燒帆立貝同北海燒蠔。帆立貝加左蟹子多左D口感幾有驚喜;而燒蠔入面好似有蛋同沙津醬，仲有D蟹柳粒，加加埋埋都幾好食。再黎有燒翠肉瓜、牛油炒帶子同黑椒牛油炒雜菇，呢三樣係個人認為熟食黎講最最最好味既3款。翠肉瓜燒完仍然充滿汁。後兩樣牛油味好濃，再加埋蒜蓉炒出黎既香，我最後encore哂3款!牛油栗米粒都炒得好香，栗米本身亦好甜。呢度仲有蒸氣火鍋食!

同朋友食飯最鍾意去食放題，因爲每個人都有自己鍾意食嘅嘢，今次我哋就簡咗番本。一去到食放題第一樣叫嘅一定係刺身啦~我哋叫咗三文魚，白肉拖羅，牡丹蝦，象拔蚌，希靈魚，劍魚，榮螺貝。刺身件件都係厚切嘅，刺身種類都非常多，尤其係白肉拖羅同三文魚最好味。前菜都有好多款, 又啱口味, 枝豆，蟹子青瓜沙律同埋辣味螺肉，非常合適做開胃菜見到啲壽司都好吸引咁，本人特別鍾意食特色卷物嘅，所以就叫咗幾款試試佢啦。芒果軟殼蟹卷，,芒果好甜。花之戀，海膽拖羅魚蓉壽司都好新鮮，仲有個泰式生蝦壽司都好味啊，有種泰式感覺。同行有朋友唔鍾意得生冷嘢就叫咗火炙玉子都ok, 有芝士喺面。每次去食放題都一定會叫嘅牛油粟米，重牛油味，掂~食到咁上下，我哋開始出去拎嘢飲啦，有好多選擇，總有一款arm你口味。另外叫咗啲熟食，咁首先講下串燒先，牛舌燒完都係juicy嘅同香牛味嘅。而且有比較小見嘅鹽燒五花腩，有啲似平時韓燒個種一樣香口，呢度有人燒埋，放題就係懶人之選。炸物好多唔同嘅選擇，又唔錯喎，首先唔會做到好厚炸粉或者好多油，上枱仲要熱辣辣,加分！食咗咁多肉，緊係要食返啲蔬菜啦，我哋叫咗燒脆玉瓜同埋菠蘿。燒脆玉瓜有燒汁係上面，燒得剛

放工約了媽媽去食放題，今次來到旺角的番本。食客人數眾多，幸好我早前已訂位，所以等待職員安排座位後就可以入去了。刺身：放題第一樣叫的食物啊！最討好我的依然是三文魚刺身，厚度剛好所以食落口充滿左口感，帶一點點魚油味。另外，甜蝦也是我的愛吃呢，味道帶點鮮甜味啊！赤貝刺身十分爽口而不腥，媽媽十分愛吃。火炙三文魚壽司：三文魚經火炙後口感入口即溶，口中帶滿魚油的香味，上面加了少許的沙律醬，令壽司不會單調。蟹棒壽司：蟹棒鮮甜，相信小朋友也十分喜歡吃。炸天婦羅：炸皮是金黃色的，師傅炸得十分脆身而不會過於油膩。海蝦爽口，配合醬汁食用，味道十分配合呢！蟹粥：份量十分足夠，粥不會稀釋的，味道帶點點蟹既鮮味，咸度剛好，當中的確有蟹給食客食用，果然真材實料！螺肉：每一粒刀大大粒，螺肉食落十分爽口！醬汁味道不錯啊！炸芋香丸：好開心依度有得食！丸子同樣炸至金黃色的，但絕不會覺得太油呢。入面既芋香十分甜的，好好食，外脆內軟的口感。燒菠蘿：媽媽十分愛吃，甜度剛好，充滿香味！炸蕃薯仔：這個是我們十分愛吃的，甜度十分足夠，同樣不會覺得太油呢。

又到左一個月中最開心嘅日子來臨啦 - 出糧日!  當然要食番餐勁嘅等開心程度可以雙倍, 放題絶對係一個好選擇!  指定動作 - 先叫盤刺身食下先, 款式夠多, 大路如三文魚, 帶子, 甜蝦, 吞拿魚呢D一定有, 連鼻拔蚌都有, 真係夠驚喜!  擺盤吸引, 食落唔會仲係冰感, 一啖一件真係夠爽快!呢度除左任飲汽水果汁外, 仲有酒類提供, 我更唔客氣啦, 叫返壺梅酒慢慢嘆!飲緊杯甜美梅酒時, 精緻壽司已經送到黎!  賣相絶對唔輸蝕比壽司店出品, 飯粒軟硬度適中, 又唔會太大舊, 試多幾款都唔會"質"飽個肚!  每款以件計, 可以黎個自家製壽司拼盤!清酒煮蜆, 湯底好重酒香味, 蜆肉無沙, 清清地之選!呢度有提供蒸氣鍋, 係食緊其他食物嘅同時可以蒸埋, 食材由海鮮, 鷄肉, 牛肉, 豬肉, 菇類至蔬菜都有, 各色其式!  個咀真係無時停呀, 食盡佢90分鐘呀!可能有人認為係放題入邊食粥係一件傻事, 但呢度嘅響螺蟹粥確實係幾好味喎, 粥底綿滑食到鮮味, 蟹雖然細細仔但肉都算鮮甜, 唔會比埋D死貨你!燒菠蘿每件厚切, 肉厚甜美多汁, 不禁叫完再叫!炸物時間出場啦, 天婦羅炸漿唔厚, 唔怕食到一口

很久沒有食日式放題了，今日與家人去了這兒，仲試埋呢度獨有的草帽蒸鍋，一餐有齊兩種風味，抵你爆場！媽咪與一般老人家不同，特別鍾意食日式刺身，我們點了三文魚刺身、象拔蚌、白肉拖羅、希靈魚、榮螺片、赤貝、鯛魚、北海道带子、甜蝦……食材新鮮無雪味，一次過滿足了媽咪的刺身慾望！ 媽咪仲話，有刺身怎能無酒！？所以作為孝順仔女，連忙點了她的最愛——日本冰梅酒，加咗冰的梅酒濃淡適中，梅香四溢，飲完一round又一round，估唔到我們都幾好酒量！(笑) 話明日式放題，又點會得刺身，家人發揮她的「剔剔神功」，點到一枱都係美食佳餚，日式清酒煮蜆，蜆肉細細隻但好彈牙；泡菜炒雞粒，組合有新意。 牛油蒜香炒帶子，帶子是吾至愛，冇得輸；XO醬炒墨魚咀，和墨魚咀對咀的滋味，得想要吧！ 虎蝦天婦羅、盬燒雞中翼、黑豚肉串，都不錯可試。 芝士蟹子燒帆立貝、燒翠玉瓜、炸雞骨粒，是再點再食之選。 開頭咪話有草帽蒸鍋，咁就點了專屬，以蒸熟為主的健康美食。蒸煮梗係以海鮮為最夾，所以我們點了海中蝦、帆立貝、白蜆、龍脷魚柳、章魚花……食多啲都唔怕肥啦！ 其實，呢度蒸煮最緊要叫肥牛片，打開草帽，牛香四散，師傅薄切，加上蒜蓉香味，肥牛特

食日式放題，我當然是任食刺身壽司為主，今次食番本，真係番本…因為係任食生蠔。入座後，職員先講解點單方法，而飲品甜品及雪糕，都是任取的。而座位好多，每枱都設有火鍋爐。見到㸃單紙就興奮，生蠔每位每次可點3隻。第一轉，先點刺身和生蠔。生蠔都算大隻，味道鮮甜，真係要叫多幾轉。北海燒蠔和芝士蟹子燒帆立貝，勁濃芝士香。鹽燒海老串和鹽燒牛舌，燒到剛剛好，夠晒香口。而日式清酒煮蜆，酒味勁濃，夠哂清香。再食了響螺蟹粥，虎蝦天婦羅，蜆肉麵鼓湯，壽司和小食。服務員服務好，清理檯面食完的碗碟快手，落單快手，上菜又快又冇漏單。

好耐冇食日本菜，一於同朋友撐枱腳。再一次黎番本嘆放題，食物質素一樣咁好。呢度好特別有蒸氣火鍋，不過驚太飽冇食，下次再食。第一時間一定係食刺身先，三文魚厚切，其他刺身都相當新鮮。最鐘意火炙三文魚壽司，夠香。香芒蝦壽司都幾特別，香甜既芒果同脆脆既蝦都幾match。辣味吞拿魚手卷好惹味，又易入口。牛油帶子都幾好食，爽口得黎牛油味香濃。炸物大蝦天婦羅外皮鬆脆，炸粉唔太厚，食完一d都唔膩。燒菠蘿香甜，脆肉瓜味道都唔錯。甜品有芒果布甸，如果種類多d就更正。

如果係旺角火車站唔想落到太遠先有好野食，咁真係可以試下係168大廈既番本放題。相信大家都唔會失望。咁岩今日星期4 ，7點去到唔太多人，好快已經安排到位比我地，佢唔同其他放題，唔會安排到d位太密，所以我地都坐得幾舒服。至於食物質素，佢呢到同一般放題一樣，壽司、燒壽司、天婦羅、刺身、手卷、烤、炸物，當然唔少得種類好多既甜品同飲品，呢到好特別，竟然會有支裝飲品，真特別。當然，我特別推介我根住介紹既個幾種食物。首先當然有刺身同壽司，呢到既刺身同壽司比我想像中好，好新鮮，好甜，唔似一般放題，所以多人既真係可以試多幾種種類，幾好食。當然，我朋友都好中意呢到既炸物同燒物，佢唔會太咸，而且味道岩岩好，炸雞弱骨真係好好食，又脆又熱，雞翼同魚頭味道岩岩好，有鮮味又唔會太濃。牛舌拍得住居酒屋質素，推推推!呢到仲有好新鮮既生豪，真係估佢唔到，一般放題都唔會有生豪，不過呢到不但只有，味道又鮮又甜，仲有幾種味，而我就揀左原味，真係好正!最後當然要有烏冬結尾，呢到拉面同烏冬都有兩種，味道真係想讚下，絕對唔會好濃，而且面質好彈牙，一個人兩碗，好基本啦。至於甜品，呢到都有好多種，除左有雪糕同糯米慈，佢仲有D佢自制既甜品

有個朋友剛剛係外國歸來, 成班女朋友話要去大吃一頓, 有個朋友提議去旺角番本日式放題, 話之前友人去過話不錯喎！！嘩！！今日是星期三, 去到門口巳經成堆人羣等緊位, 好彩我們一早book左位！！一坐低我們即刻點了多款刺身: 三文魚刺身, 象拔蚌, 白肉拖羅刺身, 希靈魚刺身, 榮螺片刺身, 赤貝刺身, 鯛魚刺身, 北海道带子刺身同原隻甜蝦刺身！廚司很細心, 底部用冰塊放底, 所以全部刺身食時很冰凍新鮮, 彈牙爽口！！接着成堆熱食堆滿枱: 日式清酒煮蜆~很有清酒味, 泡菜炒雞粒~惹味可口, 牛油蒜香炒带子~帶子鮮甜, XO醬炒墨魚咀~很創新带韌勁, 虎蝦天婦羅就大大隻, 盬燒雞中翼~香脆滑嫩, 黑豚肉串~肥瘦適中, 淡淡肉地, 芝士蟹子燒帆立貝~芝士汁夠晒香濃, 食左成堆肉, 食番兩串燒翠玉瓜剛剛好, 最有驚喜是炸雞骨粒, 超香脆有韌勁, 成完一碟又一碟！！連日本冰梅酒都係任飲, 今次真係可以番足本, 而且味道濃郁, 很有梅子香, 抵讚！！另一個驚喜是日式放題竞然有蒸氣火鍋享用, 我們叫了海中蝦, 帆立貝, 白蜆, 龍脷魚柳, 章魚花, 肥牛片, 鮮冬菇, 南瓜片, 金菇同娃娃菜, 全部

母親節前夕，一於同母親大人食返個靚靚既放題先，時間尚早，唔係太多人加10蚊有得任食生蠔，可惜食晏晝係冇架芝麻八爪魚大大舊，最大果舊有我半隻手掌咁大鹽燒雞翼腌得好入味，外皮燒得勁脆，我地足足ENCORE叫左三輪燒菠羅夠大舊，食落夠多汁而且好甜，唔會燒到好乾身。仲有牛舌、翠玉瓜、豚肉添墨魚咀唔係度度都有架帶子都係好值得encore，牛油味超香炸物唔錯，所以叫左好多round ，有炸蝦、蟹柳、蕃薯仔、南瓜等等壽司竟然有得簡泰式虎蝦壽司，新鮮虎蝦再配埋泰式辣醬，就係好食咁簡單，而其他壽司都屬正常水平。刺身都算係咁甜品就有兩款可以揀唔岩食可以揀食雪糕

今晚約左朋友出旺角食放題，一早揀好呢間人氣高企既番本放題，我地係星期三 17:55入座，價錢非常經濟，每位$178，+$10可以任食生蠔，連加一最後每位只需$207，重包埋蒸氣鍋，非常超值強烈建議要加$10食蠔，唔好以為咁平實無好野😏，個蠔絕對有驚喜😎有三款蠔可以揀，每人每次最多3隻，食完再叫好快就上枱！大路放題食物都有、重有清酒凍熱任飲！飲品柜款式都夠多連熱飲都有十分體貼雪糕蒸氣鍋既配料，海鮮雖然唔係大大隻，但勝在夠乾淨新鮮！蒸又特別鮮味又無咁熱氣除左海鮮外，肥牛同雞蒸出黎都好好味雖然細細粒，但爆開都粒粒鮮味肥美！新鮮生蠔，呢$10不要慳，絕對有助成餐快速番本🤣🤣刺身，每款入口都各有鮮味，知道食緊咩炸物新鮮，入口燙嘴，脆口，唔厚粉以呢個價錢，絕對抵食輕鬆番本

三文魚實在太難食，我自問本身對食冇太高要求，但真係覺得唔好食，食物又唔新鮮，連我最鐘意既清酒煮蜆食落口超級多沙😥啲炸物太多粉，太多油，甜品冇咩款揀，得雪米糍同雀巢雪糕。唔會再去第二次，失望😡

耐不耐就會想食放題。今次到旺角的番本。番本地理位置優越，一出地鐵站就見到。每間放題提供的食物，飲品類都大概相似。沒想到，番本卻有新意思。一坐下，服務人員馬上上茶，又自動講解。一頓飯下來，覺得服務人員手腳快而且態度不錯。每桌都有一個小型蒸汽火鍋，原來番本亦提供任吃蒸汽火鍋，種類算挺多的。另外，放題提供的飲料放在雪櫃隨便拿，這倒沒甚麼特別，但番本有一個熱飲‘冰箱’。最適合養生人士和不方便喝冷的女生。還有一個人氣食物，幾乎每桌都有的是生蠔。一盤盤好像Cocktail shot可選原味，酸汁辣蘿蔔蓉跟茄汁口味。難怪餐廳坐滿人，翻桌率高。