畢打奧餐廳

营业中

休息中

同朋友行下街,亂打亂撞就入左呢間.原因係呢間既外觀不錯~在唐樓同茶餐廳林立既上水新豐路一帶,顯得格格不入.一入去坐,梳化好正,地方夠大,枱夠闊,燈光柔和~對呢間既印象已經加左幾分.叫左個黑汁豬牛扒飯同芝士海鮮意粉.d扒唔錯,又大又夠味.芝士夠多,味夠濃.意粉同埋黑汁就一般水準啦,最緊要係2碟野份量夠大.waiter服務好,有禮貌同收碟快,有酒店水準.價錢??梗唔貴啦,40多元一位,仲想點?

年初四十二點想食午飯，見好耐有去畢打奧，又見門外menu幾吸引就入去，點知一打開門，唔知係年初四剛開市，還是通風系統有問題，很焗和有一陣臭味，同行的細妹還想努力行入一點看看是否能找到較好的地方，可惜內進更差﹗我們只有調頭走.......而當時餐廳內只有一枱客，準備埋單，他們也好像未食完，就要走的樣子......

畢打奧焗豬扒飯用茄膏淋上吉列豬扒上焗香是獨有的滋味有四粒半星不過價錢不算便宜一家大細一人一個連加一都要成二百幾唔多係上水0既價錢不過以西餐廳0黎講質素絕對ok好過紅樹林好多

今天午年特價套餐有三十五元一客的西冷牛扒，但侍應向我推介貴些少的西冷牛扒，說這個比較靚一點，因看了之前網友的評述，怕變了well done，所以我叫了六成熟，上後跟同事三十五元一客的比較，果然有分別，我的一客西冷扒肉質明顯較靚及厚身一點，足足有一寸厚，但Ｓ１ＺＥ不太大，而平價的只是一片薄切牛扒，連醬汁也較我的差，只俾多幾元都算物有所值。我的西冷扒没有前文所述過熟的問題，但又不會太生而血淋淋，算是得相當不錯及準確的medium well。下次去Better Ole，你識得點揀啦?!

Better Ole 係上水少有正宗西餐廳，間中午餐都會度食，每天都有四、五款三十至四十幾元的午餐給顧客选 選擇，食品質素和衛生當然較附近的茶記質數高，不會突然走隻小強出來見客，碟頭亦夠份量，是上水區一個吃西餐的好地方。

適雅餐廳﹐我想住在上水和粉嶺區的朋友也知道最少有三十多年歷史。對當年孩提時代﹐這間餐廳當年是可看不可碰。所以今時今日﹐我決定要入去試一餐。三十年屹立不倒﹐總會有他的原因。但得出來的結果﹐卻令我不得不失望。叫了一個薯仔侷田螺加龍魚柳飯。龍利魚份量適中卻無驚喜。薯仔侷田螺﹐田螺也不算大隻﹐蒜汁蠻香但田螺本身總欠一間老字號西餐廳應有的火候或口感。男伴吃了招牌牛扒﹐牛扒火候挺足﹐但他沒有驚喜﹐肉汁和鮮味也不是該有的水準。環顧身邊的客人都是操著口音的士紳﹐我就知道這間餐廳再這樣下去的應該時日無多。想起也不禁教人有些唏噓。

呢間野水準真係差左，以前叫西冷扒佢會問你要幾多成熟，依家唔會問，我同侍應ｏｒｄｅｒ５成熟佢就黎塊差不多全熟俾我落單又落錯晒，我要紅湯佢就黎白湯，要西冷扒配薯菜佢就配意粉，真係俾佢吹脹

自從出做之後, 好耐都無過呢間餐廳食飯. 以前第一次講緊考完會考做暑期工果陣. 其實上水區西餐廳唔多, 較早期時候就更加少之有少, 而畢打奧(即呢間適雅餐廳) 就係做得較出色的一間.難得有時間去食個晏, 我揀呢度, 懷念除佢地個四十幾蚊西冷扒之外, 仲有佢地招牌畢打奧焗豬扒飯!午餐餐種依舊不變, 我亦叫個西冷, 唔跟意粉或飯, 只要薯蓉同配菜. 以前侍仔會問你個西冷要幾成熟, 但今日佢地就冇問, 出係幾乎well done扒, 不過我諗佢地係想俾個medium well過你. 以前幾鍾意吃佢地個西冷, 因為個扒有陣陣咖啡同牛油味, 配上蒜蓉汁, 好香! 當然, 四十幾蚊扒就唔能夠期望過高啦, 不過都唔鞋唔韌. 但今日就食唔到當年味道, 個扒又韌又多根, 難切又難, 唔juicy, 而且無肉味, 亦無當年果種香味. 唯蒜蓉汁水準keep到. 薯蓉亦失色不少, 以前係有用牛油煮理過但而家就一味都冇! 我對成碟都幾失望.服務亦差好多, 一坐低侍仔就企你隔離問你食咩, 唔俾時間你諗. 而且笑容欠奉, 又無耐性, 只係做無出錯囉! 環境都可以啦, 黑媽媽, 有點德國餐廳feel. 而餐廳另一面就

食物雖然係唔錯，但周不時都無人理你，又得一個waiter 識寫單，那個waiter 重要負責埋埋單，那個waiter 係好忙，但d 客就無人理，其他waiter 就行行企企，感覺就唔多好la

嘩,冇得頂呀d 野又好味,d 員工又好人喎簡直平靚正呀

Though the location is not good at all, the style of the restaurant is good enough to focus. There is a bar as well. Overall, whenever you go into the restaurant, you will be attracted to stay.