畢打奧餐廳

营业中

休息中

有一段時間無黎，整體不變，叫左個西冷牛扒午餐，記錯左原來唔係鐵板上，黎到先發覺係碟上，叫左5成熟，係碟件扒以78蚊餐計算係唔錯，肉質重左少少牛油味，肉汁都ok, 係薯菜失色左少少。繼續會幫親……

工作中食午餐，揀咗呢間西餐廳，剛好門口可以泊車，舊式扒房嘅門面，推門入內反而似比較光猛酒吧，牆上有霓虹燈光招牌，懷舊味十足！去到已過午餐高峰時段，食物價錢都幾貴，不過有個相宜啲嘅午餐餐牌！食物幾快到！餐包：似法包外脆內軟，熱熱的好味羅宋湯（跟餐）用大咖啡杯上，湯夠濃夠熱，材料好多，已經煲淋晒，酸酸地開胃！鮮茄焗牛脷飯（$73）賣相不錯，本來見3大片厚切牛脷好開心，點知⋯⋯牛脷雖然淋，但有好強嘅壓味（係牛脷本身嘅味）我落好多辣椒仔辣汁🌶️先可以食到！但最後都食唔晒！茄汁有好多焗淋咗嘅蕃茄，酸酸地開胃！飯底薄，炒過幾香，粒粒分明好味！只差個牛脷熱檸茶（跟餐）茶底正常夠熱！檸檬🍋唔澀同事食：俄羅斯牛柳飯（$55）忌廉湯（跟餐）凍檸茶：汽水：熱檸水：食物失望，店員們比較悠閒！動作慢慢的！唔會催促！定時自動走埋來落餐飲！感覺舒服！牛脷唔好味，連加一要$80好失望😞

今晚跟朋友第一次到這地方，問服務員一set酒$168 便order. order 左1 set 藍妹飲完一個set 後竟然服務員跟我們價錢是$198/set 。明明我地聽$168/set 才order.唔係麻..飲完才講。當然跟她們理論。。。又話同事第一天上班不知道，難道這樣就可以推卻一 一切？返工你沒有告訴員工怎樣說價錢是僱主責任吧，是食客責任嗎?那麼多海鮮價。 食客又要無哪哪付那海鮮價嗎？及後理論了才跟我們說免nuts,我們興致本沒減，再order 1 set,到結帳才跟我們說nuts 個1人1nuts， 逢三再進二，那就不是免哪。何來的理？及後一女士指著我說她就是老闆，說上水有很多酒吧，喜歡就去別的!當然抱著第一次到上水的客人不懂選擇，但就這不快不實的消費，我絕不期望再去光顧

夜晚經常會嚟飲嘢吹水，但其實除咗正常啤酒之外，所有調較出嚟嘅酒都好難飲！今次第一次試午餐，佢哋午餐唔貴，都係幾十蚊有找，好經濟實惠！包哂餐湯麵包飲品！我揀咗豬扒嚟試，肉質都算嫩，熱辣辣送上下次會再試其他

其實真係隔左太耐價錢各種樣無影底真係唔記得喇相都無乜點影, 一拖就拖左2個月......唻間係上水嘅老店返上水探屋企人, 點都要去食吓食物保持一貫水準, 算係傳統港式西餐口味吧牛尾同豬手都OK

同朋友食生日飯，一行三人，就簡左呢個餐廳，平時夜晚同朋友飲酒傾計就多，食晚飯今次都係第二次，保持到水準.職員介紹我地（咸豬手，豬肋骨，牛仔骨）.呢個咸豬手都OK,佢地幫我地切埋上枱，都夠咪，皮都係脆既牛仔骨好食肉有質感，朋友都話會再食多次，個薯菜都好食，佢話次次都唔同，呢個薯仔好入味，值得一試。呢個牛仔骨沙律，沙律都OK, 不過沙律醬太多，而豬肋骨就。。。比想像差個味好似叉燒味，而且肉質好乾，下次唔會再食呢款。整體都OK,會再試晚餐。

四人行去左上水食西餐入到去已經好扒房feel好多一家大細去食俾左張六人枱我地，坐得好舒適我地四個女仔叫左三個set分別係豬手，燒春雞，西冷牛扒追加蒜蓉包同半打焗田螺仲有嘉士伯tower 上菜速度好快餐湯都係紅白，無乜太大特別，不過不失唔特別講蒜蓉包 (9/10)泥到熱辣辣，蒜蓉既份量好夠，而且個鬆軟度好正！唔同其他店咁硬，我中意佢依個口感，秒清！！焗田螺 (9/10)好好味！！！！又入味，個底啲薯蓉直頭要搶呀！！必食豬手 (8/10)我最中意就係食豬手！！啖啖肉，肉夠厚身，可以林多少少就更好，亦都有肥既膏包住啲肉，正呀！如果佢個皮可以再脆啲就一流！西冷扒 (7/10)五成熟岩岩好，粉紅粉紅，煎既功力唔錯，薄薄既肉，一咬啲肉汁流晒出泥，正呀！中意食牛既朋友可又一試。燒春雞 (6/10)本人幾中意食雞，固此對雞既，要求較高，皮都夠脆既，但味就唔係好夠，肉就熱食還可以，同行友人凍左先食就一般般，唔夠多肉汁 (可能小妹食過一啲難忘既燒春雞，係啲中東呀埃及個啲小店，有啲比較咁)，但可以接受既另外可以一讚員工既服務，同佢啲薯菜係成個薯仔加啲cream cheese 上，問佢拎多啲醬都仲會俾我地，y

媽媽節無同媽媽過，知道貴，所以約之後一日慶祝，但我都要食㗎，揸㗎車周圍去，開住OpenRice 找食就揾左呢間試係俾食評家影嘅相吸引，個場夠懷舊，西餐。我一定叫牛食啦！先泥個湯，忌廉湯入面有蝦肉同蘑菇，濃度啱啱好唔會結撻撻，又唔會稀，不過羅宋湯就差啲啦，冇羅宋湯嘅味道純粹茄膏味，我個人來講唔鍾意食呢隻之後叫咗一份牛扒侍應問我要幾多成熟我問佢有幾多成熟選擇？佢話有35789，咁我有習慣食開生啲喎，咁我咪叫個三成熟囉。個侍應隻眼突然間突然大左就同我講三成熟好生個喎血淋淋架喎我話係吖我食開㗎。當然你都唔會咁足三成就熟啦，明白嘅你先100幾十蚊塊牛肉點會可以做到三成熟嘅質素呢咁食落去都唔錯不過冇諗過跟薯菜係一個炸薯餅，好味，好肥再睇人地食評話雞翼好食，又叫多個泥試下。不過不失啦，幾好味嘅，係嫌有點乾最正杯凍檸茶，茶夠味，檸唔苦澀，正係我想要飲個杯茶。埋單四百蚊兩個人，正常囉！經過都會再食嘅

當天朋友帶我到此酒吧飲酒，期間還點了小食及羊扒來送酒。先到就是避風塘雞翼，雞翼表面的粉末帶有辛辣香味，令雞翼更加惹味。而雞翼份量都頗多，炸得外皮香脆，而雞肉不會過熟。不過雞翼的油脂偏少，吃起來沒有那麼Ｊｕｉｃｙ感覺。由於我們點了兩個套餐，有餐湯的。我要的就是忌廉湯，粟米偏少而且不夠甜，但整體湯都是濃稠沒有混合太多水的。另外，每人一大杯Ｈｏｅｇａｒｄｅｎ。法式焗田螺，薯蓉份量很少，薯味略淡。雖然田螺都幾大隻，不過味道略咸，如不是送酒的話就接受不了。炸魚柳薯條，薯條炸得未夠香脆，而且薯味很淡，感覺一般。反而魚柳就炸得幾好，味道很香，炸的時候，外皮跟肉不會分開的。而且雪藏味很少，整體都可以接受。最後就是羊扒，配菜很少而且未夠熱。羊扒肉質軟腍容易咀嚼，肉汁未算多，反而有少許乾身。羊羶味一般，不接受羊的朋友都可試試。不過羊扒外皮煎得不夠香脆，這個有少許扣分呢～

平凡外表，走過大門，步進時光隧道室內還掛有聖誕吊飾，燈光微昏，是彷外國酒窖的格局，看得出這裏有點歷史，有多少故事在上演這天誤打誤撞走進來午飯，人不太多，聽朋友說原來這是一間以睇波為主的餐廳看過餐牌，朋友跟我同點了牛魔王焗飯侍應不夠5分鐘端上了熱騰騰的焗飯分量適中，牛仔骨焗得剛好，軟熟而不失肉汁，但牛腩稍嚴有點韌，亦有一點乾身，可能多點sauce會更好值得一提的是店內環境寬徜，位子眾多，也不用候餐時間，美中不足的是，侍應看上去沒精打采，笑容欠奉，可能係新年後遺症吧？

以前每逢英超大戰, 大家都會約戰球場, 踢完球吃飯, 再去看大戰直落但人大了, 工事太忙整天都要OT, 今日曼利大戰, 我們終於找到時間一起去看一次!畢打奧我們從小去到大, 食物量少了很多, 而且也貴了不少,但還是可以接受, 而且食物質素總是不差, 沒有下降依然是炸魚薯條同腸仔最抵食花生, 蝦片現在沒有任添了, 不過兩碗都可以讓我們吃半晚加上啤酒, 爽!

中午食lunch時間去就叫左呢個套餐「燒德國咸豬手$80及另收加一服務費」，包餐湯(羅宋湯或是日餐湯)、特制餐包、餐飲。🍴🍗🍛🍲🍞🍹「餐湯及餐包」白湯好濃好好飲，味道唔會太鹹，而餐包就同平時好唔同，似法式麵包咁，好軟熟，搽埋牛油仲好食。🍲🍞「燒德國咸豬手」可以選擇黑椒汁/蒜蓉汁，配飯/意粉/薯菜。呢個燒德國咸豬手堅唔錯，外皮好脆，肉質好滑好入味，肥瘦適中不油膩，肉質唔會因爲燒完而太乾，亦都唔會太鹹，剛剛好。推薦呢個套餐必試！🍗🍛「餐飲」就叫左凍奶茶少甜，茶味都唔錯，中規中矩。🍹

整個西餐 Branch 就返屋企休息，突想起適雅餐廳，終於有緣再見。個肥阿叔塞正個門口抽煙，您想點呢？本來算數費事行埋去，諗諗下我都係要食，走埋去就自動閃開啦！光陰似箭，轉眼廿幾年無黎坐過，都開始遺忘了。原來半場係餐廳 feel，另半酒吧 feel，獨獨 branch 衝去酒吧坐高枱，但冷氣唔多夠凍，有少少冒汗。多年老店仍然頂得住，難得依刻仲可以聽住黎明、衛蘭食扒餐！想食牛魔皇鴛鴦焗飯，又好似唔多肚餓，又好似想食魚，最終決定鱸魚牛柳意粉啦。餐包，非一般餐包幾特別。溶不了的牛油，creamy 淡牛油，味道正常，但凍硬麵包一啖 out，不懂欣賞。羅宋湯，熱度不錯，質地偏水，幸好茄膏味濃而無辣味，什菜軟腍，加辣椒仔全部消滅。鱸魚塊併牛柳配意粉跟黑椒汁，牛柳 5 成熟，港式餐廳唔敢食 3 成。鋸開窺探一下先，功力都唔錯，邊位 5 成而中間 3 成，滿意。切一小口沾上黑椒汁溫柔地放入口，鬆軟質地未算過份。答一答味道，醃味略咸可接受，合格，食得過。以為會香煎鱸魚添，新鮮即炸熱辣辣，薄薄炸漿香脆鬆化，great job！厚厚的魚肉堅彈而結實，魚味濃濃又香口，每一口都肉汁微滲 juicy。魚味質地都比

久唔久會同老友去適雅餐廳食晚飯睇波,不過成本貴左,租又加左,所以夜晚越黎越唔抵食今日咁岩同阿女去補習,行開依頭,一個人食個下午茶,等阿女放學啦食左個牛扒包配沙津,牛扒煎得幾好味,有D意料之外而且個包皮幾香脆,令到成件事唔同曬,原本以為係CHEAP CHEAP下午茶即刻高貴左好多沙津就普普通通,有D唔夠新鮮,但食完肥膩牛扒包再食一個沙津,個口即訂Fresh好多$68,都算抵食,下次都係下午黎算lu

上水其實也有不小好東西，今天來到適雅餐廳，一家很多年的餐廳對此餐廳上一次的印象，便是小時候跟朋友來看足球，因為是酒吧餐廳，氣氛不錯但食物如何，不太有印象今天一試，炸德國豬手實在不錯不算太多油，但十分香脆，而且非常多肉肉汁也是非常多，而且肉非常滑身飯也是非常軟熟８０多元包餐飲，相當抵吃下次一定會再來