田記魚蛋牛腩專門店 (碧街)

营业中

休息中

香港的魚蛋、牛腩粉麵都很著名，偶然下班後不想煮飯都會去吃一碗，今天來到這間位於油麻地站的田記魚蛋牛腩專門店，在地鐵站a1出口一出來就見到，非常易找！老公點了崩沙牛腩米粉，這間店的崩沙牛腩每日限量，幸好來的時候不是太晚才能吃到，崩沙牛腩肉質不會老，每件都很大片肉厚厚的，崩沙牛腩最上層的脂肪是重點，入口時有肥油但不會很膩，很好吃！我點了牛三寶幼麵，有牛腩、牛筋和牛肚，牛三寶的調味不會很咸，腩汁味道香濃，牛肚爽口，牛筋就是滿滿骨膠厚的質感。油菜點了通菜，是腐乳通菜，$18有滿滿的一碟，通菜新鮮爽口翠綠！

一間主打牛腩嘅麵舖，啲牛腩就一定要好食啦！！田記果然冇令我失望～老細叫咗崩沙腩撈粗，崩沙腩有好多件～炆得好冧，但係絕對唔會覺得膩，腩汁味道好香牛味，但係完全唔覺得鹹或者膻 ～我叫咗牛三寶河粉，牛三寶包括牛肚、牛筋、牛腩～牛筋炆得軟滑香淋，牛肚爽口，全部都係金錢肚（🥰我嘅至愛），我果碗嘅牛腩同老細唔同，我嘅牛腩比較爽口，但係亦都可以做到一咬即爛…呢個就係師傅到家喇！！👍🏻😋食潮式粉麵，佢嘅辣椒醬一定要試！要食渣～唔會太辣，但係好香！！調味料中估唔到會有魚露，配合魚蛋、魚角，我諗應該好好食，下次要試下啦！再嚟一個腐乳通菜，感覺份量比其他粉麵舖比多～飲品叫咗兩支豆漿，感覺亦都唔會太甜～佢嘅粉麵感覺上比較大碗，所以食完一碗都已經好夠飽～舖頭就響地鐵站A1出口，地理位置非常方便，下次經過大家不妨去試下！

本地傳統麵店真係買少見少，耐不耐就好想食。最多呢類型麵店就係油尖旺區，呢日來到油麻地就搵到田記食午餐。牛腩麵店當然要點牛三寶！$58有6種麵底選擇，我點了河粉。河粉超大碗，湯底濃厚，先飲了幾啖確定真材實料熬製。牛三寶有牛腩，牛肚，牛筋。牛腩厚切，口感唔會硬，帶有適當的油脂，鮮味濃郁。牛肚肉質軟又帶點彈脆、鮮嫩、口感綿密。牛筋炆得十分軟糯。另外追加了芥蘭 $18 同荳漿$8總結：大碗，真材實料，牛三寶好食，而且抵食。

油麻地廟街一帶🥢，無論日頭夜晚都好多嘢食😝。無論係附近街坊、出去行街、或者專登去嗰頭遊覽一下😍，都值得嚟呢間舖頭，試下佢嘅大大份嘅港式粉麵🍜。呢度係正地鐵站出口🚇，而且份量真心夠多✌🏻，抵食。.🐮牛筋河粉加紫菜($52)牛筋嘅口感腍身得嚟，但一啲彈牙嘅膠質感覺🫦，而且份量都唔少。加埋紫菜都好夾🌊，紫菜本身嘅鮮香味同埋口感，真係好夾粉麵嘅湯底🍜，同埋河粉。.🐄牛魔王河粉($62)鍾意食牛雜嘅朋友，就可以嗌呢一款😋，因為裏面一次過食勻晒唔同嘅牛雜部位，同樣都係份量超滿足💥。裏面有齊晒牛腸、牛肚、牛膀、牛肺、牛腩、牛筋😍，每款嘅牛味、油脂感都好足🤩。.🌱腐乳通菜($18)份量同樣都好多，而且賣相唔錯🌟。腐乳醬亦都夠濃郁👅，腐乳香味真係好夾通菜嘅口感。

喺油麻地站A1一出就到達嘅港式麵食店，下午茶時間去到依然人流不絕，落完單見到師傅即刻煮，上菜速度快!!!簡簡單單的食一餐，價錢實惠，見到有唔少街坊外賣~最出名係魚蛋同牛腩~魚蛋係用真魚肉，自家製成~舖頭充滿牛肉香!!叫了一碗招牌牛腩河。▫️招牌牛腩河 $45牛腩望落偏瘦唔肥膩，牛腩份量比想像中多~食落⼀啲都唔柴，湯底清清甜甜不油膩，河粉份量多，好夠食。▫️凍奶茶 $8加$8有一杯飲品，完全就是港式奶茶的味道~好飲解膩！

🐂金牌牛腩河粉拼牛肚牛腩汁湯底，啖啖都有牛腩味，牛腩切片上，唔算淋身但幾入味，牛肚淋得黎又有咬口，一格一格超靚牛肚位，有驚喜！河粉麵底超多！好滑身，抵食😆.🐂牛筋雙牛丸同樣係牛腩汁湯底，牛筋份量唔少，煮得好入味，骨膠原滿滿～ 牛丸好juicy~ 會想encore~ 值得一試牛丸😛.🥬腐乳生菜追加$18，腐乳超濃味，生菜唔會煮到淋曬～ 個腐乳醬用黎送飯一定一流🤫.🥬蠔油芥蘭追加$18，芥蘭爽口，唔會苦，算新鮮!

話說喺油麻地一間樓上鋪飲緊酒，由於好早食飯九點幾已經有朋友話肚餓，佢話想叫外賣。可惜我們不是喺深圳，冇美團叫外賣好像始終都有一點唔方便，距離始終隔咗一條深圳行，搜尋網上外賣平台嘅平台冇乜嘢啱食，於是呢度嘅員工就推介左樓下嘅雲吞牛腩麵。佢好型咁講咗一句樓下有人，我諗咗好耐到底佢係有朋友喺度食緊定係佢有員工喺樓下操part-time，定係有人係度食可以唔駛錢。我淨係知道樓下咁近就不如落去試一試。叫了一個牛雜麵，絕對係香港最典型嘅牛雜檔感覺。麵正常發揮，金錢肚好靚，腩同筋都幾好，湯頭濃，加個油菜點湯，一流。我終於明白點解叫樓下有人了。

媽媽突然想去果檔行下同買生果🍎，所以出發前要醫好個肚仔先油麻地睇下有咩食，見到有間傳統既麵店🍜🔸牛魔王河粉 $62🔸秘製牛雜河粉＄45原來牛魔王同秘製牛雜好相似無多左2年餸秘製牛雜有牛腩、牛蒡同牛肚牛魔王同樣都有以上3樣之餘，還有牛腸和牛肺每一件牛雜都吸滿濃濃的腩汁，牛肺好爽口～🔸蠔油芥蘭 $18有生菜、菜心、芥蘭、通菜選擇，媽媽就揀咗芥蘭加左蠔油落去更滋味 🔸凍豆漿 $8轉配奶茶、咖啡 、汽水、豆漿都只係加＄8就有

呢期鍾意食魚蛋粉麵，今晚喺個細仔學嘢，所以就選擇咗係油麻地呢間好多人嘅店，好平喎三十幾四十蚊一碗粉麵，我最鍾意食餃㗎喇❤️💯水餃麵有三粒勁大粒嘅水餃，d麵又彈牙又爽口仲超多麵添， 水餃咬落去啲料勁多皮又薄，有三隻蝦又有碎肉仲有木耳好味到呢 💯💯呢個一定係會我每個星期五返食嘅一個店👍👍👍招牌魚片頭米線 ， 魚片頭米線成碗都係魚片頭點解咁多嘅❤️❤️好爽好彈牙好好味😋米線又係勁多㗎👍👍 小朋友食得好開心😁😁抵食啦40蚊👍👍加八蚊仲有汽水添Woo 加18蚊就一個蠔油生菜大大碟又爽又好味添喎😋😋田記魚蛋牛腩專門店240148地址 ：油麻地碧街45號地下C1號舖

。O小姐。大大碗牛腩河。日常。話說香港要夜繽紛，咁就諗住夜晚過嚟油尖旺睇睇啦，一出地鐵站就肚餓，咁就即刻醫肚先，話晒老人家唔等得要早食飯。一出地鐵站就見到呢一間叫田記嘅牛腩河，見都有好多人幫襯喎，咁應該唔會差得去邊啦！入到去坐低，環境都唔錯嘅，都幾乾淨，侍應阿姐都幾好禮貌（大家去開都應該好明白平時啲姐姐嘅態度係幾咁好先得㗎）😅同靚媽嗌咗兩碗河粉，一個係崩沙牛腩河（聽講係出名嘅），另外我就嗌咗三寶括住牛筋、牛腩、同牛肚），我哋仲加咗紫菜！兩碗河粉好快都嚟到，河粉啱啱好，唔會話太水，至於牛腩方面，我覺得佢哋炆得幾腍，而且都幾入味，同埋都好大碗好優惠，可能係因為地區嘅問題，如果去返啲寫字樓區，應該唔會咁大碗（食極都唔食唔晒）。靚媽嗰碗崩沙牛腩，個味係唔同啲嘅，牛肉肥瘦均勻，如果鍾意食牛嘅話，一定要嗌佢。而我嗰碗三寶呢，牛筋好腍，一咬就溶化，另外牛肚都好易入口，內臟我唔鍾意食，但唯一牛肚係我鍾意食嘅嘢，所以呢一間嘅牛肚係值得可以再翻桌嘅！如果想食龍尾少少嘅話，記得要加佢哋嘅辣椒油，加埋落去，成個味道提升咗🤭食粉麵點可以少咗一杯凍檸茶！靚媽就飲豆漿。好耐冇飲凍檸茶啦🥹另外值得一讚嘅係，佢哋又唔會

唔講唔知，原來製作魚蛋工序繁複，要經過劏魚、去皮拆肉、打漿、按壓、田記魚蛋擁有二十七年魚蛋經驗，天天新鮮製造，不含防腐劑，百分百新鮮黃門鱔+䱛仔魚而製的呢！今日吃過，果然名不虛傳！魚蛋軟滑彈牙脆口，果然食到三種不同層次！外皮香口，內裏彈牙爽口，而且魚味鮮濃，紮實豐富，口感結實彈牙，完全唔似一般魚蛋般鬆軟，魚片同樣岀色，而且魚香味濃，口感獨特，充滿魚肉嘅鮮香！田記魚蛋牛腩專門店240148📍油麻地碧街45號地下C1號舖

田記魚蛋牛腩專門店係抵食美味的地道茶餐廳。餐廳於本地設自家工場，採用100%無添加防腐劑的魚肉，新鮮製作手打魚蛋。除手打魚蛋、崩沙腩亦是鎮店之寶📢仲唔洗加一✨🦐鮮蝦雲吞幼麵(Hk$40): 有5粒皮薄餡靚的鮮蝦雲吞，蝦肉非常飽滿彈牙，蔥粒湯底鮮甜，清淡之選🍜鳳城水餃麵(Hk$40): 有3大粒的鳳城水餃，外皮通透薄滑，內餡豐富有 河蝦肉、豬肉、筍和木耳作為餡料，麵身亦口感爽滑彈牙🥬菜心(Hk$18):這碟油菜爽脆回甘，無渣不發黄🍹凍OT(Hk$8):正宗港式檸檬茶，茶膽濃度夠高，經典清新🍾可樂(Hk$8)：枝裝玻璃樽夠冰涼充氣📍田記魚蛋牛腩專門店 (碧街)油麻地碧街45號地下C1號舖(港鐵油麻地站 A1 出口, 步行約1分鐘)

平時都幾鐘意食粉麵檔，貪佢好食又方便。呢間田記粉麵檔喺正油麻地A1出口，位置好方便～呢間主打魚蛋同牛腩，所以同朋友點咗一碗牛腩米粉同埋一碗魚蛋牛腩河。牛腩米粉同店員講咗要瘦啲牛腩，睇落都ok,冇咩肥膏，即使係瘦腩食落都幾淋，有牛味嘅，唔癡牙，米粉係爽口嘅，大碗，夠飽魚蛋牛腩河自家制手打魚蛋，夠晒爽口彈牙，充滿魚肉嘅鮮香味，加上半肥瘦牛腩😋河粉都夠滑，食完一碗亦非常飽肚，夠晒足料。腩汁芥蘭芥蘭翠綠爽口，加上腩汁，唔錯加$8就有一杯飲品

油麻地地鐵站A1出口一出就見到！呢度既牛腩、牛丸、魚蛋好食，性價比又高❣️🥢牛魔王飯$74成碗牛魔王一大碗，一啲都唔孤寒，滿滿的！想咩都試到嘅話，嗌呢個就啱！有齊牛腩牛筋同牛雜；牛雜有齊牛蒡牛肺牛肚腸。呢度嘅牛腩真係不錯，有牛味，口感軟稔又唔黐牙，比起過海嘅乜記真係好幾條街！牛筋膠質重，有沾嘴感，好正。牛雜都乾淨。底下仲有少少蘿蔔，索曬汁。飯類原來仲送紫菜湯，飲完更加暖笠笠。加18蚊可以要多碟油菜，油菜選擇有生菜/菜心/芥蘭/通菜。

油麻地出地鐵站就見到的麵食檔，過了晚飯時間，依然人流不絕，堂食及外賣的人都多，上菜快速，所以人來人往。魚蛋及牛腩是鎮店的食材之一，值得一試。墨魚丸雙併魚蛋米線 加紫菜：清湯底，較清淡，加了魚露及小店的辣椒油，米線及紫菜吸收了湯汁及辣椒香油，特別惹味。魚蛋是純白魚蛋，非油炸過的，魚肉爽彈，帶鮮味。而另一款墨魚丸較特別，裡面有蔥粒。本身喜歡爽一點的麵條質感。這家店烹調的米線較腍。油菜：粉麵沒有蔬菜，額外加配油菜，健康又飽肚。蔬菜很多選擇，如生菜、芥蘭、通菜、菜心。芥蘭新鮮烚起，依然翠綠，不帶苦澀味。